رواية ذاكرة للبيع الفصل الثامن 8 بقلم رويدا القاضي
رواية ذاكرة للبيع الجزء الثامن
رواية ذاكرة للبيع البارت الثامن
رواية ذاكرة للبيع الحلقة الثامنة
بدا صقر يخطط ويستنى في اللحظة المناسبة باش يسدد الضربة المناسبة لي يزن ….
حنان:درتي كيف ماقلك هو ولا كيف صار معاك ..
وسن:انت بعقلك تبي نعض اليد للي انمدتلي ..مستحيل اندير هكي…
وسن قررت تبعد ع الطريق الغلط وتكافي الشخص للي اعطيها الثقة المعاملة للي يستحقها….
وسن:الو يزن لازم نشوفك نبي نحكي معاك في موضوع ضروري…
يزن:تم شوي اخرى نتلاقوا …
وسن:وصل يزن وقمعزت معاه وقررت نصارحه بكل شئ ….يزن نا يعلم الله بمحبتك وانه حياتي تغيرت من وقت دخلتها ولكن في امور يلزم نوضحها باش نكونوا ع بينه من الاول …
يزن:كنك شغلتيني…
وسن:نا اول ماشفتك وعرفتك كاين كله مخطط من صاحبك صقر..
يزن:من الصدمة قاعد مش قادر نستوعب الكلام للي قاعد ينقال….
وسن:لكن بالله عليك اسمعني للاخر وبعدها قرر
انت ايش للي يساعدك …صقر بعثني ليك وكان
يبي ايضيعك وايخليك تتعاطى غصب وكان مخطط يخطفك ….وبعدها يطلب عليك فدية وكان يبيني انا نستدرجك…
يزن:بس لو نفهم ليش عمري ماقصرت معاه ولا حق مني تصرف غلط …وقت يحتاج نكون نا الاول جنبه ….
وسن:لكن يعلم الله اني حبيتك وعمري مافكرت نغدر بيك وع فكرة باتي مش مطلق امي نا هربت
من حوش هلي بعد اغتصبني ولد عمي …ومعاش
قدرت نشوف للي ضالمني قدامي ونا ساكته ومظلومة…..
يزن:شن جبرك تكذبي عليا …نبي نفهم ..
وسن:خفت نخسرك ونا ماصدقت لقيتك…سامحني لو كذبت او خيبت ظنك فيا….
عديت وخليته مقمعز …ونا في قلبي نقول يارب يقلي نا مازال نحبك ونبيك ونا طالعة حسيت بيده شدتني باحتث لاورا ….فرحت حسيت بأنه حق حبني…
يزن:نا مزلت نبيك ومصمم عليك اكثر من قبل ونريد تكوني مرتي وحلالي….
وسن:حتى بعد للي عرفته مزلت تبيني…
يزن:وصدقك هضا للي خلاني مصمم عليك…
عند نهلة محمد انا شميت عطر معز انا متأكدة محمد لازم تسمعني وتفهمني…
محمد:يشوف بإستغراب ولو شميتيه العطر للي يستخدمه معز مش شرط انه مايستخدماش حد ثاني…
نهلة:في حاجة نبي نتأكد منها ارجوك مش رح يساعدني غيرك…
محمد:تعرفي انا قاعد نرتب في الكلام في دماغي نساعدك في شن هبلتي ع خاطر شميتي عطره
قررتي انك شديتي رأس خيط بتهبلي راك بجديات وانا كنت نتوقع انك بعد مابديتي تسوقي تفتح مخك راك تفكري اديري مشاكل مع حد ع خاطر شوية أوهام مش موجودة غير في عقلك….
نهلة:تخيب ضني الانسان للي كنت متوقعة انه بيوقف معاي جاء ضدي….
وسن:روحت لحنان فرحانة وانا نحس في نفسي مالكة الدنيا كلها قررت نقولها ونفرحها …واول ماحكيتلها….
حنان: اه وين بنعيشوا لو يسمع صقر رح يقتلنا في مكانه…
وسن:خودي ملابسك وبس وبنغيروا الشقة يزن اعطاني شقة …نقعدوا فيها لين نتزوجوا …وبعدها تعيشي معاي..
حنان:ظاهريا فرحانة ….واما فعليا حاقدة عليها خدت حنان حاجتهاوطلعت…
يزن: الو صقر ..
صقر:هايامان كيف الحال..
يزن:لا حال ولاغيره تمت اللعبة كش ملك كله عرفته وراك تفكر تلعب معي تعرف انه بكلمة من باتي تصبح وراء الشمس مش محتاج نفكرك وانا توا بنعدي نفتح فيك باش لو ايطيح عليا ريشة
انت المسؤول قانونا….
صقر:كيف تصدق وحدة فاسدة وتكذب رفيقك …
يزن:لأنك انت الفاسد وكذاب وحقود توا طير كل شئ اعطيته رح نخده منك ….
وصل يزن للحوش وكانت ليلى ووسن مقعمزين في الصالة …
يزن:يما نبي ندوي معاك في موضوع ضروري..
ليلى:ها هات شن عندك كان فلوس برا خود من بوك وريحني….
يزن:نبي نتزوج…
ولاء:بجد تحكي من هيا ومن اهلها …اكيد ناس
مهمة صح…
يزن:لا ناس عاديين جدا…
ليلى:باهي حدد موعد مع اهلها ونمشوانشوفها انا وأختك…
يزن:هي مسيبه هلها وعايشة مع وحدة صديقتها
وتميت نحكيلها في قصة وسن كلها…
ليلى:لا هكي هلبا بجد وحدة واخدتلي واحد بلا ذاكرة وتصرف عليه والثاني بيجيبلي وحدة تسكن بروحها شن انتم وين تفكيركم هبلتوا صح انساه
الموضوع …
يزن:الحمدلله باتي موجود ….ومش محتاج مواقفة حد…
بعد خمسة شهور ونصف ….
انتصار ومفيدة مع نهلة ألف مبارك …يتربى في عزنا والحمدلله ع سلامتك…
نهلة:كنت في خاطري نتمنى بوه معانا لكن ع اعتراض ع حكم الله سميت ولدي معز زي بوه وربي يحفظه من كل مكروه رجعت حياتي طبيعة عوضني ولدي ع غياب بوه هلبااااا…حاجات كانت ناقصة كملت لكن ماكنتش نعرف انه بوجود ولدي كان الامل للي نستنى فيه من شهور….
معز:خاطري في بيبي لينا توا ستة شهور متزوجين لازم نمشوا لدكتورة …
ولاء:حاضر غدوا نمشوا بإذن الله حتى انا نبي صغار…
معز:امتا فرح يزن…
ولاء: نهاية الاسبوع الجاي لكن ماما تبكي من وقت قرأ الفاتحة مش راضية ع الموضوع بكل…
معز:عادي هيا حياته وهو للي بيعيش معاها والصح انه هو للي يختار مش حد ثاني توا تتعود عليها مع الوقت زي ماتعودت عليا…
ولاء: انت بروحك ماتقارن نفسك بحد….ولاء بزواجها من معز كانت تتوقع انه خلاص ملكت
مفاتيح السعادة لكن ماتعرفش انه الحارم حارم
ومصيره الحق يرجع لأصحابه….
حنان:توا نبعثلك كل البيانات…
صقر:تم بينا هاتف …
ولاء بعد التحاليل طلع عندها اكياس ع المبيض …ولكن كذبت ع معز وقتله وضعي طبيعي شوية فيثامينات وتمشي الامور…
وسن: حنان طالع الأبيض مش مصدقة نفسي نحس في روحي نحلم مش واقع…
حنان:تستاهلي كل خير ربي يباركلك
وسن:الفال ليك ياقلبي نزفك عروسة لحوش راجلك …
حنان:وانت حية ياقلبي وسن بنقولك …
وسن:نعم
حنان:سامحيني ع كل شئ ….غلط درته معاك مرات معاش نتلاقو…
وسن:اللطف كنك نا بنتزوج مش بنتكفن …
حنان:بري راجلك يستنى فيك
مشت وسن ….وكانت اخر خطوات تمشيها في حياتها…وهيا ماشية وتضحك ويزن ماد يده يستنى فيها في لحظات …بعد مسكت يده سمع صوت طلقة كان يحسابه الشباب للي معاه لين طاحت في حضنه… وبكلمات متقاطعة وكانت اخر كلمات يسمعها يزن منها ….راني حبيتك راك تنساني ….ومتت وسن ومات فرح يزن معاها…
معز:نشوف في العباية البيضاء متع الفيلو ولت تتلون باللون الأحمر…قربت نجري انا واخته…
يزن:فيقي افتحي عيونك انا وعدتك بنعوظك ع كل
شئ انحرمتي منه…مازال مامليتش منك مازال فرحتي ناقصة وسن …تبصري ..صح ..
ولاء: ودموعها ينزلوا ع خوها …البقاء لله يايزن
اطلقها خلاص واضح انها ماتت…
معز: العياط والدوشة وصوت السيارات والرصاص حسيت بموقف مار عليا قبل …مع صداع في راسي تفكرت صوت …سيارة …لكن وين وامتا ماقدرتش نربط الأحداث مجرد صور …وبس.
بعد ثلاثة شهور من للي صار
ليلى: يزن نوض سلم ولدي كان بتاكل معانا…
يزن:مش خاطري في شئ…
ليلى:لعند امتا بتقعد هكي من الجامع للحوش صلاة ودارك بس …نبيك ترجع يزن الأول …
يزن:اما يزن للي يشرب ويسهر الحمدلله موت وسن فيقني خلاني نعرف انه الدنيا فانيه وفي أي
لحظة تسمع فلان مات باش بنقابل ربي كيف بنتحاسب….طلعت ليلى وخلاته وفي نفس اليوم
كانت ولاء عندهم في الحوش…
وهما جالسين في الصالة يحكو ع معز وليلى تقنع فيها انها تصارحه انه عنده ولد …وولاء كالعادة رافضة الموضوع …لكن القدر جاب يزن وسمع الكلام كله بالصدفه وعرف القصة كاملة…
حسب نفسه من غير ماتحس ليلى وولاء اخد تليفونه واتصل بمعز …
يزن:الو السلام عليكم
معز:الحمدلله كيف حالك انت شن اخبارك
يزن:بخير معز قتلك جهز نفسك نبي نا وانت مكان ومافيش داعي تحكي لولاء عليه وجيب معاك جواز السفر متعك …
معز: شكلك مداير مصيبه …فوت عليا نستنى فيك ولما اختك ادير العار انت تحمل المسؤولية
ماعنديش علاقة…
يزن:مريت خديته وقبل مانوصله كلمت خالتي انتصار وحكيتلها كل شئ وهيا قتلي تعالى وانا نستنى فيك …الطريق كلها وهو ساكت كأنه يراجع في الامكان في دماغه قتله ابعث لي ولاء رسالة قولها طالع للبر مع يزن نبو ثلاثة أيام….
وفعلا في الاول اتصلت وهزبتني وبعد عرفتنا بعدنا رضت بالأمر الواقع ….
ولاء:ربي يستر معز مش متعود يطلع بدون علمي هكي ابصر ولدك لشن مخطط ربي يسلم..
ليلى:علاش الخوف هذا كله قعمزي يومين ثلاثة وتلقيه قدامك…
ولاء:قلبي مش مطمن بكل مش عارفة علاش وخصوصا انه يزن دماغه ربع ماهناش زاد كملت
بموت وسن…
بعد 30 ساعة متواصلة في الطريق
انتصار:الو وينك يايزن وين وصلت….ولا مازال..
يزن:مسافة نصف ساعة ونكون عندك..ياخالتي..
معز:عندكم اقارب هنيا في الغرب قصدك…
يزن:خوالي من الغرب …
معز: المكان كانه شايفه قبل …مش غريب عليا..
يزن:شوية وتفهم سبب جيتنا كلها وصلت لحوش خوالي نزلت لقيت خالتي انتصار تستنى فيا شافتله هذا هوا صح ياخالتي …من الصدمة طاحت وبدت تبكي هوا هوا معز راجل نهلة نحسابوه مات …
يزن:اركبي معاي وارفعيني حوشه…ركبت خالتي ومعز الطريق كلها يقولها ملامحك مألوفة عند متأكد من اني شايفك…وكل مايحاول يتفكر يرجع الصداع يشتت افكاره…
يزن: انزل يامعز هذا حوشك وهدوما اهلك وداخل الحوش مرتك وولدك…
معز:مرتي خليتها في الشرق من مرتي ماعنديش
حد هنيا …في لحظات جت مفيدة ومحمد ورمزي ….
نهلة:مستحيل معز قتلك يامحمد شميت عطره
كذبتني …وانت ياعمتي نقولك متأكده انه بيرجع مستحيل يخليني هوا وعدني…
ماكنتش نتوقع انه يزن هوا للي بيطلع الحق ويردلي فرحتي وحياتي في البداية كنت مستغربة من تصرف ولاء لكن لما جاء رمزي حكى قصة معز وولاء كاملة….
يزن بريت دمتي قدام ربي كيف نحرم اب من ولده ومرته ع خاطر سعادة مزيفة…. مجرد ماعرفت ولاء انهارات ونفسيتها تحطمت باتي كان مصدوم
من تصرفها للي دارته وكيف خططت ودبرت للموضوع كله… بعد شهرين معز وضعه تحسن
وبعث لي ولاء ورقة طلاقها… طبعا للي صار معاها
خليها تخش في حالة اكتئاب امي وباتي رجعوا للبعض……
في يوم كنت قاعد جنب قبر وسن زي العادة جاني تليفون من ولد صاحبي قالي انهم لقو صقر وحنان مصفينهم في سيارتهم ….قربت من قبرها
ربي اخدلك حقك…شديت تليفوني وصاحبي ع الخط نعرف انه الكلاب رح تاكل بعضها كنت نستنى في اليوم هذا بفارغ الصبر….
حب ولاء وعملتها السوداء واااقع ليلى وفوزي وطلاقهم للي ضيع اطفالهم خيال وكانت للإستفادة فقط اما وسن وموتها ويزن واقع احيانا
ايفيق ضمير شخص باش ينهي معاناة شخص أخر
افهموا مابنيا ع باطل فهو باطل وكل شئ ايجئ غصب إلا حبني ياابن آدم المحبة بخوث ونصيب
مش اختياري شخصي ….
النهاية
لقراءة الرواية كاملة اضغط على : (رواية ذاكرة للبيع)
