رواية ذاكرة للبيع الفصل السادس 6 بقلم رويدا القاضي

رواية ذاكرة للبيع الجزء السادس

رواية ذاكرة للبيع البارت السادس

رواية ذاكرة للبيع الحلقة السادسة

معز: خيره حسيت امك وخوك مش راضيين ع الموضوع …في حاجة بالك انا مضايقهم بحاجة من غير قصد…
ولاء:ماتحط شئ في بالك خوي يزن هكي طبعه اما أمي معترضة ع انه مانبيش عرس ولا حتى حاجة عشاء خفيف ونروح لشقتنا وتمت…
معز:بإستغراب أي بنت رح يكون خاطرها تلبس الأبيض ويزفوها أهلها علاش تخلي في فرحتك ناقصة ولا متحشمة لانه انا بلا أهل….
ولاء:قربت منه وشديت ايديه اسمع عمرك ماتفكر اني رح نتحشم من وجودك في حياتي يوم من الايام انت راجلي وحبيبي لكن الفايدة مش في العرس والدوشة الفايدة في الراحة وانا مرتاحة معاك ….
معز:بست جبينها ربي يحفظك ليا…
ليلى: شن للي هببته انت وبينتك كيف تزوجها بدون علمي انا شن بالزبط …
فوزي: انا مايهمني حد زي ماتهمني راحة بنتي …مش مهم شئ غير انه بنتي تحبه وتبيه…
ليلى: دمرت حياتنا وبتزيد تلحق ع حياة صغارك بغباءك اهو ….ماعندي مانقول غير حسبي الله ونعمه الوكيل فيك..
فوزي: حقيني متت …صغاري نا مسؤول عليهم الراي الأول والأخير ليا نا فهمتي …
ليلى: معناها ماتلومش عليا في الجديد لو درت أي تصرف …
نهلة:نحس في قلبي غام عليا وكأنه في حاجة ثقيلة محطوطة عليه ….ليا أسبوع ع الحال هذا كأنه الموت بتاخدني ….
مفيدة:اسمعي خلي نكلم محمد باش نرفع نعاينك …
نهلة:مافيش داعي انا متأكدة انه شوية هبوط في الضغط هكي ايدير…
انتصار: اسمعي يانهلة لازم تتعلمي تسوقي ..
نهلة:شن شن …من قلكم انا نبي نسوق اصلا
مفيدة:انا نبي نطمن عليك محمد خدمة وباقي الاولاد كل واحد لاهي في حوشه وامك بين تونس وهنيا يعني مافي حد محتاجة غيري وغيرك …
نهلة:مانبيش نسوق معز رافض فكرة اني انسوق وانا مش رح ندير شئ هوا رافضه ….
انتصار: معز معز معز اصحي فيقي من الوهم للي انتي فيه شوفي وجهك في المرايا تعبتي روحك وتعبتي للي معاك انا معاش قادرة نتحمل بالوضع اهو ….نضت روحت …
مفيدة: انا بنموت من تسكير دماغك اهو وتوا نعرف من يتكلم معاك مستحيل تفهميني انا …
طلعت وروحت للحوش اتصلت بمحمد واحكيتله كل شئ صار…
محمد: باهي ياما هاذي انسانة مريضة كيف تبي نتفاهم معاها مش مخليا مجال لحد باش ياخد ويعطي معاها…
مفيدة:ياروح تكلم معاها ياناخد وجهي وربي معاش تلقوني…
محمد:استهدي بالرحمن حاضر نروح نكلمها…
مفيدة:وتصرف ماعنديش بيك علاقة مانقبلش اعذار…
رمزي:شن فيه خيره وجهك انقلب فجأة كنت تضحك ورايق…
محمد: نفس الموضوع ونفس النفخ للي معاش تم لكن انا الليلة ليا تصرف ثاني معاها…
رمزي:تصرف شن ومع من اصلا …
محمد:واضح هو احنا اقدرنا انعيشوا ولا نخدموا قعدشغلنا الشاغل نهلة ونفسيتها التعبانة…
رمزي:شن ناوي ادير…
محمد:مش ناوي ندير شئ نرفعلها الهاتف ونحدفه عليها بالك ترجع لعقلها وتريحنا ….
روحت وانا مليان غل وصلت لحوش معز خبطتت جت تجري فتحت الباب ….
نهلة:محمد شن فيه خيرك …
محمد:ولعي الضئ وتعالي نبي نحكي معاك كلمتين..
نهلة:في البداية استغربت وبعدها جيت قلت نشوف موضوعه شن بالزبط…
محمد:اسمعي يانهلة ليك توا قريب خمسة شهور
عمري ماجيت كلمتك ولافتت عليك مع انه سكوتي مش معناها انا متقبل ولا راضي بالشئ للي قاعد ايصير لنفسك عليك حق راهو….
نهلة:عايشة والحمدلله…
محمد:مع انه مش من حقي نقول الكلام هذا لكن انتي عايشة من قلة الموت وهاذي مش عيشة طلعت الهاتف من جيبي وحطيته قدامها …
نهلة:بدون مانحس هاتف معز هذا هو وين لقيته بديت نبكي…
محمد:مكسر وسط السيارة ومنحي منه الذاكرة الداخلية لتليفون….
نهلة:والمقصد من الكلام هذا شن ….
محمد:اكيد الذاكرة للبيع …. وفهمك كفاية معز مقتول وعمدًا مش مجرد حادث انسيه وابدئ من الصفر….
نهلة:لالا …
محمد:بكل عصبية وغل ضربت ضربت الطاولة كسرتها اسمعي انا لعند توا نسايرفيك السواقه بتتعلميها وسيرة معز قدام امي معاش تفتحيها..
عجبك الكلام هذا اهلا وسهلا ماانت الا بين اهلك وناسك قلتي مش عاجبني توكلي ع الله روحي عند اهلك والقرار ليك غدوا انجئ نسمع رأيك…
احيانا لازم من القسوة باش الانسان ايفيق ويرجع لوعيه …خشت نهلة مكسورة كامدة دموعها مش عارفة كيف تتصرف ولكن مع الفجر اخدت قرار انها توافق ع كل للي قاله محمد مش حب في الحياة ولكن باش تقعد في حوشها…..
يزن:نبي نقولك شئ ولازم تفهميه كويس…
وسن:للي هوا
يزن: نا بعيد ع الماضي للي عشتيه الباين انه نحبك ومكبد عليك..
وسن:بنضرة هزوة الباين قصدك انت مازال مش متأكد من الموضوع…
يزن:ههههه لا لا متأكد وعشرة متأكد…
وسن: حتى انا تغيرت فيا حاجات واجد من وقت للي عرفتك رغم انك لا قلت نحبك ولا في شئ يدل ع انك تحبني…
يزن:ها وشن للي خلاك تتغيري …
وسن:تصدق لو نقولك مش عارفة …
يزن:نصدق لانه للي غيرك غيرني …
ليلى:لازم المهزلة هاذي كله تكمل في أسرع وقت الراجل كيف جبتيه انت شن شيطان ع الأرض …
ولاء:بكل برود وهيا واقفة تتعطر باش بتطلع معاش عنده انتماء غير ليا انا اهله ومرته وكل شئ
واجعك حاله بري قولي للمدللة بنت اختك ولاء تزوجت راجلك للي هيا من الاساس اخداته مني …
ليلى:لحظة كيف اخداته منك…
ولاء:معز كان حبيبي قبل مايكون راجل نهلة وهيا شوهت صورتي قدامه كيف انك منفصلة ع بابا وكيف انه كل واحد عايش حياة خاصة ورسمتله في خياله انه احنا عائلة ماتنفعش ….
ليلى:مصدومة نهلة العاقلة الطيبة يطلع منها كل هذا..
ولاء: ماهي شيطان في ثوب ملائكة اصلا معز ليا انا وبس ….
مشت ولاء للشقة وكان موعد العرس بعد يومين رتبت الأثاث هيا والشغالة ومعز لاهي مع يزن يجهز في نفسه وهيا ترتب خطرت في بالها فكرة
وللي هيا ……