رواية ذنب لم اقترفه الفصل الثالث 3 بقلم نور محمود
رواية ذنب لم اقترفه الجزء الثالث
رواية ذنب لم اقترفه البارت الثالث
رواية ذنب لم اقترفه الحلقة الثالثة
حمل احمد المفاتيح و فتح الباب ليقف فجأة ومعالم الصدمة تحتل وجهه
احمد بصدمة: شيرين ؟!!
شيرين ببكاء: الحقني با احمد انا هربت من البيت وجيتلك
احمد بعصبية: انتي اتجننتي ازاي تعملي كدا من غير ما تاخدي رأيي
ليلى: في ايه يا احمد واقف كدا ليه ومين دي
احمد بارتباك: دي…دي شيرين يا ماما
ليلى : ايوا مين يعني
احمد: بصي انت هحكيلك كل حاجة خلينا بس ندخل جوا
ليلى: ادخل وربنا يستر…….ادينا اهو دخلنا احكي بقا مين دي وتعرفها منين
عبدالله (والد احمد): في ايه
احمد: دي شيرين انا وهي اتعرفنا على الفيس انا حبيتها وكنت عايز اروح اتقدملها بس بابا رافض انها تتجوز قبل ما اختها الكبيره تتجوز وهي دي اللي كنت طالب منكم سنه عشان اعرف احل المشكلة دي
عبدالله: كل ده تمام بس بردوا هي بتعمل ايه هنا
شيرين ببكاء مصطنع: انا هربت من بيت اهلي وما كنتش عارفة اروح فين واحمد كان قالي على عنوانه قبل كدا فلاقيتني جاية على هنا
ليلى بصدمة: هربتي؟!!! انتي اتجننتي ؟ ما فكرتيش في اهلك واخواتك لما يعرفوا انك سيبتي البيت ما فكرتيش في ابوكي اللي خليتي راسه في الارض والله انتي لو بنتي لد*فنتك مكانك
شيرين بتمثيل: لو حضرتك مش متقلاني انا ممكن امشي
ليلى: في ستين داهية
حملت شيرين حقيبتها وكادت ان تخرج
عبدالله: استني انتي مش هتمشي من هنا
ليلى: نعععم
عبدالله: زي ما سمعتي هي جت تتحامى فينا وانا مستحيل اسيبها تمشي احمد كلم المأذون عشان تكتب عليها اكيد اهلها هيجوا في اي وقت
شيرين بارتباك: لا اهلي ميعرفوش اني هنا مش لازم يتجوزني انا ممكن اقعد هنا فترة لحد ما اشوف هعمل ايه
احمد بصدمة: هو مش انتي هربانه من اهلك عشاني وادينا اهو هنتجوز
شيرين: ما هو… ماهو المأذون هيطلب وكيل ليا
عبدالله: انا هبقى وكيلك ما تقلقيش الا لو في عندك شروط
ليلى: هي لسه هتتشرط دي تحمد ربنا اننا هنلمها من الفضيحة
عبدالله: وبعدين بقا يا ام احمد
ليلى: لا بعدين ولا قبلين انا مستحيل اوافق على الجوازة مهما حصل
بعد نص ساعة
المأذون: بارك الله لكما وبارك عليكما وجمع بينكما في خير
عبدالله: مبروك يا اولاد
احمد: الله يبارك في حضرتك يا بابا…. هي ماما فين
عبدالله: كانت هنا من شوية
ليلى: انا هنا كنت بجيب عصير
احمد بفرحة لوجودها: تسلم ايدك
عبدالله بصوت منخفض: كنت عارف انك هتيجي
ليلى: مش هقدر ما احضرش كتب كتاب ابني حتى لو مش طايقة عروسته
عبدالله: ربنا يستر من اللي جاي
أحمد: يلا همشي انا اتأخرت على الشغل
عبدالله: شغل ايه يا تبني خد مراتك واطلع شقتك خليها ترتاح شوية دي جايه من سفر
احمد: لا يا بابا شيرين هتفضل هنا معاكم لحد ما تجهز الشقة وتدخلها عروسه بالفستان الابيض
عبدالله: انت حر انا ماليش دعوه
احمد: يلا سلام عليكم
عبدالله :وعليكم السلام
في منزل فرح
عائشة: يا بنتي قومي بقا هتتاخري على الشغل
فرح: خلاص يا ماما صحيت صحيت الله
عائشة: طب يلا يا اختي جهزي نفسك عشان عمر جاي يوصلك استأذن من ابوكي وجاي كمان نص ساعة
فرح: ويوصلني ليه ان شاءالله ما بروح واحدي لااا لو فاكر انه هيعيش جو المخطوبين ده يبقى نفضها من دلوقتي
عائشة: يا ربي عليا وعلى سنيني يا بنتي مش خطيبك ولازم تتعرفوا على بعض اولع في نفسي عشان ترتاحي
فرح : مش هينفع نخرج انا وهو لوحدنا
عائشة وهي تخرج من الغرفة: مش وحدكم هيكون معاكم ادهم اخوكي ويا يلا بقا
فرح : يارب صبرني على العيلة دي بقا
ابدلت ملابسها وادت صلاة الضحى ثم خرجت
فرح: يا مامااااا فين الفطار متأخرة
عمر: و انتي حد قالك تنامي لحد دلوقتي
فرح بكسوف : انت هنا ؟
عمر : لا هناك
فرح: طب خليك في هناك بقا مالكش دعوة باللي بيحصل هنا
عمر: مش مهم ولا كأني سمعت اي شيء.. جهزتي نمشي؟
فرح: لا لسه هفطر
عمر: الساعة تسعة وانتي معادك هناك تمنية ونص وليه هتفطري
فرح: اومال انزل من غير فكار ويغمى عليا بعني هتتبسط لما اقع من طولي
عمر: والله كان زمانك فطرتي بدل الرغي ده
جلست فرح تتناول افطارها بهدوء ثم نزلت لاسفل
عمر: عربيتي هناك اهي
فرح : لا حلوة شكلك غني ومعاك فلوس
عمر: قل اعوذ برب الفلق
فرح: ماتخفش انا مش بحسد انا بقر بس
عمر: اه كدا اتطمنت…. يلا اركبي
جلست فرح في الخلف
عمر: اكونش السواق بتاع الهانم وانا معرفش
فرح: ادهم هيركب جنبك انا مش بحب اركب قدام
عمر: انا ايه اللي عملته في نفسي ده بس
انطلق للمدرسة التي تعمل بها
عودة لمنزلها
عائشة: مالك يا محمود
محمود (والد فرح): مفيش يا ادهم
عائشة: مفيش ازاي هو انا اول مرة اعرفك في ايه
محمود: شيرين بنت حمدي اخويا
عائشة: مالها عملت ايه
محمود: هربت من بيت جوزها ومش عارفين راحت فين
عائشة: يا مصيبتي .. انا طول عمري مش برتاح للبنت دي …هتعملوا ايه دلوقتي
محمود: والله ما عارف ادينا بندور عليها جوزها لقى التليفون بتاعها بيقول هيوديه لحد يعرف يفتحه عشان كانت بتكلم مين يمكن نلاقي حاجة
عائشة: اوعى تجيب سيرة قدام خطيب بنتك
محمود: ما هو كدا كدا هيعرف
عائشة: يمكن نلاقيها
محمود: سيبها على الله
في منزل احمد
عاد من عمله ليجد والديه يجلسون سويا
أحمد: السلام عليكم
اهله: وعليكم السلام ورحمه الله وبركاته
احمد: اومال شيرين فين
عبدالله: جوا نايمة
شيرين: انا صحيت اهو
ليلى بنزق: انا هروح احضر العشا
شيرين: هاجي اساعدك يا طنط
ليلى : لا يا حبيبتي مبحبش حد غريب يدخل مطبخي
عبدالله: معلش شوية بس وهتتقبلك ان شاءالله
شيرين بتمثيل: انا مقدرة موقفها يا عمي انا مهما كان واحدة هربت من بيت جوزها
علا صوت رنين هاتف احمد برقم غريب
احمد: الو السلام عليكم
المتصل:******
احمد بصدمه وغضب : نعععععم
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ذنب لم اقترفه)
