رواية ذاكرة للبيع الفصل الخامس 5 بقلم رويدا القاضي
رواية ذاكرة للبيع الجزء الخامس
رواية ذاكرة للبيع البارت الخامس
رواية ذاكرة للبيع الحلقة الخامسة
ولاء بدت علاقتي كل يوم أفضل من يوم أنا ومعز هو دنيتي كلها وأنا كل دنيته ….تفاهمنا الزواج بيكون بعد 4شهور بدأ حياته من الصفر فتحتله كافي ….يزن وسن كل يوم تتطور علاقتهم أكثر وصقر يستنى في اللحظة المناسبة لتنفيذ مخططته أما نهلة 💔💔 صايرلها زي الوردة الدابله….
بعد مرور أربعة أشهر من الحادث …..
مفيدة: اليوم مر أربعة شهور ع غايب معز لادولة عرفت تجيبلي ولدي ميت ولا حي وأنا قدرت ننساه ونعتبره ميت….
نهلة: ولدي اليوم عمره اربعة شهور ونص مازال زيهم وايجئ لدنيا لكن عندي أمل أنه بوه رح يرجع في كل صلاة وانا ساجدة نطلب من ربي يرجعه ليا..
مفيدة: انا اليوم جايتك نبرئ ذمتي قدام الله لو جبتي للي في بطنك ع خير ووصل عمر ولدك سنة
رح نمشي للمحكمة ونقولهم انا ولدي مات وقتها ديري العدة ابدئ حياة جديدة….
نهلة:معقولة انت ام …
مفيدة: لاني ام ونشوف في امك كيف تموت ألف مرة ع خاطرك مش رح نحمل ذنبك في رقبتي ولدي لو مازال عايش مستحيل يفرط فيك ولا في للي في بطنك …. نزلت دموعها بصوت مخنوق
معز الواضح انه مات تقبلي الفكرة هاذي معاش تبكي وتعذبيه بدموعك ادعيله بالرحمة بس لو كنتي تحبيه حق….
نهلة: كلامها كان زي السم ينزل قلبي وعقلي كان رافض فكرة موته مانعرفش علاش كنت كل ليلة
وهما في حياشهم نجهزله في ملابسه وعطره نقول توا يرجع تعبان نعرفه يحب يلقى حاجته واتية باش ايخش يدوش طول ونعيش ع أمل
انه بيوصل ولكن كل يوم نفيق ع خيبة أمل ونلقى نفسي حاضنة ملابسه …. ونشم في عطره…
رمزي: بعد روحنا بسيارة معز مافيش حد فكر يقربها لا أنا ولا خوته في يوم كنت مقعمز انا وخوه محمد ….اسمع شن رايك انوضوا نضفوا سيارة معز…
محمد: شن خطر عليك ع اساس مش انت للي تبدأ تبكي زي المرأة كل مانقول حاجة ع السيارة..
رمزي: توا عرفت علاش معز كان متنمر طلع الموضوع وراثة في العيلة…
محمد: غير لجد شن خاطرها عليك توا…
رمزي: مانبيش تفهم كلامي غلط حرام مرت معز تقعد هكي واضح انه نفسيتها تحت الصفر فكرت نلفوا ع السيارة وهيا اصلا توماتك تسوقها ومنها تتطلع من الوضع للي هيا فيه …. وطبعا الموضوع اولا وأخيرا يرجعلكم انتم….
محمد: أول مرة ياعبيط تشغل دماغك صح خلاص هيا نوض بالك نرفعوها ينظفوها…
طلع محمد ورمزي معها ورفعوا السيارة والعامل ينظف تحت الكراسي طلعلهم الهاتف متع معز المكسر…..
رمزي: هذا هاتف معز …
محمد: قداش احنااغبياء اربعة شهورالسيارة ملوحة قدامنا مافيش يوم فكرنا انه نفتشوا ولا نقربوها ….
رمزي: الواضح انه للي خطفه هوا للي كسرالهاتف هكي بديت ندورانا ومحمد بالك نلقوا حاجة تنفعنا …لكن ولا أي دليل المهم اخدينا الهاتف وكنا نبوا نطلعوا الذاكرة الداخلية باش نركبوها في هاتف ثاني مرات نلقوا أي دليل يوصلنا لخيط يحل الموضوع هذا كله …
صاحب المحل /للأسف مش رح نقدر ننفعكم في شئ الذاكرة واخدينها من الهاتف …
محمد: طلعت بكمية إحباط تكفيني لسنين شفت لرمزي لقيته مولع الدخان واضح انه وضعه مش خير من وضعي اسمع مافيش داعي نحكو انه لقينا الهاتف من الاساس غير مرته تزيد تنهار وامي تمرض وهيا من يوم اختفاء معز صحتها للأسوء….
ليلى: نقدر نخش ولاممنوع ….
فوزي: وعيونه قلوب ليلى تفضلي المكان مكانك.
ليلى:أسفة ع الجيه من غير موعد …لكن نبيك في موضوع ضروري…
فوزي:ها شغلتيني…
ليلى: اسمع ولاء وضعها مش عاجبني متغيرة ومعاش تقعمز معاي خايفة عليها…
فوزي:كنها مافيها كان الخير كل يوم نحق فيها لكن ماقتيلي ها التغير للأفضل أو للأسوء…
ليلى:هوا تبي الحق اللأفضل لبسها استهترها كله تم كأنها انخلقت من جديد لكن نبي نعرف خيرها شن للي غيرها هكي…
فوزي: انت ماجابك من الغرب للشرق كان الحب ..توا في الوقت المناسب تعرفي كل شئ واما ولاء ماتخافيش عليها ديما معي وقدام عيوني…
ليلى: تمام نستأذن انا توا…
فوزي: خليك ليا زمان معاش حكيت معاك…
ليلى: اصلا مافيش بينا كلام…
فوزي: مزلتي بعد السنين هذي كلها ماقدرتيش تنسى وتسامحيني ع للي صار…
ليلى: كل يوم تنفكر في ادق التفاصيل للي صارت يوم لقيتك تخون فيا…
فوزي: وقتها كنت صغير والشيطان شاطر …
ليلى: وانا اليوم كبرت مش ليلى للي قبل 17 سنة مستحيل نسامحك…
فوزي:ليش تنكري انت مزلتي تحبيني…
ليلى: حتى لو مازال نحبك لكن مستحيل نرجعلك…
وسن:احيانا القدر ايغير مساره ويغيرنا معاه يزن مش الإنسان السيئ للي رسمه صقر في بالي بلعكس انسان حن الدنيا فيه وفترة أربعة شهور
ماشفت منه كان كل خير…
حنان: كيف يعني نفهم من كلامك هضا انك حبيتيه ولا كيف…
وسن:ها تبي الحق ايه حبيته وللي يقول فيه صقر كله كذب وحقد لانه ربي عطى يزن المال وصقر محروم مع انه يزن مش مقصر معاه لكن الانسان بطبعه طماع واناني …
حنان: ياعيني ع الحب والمشاعر وانت ياست وسن ايش ايخليك تصدقي كلام يزن وادفاعي عليه.
وسن: اسمعي بالعقل صقر يعرف يزن من سبع سنوات فاتن ونا عرفت صقر من سنة كيف يفكر ايبيع صاحبه وعشرة اسنين …
حنان: مش سبب ايخليك اتشكي في صقر… وبعدين ماتنسيش انه وقت كنتي محتاجة من يوقف معاك صقر دبرلك في حوش وسيارة وعمل…
وسن:صدقيني لو اتجيه الفرصة المناسبة انه ايبيعنا مش رح يتأخر ولا لحظة وبعدين الحوش والسيارة نا دفعت ثمنهم غاااالي وانت تعرفي…
حنان: معاش شئ في الوقت هضا ببلاش …
وسن:نا نقول مدام عاجبك الاخ صقر خليك وراه وتوا تحقي وين توصلي معاه…. للي ايعيش حياته في الوسخ مش رح يعرف الدنيا الا لما يكون في حياته شخص نظيف….
حنان:قصدك بالنظيف يزن خلك وراه توا ينفعك…
وسن :اقلها مش رح ايضرني بكل …..
معز:وينك شن صار معاك مع بوك …
ولاء: ترا قول شن قال مش رح تصدق …
معز: بالله عليك لو خبر عافن راك تقوليه نفسيتي مش متحمله ….
ولاء: وانا الابتسامة ع وجهي بابا واااافق عليك وغدوا نجهزو كل شئ التحاليل باش نقرؤ الفاتحة…
معز:احلى خبر نسمعه ربي يكملنا ع خير… ويجعلك من قسمي…
ولاء: ابسط كلمات من معز نحس في نفسي مالكة الدنيا كلها كلمتها رغم قلتها كان تلامس قلبي كنت نعرف انه انسان مايعرفش ايعبر ع مشاعره حتى لو كان ايحب فيه صلابة وقوة شخصية تخليه
يحتفظ بالكلام في قلبه لكن افعاله هي للي تحكي ع للي يعجز عليه لسانه….
مر ثلاثة أيام وجاء اليوم للي قريت فيه الفاتحة وليت مرته حسيته حلم مش واقع …نعرف اني انانيه وحرمته من مدينته واهله وناسه لكن من يوم عرفته هوا بالنسبه ليا الوطن والمدينة والانتماء الأول والأخير ….
فوزي: لازم الليلة نتعشوا كلنا مع بعض انا وامك ويزن ومعز….
ولاء: خفت امي تجمع ملامح معز وتتفكره شن بنقول وقتها …. لكن إصرار بابا ماخلاش مجال لرفض وخصوصا بعد موافقة معز….
وجاء الوقت للي تجمعنا فيه كلنا وقلهم بابا ع موضوع الفاتحة….
يزن: ها نا نتوقع منك كل شئ الا هاذي كيف صار وامتا ونا عليش اخر من نعلم….
ليلى:نجمع في الملامح وتفكرت هذاك اليوم للي شفته وعرفته راجل نهلة ….انصدمت لما عرفت انه فاقد الذاكرة ولاء تعالي نبيك شويه ع جنب …
فوزي:كنه الكلام ماينقالش هنا…
ليلى:انت كلامي معاك مش توا…رفعتها في ركن بروحنا …انت شن طينتك بالزبط شن هذا للي تهببي فيه …
ولاء:معز يشوفلنا …ارجعي توا وتصرفي قدامه طبيعي غدوا نفهمك……
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ذاكرة للبيع)
