رواية رؤيا الفصل الثالث 3 بقلم دينا محمد
رواية رؤيا الجزء الثالث
رواية رؤيا البارت الثالث
رواية رؤيا الحلقة الثالثة
في سياره ندى مبروووووك يا رؤيتي أنا مبسوطه جدًا الحمد لله ربنا أكرمك ولسه كمان لما تحققي حلمك وتعملي معرض كبير يتكلم عنه العالم كله
رؤيا: هههههه مش للدرجادي يانودي، بس تعرفي أنا مبسوطه أوي عمري ما كنت مبسوطه زي انهارده، اخيرا لاقيت حد يقدر شغلي وفني الحمد لله، بجد ربنا ده كريم أوي
ندى: الحمد لله حبيبتي
رؤيا: يالا بقى نروح علشان اجيب لماما الدوا
ندى: يالا حبيبتي
في مكتب عاصي
كان في دوامه من التفكير
معقول الماضي بيعيد نفسه تاني أكيد القدر مش عايز يلعب معايا نفس اللعبه،طيب وأنا ليه بفكر بالطريقه دي هي أصلًا مجرد بنت شاطره ومختلفه عشان كده شدت انتباهي
فعلا هو كده بس بجد هي مبهره برغم اللي هي فيه بس واثقه من نفسها جدًا، وجميله وهي بتحاول تسيطر على فرحتها، إنما وهي متعصبه بقى كانت حاله تانيه مش عارف اوصفها
ايه ياعم عاصي فوق، هي مجرد بنت عاديه بينك وبينها شغل
طرقات علي الباب
اتفضل
عم سعيد : استاذ عاصي انا خلاص قفلت المعرض
عاصي: تمام يا راجل يا طيب،يالا بينا
في منزل رؤيا
رؤيا:ماما ياماما انتي فين ياحبيبتي
الام:أنا هنا يارؤيا
مال صوتك ياست الكل، انتِ كنتي ماسكه صوره بابا الله يرحمه برضو، ادعيله يا أمي
بدعيله يابنتي بس وحشني أوي نفسي أروحله
بعد الشر عليكي يا أمي ،انا مليش غيرك يا حبيبتي
وبعدين احنا قلبناها دراما كده ليه يالا بقى ياست الكل انا جيبت الدواء خديه في مواعيده
ربنا يخليكي ليا حبيبتي وافرح بيكي، يالا انا هقوم احضر الغدا وبعد كده تحكيلي عملتي ايه، شكلك فرحانه الحمد لله
رؤيا: فعلًا الحمد لله ربنا وفقني
في منزل عاصي
مساء الخير يا أمي ،عامله ايه
الحمد لله يا حبيبي، هقوم احضرلك العشا
تسلميلي يا أمي ، فين بابا
انتَ عارف كالعاده قاعد فوق في اوضة عمك ومش راضي يطلع منها
عاصي: تمام يا ست الكل هتعشي وهطلع أشوفه
بيفتكر ذكريات عدى عليها سنين كتير أوي
أسامه عمه الحبيب الذي كان يقرب له في السن وكان بالنسبه له صديقه المقرب وليس عمه فقط
في اسوأ يوم في عمره سمع صوت ابيه وعمه الغاضب
أسامه: أنا مش هتجوز غيرها هي دي الانسانه اللي عايز اكمل معاها حياتي
الاب: تكمل حياتك مع واحده مشلوله انتَ فاهم بتقول ايه، ده مش هيحصل انتَ مش عارف بتعمل في نفسك ايه
أسامه: بعمل ايه، هي فيها ايه لكل ده ممكن أي حد فينا يحصله اللي حصلها في غمضة عين، أنا مش هأخد غير الانسانه اللي اخترها قلبي وعقلي
الأب: أسامه رايح فين اقف انا لسه بكلمك
عاصي: أسامه رايح فين استني نتكلم شويه مع بعض
أسامه: معلش يا عاصي انا عايز اتمشى شويه لوحدي
بعد فتره
الام: عاصي رن على اسامه شوفو أنا قلقانه عليه
عاصي: حاضر يا أمي ،ألو يا أسامه انتَ فين
أيوه يا فندم حضرتك قريب الاستاذ صاحب الموبيل
أيوه مين معايا
البقاء لله وحده الاستاذ عمل حادثه كبيره وانتقل إلى رحمه الله هو دلوقتي في مستشفى…….
نرجع للحاضر
………………………………………………………………………
في الجامعه
ندى : أخيرًا خلصناانهارده كان يوم طويل أوي
رؤيا: فعلًا أنا خلاص مش قادره أقف على رجلي
ندى: استني كده،انتِ عارفه مين اللي جي علينا
رؤيا بإستغراب: مين؟
سمعت صوته وعرفته على الفور، فصوته كان ملازم لها خلال الأيام السابقه في أحلامها، لذلك كانت تتهرب من الذهاب إلى المعرض لكي تعرض عليه التُحف التي سهرت عليها في أيامها السابقه
ارتبكت عند سماع صوته فهي لا تعرف ما الذي اصابها عندما سمعته لأول مره
عاصي: ازيك يا آنسه رؤيا عامله ايه
رؤيابتوتر
الحمد لله،ازي حضرتك
جاء اليوم إلى الجامعة لكي يبحث عنها،يريد ان يراها، فوجهها لا يغيب عن باله منذ رأها أول مره، فقد تخلي عن وقاره،وأحس انه رجع إلى فتره المراهقه مره أخرى، فوجد نفسه يذهب إلى الجامعه داعيا من ربه أن يراها
انتبه على صوت ندى
ازي حضرتك يا أستاذ عاصي، ايه الصدفه الجميله دي
عاصي ينظر إلى رؤيا يحاول ان يحفر ملامحها في ذاكرته
كنت بخلص ورق من الكليه هنا
انتم عاملين ايه، كنت مستنيكي يا رؤيا
رؤياباستغراب: ها
عاصي عاد الي وعيه
قصدي كنت مستنيكي في المعرض علشان أشوف الشغل الجديد خلصتيه ولا لسه
ندى بسرعه:ايوه خلصته وكانت هتكلم حضرتك علشان نشوف ميعاد مناسب
عاصي: ايه رايكم في بكره إن شاء الله
رؤيا: تمام ان شاء الله
ندى: بس للأسف أنا بكره مش فاضيه خالص بكره فرح بنت خالي
رؤيا: ايوه صح أنا كنت ناسيه
عاصي بمكر: بس أنا مش فاضي غير بكره للأسف، ممكن أخد عنوان البيت وهاجي اخدك وبعد كده ارجعك تاني
رؤيا بتوتر: بس مش هينفع
ندى: وفيها ايه يارؤيتي وافقي علشان خاطري يا اما مش هروح الفرح
رؤيا: لا هتروحي الفرح، خلاص أنا موافقه
عاصي: خلاص هعدي عليكي بكره الساعه ٥
رؤيا: تمام ان شاء الله
عاصي: ان شاء الله، يالا السلام عليكم
رؤيا وندى :وعليكم السلام
يتبع……
لقراءة الفصل التالي : اضغط هنا
لقراءة الرواية كاملة اضغط على : (رواية رؤيا)
