رواية رب صدفه بالحب نلتقي الفصل الرابع 4 بقلم هدير أيمن
رواية رب صدفه بالحب نلتقي الجزء الرابع
رواية رب صدفه بالحب نلتقي البارت الرابع
رواية رب صدفه بالحب نلتقي الحلقة الرابعة
دخلت اجهز لبسي لأن النهارده هروح لياسمين علشان ابقي معاها لما يقروا الفاتحه ما وليد ابن خالتي ميترفضش بردو !
زمان ياسمين قرأتها ٦مرات لغايه دلوقتي اصلا !
طلعت فستان ستان كحلي لطيف كنت اشتريته للمناسبات وجه وقته
لبسته وعليه خمار بيبي بلو وسمعت صوت هاني بره مع ماما اي ده مالي بتنطط كده ليه !
حطيت زبده كاكاو وكده خلصت الميكب بتاعي حساني فسقت كده خلااااص
جيت اطلع لاقيت هاني وماما بيتكلموا بصوت واطي واول ما طلعت سكتوا !
هدير : امممم بتتأمروا ع اي قفشتكوا
لاقيتهم الاتنين بصولي باستغراب هدير !!!
هدير : اي ده مالكوا ف اي
ماما : لابسه كحلي مش اسمر !
هاني : وخمار بيبي بلو مش اسمر !
هدير : تصدقوا انا غلطانه اني غيرت الاسود حبيب قلبي هروح البسه
هم الاتنين ف نفس واحد : لا لا خلاص
هدير : مبتجوش غير بالتهديد
واتغدينا وطبعا مفيش شغل النهارده
ع السلم :
لاقيت هاني بيقولي استني
هدير : اللاه مفيش شغل !
وليد قطعنا وقال : اخويا ورايح مع اخوه
اتكلمت بفرحه : يلا بيناااا
وركبنا عربيه وليد ووصلنا
دخلت قبلهم وسلمت ع أهل ياسمين الي حافظني اصلا اصلا وبعدين وليد وهاني دخلوا وقعدوا مع والد ياسمين وانا دخلت جوه ف الاوضه معاها
ياسمين كانت زي القمر وقاعده متوتره وبتضحك من الفرحه وكل شويه أااقعدها والاقيها بتتسحب مني وتروح تبص بصه وترجع
هدير : يبنتي اتقللي شويه بقي
ياسمين : هش بقي بلا تقل بلا بتاع انا خلصت ربع وهم لسه مقرأوش الفاتحه خليهم ينجززوا انا ع أخري
كنت ميته ضحك عليها فعلا الحب بيطير العقول بس بيخلي القلوب ترفرف
نادوا علينا علشان نطلع
هدير : يلا نطلع
ياسمين : كتكوت ضعيف الجنااااح
هدير : كنتي عامله فيها جريندايزر من شويه
_ شديتها وطلعنا وقرأنا الفاتحه وهيصنا وبعدين سيبناهم يقعدوا سوا شويه وجيت امشي ف هاني جه معايا واتمشينا لغايه البيت واحنا ف الطريق وليد اتصل أنه روح خلاص
ف هاني قالي يلا نروح ومدينا ووصلنا العمارة ومع اول سلمه :
هدير : اااه البنت ملهاش الا بيتها و…..
هاني قطعها وكمل : وجوزها
وقام ملبسني الدبله ولاقيت العماره كلها زغاريط و لاقينا بلالين بتترمي من فوقنا
ببص لاقيت ياسمين ووليد الي بيحدفوها
هدير : وليد وياسمين ! انتوا بتخططوا من ورايا !
هاني اتكلم بطريقتي : خطه ف منتهي الذكاء مش كده ! سقفيلي يلا
ضحكت عليه وهو بيقلدني وسقفت ولبسته الدبله
طلعنا فوق لاقيت المأذون !
هدير : هي مالها بردت كده ليه انا لسه مخطوبه ع السلم ي ناس كفايه اني عديتهالكوا كده تقوموا تقلبوها جوااااز !
هدير : انتوا عايزين تقلبوني ف الجوازه ولا اي
ماما : يبنتي يلا خليني اكسر الاووله الي جيباها من بدري دي انا مستنيه اللحظه دي علشان اكسرها
هدير : قولتلكوا بتموت فيا مصدقتونيش
_ انا عيله صغيره والله والله ،طب اخد نفسي طيب هاتولي شوكولاته بالبندق وميكس جهينه حساني دايخه
كلهم ف صوت واحد : امضي بسرعه مفيش وقت للتفسير
مضيت وتقريبا كده وقعت ف الفخ ! بس كفايه أنه فخ هاني
لاقيتني بتشال وبتلف فأجاه
هدير : اي الواد الي مشمحترم دددده
هاني : عندك اعتراض ؟
هدير : اه زود مع الميكس جهينه سندوتش شاورما انا كده دوخت خااالص
ماما : سامحني يبني بس خليك فاكر اني حذرتك وانت الي اصريييت
هدير : ي ماما بقاااااا
هاني بضحك : خليها بس تجهز شنطتها وهريحك منها خالص
هدير : ع فين
هاني : طنط حكيتلي انك كان نفسك تسافري للشركه الي بتحلمي بيها وانا من يومها قدمت وكنت مستني اتقبل واتقابلت خلاص وهنسافر بكره الصبح
هدير : يعني انت وماما كنتوا مخبين عني
هاني : وجرت الخطه كما خططنا لهااا
ماما : قولتلك مفيش سفر من غير محرم
_حضنتها جااامد وقولت : ده ي هلا بالمحرم
تمت
“كنت جاري وأصبحت بجواري”❤️
لقراءة الرواية كاملة اضغط على : (رواية رب صدفه بالحب نلتقي)
