رواية ذاكرة للبيع الفصل الأول 1 بقلم رويدا القاضي
رواية ذاكرة للبيع الجزء الأول
رواية ذاكرة للبيع البارت الأول
رواية ذاكرة للبيع الحلقة الأولى
ولاء:اسمع اطلب مني أي شئ نقبله الا حكاية انسي للي بيني وبينك اعتبريه ماضي وتم ….
معز:لو للي كان بينا يهمك حق راهو عرفتي تحافظي عليه يما نصحتك وقتلك الطريق هاذي غلط البسي مستور كثرت الشباب للي في حياتك
هذا زميل وهذا صديق احنا في مجتمع يازوجك او خوك او بوك او ابنك غير العلاقات هاذي مع أي شاب غلط…..
ولاء: الكلام للي عندي قولته انت خنتني مع بنت خالتي كيف قدرت اديرها وتاخدها معناها من الاول كنت تكذب وتضحك عليا ….
معز:خديتها لانها هيا المرأة للي لما نطلع نخدم ونسافر نكون مطمن عليها مش نخاف نغيب عليها دقايق زيك نفكرك بأصحابي للي كلمتيهم
نفكرك كم مرة لقيتك انتظار ومشغول بعقلك تبي نكمل معاك بالطريقة هاذي ….اسمعي ياولاء يعلم الله انه حبيتك وحاولت نحافظ عليك قدر
المستطاع لكن انت بغرورك وخفت عقلك انهيتي
كل شئ اليوم نبي ننصحك بس راك اديري للي درتيه فيا مع الشخص للي بتكملي معاه حياتك …
واما بالنسبة لمرتي نحبها ومستحيل نسمحلك دمري حياتنا بحقدك وغيرتك الزايدة…
ولاء:هذا اخر كلام عندك انت يامعز…
معز:هههه شن خشيتي ع صيغة التهديد…
ولاء: ياتكون ليا ياماتكونش بكل….وانت تعرفني كويس….
معز:توكلي ع الله وللي يطلع معاك ديريه…
ولاء م95 مدللة امها بوها منفصل ت امها عايشة في عائلة قانونهم كل شخص وليه حياته يعني تخايلوا بنت ولد والام اخر اهتمامها صغارها شن ايديرو وين يمشوا من وين ايجو ….اهم شئ منظرها وشكلها امام الطبقة المخملية… للي تلمع في صورتها في عيونهم من اسنين….
ليلى: اسمعي الاسبوع الحاي جهزي روحك بنمشو لحوش نهلة …
ولاء:شن المناسبة..
ليلى:من غير مناسبة بنت اختي واشتقتلها وساد بعيدة ع اهلي …نشوفهم في الشهرين مرة ع خاطركم…
يزن: معليشي أمي انت ماقدرتيش ترجعي لمدينتك لانه باتي مغرقنا بالفلوس هنا اما مدينتك مش رح تلقي العز للي هنا…
ليلى: تكلم كويس وقتلك فكنا منها اللكنة هاذي…
يزن:باتي هضا كلامه ساد بنتك نسختك في الكلام
والتفكير …بتعدي معاها انت …
ولاء: اكيد ماعندي ماندير بوجهك للي ايجيب الهم والغم…
معز:خيرك الباين عليك فرحانه بزيادة صايرة حاجة مع مرتي حبيبتي تخليها مبسوطة هكي..
نهلة: كلمتني خالتي ليلى جاية هيا وولاء قداش اشتقتلها …. وتوا لما تلاقني حامل متأكدة رح تفرحلي هلباااا
معز: كمدتها شن بنقولها كيف بنصراحها انه أول مرة شفتها فيها كانت مع ولاء …
نخاف نقولها الحق نخسرها وانا ماصدقت لقيتها
رجعت بيا الذاكرة لاربعة اسنين فاتوا لما قتلي ولاء انها جت لل….. ولما طلعت وراها باش نشوفها شفت البنت المنقبة المحتشمة للي معاها نستنى في وجود ولاء كيف قعدت نتبع فيهم لحوشها باش عرفته كيف قعدت نستدرج
في ولاء باش نعرف معلومات عليها ….
معقولة نكون غالط في الشئ للي درته ….لا مش غالط هاذي الانسان للي تستاهل تكون ام لصغاري كيف بنشوف ولاء بعد السنين هاذي ….
نهلة: معز معز ليا ربع ساعة نكلم وين سرحت فاش تفكر…
معز: سامحيني كان عندي حسبة في الشغل نفكر فيها….
نهلة:قداش مرة بنقولك الخدمة مستحيل تكمل
خلي تفكيرك فيها برا الحوش…
معز: حاضر عندك الحق ….
وفاتت الايام ووصلت ليلى ولاء لحوش اخوالها…
انتصار: اهلا باختي الغالية والغزالة بنتها والله كبرتي ياولاء وليتي مرأة…
ولاء:بنضرة قرف لحوش خوالها …تسلمي ماما نبو نقعدوا في فندق ارجوك…
انتصار:نزلت راسها وحست بكسرة الخاطر لانها عرفت انه بنت اختها المتكبرة مش عاجبها المكان ….
ليلى: لافندق ولا غيره بلا دلع بنقعدوا هنيا مع خالتك….
ولاء: علاش جايبتني معاك ….ياريتني قعدت مع يزن افضل…
خشيت لدار للي كنت نقعد فيها لما انجئ عند خوالي كل مكان فيها يفكر فيا بموقف مع معز هذا المكان للي كنت نرقد فيه وهنيا كانت ترقد الخاينة نهلة…خسرتك قبل لكن مستحيل نخسرك توا …. كل تفكير ولاء كيف ترجع حبيبها للي ضاع منها من اسنين ….
في حوش ليلى
يزن:ها الليلة شرب لعند الصبح جيب معاك الشباب وتعال الحوش فاضي ونا بروحي…
صقر:تم ياغالي تبي نجيب معي بنت ولا.لا كالعادة..
يزن: ادير رايك بتجيب للي تشرب معانا تمام جو صبايا امسخ انت تعرفي ماليش فيه…
صقر: اعتبره حصل….
يزن كان صاحب كيف لكن مازال محدود في الشرب ومايعرفش انه صاحبه صقر بيخرب حياته كلها…..
ولاء:فقت الصبح ع صوت دوشة امي وخالتي تقول الحوش فيه قبيلة ….
انتصار: صباح الورد نوضي افطري معانا الظهر بنمشوا نتغدوا عند نهلة…
ولاء: بضحكة خبث صباحك عسل ياخالتوااا
قربت اللحظة للي نستنى فيها من اسنين بعد مافطرنا لبسنا وطلعنا حطيت العطر للي كان معز يحب ريحته وصلنا حوش معز….وانا ندرس في السياررة في خاطري…شغل دماغه راهو عايش في قصر بابا مستحيل يبخل ع بنته بحاجة لكن للي يبدل الألماس بالحجارة هكي ايصيرله ….
خشت امي وخالتي وانا كيف نازاله من السيارة شفته في القراج متعه بيطلع بسيارته جيته نجري…
معز: شن جايتني اهلبتي انت ولا شن…
ولاء: قربت منه معقولة مش مرايف ع حبيبتك …
معز:حولي لنرتكب فيك جريمة حطي عقلك في رأسك انا راجل متزوج…
ولاء:وقفت بينه وبين الباب وجهي في وجه الشرع
محلل أربعة….
معز: وانت أخر وحدة نفكر تكون مرتي وتحمل اسمي…
ولاء: تمام ماصار شئ كل شئ كان بينا مسجل ومصور عندي خلي نخش نوريه لمرتك حبيبة قلبك ونشوفوا رأيها في الموضوع…جيت بنمشي شدني من يدي اسمعي….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ذاكرة للبيع)
