رواية ذكريات الماضي الفصل الثالث 3 بقلم دنيا يسري
رواية ذكريات الماضي الجزء الثالث
رواية ذكريات الماضي البارت الثالث
رواية ذكريات الماضي الحلقة الثالثة
اليوم التالى فى مستشفى ألمانيا
غرفه باللون الابيض بها نافذه كبيره يتوسطها سرير يستلقى عليه شاب فى عمر 18 متصل ب أجهزة تنفس ومتصله أيضا أجهزة كثيره على صدره بجواره لورين تنتظر بلهفه استيقاظه عندما أخبرها الدكتور فى اى لحظه ممكن أن يفوق فهو تخطى مرحله الخطر يبدأ في تحريك أصابعه ويبدأ بالتدريج فى فتح عنيه تنظر إليه لورين وفى عينها دموع لهفه وفرحه
لورين: ادم حبيبي حمدالله على السلامه اخيرا فقت
ينظر إليها آدم ويتذكر ما حدث وعنيه يغلبها الحزن والدموع : لورين
لورين بلهفه ودموع : آدم الحمدلله ربنا كريم وبقيت احسن من الاول استنى ارن على بابا ولوليا هيفرحوا اوووى لما يعرفوا انك فوقت
فى قصر عائله السيوفى
غرفه مراد السيوفى يتحدث فى الهاتف مع زين
مراد: زين انا ساعه كدا وهكون فى الشركه عايزك تجهز اوراق صفقه الوفد علشان اراجعها قبل التوقيع
زين: متقلقش انا مجهز كل حاجه متتاخرش انت يغلق الهاتف وينزل الى الاسفل حيث تتجمع العائله ف اليوم اجازه وحسب قوانين الجده تتجمع العائله معا كل اسبوع
مراد: صباح الخير يا جماعه
الجده بحنيه: صباح النور يا حبيبي لابس ورايح فين كدا انت عارف ان النهارده محدش بيخرج وكله بيكون فى البيت
مراد بلطف: متقلقيش يا جدتى انا عارف بس ورايا صفقه مهمه ولازم اقابل وفد جاى من برا هخلص واجى على طول امال بابا وعمى فين
أسر : بابا وعمى احمد بيلعبوا فى الجنينه برا طاوله كالعاده
ينزل من أعلى نيره ومها وتتحدث مها عن التصاميم ال عايزاه تجيبها تستمع اليها نيره وهى شارده يقتربان من غرفه الجلوس حيث العائله تتجمع بتشوف مراد يتحدث مع جدته تقترب منه بحنيه مراد حبيبي صباح الخير
مراد بجمود : ينظر إلى الساعه انا لازم امشى هتاخر على الاجتماع ويذهب من أمامهم تنظر نيره إلى أثره بحزن ودموع فى عنيها تتقرب منها مها وتضع يديها على كتفها متزعليش نفسك خلى كل حاجه فى وقتها احسن هيروق مع نفسه أهدى كدا تقترب منها الجده وتقوم باحتضان نيره وتبكى نيره شايفه يا ماما بيعاملنى ازاى هو ليه مش قادر ينسى ال حصل ربنا بيسامح وهو لى مش قادر يسامحنى
ينظر أسر إلى عز بحزن على حال اخوهم وابن عمهم مراد وعلى حالة مرات عمهم
فى ألمانيا
يدخل حسين الجارحى وابنته لوليا بلهفه الى الغرفه يقتربان من ادم ويقومان ب احتضانه بلهفه
حسين بلهفه: ادم اخيرا فقت حمدالله على السلامه يا حبيبي
ادم: الله يسلمك يا عمى
حسين بغضب مزيف: اى يا ولد مش قولت ليك تقولى يا بابا ولا اى ولا شكل الغيبوبه أثرت عليك
ادم بضحكه خفيفه: لا طبعا اكيد يشرفنى إن اقولك يا بابا
لوليا بفرحه: اخيرا هرجع اضايق فيك تانى تعرف مكنتش لايقه حد اضربه على قفاه ويقوم الجميع بالضحك اخيرا عاد ادم الى الحياه من جديد وعادت معه سعادة العائله
بعد مرور أسبوع على خروج ادم من المستشفى ومازالت العلاقه متوتره بين مراد وأمه ويحاول كل من أسر وعز من خروج مراد من حالته ويحاول احمد خروج نيرة من حاله الحزن
صباح الجديد على ابطالنا وبدايه لتغير احداث كثيره
قصر عائله الجارحى
تجتمع العائله حول الطاوله لتناول الفطور يتحدث حسين بجديه تستغرب كلا من لوليا ولورين ذلك
حسين بجدية: انا قررت بما إن ادم بقا كويس أن احنا ننزل مصر الشغل فى الشركه محتاج وجودى وانتم عارفين أن عمار ملوش دعوه بشغل الشركه انا حجزت تذاكر وهنمشى بكرا باذن الله
لورين بغضب خفيف : بس يا بابا حضرتك عارف ان مش هقدر انزل بسبب ال حصل وان لسه مش اتعفيت
حسين بطريقه غير قابله للنقاش : انا قررت يا لورين كفايه اوووى كدا وانتى لازم تواجهى ال حصل بطلى هروب
تبدا لورين تتحدث تقاطعها لوليا تمام يا بابا هنجهز حاجتنا بس حضرتك عارف انى مسؤله عن المستشفى هنا ومش سهل امشى كدا
حسين: متقلقيش يا لوليا تقدرى تخلص براحتك وتيجى ورانا بس انا واختك وادم هتنزل بكرا يقوم بالذهاب وينظر ادم الى لورين ويضع يديه على يديها اظن كلام بابا صح ولازم ننزل بقا مش هتفضل حياتنا كلها هنا والحصل عدى وانتهى ولازم تساعد والدك فى شغل الشركه
لورين بغضب : مفيش حاجه انتهت بسبب ال نيره هانم عملته انت كنت فى غيبوبه 10 سنين وكنت هتموت فيها تقوم لوليا بتهدئة اختها خلاص يا لورين أهدى كدا وبعدين بابا وادم معاهم حق لازم نرجع مصر واهو الحمدلله ادم بقا احسن من الاول تتركهم لورين وتذهب إلى غرفتها بغضب ينظر كلا من ادم ولوليا بياس تتحدث لوليا انا همشى يا آدم علشان ابدا اخلص إجراءات سفرى وشغلى سلام وتذهب لوليا إلى المستشفى
غرفه لورين تكون شارده وتتذكر احداث فى الماضى
“” فلاش باك””
منزل فى حى راقى تنادى سيده بشوشه على لورين يلا يا حبيبتي علشان تفطرى قبل لما تروحى الشغل
لورين بحنينه: انا جاهزة يا تيتا ادعى ليا أتوفق فى الشغل دا
الجده بنظره حزن خفيفه : يا حبيبتى هو انا مقصره معاكى فى حاجه لى لازم الشغل يعنى
لورين بلطف: يا تيتا يا حبيبتي هى مش مسألة فلوس بس انا زهقانه مش بعمل حاجه بعد ما خلصت الكليه أهو حاجه تسلى وقتى ونظره حزن كفايه انك اهتماتى بيا ومن بعد الحادثه ال حصلت معايا وبسببها فقدت الذاكره وربتينى لعند ما خلصت الدراسه
الجده بحزن وغضب خفيف: اى الهبل دا يا لورين انتى حفيدتى ومفيش اغلى منك مش كفايه انك اهتمتى بيا بعد موت ابنى ومراته
لورين بمزاحه لتحاول التخفيف عنها خلاص يا قمر انتى هنقلبها نكد ولا اى يلا علشان نفطر سوا علشان مش اتاخر على الشغل وتعالى هروح اصحى ادم ياكل معانا
“” الجده وفاء ست بشوشه طيبه كان ليها ولد وتوفى اثر حادث هو ومراته ليها ابن ابنها الوحيد آدم هى ال اهتمت ب لورين ومن هى عندها 18 لقيتها مره وهى مرميه على الطريق غرقانه فى دمها ومن يومها وهى عايشه معاها “”. تعود من شرودها على صوت خبط الباب
يدخل حسين الى غرفه ابنته لورين يقوم بطرق الباب ادخل
حسين بحنيه يقوم بمسك يد ابنته: انا عارف انك مضايقه بسبب قرارى بس الاكيد لازم تعرفيه إن عاوز مصلحتك
لورين بلطف: عارفه يا حبيبي بس غصب عنى ال حصل مكنش سهل مش كفايه كانوا هيموتوا ادم وانت عارف معزته عندى اى
حسين بحنيه ونظرة حزن: عارف انك بتعتبرى ادم زى اخوكى ويعتبر انتى ال مربياه بس متقلقنيش عليكى انتى عارفه بصعوبة أن اجتمعت بيكى تانى بعد ما فقدتك ومش عايز اخسرك تانى
لورين تقوم باحتضانه متخافيش يا حبيبي انا بخير وبقيت احسن من الاول وال حصل فى الماضى مش هيتكرر تانى انا فى حضنك اهو وحاضر هرجع معاك مصر ونظرة يغلبها الغموض بس هندمهم على كل ال حصل
اليوم التالى فى قصر عائله السيوفى
غرفه مراد السيوفى يستيقظ على رنه فونه
مراد بصوت يغلبه النوم: الو
زين : مراد فوق معايا كدا انا عرفت من رجالتتا إن لورين نازلة مصر وهتوصل كمان ساعه
ينهض مراد ويتحدث بلهفه وفرحه واضحه في صوته بجد يا زين عايز اروح اقابلها فى المطار واعتذر منها وعايز اقول ليها كلام كتير اوي يقاطعه زين مراد لورين مش نست حاجه يا مراد وباين أن مش سهل اوووى تفكر ترجع ليك تانى بعد ال حصل مراد والحزن فى عنيه يتحدث فى نفسه شكل ال حصل فى الماضى بسبب امى هيفضل حاجز بينا ماشى يا زين ونظره التصميم فى عينيه بس برده مش هسيب لورين تضيع منى تانى وانا عارف هعمل معاها اى
اسفه على التاخير بس النت عندى فاصل
دلوقتى عرفنا اى ال بيربط ادم ب لورين
اى هى الحادثه ال حصلت ل لورين وخلتها فاقده الذاكرة ؟
يا ترى لى حسين خايف على لورين ل يفقدها تانى واى ال حصل فى الماضى له علاقه بيها ؟
يا ترى مراد ناوى يعمل اى مع لورين ؟
عارفه أن مش بعمل احداث كتيره ل عز وأسر بس من البارت الجاى فى شخصيات جديده هتدخل الرواية وهيحصل احداث تانيه وهكشف سر انفصال مراد و لورين
يتبع…
لقراءة الفصل التالي : اضغط هنا
الرواية كاملة اضغط على : (رواية ذكريات الماضي)
