رواية ذات الوجهين الفصل السادس 6 بقلم منة محمد
رواية ذات الوجهين البارت السادس
رواية ذات الوجهين الجزء السادس
رواية ذات الوجهين الحلقة السادسة
محمد دخل لقاها واقفه قدام المرايا وبتتمكيج بصلها و قالها: ياريت تجهزي نفسك عشان هنرجع لندن في خلال يومين
ذات بصتله عكس المرايا: انا قررت افضل هنا ومش راجعه معاك لندن تاني
محمد اتنهد بضيق: ليه الهانم قررت مترجعش
ذات بصتله : لان هنا اجمل بكتير والكل في خدمتي مش زي هناك لازم اعمل كل حاجه بنفسي
محمد: بس انا لازم ارجع عشان الشغل
ذات بصتله بكل غرور: خلاص استقيل انت قلت بنفسك عندك هنا شركتك وماشيه كويس والشقه هناك عقدها قرب ينتهي خلاص سلمها لصاحبها وخليك هنا جنب ابوك حتي بدل ما تبقي موظف عند الاجانب
محمد حط ايده الاتنين في وسطه وبته*كم: انا لو قبلت ابقي موظف عشان اتعلم نظام شغلهم عشان يا هانم اطبقه هنا واتطور شغلي
ذات بعناد:وانت لو اصريت انك ترجع فرجع لوحدك متعملتش حسابي
محمد بأمروهو بيشاورلها بأيده: وانت رجلك قبل رجلي
ذات وقفت بن*فعال:بقولك ايه انا اصلا مزاجي زي الزفت وهروح اعمل مساج واخرج وسيبهالك
محمد مسك دراعها :رايحه فين عندك امك
ذات: لاء رايحه لياسمين شغلها_وشددت ايدها منه ومشت_ ركبت عربيتها ودخلت الاذاعه شافتها حنان وهي بتسال الحارس عن ياسمين
حنان قربت عليها: لو بتسألي عن ياسمين هي مش فاضيه حاليا
ذات بصت في ساعتها بزهق: انا بقالي عشر دقايق هنا وعايزه اشوفها
حنان بهدوء: ايوه بس هي ع الراديو استني كمان شويه من فضلك
ذات قلبت عيونها بض*جر وطنشتها وجريت تمد ع جوه حنان جريت وراها ومسكتها: انتي لا يمكن تدخلي جوه
ذات راحت فتحت الباب بكل حده وزاحتها من طريقها
حنان بنفعال :بقولك اقفي عندك ميصحش كدا اتفضلي اخرجي حالا
ذات بغرور:انتي عارفه انا ابقي مين
حنان ربعت ايدها قدام صدرها وبرفعه حاجب: تبقي مين؟؟!!
ذات: لو قلتلك بس اسمي واسم عايلتي هتترعشي
حنان ابتسمت بستهزاء:انا فعلا بترعش بس مش خوف منك ولا من عشره زيك اخرجي ولا هطلبلك الامن
ذات زعقتلها: لو عندك الجرئه اعمليها
المعد كتم الصوت ولف وقام بغ*ضب: انتي هتخرجي ولا تحبي تدخلي غرفه الانعاش
ذات زقته بكل قوتها وقع ع الكرسي: ابعد عن وشي
المعد قام بسرعه مسكها من وسطها وحنان مسكت ايدها وذات بتعافر تدخل تقتحم الغرفه ع ياسمين ,,ياسمين انهت بسرعه الاتصال وخرجت بسؤال: ذات فيه ايه
ذات جريت عليها ومثلت دور الضحيه: فيه ان البهوات بيمنعوني اشوفك
ياسمين بصتلهم وحاولت تعالج الوضع من تصرفاتها: انا بعتذرلكم ياجماعه ذات صديقتي
حنان: صديقتك تقوم تتهجم ع المكان وعلينا
ذات كسرت عيونها ومثلت الخجل: اسفه بس ياسمين كانت وحشاني
هبه بجديه: والشوق ليها ميخلكيش تستني لما تخلص شغلها ع الهواء ده شغل مش نادي
ذات كتمت غيظها: سوري كنت مخنوقه ومحتاجه اتكلم معاها
ياسمين :هبه انا كمان بعتذر للكل بالنيابه عنها
هبه ع مضض: تمام حصل خير ياياسمين (وبصت لذات بوش خشب) واتمني ميتكررش الموقف ده تاني لان لو حصل هاخد منك موقف انتي مش هتتحمليه_قامت وقفت )عن اذنكم
ذات : ايه العجرفه والوق*احه دي
ياسمين بنظرات لوم وعتاب: هبه مش وق*حه انتي الغلطانه
ذات زمت شفايفها بستياء: غلطانه عشان كنت محتاجه اشوفك وهما منعوني
ياسمين: منعوكي تقومي تتهجمي عليهم
ذات بعجرفه: متحملتش اسلوبهم وحبيت اعرفهم انا ابقي مين
ياسمين بزهق: ذات كفايه من فضلك هبه رئيستي في الشغل وهي بنت لطيفه ومش قليله الذوق وكلهم هنا كدا
ذات كشرت فيها: خلاص هي لطيفه وانا الي قليله الذوق ياطيبه
ياسمين: تعالي نتكلم في الكافتريا
ذات قعدت و ابتسمتلها: ع فكره جبتلك معايا هديه
ياسمين ابتسمت لما ذات حطت علبه مخمليه قدامها وبهزار: ياتري هتكون ايه _خرجتها_ واو شنطه بس شكلها غاليه اوي انتي لسه ايدك مخرومه
ذات حركت شعرها بدلال: يا حبيبتي الفلوس اتخلقت نصرفها مش نكنزها ونحوشها
ياسمين بنصيحه: ايوه نصرف بس لازم نعمل حساب الزمن
ذات عقدت حواجبها: انتي قديمه اوي
ياسمين ضحكت: المهم كمان يومين كتب كتابي انا ونور
ذات بدئت الاستفزاز من غيرتها: واو طبعا هتعملوا الفرح في فندق فايف ستارز
ياسمين مبتسمه بسعاده: لاء خالص ده فرح بسيط جدا بالليل حنه وتاني يوم الصبح هيصه بنات وع المغرب الفرح الي هيبقي في الجنينه عند نور
ذات: وليه حصل فجاه وبسرعه كدا(وبصوت عالي مقصود) انتي حامل
ياسمين التفتت حواليها ووشها احمر جدا وبنرفزه: ذات انتي مجنونه انا ونور علاقتنا في منتهي الاحترام ولا يمكن نغضب ربنا ابدا
ذات ضحكت: انا كنت بهزر
ياسمين : بس هزار تقيل وسئيل
ذات بحقد وبصوت اعلي: طبعا طول عمرك ملتزمه ومش هتسمح لحد يلمسها بسهوله
ياسمين بضيق: ذات ممكن توطي صوتك ولا عايزه الكل يسمع كلامك
ذات بعدم اهتمام: محدش له عندنا حاجه طز
في نفس اللحظه دخل نور قرب علي تربيزه زمايل ياسمين الي في اول المدخل
نور قرب عليهم ببتسامه:السلامو عليكم
الزملاء: وعليكم السلام ازيك يا عريس
نور بسعاده محفوره ع ملامحه: الحمد لله بس مسحول وانتم هنا بتاكلوا
حنان: اتفضل كل معانا
نور: مش لما اعرف الاول انتم بتاكلوا ايه
هبه: بسكوت وعصير هيكون ايه مثلا بس خد بالك كتر من الجاتوه انا بعشقه
نور ضحك: عيوني حاضر
هبه: عايزينه بالشكولاته وكتير
نور: عيوني علشان زمايل ياسمينا بس هي فين ليه مش قاعده معاكم
حنان: لانها قاعده ع التربيزه الي ورانا ع طول
هبه: صحبتها جات تشوفها
نور لف واول ما شافها قفل ملامحه واتحولت لاع*صار وبدء يقرب منهم
ذات: بس عارفه انت ونور لايقين اوي ع بعض بتحبوا الشقا والشغل وتقدري تساعديه لحد ما يبني نفسه اما انا كان جوازي من محمد قرار مناسب ليا اكتر
ياسمين بعدم فهم: ازاي يعني
ذات: لان
محمد غني فأنا مش محتاجه اشتغل ومهما روحت واشتريت ميقوليش حاجه ابدا انا عليا اصرف ومحمد عليه يدفع
نور هنا قرب لكن سمع كلامها خلاه وقف مكانه!!!!
ياسمين رفعت عيونها وشافت نور الي وشه اتغير
ذات: محمد اتولد غني حتي مش محتاج يشتغل هو بس يحرك ايده يتمطع لكن لو كنت اخترت نور عمره ماكان هيحققلي واحد ع عشره من الي محمد قدمهولي
نور اتنهد وبصوت مغلول: ياسمين
ذات وشها اتاخد ولفت عليه بسرعه من الصدمه!!
نور: يله نمشي لان كمان ساعه عندي اجتماع في الشركه مهم
ياسمين وقفت واخدت الشنطه: حاضر
ذات ضحكتلهم: رايحين فين
نور بصلها ولف وشه الناحيه التانيه
ياسمين: رايحين نتصور عشان قسيمه كتب الكتاب
ذات بصتله بسهوكه: مبروك يانور
نور رد بقتضاب: متشكر
ذات: انا جبتلك برفن من لندن ليك كهديه _مسكت العلبه وحطتها في ايده)
نور رجعلها وفتح ايدها وحطهالها فيها : بس ده غالي اوي واسف برفضه
ذات بصوت عالي يسمعه الكل: انت بس خده ده البرفن الي انت بتحبه ده انا اشتريته عشانك ياسمين كشرت وزمايلها كلهم قاعدين مستغربين الوضع والكلام
نور بكل جرح في قلبه منها رد عليها: بس انا مش هاخد منك الي انت عايزه تدهولي(حطه في ايدها بحده) ياسمين نمشي مش عايز اهلك يستنونا كتير_ومد قبلها_
ياسمين ابتسمت غصب عنها لانها شايفه حاله نور قالت بسرعه : حاضر جايه ذات انا ماشيه اشوفك بعدين
ذات بخبث: استني يا ياسمين مفيش ضمه حضن لصاحبتك اصلي نسيت احضنك بسبب الخناقه مع زمايلك(فتحت دراعتها) يله حضن كبير
ياسمين: استني احط الشنط الاول
ذات: يله ضميني ( ضمتها جامد وغفلتها وحطت علبه البرفن في علبه هديتها)
نور شافها وضغط ع شفايفه
ياسمين خرجت من حضنها: شكرا يا ذات ع الحضن وشكرا عشان الهديه ونتقابل في الفرح
ذات: طبعا مبروك
ياسمين اخدت الشنط ورحتله: يله بينا
نور سحب منها شنطه الهديه وطلع علبه البرفن وبصلها: راجعلك حالا
ياسمين واقفه مستغربه العلبه دخلت شنطتها ازاي
نور رحلها بعصبية وبقمه الغ*ضب : خدي الي حطتيه
ذات: ليه دي كلها ازازه برفان خدها وخلاص ليه غاوي تخلق مشاكل
نور ضغط ع اسنانه: انا فعلا بخلق مشاكل مع الناس الي رافض اتعامل معاهم (وبتحذير) ومتحاوليش تاني لاني مش هاخد منك حاجه
ذات: لسه شايل مني بس ده فات عليه وقت طويل
نور لف بضهره وبصلها من فوق كتافه بقس*وه
ذات: عارفه اني جرحتك بس دلوقت كلنا كبرنا ونضجنا وانا عندي زوج وانت كلها يومين وهتتجوز صاحبتي خلاص ياريت تخرج الماضي وحاول تنساه
نور بصلها بتهكم وبصوت جامد: انا نسيت كل حاجه نستها فعلا ومش عايز حتي افتكره وايوه كلنا نضجنا وكبرنا فبلاش ترجعي للمعيله لان ده في حد ذاته اسمه جنون
ذات عيونها طاير منها ش*رار لوصفه المهين ليها
نور لف عشان يتحرك ويمشي شاف ياسمين الي واقفه بعيد ومش عارفه فيه ايه ما بينهم!!!
نور لفلها تاني وقرب منها: وبشكرك انك اتجوزتي من راجل تاني عشان الفلوس لان ده خلاني اتمكن وارتبط بأجمل انسانه في الدنيا وهي ياسمينا
نور خلص كلامه وراح مد بخطواته ومسك ايد ياسمين يسحبها معاه: يله يا بينا احنا يا ياسمين
ذات من حرقتها وغيرتها رمت علبه البرفان علارض عملت صوت قوي اتفزع الكل عليه وهي اخدت شنطتها وخرجت وراهم
نور خرج بيشد ياسمين الي بتعافر معاه تفهم هو فيه ايه وقالت له: قلت لك ايه ذات خلاك تتنرفز كدا
نور: انا مش متنرفز بس انا بكرهها وممكن منتكلمش عنها لان سيرتها بتعكر مزاجي يله نلحق مشورنا
وراح ركب العربيه وياسمين بقله حيله راحت ركبت جنبه
ذات طلعت وراهم واتخبت وري شجره ولنفسها: راكب عربيه احدث موديل ما يما اتحايلت عليك تشتريها وانت متعلق بالموتسكل زي العيال لكن اشترتها لما هتتجوز ياسمين لكن انا وراكم والزمن طويل والي نفسه اطول يتحمل يا نور
……..قصص منه محمد كاتب………
ذات واقفه مع مصممه اللازياء الراقيه بتلبسها فوستان فوشيا استايل واحدث موديل وقالت بفرحه: اخيرا خلصنا الحداد وهلبس الملون واستعد لفرح ياسمين
الخياطه: بجد الفستان جميل جدا عليكي بس كدا هتبقي اجمل من العروسه
ذات بغرور وكبر: وانا اعملها ايه لو كنت اجمل واحلي منها
محمد دخل بعيون حمر كاسات دم ودخل ووشه عليه تعبيرات الحزن الشديد
ذات بصتله في انعكاس المرايا: فيه ايه يا محمد
محمد شاور للمصممه تخرج وقال: اتصلوا بيا في البيت بابا جتله ازمه قلبيه وملحقش يوصل للمستفي في الوقت المناسب ومات
ذات شهقت بصوت عالي: ايه مات
محمد بكا بنحيب: ايوه مات (بصلها) منتظر منها تجري عليه تاخده في حضنها تواسيه تمسح دموعه تقوله كلمتين يطيبه خاطره لكن الرد الي سمعه منها صدمه
ذات أأعدت: ده انا لسه خالعه الاسود اقوم هرجعله تاني
محمد بصلها بستغراب وبصوت مبحوح من كتر العياط:ده بدل ما تواسيني
ذات قامت بهجوم : اوسيك ولا اواسي نفسي ده انا بقالي مده طويله لابسه الاسود وما صدقت عدت ايام الحداد والنهارده بس لبست ملون وكنت رايحه الكوافير مع ياسمين تقولي البسي الاسود تاني
محمد بعصبيه: انتي معندكيش دم ابويا مات مات مات وانتي همك الفستان ده بدل ما تواسيني تاخديني جوه حضنك
ذات :انا مش همي الفستان ابوك مات وزعلت عليه بس مش لازم انهار انا كمان بابي مات وعيطت بس اتقبلت الامر
محمد: ده كل الاحساس الي عندك للموت والفراق
ذات :ايوه ده كل الاحساس ليه عايزني اعمل مناحه واحضنك ونعيط سوي
محمد بصلها مصدوم من اسلوبها واتك ع فكه وعيونه جمره نار
ذات بنرفزه عليه : احنا مش اطفال الموت والمرض امر طبيعي بيحصل في حياتنا كل يوم
محمد اتألم جامد من الاستهزاء بوجعه وبقهر :انا مش عارف ارد حتي ع كلامك
ذات :بس انا هرد حاضر هلبس اسود عشان بس الجنازه لكن بالليل هلبس الملون تمام لاني رايحه الكوافير مع ياسمين
محمد قعد بنكسار ونزل راسه للارض وسكت تماما ونزلت دموعه
في مطعم جنب البيوتي سنتر
ذات :ها محتاجه مساعده في اي حاجه
ياسمين ببتسامه: لاء ده كتب كتاب وكدا ع الضيق
ذات: بعكسي انا ومحمد ضيوفنا كانوا كتير وكنت تعبانه جدا بس فعلا حفله صغيره كدا احسن حاجه والمهر هيكتبلك كام وانتي موافقه
ياسمين: معرفش لان الامور دي سبتها لبابا وطبعا مش هيبقي اد مهرك انتي متقلقيش
ذات :انا بسال مش عشان اقارن انا بس عايزه اعرف لو كان نور مقدر صديقتي الوحيده ولا لاء
ياسمين: لاء اطمني نور مقدرني جدا بقولك ايه ما تجيبي جوزك يحضر كتب الكتاب
ذات :معرفش ان كان هيقدر يجي ولا لاء اصل ابوه مات
ياسمين بفزع :ايه مات امتي
ذات: النهارده الصبح قبل ما اجيلك
ياسمين وقفت بحماس:وسيباه وجيالي يا ذات يله قومي نروحله واقفي معاه وانا معاكي
ذات باصرار: اقعدي هو عنده فلوس كتير يقدر يجيب ناس تنظمله اللامور دي
ياسمين: لو عنده جيوش هو في الوقت ده محتاجلك انتي تكوني جنبه تطيبه خاطره
ذات نفخت بملل: ياسمين انتي وراكي مكياج وشعر ومش فاضيه تبصي وراكي وانا بصراحه زهقت من الحزن وياستي هروح العزاء بالليل وخلاص يله نشرب حاجه ع ما يجي ميعاد دخولك
ياسمين بصتلها بدهشه وذات ضحكتلها وشاورت للمتر يقرب منهم!!!!!
……..ذات قصص منه محمد كاتب………
في الفيلا في غرفه المكتب
محمد واقف بوش محتقن: احنا كل الي نملكه 5% من حجز الغرف مش انت برضو ياكامل الي قولت لي هجبلك زباين من الدرجه الاولي فين ولا هو كلام والسلام
كامل وشه في الارض: انا اسف يا محمد بيه بس الشغل واقف والاسعار في الطالع لكن اكيد هيرجعولنا
محمد حدف الاوراق علارض بغل: وانا مش هستني انا كلمتي واحده والي عيزه يحصل اتفضل روح جهزلي خطه تسويق جديده واعرضها عليا باسرع وقت ممكن عايز مبيعات شركتي توصل لـ 50% في خلال شهر _صرخ فيه_يله اتحرك ولا بقعدتك دي الشقق هتتابع
كامل قام من قدامه برتباك: حاضر يا فندم
محمد مسح وشه بعصبيه: نرمين
الشغاله جاتله بسرعه: نعم يا محمد بيه اؤمرني
محمد: ذات جات
الشغاله برتباك: هي مخرجتش اصلا
محمد: مخرجتش امال هي فين
الشغاله :هي هي
محمد زع*قلها: متنطقي هي فين
الشغاله: هي فوق بتعمل سونا
محد راحلها وفتح الباب عليها: مش المفروض تقفي معايا لحد ما اعدي المحنه الي انا فيها
ذات اتعدلت وبصتله: انا مش بحب اخرج في الشمس واضطر ليومين اعمل كريمات للبشره
محمد :يعني وقوفك معايا في اصعب حالتي هيضر بشرتك لكن لما بتتنقعي في الشمس الصبح ده مبيضرش بشرتك
ذات: لان شمس الصبح قبل الساعه تمانيه كلها فيتامينات بتقوي العضم وبالتالي بتخليك تحس بهرمون السعاده
محمد بسخريه ممزوجه بقهره: وفيتاميناتك هتلاقي بيها لقمه العيش
ذات نفخت بزهق: من الاخر انت عايز مني ايه
محمد بحده: انتي الي عايزه ايه طلبتي مني اسيب لندن واتفرغ لشركه ابويا ونفذت كلامك بس انتي فين
ذات: عاوزني اعملك ايه
محمد: طلبت ومنفذتيش قولتلك روحي بدري اتكلمي مع الزباين وساعديني يا شيخه حتي حللي اللقمه الي بتاكليها بس انتي هنا بتعملي سونا
ذات بتحدي: انا مراتك اتجوزتك عشان اكون مراتك مش عشان ابقي موظفه ابعلك شقق وانت عارف انا مش بحب اشتغل ولا حتي بفكر
محمد بحده وضغط على ايدها : ياشيخه حرام عليكي حرررام
ذات: انت الي حرام عليك عكرت مزاجي انت كدا غاوي تعكنن عليا وتقفلني من اول النهار انسان مزعج
ذات ضربته بكتفها: اتحرك من قدامي
محمد مسك درعها وضغط عليه بغل: انا مزعج كل كلمه بقولهالك بتزعجك
ذات بتحدي: ايوه
محمد بت*هديد صريح: عشان كدا اخلقي فلوس واملي الفيزا الي بتشتري بيها اللبس والفساتين والمجوهرات الي بالملايين لو فعلا بتنزعجي ومش عايزه تسمعيني هاتي مصروفك وشيلي نفسك لاني قرفت منك
ذات :محمد انا عمر ما بابي ولا مامي جرحوني كدا فبلاش تطلع فشلك عليا اظن قبل ما تتجوزني كنت عارف طبعي وكان بيعجبك واصريت تتجوزني بس لما بتفشل تفضل تزعق فيا
(سابته وخرجت)
محمد اتنهد : يارتني ما شوفتك ولا حبيتك
وخرج قعد في الصالون بيفرك جبينه بتعب الخساير عماله تزيد من يوم ابوه ما مات الشغل اتدهور لقاها نازله لابسه فستان اصفر عريان رفع عيونه وسألها: رايحه فين؟؟!
ذات بعدم اكترث: هعمل شوبنج
محمد قام بنرفزه: هو انتي مفيش فهم انا مش لسه قايلك وضعي المالي في النازل
ذات ببرود: خلاص خاليه في الطالع ليه تتعصب عليا هي العصبيه هتخالي الوضع احسن( بستهزاء) يله لف وارجع لشغلك
محمد اتك ع اسنانه وراح شد صورتهم مع بعض وحدفها وراها اتكسرت نزلت اشلاء علي الارض
ذات لفت بصتله بحقد كبيروبصت للسكرتيره الي جايله وقالت لها بكل بروده اعصاب: اهتمي بجوزي
السكرتيره ماهي: محمد بيه جبتلك بدله عشان ميتنج بالليل
محمد فرك شعره ونفخ بزهق من تعاملها معاه بالشكل البارد ده
ماهي: محمد بيه فيه مشكله
محمد مسح وشه بغ*يظ: ايوه بس مش هتقدري تساعديني بحلها
ماهي بصت ع الصوره المت*كسره: عارفه ان عندك مشاكل بس لو اقدر اعمل اي حاجه عشان تبقي احسن مستعده بس قولي ايه هي
محمد بصلها وسكت لانه مش بيحب حد يدخل في حياته الشخصيه
ماهي غيرت الحوار: اخترتلك بدله بكل لوزمها وصعب تلبسها بنفسك بس ممكن اساعدك انا شاطره اوي وهخلص بسرعه
محمد بقتضاب: ملوش داعي اقدر البسها بنفسي _ شدها منها _ومتشكر
……..قصص منه محمد كاتب………
ذات راحت لشقه امها سلمت عليها بكل اهمال وراحت وقفت قدام المرايا وطلعت علبه قطيفه وفتحتها وخرجت منها كوليه شيك وفخم جدا وندهت ع الشغاله تساعدها في رفع شعرها لبست العقد وفضلت تتامله ع رقبتها : ها جميل الكوليه يا مامي اشتريته النهارده وهلبسه في كتب كتاب ياسمين
جيهان بصوت تعبان: هو كتب كتابها النهارده؟
ذات مدت شفايفها: ايوه وعملينه في الجنينه عندها ورغم انه هيبقي عادي لكن بنوتك مش ممكن تروح كدا عادي لازم ابقي ملفته وكل الانظار عليا
جيهان سعلت بألم: مش كنتي بتشتكي بأن محمد بيتخانق ع تبذيرك ولسه بتشتري مجوهرات
ذات :عشان استفزه لانه دايما يشتكي مني كل ما اشتري اكتر يلزم حدوده ومايفتحش بؤه
جيهان بتعب: ولو رفض يدفعلك الفاتوره هتعملي ايه
ذات: لو مدفعش ادفعي انتي من فلوس بيع الفيلا وهو مش غالي ده بسبعين الف بس
جيهان مسكت قلبها: اتمني محمد يدفع حقه لان لو رفض هيبقي مبلغ تقيل عليا
ذات بتتأمل نفسها في المرايا وتلف شمال وترجع تلف يمين!!!!
جيهان قامت بصعوبه وحكمت جريت عليها وسألتها: رايحه فين
جيهان بصعوبه: عايزه ادخل الحمام
حكمت سندت جيهان لكن ذات ندهت عليها: حكمت تعالي ارفعيلي شعري عايزه اشوف الكوليه وهو مضايقني
حكمت بعد ما وقفت شويه مع ذات رجعت تطمن ع جيهان وسألتها بقلق: انتي كويسه
جيهان ماسكه قلبها وسانده ع الحوض: بحاول حكمت روحي بلغي ذات الحقيقه ان مبقاش حيلتي حاجه وترجع الطقم للجواهرجي
حكمت :حاضر هقولها بس لما تخلصي
جيهان: لاء اخرجي وقوللها وانا هغسل وشي وهخرج تاني
حكمت هزت لها دماغها بحاضر وخرجت وجيهان عيطت بحرقه ومره واحده نفسها راح ووقعت علارض
حكمت طلعت تجري: جيهان هانم ذات تعالي شوفي امك مالها
ذات جريت وقعدت ع ركبه ونص وتهز فيها بفزع: مامي اتصلوا بالاسعاف بسرعه
حكمت قامت تتطلب الاسعاف
ذات: مامي مالها يا حكمت
حكمت بتوتر: معرفش بس بقالها يومين بتدوخ ومش بتقدر تمشي لوحدها
ذات عقدت حواجبها: ازاي يعني
جات الاسعاف واخدوه جيهان وعملولها اسعافات اوليه بتنفس صناعي واخدوها لغرفه عشان التحاليل والفصحوصات للحاله!!
ذات اغلقت الباب وبسؤال : عايزه اعرف حالا مامي مالها وليه وقعت كدا
حكمت: هي بقالها فتره بتشتكي من دوخه ووجع في قلبها وشكلي اهملت فيها
ذات: كويس انك معترفه بغلطك خالي بالك منها وابعتي فاتوره المستشفي ع محمد ولو حصل اي حاجه اتصلي بيا
حكمت: هو انتي مش هتفضلي معاها
ذات: وانتي هنا بتعملي ايه وانا ورايا كتب كتاب صاحبتي وبعدين فيه ممرضات ودكاتره اكيد هيعدوا عليها وبدل ما تشتكي المفروض تشكريني لاني نقلتها لغرفه خاصه
ذات ميلت ع جيهان ومسكت ايدها: مامي قومي بسرعه سلام
حكمت لنفسها: بنت ناكره للجميل ومستحيل تتغير ابدا
………قصص منه محمد كاتب……..
ساعه كتب الكتاب نورهان مسكت صوره ام نور تكلمها: النهارده كتب كتاب ابنك ع ياسمين بنت طيبه ومؤدبه وهتسعده افرحي معاه وادعيلوا بالسعاده الابديه
رفعت دخل ووقف وراها: الله هو انتي هنا وانا عمال الف عليكي يله العريس جه
نورهان مسحت دموعها وابتسمت: يله رايحاله
نور دخل عليهم بيجري بسعاده ومعتز بيرقص حواليه
رفعت عدله الجرافته: يله مستعد تدخل القفص
نور ضحك اوي: مستعد
نورهان ضمته اوي: مبروك يا بني الف مبروك
نور مسك ايدها وباسها: الله يبارك فيكي يا حبيبتي يله مستعدين نروح نخطف العروسه
رفعت: يله منخطفش ليه
نور انكشج دراع نورهان الي عماله ترقص هي ومعتز ووراهم زفه وهيصه لحد بيت ياسمين
حنان صفرت: يابنات العريس جاي بزفه كبيره
ضحي جريت بسرعه: يله نحط السلسله ونقفل عليه الباب ولما يشخلل جيبه يبقي يعدي
هبه ضحكتلها: وطبعا انتي هتلمي الغله الاول
ضحي: طبعا يا بنتي ده اتفاق بيني بين العريس وفيه شهود كتير عليه
نور قرب مع اهله وضحك اوي لما لقاه ضحي نفذت كلامها بجد
معتز بتعجب: هما قفلوا ليه الباب
ضحي فتحت ايدها الاتنين: تشخلل كتير هتعدي مفيش مش هتعدي
نور لمعتز: دي العفريته ضحي اخت العروسه اديها ظرف تقيل
معتز ابتسم: مليان يعني
نور : ايوه بقولك اخت العروسه
معتز: طالما اخت العروسه خدي تلاته كل ظرف فيه خمسين جنيه
ضحي صقفت بفرحه: تلاته ده كرم كبير اوي ها يا بنات يعدي
نوربمشاكسه: المفروض يعني
زبيده ضحكت: خلاص يا ضحي ده شخلل وبزياده
ضحي: شوف كمان ظرفين كدا يبقوا خمسه وتعدي
معتز كشر: دي ع كدا هتفلسنا قبل ما تاخد العروسه
نور :دي ضحي مستني منها ايه اديها
معتز: اوك هديها
ضحي بغمزه: كدا عدي يا عريس ياقمر
الكل صقف وزبيده ونورهان زغرتوا
ضحي لنور:هطلع اندهلك ياسمين
رفعت ضحك لـ ابو ياسمين: متعرفش ان الظرف محطوط فيه عشره جنيه
………….قصص منه محمد كاتب……..
محمد دخل بعصبيه ونرفزه حدف الفاتوره علارض: مش هدفع الفاتوره دي
• ذات لفت وبصتله: امال مين الي هيدفعها
• محمد كتف ايده قدام صدره: انتي بنتها ادفعي ومتقوليش ممعكيش انتي امبارح اشتريتي مجوهرات بسبعين الف ادفعيها ولو الفلوس متكفيش اتفضلي بيعي الشنط الماركه وكملي اظن شنطك بالالفات
ذات :مش هبيع حاجه وانت ملزم تدفع الفاتورة (رمتها في وشه بأهانه) كلها
محمد ص*رخ فيها: لما كان معايا كنت بدفع وبهتم مهما طلبت امك بدفع لدرجه حتي ايجار الشقه وكل ديونها دفعتهالها بس انا بقيت في وضع زي الزفت والشقق مبتتبعش انا بغرق في الديون وانتي لسه مكمله وعماله تبعزقي
ذات ببج*احه: هو الي عندك شويه
محمد: حتي لو كنت غني بس وضعك واستهتارك ذاد عن حده لدرجه مبقتش قادر اتحمله
ذات شخطت فيه بحده: اياك تهني
محمد هزها من ايدها ونبره سخريه واح*تقار: طبعا بنت مهدي بيه القطه المدلله الناعمه بس انتي في الحقيقه س*افله بتهزقي الناس ليه لانك شايفه نفسك لوحدك سبق وشوفتي حد جنبك ابدا_زقها في كتفها بقس*وه_ انتي وبس (زق اكتر) انتي ,,انتي وبس
ذات رفعت ايدها وضرب*ته قلم: اخرس
محمد عيونه جمره نار وجاب اخره ودخل فيها وهو رافع ايده
ذات: يله اضرب يله(صرخت بقوتها) يله مد ايدك ولا خفت
محمد مسك ايدها الاتنين وجز ع اسنانه: لو ايدك دي اتمدت عليا تاني هقطعهالك وفاتوره المستشفي الخاصه بأمك روحي وبيعي كل الي حلتك وسددي بيها
ذات فضلت تص*رخ وتص*رخ ومسكت كل حاجه طوحتها وقامت شقت كل هدومها وراحت ع شباك حديدي وحكت ضهرها عشان يبان انه اثار سحل وقررت تبوظ فرح نور وياسمين
………………..
ضحي دخلت ع اختها: ها العروسه جاهزه
ياسمين متوتره: جاهزه بس حلوه
ضحي: حلوه انتي قمر
اثناء كلامهم تلفون ياسمين رن وكانت ذات
ياسمين ببتسامه: ذات انتي كل ده فين
ذات بعياط: ياسمين
ياسمين بستغراب: ذات مالك بتعيطي ليه
ضحي بفضول: في ايه ومالها الست ذات
ياسمين لفت بضهرها: ذات اهدي من فضلك واتكلمي براحه عشان افهم مالك
ذات ببكاء: محمد اذاني يا ياسمين طلع متوحش
ياسمين تعبير وشها مخطوفه: ايه اذاكي عملك ايه طيب انتي فين دلوقت
ضحي: ياسمين انسي امور ذات نور تحت هو وعايلته والمأذون
ياسمين شاورتلها: ضحي دقيقه واحده ذات اهدي الاول وركزي عشان افهم
ذات ببكاء هستيري: عمري ما تخيلته يطلع كدا
ياسمين: اهدي ماشي وحاولي تتكلمي معاه مهما كان الي بينكم
ذات :ده مش محمد الي اتجوزته ده ضربني يا ياسمين وبهدلني
ياسمين: ايه اتجنن ده
هبه دخلت وبتضحك: يله العريس تحت فلس من كتر المظاريف
ذات سمعت كدا وبكت من قلبها
ياسمين بكت معاها: ذات عشان خاطري اهدي
ضحي اتخنقت وخطفت منها الموبيل: ذات ياسمين عريسها تحت مستنيها عشان كتب الكتاب واوعدك اول ما تخلص الليله ياسمين هترجع تتصل بيكي اظن فهمتي صح وشكرا انك فهمتي_اغلقت
ياسمين بعتاب: ليه عملتي كدا هاتي الموبيل
ضحي بعناد: لاء مفيش موبيل وانتي مينفعش النهارده تبقي اسامه منير الليله فرحتك اهتمي بنفسك وبنور
ياسمين بحزن: بس دي صاحبتي ومخنوقه
هبه : ياسمين خدي نفس ممكن وريحي عقلك وفكري في فرحك وبعريسك يله بينا
ياسمين اتحركت مع هبه بستسلام وقله حيله
ضحي بينها وبين نفسها: ياتري جوزك الي ضربك ولا بتفتري عليه يا بنت الابلسه والشياطين
معتز لمحها راحلها: انسه هبه مظبوط
هبه: ايوه اسمي هبه وانت معتز صديق نور
معتز: برافو عليكي ماشاء الله نبيهه بس انا كنت حابب اقولك انك النهارده
هبه قطعته: عارفه هتقولي انتي جميله اوي وحلوه اوي
معتز: هو انتي مخاويه ولا ايه
هبه ببتسامه هاديه: لاء بس عارفه كل الرجاله
والا سطوانه الي حفظنها وبيشغلوها ع كل واحده يشفوها
نور قرب وضحك عليه: انسه هبه خليكي حذره معتز صديقي الوحيد وللاسف بتاع بنات
معتز كشر فيه: كدا بقي تبيع الصداقه وفي فرحك انسه هبه متسمعيش كلامه
نور: لاء هتسمعه وعن ثقه
معتز زقه: ياعم اخرج انت منها وخلي ليلتك تفوت بدل ما اعملك دوشه وهليله وابوظهالك
نورضحك: الله مش لازم انور بصيرتها واريح ضميري
هبه: بشكرك يانور ع تحذيري بس انا بنت ليها قلب واحد وعشان كدا لما هحب هحب راجل عنده قلب واحد مش زي ناس قلوبهم مساكن شعبيه
معتز: انتي طلعتي مش سهله
هبه: وعشان كدا معرفش مين يحترس من التاني
معتز همس: بجد شرسه بس عسل
هبه اتكسفت: نور امال فين ياسمين
نور: ياسمين سابتني وبتسلم ع المعازيم وشويه هنكتب الكتاب وناخد صور لينا مع بعض
حنان: ياريت عشان نفتكر بيها احلي يوم
نور: هروح اشوفها خليكم مكانكم دقيقه واحده
معتز شدها بعيد شويه: انسه هبه عايز اقولك تصريح عن نفسي انا من برا ابان شاب لعبي لكن من جوه غلبان اوي وبتكسف من خيالي
حنان بتريقه: قصدك بتتكسف من ودانك
هبه: عن اذنك
معتز بص لحنان بغيظ: عجبك كدا اهي رفضتني وش
حنان: تستاهل هبه دي قطر سكه حديد يفرمك
معتز: طيب احساسك بما انك زميلتها في العمل هي رفضتني ولا حبتني
حنان: من واقع صحوبيتي ليها اقولهالك وش لاء رفضتك بالتلاته
معتز كشر فيها: محبطه وبقوه((سابها ومشي)
……………..
نور سحب ياسمين مسك وشها ووشوشها في ودنها : وحشتيني الشويه دول
ياسمين بتضرب ايده : بس يا نور الناس بتبص علينا
نورضحك علي اسلوبها الطفولي: الله مالي يبص يبص كلها دقايق والمأذون يشرف وتبقي مراتي
ياسمين بتهديد مصطنع: ولحد ده ما يحصل ايدك تفضل جنبك
نور ابتسم : تعرفي لما بتبقي جد بتبقي حلوه اوي اوي
ياسمين: وانت لما بتبقي هلس شكلك بيبقي جميل اوي اوي
نور قربها منه بغمزه: طيب ايه مش هناخد صور واحنا حلوين وهلس كدا وبعدين نكتب الكتاب واخدك ونرقص للصبح
ياسمين ببتسامه وبتبعد عنه: بس انا ماليش في الرقص
نور شدها عليه عافيه : بس انا ليا وانتي هتشاركيني
اثناء كلامهم وقفت عربيه بيضه احدث موديل وكبيره جدا وقربت عليهم والكل التفت عليها
ذات فتحت الباب ونزلت منها وقربت منهم: الف مبروك
ياسمين بسعاده: الله يبارك فيكي
نور ضربها بنظرات كلها استهزاء واحتقار
ذات بصوت ضعيف: اسفه اني جيت متأخره كان عندي مشكله وانتي عارفه ايه هي وفكرت اني مش هقدر اجي لكن علشانك كان لازم اتحمل واجي
ياسمين ضمتها بحنان: شكرا يا ذات انك جيتي عشان تشاركيني فرحتي الي هتبقي ناقصه لو انتي مش معايا
ذات: لبست فستان تقليدي عشان يناسب اجواء الفرح مكنتش اعرف رغم انه عادي بس برضو طلعت جميله فيه
ياسمين مسكت ايدها الاتنين وبتحركهم ببتسامه جميله: انتي جميله حتي اجمل من العروسه
ذات: انتي كمان جميله مبروك يا حبيبتي
ياسمين: الله يبارك فيكي
ذات مسكت ايد نور: مبروك يانور الف مبروك
نور سحب ايده منها بشوية عصبية : ياسمين عن اذنك انا هروح اشوف المأذون ليه اتأخر
ذات فضلت متبعاه وملامحها اتغيرت
ياسمين: يله تعالي ندخل جوه عشان نتصور
معتز شاف نور وشه مكشر سأله: مالك شكلك مدخن
نور اتنهد واخد نفس طويل وحرك عيونه ع مكانها
معتز بص وشافها: اه خلاص عرفت السبب
نورهان بغيظ: لابسه فستان غالي وكله الماظ عشان تغطي ع العروسه
ضحي: فعلا يا طنط جايه وناويه تسرق المشهد لان معندهاش ريحه الاخلاق
زبيده بحده: ضحي كدا عيب يله روحي هاتي اختك عشان المأذون ع وش وصول
هبه بهمس: هي لابسه عشان تغطي فعلا ع ياسمين
حنان بفرسه: يظهر كدا
ياسمين ماسكه ايد ذات وبصوت عالي للجميع: يله ياجماعه ناخد صوره جماعيه
نور بحده: ياسمين يله المأذون وصل ومش عايزين نتأخر
ذات: استني هي صوره واحده مش هتأخرك ليه بتتصرف معايا كدا ولا انت زعلان عشان جيت متأخره
نور بصلها وبدون نفس: سواء جيتي بدري او متأخر ولا حتي مهتم او حتي لو مجتيش خالص ولا مهتم
ضحي: نور ياسمين يله لان الناس عيونهم عليكم
نورمسك ايدها واخدها معاه: ياسمين يله بينا
معتزمسك ايدها: انسه هبه احنا كمان يله بينا
هبه بصتله وكشرت وشدت منه ايدها ومشت ومعتز ابتسم وراح وراها
…………….قصص منه محمد كاتب…….
علي التربيزه كتب الكتاب راحت ذات تقعد بين نور وياسمين ونور ملامح وشه بدأت تتغير و فضله تكه ويمد ايده عليها لانه جاب اخره من حركتها وياسمين حست بيه ومش عارفه تنطق ولا حتي تتكلم
نورهان راحت وسحبتها من بينهم: فهميني ايه الي بتحاولي تعمليه
ذات: بعمل ايه انا جايه احضر كتب كتاب صاحبتي
نورهان: متأكده انك جايه عشان ياسمين (وسحبتها من ايدها) امشي معايا
ذات مثلت انه اغمي عليها ووقعت علارض
ياسمين قامت بخوف راحت ناحيتها وهزتها على الخفيف : ذااات
زبيده نخت عليها: ذات مالك
ياسمين :حد يلحقنا بسرعه هواء
زبيده بشهقه: ده ضهرها كله كدمات لازم نخدها للمستشفي
رفعت : معتز تعال خد ذات تستريح جوه
معتز : حاضر يا عمي
رفعت : ضحي رجعي اختك جنب عريسها نكمل كتب الكتاب
ضحي اخدت ياسمين وراحت قعدتها جنب نور الي خلاص بالفعل فاض بيه لانها مصممه تبوظ عليه فرحته
رفعت وقف وسط المعازيم :بنعتذر يا جماعه حصل سوء تفاهم وبعتذر عنه للضيوف خلونا نكمل فرحتنا بالعريس والعروسه
ياسمين خلصت كتب الكتاب وجريت ع جوه
ياسمين : هبه ذات عامله ايه
هبه: لسه مفقتش والضرب الي ع ضهرها ملتهب جدا
معتز :يعني لازم ناخدها مستشفي
هبه: او ممكن نجبلها دكتور هنا
ياسمين: ماشي نجبلها ويطمنا
ذات بدئت تفتح عيونها بأرهاق: ياسمين
ياسمين مسكت ايدها بحنان: انا جنبك استريحي
ذات: انا كويسه دلوقت
ياسمين رفعت شعرها بلطف: الضرب الي ع ضهرك بسببه
ذات ضمتها وبكت: مش عايزه اتكلم قدام حد
ياسمين بصتلهم: ممكن اتكلم انا وهي لوحدنا
الكل خرج ونور فضل واقف مكانه متحركش انش
ياسمين: ذات اوعي تقوليلي ان محمد جلدك
ذات: كل ده عشان طلبت منه يحضر فرحكم رفض يجي اتخانقنا وزقني وضربني بالحزام فضلت اصرخ وجيت ع هنا وانا معرفش ان الضرب معلم ع ضهري لاني كنت لازم اجي فرحك انتي ونور حتي لو بموت
ياسمين نزلت دموعها ونور وشه اتغير من التمثيل الي بيحصل قدامه واضايق وكشر
ذات بصتله بمسكنه: نور انا بجد اسفه مفكرتش اني هبوظ فرحتكم
نوربصلها وبحدة:مفيش مشكله اتعودت كل مره نشوفك تحصل مشكله
ياسمين برجاء وتوسل :نور من فضلك
نور بيحاول يمسَك اعصابه :انتي عيانه ومضروبه ولازم تستريحي عشان كدا هخالي حد ياخدك يوصلك
ذات مسكت ايد ياسمين وبنبرة حزن: انا كويسه دلوقت ممكن افضل معاكي يا ياسمين عايزه اشوف فرحتك انتي ونور بعدها الوجع كله هيروح
ياسمين طبطبت ع ايديها بعطف وهزت لها دماغها بـ ايوه
نور بصلها بستياء: ياسمين الناس بتمشي لازم نطلع نسلم عليهم
ياسمين: هرجعلك ع طول وانتي استريحي هنا
نوربشويه عصبيه: يااااسمين
ياسمين قامت بالعافيه ونور ضمها من وسطها وضرب ذات بنظرات اشمئزاز
ذات خلتهم خرجوا ومسكت خدديه ضربت بيها فازه الورد واقسمت لتدمر فرحته
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
