رواية ذاكرة للبيع الفصل الرابع 4 بقلم رويدا القاضي
رواية ذاكرة للبيع الجزء الرابع
رواية ذاكرة للبيع البارت الرابع
رواية ذاكرة للبيع الحلقة الرابعة
ولاء:تقرير الدكتور كان الأمل ليا حسيت انه ربي سخرلي للي صار باش يرجعلي الانسان الوحيد للي حبيته في حياتي معز كان كل شئ في حياتي عمره ماطمع في فلوسي ومع انه لو طلب مش رح نبخل عليه كان يعامل فيا زي مايعامل في اخته الكلام في الليل لا ….الكلام الغلط لا… يعني كان راجل في وقت صاعب تلقى حد يعاملك هكي كان بابا وماما وخوي وكل شئ لعند مادمر كل شئ بينا وطعني في قلبي …..مزلت نتفكر في يوم زفته كان
غزاء عندي لكن كنت مجبورة نشوفه مع غيري ونسكت وانا قلبي يتقطع ألف مرة ماكنتش نقدر
نبين اني ضعيفة قدام حد ……
التقريرانه معز فقد الذاكرة ….قررت انه يكون ليا
ديما وملكي للي نفعني انه اثبات الهوية متعه معاه كنت من زمان نعرف انه كل مايطلع خدمة ع الرأس اوراقه ديما معاه…..
فوزي: ولاء بنتي عدي تريحي مش مجبورة تقعدي معاه وين هله مافيش حد جا نشد عليه…
ولاء: كله بأجره يابابا…
فوزي: نا خايف ليكون فيك شئ اخر المهم هو اموره تمام يقدر يطلع…
نهلة: فات اسبوع مافيش خبر عليه تقول فص ملح وذاب ….لاشرطة عرفت وينه ولا جاني منه اتصال خشيت لداري جمعت حاجاته في صندوق عطره ساعاته النضارات متعه خواتمه الفضة …
كله حولته كنت محتاجة يكون معاي وجنبي اناوللي في بطني ندعي في كل صلاة ربي يرجعه سالم …. كنت نقبله حتى لو كان مشلول اهم حاجة يكون معاي …بعد ساعة سمعت صوت الجرس متع الباب يرن فتحته لقيتها ام معز…
مفيدة: كيف حالك اليوم…
نهلة: زي كل يوم …
مفيدة: اسمعي من الكلمتين اهما يابنتي ماتوقفش الدنيا ع حد وماتستغربيش انه نحكي معاك هكي حاليا ردي بالك من للي في بطنك …
والرأس متع معز رح يخدم عليه رمزي وايجيبلك الفلوس باش تصرفي منهم …..
نهلة: اديري للي يريحك لكن انا مش حوشي هذا مش طالعة….
مفيدة: ولا واحد رح يجبرك تطلعي ….
يزن:الو وسن كيف الحال…
وسن:هلا من معي …
يزن:: نا يزن تفكرتيني…
وسن:ها كيف حالك ان شاء الله تمام…
يزن:بخير وسن نقدر نتلاقى معاك الفترة الجايه…
وسن:ليش…
يزن: مافي شئ كنت نبي نتعرف عليك اكثر…
وسن:عادي ماعندكش مشكلة
يزن:تمام اي مكان يناسبك نا معنديش مشكلة معاك….
ولاء: الحمدلله ع سلامتك…
معز: من أنتِ ؟
ولاء:تعالى نطلعوا ونفهمك كل شئ …
معز:تمام
ولاء: توا بنمشي انا وياك لشقة بتقعد فيها …لين نضم امورنا بعدين…
معز:رغم انه مش فاهم ع شن تتكلمي بالزبط لكن تمام نضمي امورك…
ولاء: وصلت بيه لشقة انزل هاذي شقتك من اليوم…
معز:شدها من يدها وين اهلي …
ولاء:نحكو داخل مش هنيا في الشارع اطلق يدي التاس تشوفلك….
معز:تمام ماتفكريش تتطلعي لين تفهميني…
ولاء: خشينا قعمز معز وانا قدامه اسمعني شن بنحكيلك كويس وافهمني … انت حبيبي وكل شئ في حياتي انت خطيبي وانا كنت بنولي مرتك لين صار الحادث معاك وفقدت الذاكراة معقولة نسيت ولاء حبيبتك ….
معز: وين اهلي ناسي علاش لما فقت مالقيتش غيرك جنبي…
ولاء: انا صاعب عليا الكلام للي بنقوله لكن لازم تسمعه انت يتيم الاب والام وخوتك رافضين فكرة زواجك مني بحكم مدينة وانا مدينة بعيدة عليك هلبا ….لكن انت رفضت تسيبني وتمسكت بحبك ليا لعند وانت تجهز للعرس اتصلت بيا وقتلي في سيارة تلحق فيك …. وبعدها جاني رقم غريب وقلي انك تعبان ملوح في سيارتك بعثلك اسعاف جابك لعندي ….
معز: للي قاهرني مش متفكر شئ من الكلام للي قولتيه توا…
ولاء: معقولة بتخليني انا بلاك نموت انا كنت جنبك وقت الكل خلوك انا ديما كنت ليك اب وام واخ وحبيبة….
معز: شن كنت نخدم مستحيل نقعد حمل عليك وماتزعليش من كلامي واسألتي لكن حطي نفسك في مكاني مش عارف شئ ع حياتي …وع فكرة انا مستحيل نسيبك ولا ننسى وقفتك معاي هيا ايام بس حبيبتي ونرجعوا نكملوا حياتنا….
ولاء:تمام تلبى تليفون فيه رقمي في اي وقت اتصل بيا انا توا بنروح…جيت طالعة…
معز:شد في يدها خليك معاي ماعندي حد غيرك…لمن بتخليني…
ولاء: مستحيل نخليك ولا نبعد عليك انت دنيتي كلها …. وقت كنت #ذاكرة للبيع انا شريت كيف نبيعك توا ارتاح ياقلبي والصبح تلقاني عندك وماتنساش تاخد علاجك ضروري….
ولاء فرحانة لانه قدرت ترجع معز للي حباتها وكانت تتمنى تكون مرته وبينما نهلة كل لحظة تفوت من عمرها وهيا تستنى في راجلها للي مش عارفة شن صار فيه….
بعض الاشخاص تبني سعادتها ع حزن غيرها
عمرك ماتكون أناني حتى لو كان في مشاعرك وللي ربي مش كاتبها ليك مستحيل تقسملك ويلف الزمان ويرجع الحق لاصحابه …..
لعند وين بتوصل ولاء بعنادها وحقدها ….شن بيصير في يزن ووسن
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ذاكرة للبيع)
