رواية رحلة إلى عالم الأمومة الفصل الرابع 4 بقلم آية ياسين
رواية رحلة إلى عالم الأمومة الجزء الرابع
رواية رحلة إلى عالم الأمومة البارت الرابع
رواية رحلة إلى عالم الأمومة الحلقة الرابعة
– مامي..عايزة أروح خطوبة صاحبتي.
– صاحبتك مين؟
-….
– آه..تمام هي الخطوبة دي امته؟
– بكرة.
– تمام..ابقي روحي.
– هي قالتلي هاتي مامتك معاك..هي بتحبك أوي.
– هي عارفاني!
– أكيد يا مامي..هتيجي؟
– هشوف كدة.
– تعالي يا مامي عشان خاطري..صاحبتي وحيدة وملهاش غير جدتها اللي عايشة معاها وهي بتعتبرك زي مامتها وهتفرح لو جيتي أوي.
– خلاص هاجي إن شاء الله.
بعد يوم
– مامي..إيه رأيك؟
– امسحي القرف اللي علي وشك ده.
– ليه بس؟
– البنات المحترمات مبيخرجوش من بيتهم وهم حاطين ميك آب عشان حرام وعيب.
– يوووه..كل حاجة حرام وعيب..أنا زهقت البناطيل حرام وصوري ع الفيس عيب والميكب كمان حرام..مالك يا مامي أنت اتغيرتي أوي
– اتغيرت الأحسن..مش عارفة ليه لما الواحدة بتحاول تقرب من ربنا بتبقي معقدة ووحشة..بصي الميك آب هيتشال من علي وشك دلوقتي يا إما مش هتروحي الخطوبة.
– يا مامي..مش هينفع.
– ليه يا حبيبتي..أنت جميلة من غير ميك آب علي فكرة.
– لا..أنا قمحية بحط بودرة عشان تفتح بشرتي.
– أنت لونك قمحي ودي خلقة ربنا المفروض تبقي راضية وفخورة بلونك وبعدين أنت زي القمر مش محتاجة بودرة كدة.
– طب والروج؟
– بلاش روج.
– خلاص مش هحط ميكب آب..بس بجد أنا حلوة من غير الميكب آب؟
– حلوة بس؟ ده أنت زي القمر يا ست البنات.
– الخطوبة كانت حلوة يا مامي.
– آه..بس حاولي تبعدي عن صاحبتك دي.
– ليه يا مامي؟
– حقودة وبتبصلك بقرف ومن تحت لتحت.
– لا طبعا..دي بتحبني أوي.
– محصلش أنت متعرفيش سمعتها بتقول إيه لخطيبها عليك.
– قالت إيه؟
– بتقول إنك شايفة نفسك علي الفاضي و عاملة فيها ستنا الشيخة وبقيتي تلبسي واسع وكبرتي نفسك وكلام وحش تاني بلاش أقوله.
– وهي ليه تقوله كدة؟
– عشان قالها ما شاء الله صاحبتك شكلها محترمة.
– هي بجد بتكرهني وشايفاني معقدة؟
– ربما.
– خلاص هبعد عنها..أنا مصدقة كلامك يا مامي لأنك معلماني من صغري إني مثقش في حد أكتر منك لأنك أكتر حد بيحبني ويخاف عليا وعلي مصلحتي.
– حبيبة مامي..خلاص ابعدي عنها خالص.
– يارب ألاقي صديقة أفضل منها.
– إن شاء الله يا قلب مامي.
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية رحلة إلى عالم الأمومة)
