رواية ذنب لم اقترفه الفصل الأول 1 بقلم نور محمود
رواية ذنب لم اقترفه الجزء الأول
رواية ذنب لم اقترفه البارت الأول
رواية ذنب لم اقترفه الحلقة الأولى
تبدأ قصتنا في احدى قرى الصعيد حيث يكون الشرف اغلى ما يملك اي شخص و حيث يدفع كل رجل ثمن خطأه لكن مثل كل الشرق تدفع الفتاة ثمن اخطاء غيرها من بنات العائلة فبطلتنا تدفع ثمن خطأ لم تقترفه ابدا
فرح بطلتنا الجميلة ذات الاعين بلون القهوة والشعر الاسود الغزير ذات شخصية جذابة بمعنى الكلمة تحب المرح وتنشره اينما حلت كانت ايامها مليئة بالسعادة ولكن لن تبقى كذلك والسبب ابنة عمها شيرين التي ستبدأ قصتنا في بيتها
شيرين بصوت مرتفع: يوووه يا محمد قولت جاية …جاية
محمد: انا مش عارف بتدخلي الاوضة كل يوم وتقفلي على نفسك بتعملي ايه
خرجت شيرين أخيراً من الغرفة ويبدوا على وجهها الهزيان: اديني خرجت اهو عايز ايه
محمد: بعد ايه الولد هيموت من كتر العياط
شيرين: وانت مش عارف تسكته يعني
محمد: وانا لو عارف كنت هسيبه زيك
شيرين: محمد بص انا مش فايقة للخناق خالص
محمد: ولا انا فاضي لنقاش انا عارف ان مفيش منه فايدة انا نازل الشغل
نظرت له بلامبالاة فحمل حقيبته وخرج
حملت شيرين ابنها ذو التسعة اشهر تهدهده حتى غفى فحملت هاتفة وطلبت رقم تحفظه عن ظهر قلب
شيرين: وحشتني
احمد: وانتي اكتر يا قلبي عاملة ايه
شيرين بحزن مصطنع: مش كويسه
احمد بقلق: ليه مالك
شيرين: بابا جايبلي عريس وعايز يجوزني
احمد بجزع: ايه انتي مش قولتي انه رافض يجوزك غير لما اختك الكبيرة تتجوز الاول
شيرين بتوتر: ما اختي جالها عريس من يومين و بابا وافق عليه وامبارح جابلي انا كمان عريس وعايز يجوزنا سوا
احمد: طب اديني رقمه اكلمه انا واقوله اني بحبك وعايز اتجوزك وهو اكيد مش هيمانع
شيرين: لا طبعا انتي اتجننت
احمد بغضب: اتجننت اني عايز اجي اخطبك انا مش عارف انتي كل مرة بترفضي اني اكلمه ليه؟ ليه تكوني انتي حلقة الوصل بينا؟
شيرين ببكاء مخادع: عشان عارفة بابا اكتر منك وعارفاه عصبي ازاي انا اخر مرة كلمته في موضوعك كان هيضربني خايفة انك لما تكلمه يتعصب ويحلف ما نتجوز
احمد بهدوء: طب خلاص اهدي انا اسف
شيرين: حصل خير انا مضطرة اقفل عشان بابا شكله وصل
احمد: ماشي سلام بحبك
شيرين: وانا كمان
اغلقت الخط لتجلس على اقرب اريكه تفكر في احمد من اقنعته انها غير متزوجة وانها تحبه حتى يقوم بإرسال لها كل ما تحتاجه من النقود
مر اليوم سريعا حتى عاد محمد من عمله
محمد بصدمة: انتي لسه قاعدة في نفس المكان…. معقولة
شيرين في نفسها(جينا لموشح كل يوم): نعم يا محمد عايز ايه
محمد: عايز زوجة… عايزة واحدة تهتم ببيتي وابني… انتي ايه يا شيخة انا تعبت
شيرين: انا اللي تعبت من حوار كل يوم لو مش عايزيني طلقني ورجعني بيت اهلي
محمد: شيرين انا بحبك بلاش تخلينا نبعد عن بعض انا مش عايز منك غير شوية اهتمام بيا وبالولد والبيت
شيرين بحزن مصطنع: انت اتعصبت عليا
محمد: حقك عليا انا بس اتخانقت النهاردة في المدير وسيبت الشغل
شيرين بصدمة: نععععم يعني ايه سيبت الشغل اومال هنصرف منين
محمد: هدور على شغل تاني وربنا يرزقك
شيرين باستهزاء: حلني بقا على ما تلاقي شغل
محمد: ان شاءالله هلاقي بسرعة
حملت شيرين ابنها ودخلت الغرفة
شيرين: وبعدين ده بيقول ساب الشغل انا مش هقدر اعيش كدا انا بحتاج فلوس كتير كنت بخدها من وراه دلوقتي هتصرف ازاي واحمد هو كمان شكله بدأ يزهق انا لازم اتصرف (ابتسمت بشر ) هو مفيش غير الفكرة دي انا اساسا زهقت من محمد ومن حقي اجدد
اخرجت حقيبة صغيرة وضعت بها بعض الملابس والنقود استعداداً لخطوة لن تؤذيها هي فقط بل ستؤذي كل من يعرفها
ترى اين ستذهب؟؟؟؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ذنب لم اقترفه)
