رواية ذنب بعد الخمسين الفصل الرابع والعشرون 24 بقلم محمد مالك
رواية ذنب بعد الخمسين الجزء الرابع والعشرون
رواية ذنب بعد الخمسين البارت الرابع والعشرون
رواية ذنب بعد الخمسين الحلقة الرابعة والعشرون
ويفتح حماده باب الشقة ليفاجأ ب حسن وحسين شقيقي اعتدال ومعهم نهي ابنتها والغضب يرسم ملامح وجوههما
حسين .. فين اعتدال يابني انت ؟!!
حمادة مرتبك .. اصل اااا ..
حسين يدفعه بقوة ويدخل الي الشقة
حسين .. اوعي من وشي
حسين وحسن ونهي داخل شقة حماده ويشاهدان المأذون والشهود واعتدال تجلس امامهم
حسين .. الله الله الله .. ماذون وشهود .. يبقي كلام بنتك صح !!
حسن .. انتي بتعملي ايه هنا يا اعتدال ؟!! انت فعلا هتتجوزي العيل دا ؟!!
حماده يعترض .. متقلش عيل
حسين بعصبية شديدة .. عيل وستين عيل كمان !! هو انت يابني مش عارف اللي هتتجوزها دي اكبر منك بكام سنه ؟!! وانتي يا ست يا عاقلة ياللي بنتك بقت عروسة وعلي وش جواز !! ايه اللي بتهببيه دا ؟!! انتي عديتي الخمسين وخرفتي ولا أيه ؟!!
اعتدال .. احترم نفسك واتكلم بأدب وقلتلك مليون مره متنساس اني اختك الكبيرة !!
حسين .. اختي الكبيرة اللي عاوزه تفضحنا قدام الناس بعمايل بنات مراهقين !! انتي اكيد اتجننتي ؟!!
حسن .. اتفضل امشي يا عم الشيخ مفيش جواز هيتم خلاص .. وانتوا اتفضلوا امشوا يا حضرات
حماده ..استنوا هنا .. انت بأي حق تتهجموا علي شقتي وتمشوا الماذون والشهود؟!! .. امشوا اطلعوا بره
حسين .. اسكت يابني انت خالص وانا حسابي مع ايوك اللي معرفش يربيك .. وانت لسه واقف ياعم الشيخ ؟!! مش قالك مفيش جواز خلاص !! ما تمشي يلا
المأذون والشهود ينصرفوا
حسن .. وانتي يا اعتدال تعالي معانا
اعتدال .. لا أسفة .. انا مش هتحرك من هنا
حسن .. وانتي هتقعدي هنا بصفتك ايه ؟!!
اعتدال .. انا حره اقعد في المطرح اللي يعجبني ومحدش فيكم ليه عليا كلمه انا مش عيلة صغيره ! انا اختكم الكبيره يا استاذ انت وهو
حسين .. اكسري الشر وتعالي معانا يا اعتدال لأحسن وديني هتصرف تصرف مش هيعجبك
اعتدال .. هتعمل ايه يعني ؟!!
حسين .. هجرك من شعرك بالعافيه !!
اعتدال .. نعم !! طب اعملها يا حسين لو تقدر
حسين .. اقدر ونص كمان
ثم يتوجه نحوها ويحاول ان يمسكها من شعرها فيمنعه حماده من فعل ذلك
حماده ..ابعد ايدك عنها لأحسن اكسرهالك
حسين .. انت تكسر ايدي انا يا حته عيل بشخه !!
حماده .. العيل ابو شخه دا ارجل منك وعمره ما يفكر يمد ايده علي واحدة ست ابدا !! امشي اطلع بره
حسين .. لا انت زودتها اوي .. انت فعلا عاوز تتربي وانا هربيك ..
صفحة محمد خلف صالح
ثم يضربه لكمه علي وجهه فيردها له حماده فتنشب مشاجره عنيفة بين حماده واخوة اعتدال ونهي تعاتب امها بغلظة
نهي .. عاجبك اللي بيحصل دا يا امي ؟!!
اعتدال .. خلاص كفايه هروح معاكم سيبوه
واثناء ما حماده وحسين يتشاجران يلمح حسن العكاز الحديدي الذي يتكأ عليه حماده اثناء المشي فيهرول نحوه مسرعا ويمسك به ويضرب حماده فوق رأسه ضربه قوية تجعل حماده يسقط علي الارض مغشيا عليه غارقا في دماءه وسط ذهول اعتدال ونهي ….؟؟؟!!
الاحداث اشتعلت ولسة اللي جاي تقيل علي اعتدال 🔥
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذنب بعد الخمسين)
