رواية ذات الوجهين الفصل السادس عشر 16 بقلم منة محمد
رواية ذات الوجهين البارت السادس عشر
رواية ذات الوجهين الجزء السادس عشر
رواية ذات الوجهين الحلقة السادسة عشر
ضحي واقفه قدام الحمام الرجالي وبتتكلم في التلفون: ياسمين خلصي عشان انا جعانه وواقفه مستنياكي قدام الحمام ..ماشي متتاخريش سلام
لمحت محمد الكاشف جاي من بعيد بسرعه مسكت مساحه وجابت شعرها الطويل كله قدام وشها وفضلت تمسح الارضيه
محمد بذوق: ممكن استخدم الحمام
ضحي: الارض مبلوله وبنضف ومش هتقدر تدخل
محمد: طب فيه واحد تاني استعمله
ضحي: فيه فوق في الدور العشرين بس مفيش غير اسانسير واحد عشان كدا هتستني كتير
محمد لقاه مجموعه شباب خارجه من الحمام فسألها بتعجب: امال ازاي دول دخلوا؟
ضحي: كانوا موجودين قبل ما ادلق ميه ولا عاوزني اخبط عليهم واحد واحد واخرجهم
محمد بص اوي في وشها: انتي الخدامه الي كانت في بيت ياسمين بتعملي ايه هنا
ضحي رفعت شعرها الطويل كله ع وري : جيت اخدم الست ياسمين هنا
محمد دقق اكتر: استني اسلوب الشعر والشكل بيقول انتي الجرسونه الي شوفتها في المطعم عند عمتي صح انتي بجد شغلك ايه بالظبط جرسونه ولا شغاله انتي مين فيهم فهميني!
حنان شهقت لما شافتها بتمسح بضمير: ضحي بتعملي ايه قدام حمام الرجاله وبتمسحي هو انتي خدامه
محمد لف وبصلها وحنان مدت ايدها له تصافحه: ازيك يا محمد بيه
محمد بتعجب ومد ايده ليها بالسلام: اهلا وسهلا بس انتي تعرفيني
حنان: طبعا شوفتك بالفيديو الي فرجتهولي ضحي
ضحي خبت وشها بشعرها وهمست: الله يخربيتك
محمد بعدم فهم: اي فيديو؟ّ! ماعلينا ممكن توضحيلي دي مين وبتشتغل ايه بالظبط وايه مشكلتها معايا عشان تعمل فيا مقالب طول الوقت
ضحي ببتسامه واسعه كبيره: انا اسمي ضحي
حنان: ضحي تبقي
ضحي صرخت: حنان متقلهوش
ياسمين ضحكت ومقربه عليهم: انا هقولك بنفسي دي ضحي اختي
محمد بدهشه: اختك
ياسمين: ايوه واتفضل للكافتيريا نكمل كلامنا بعيد عن الحمام
بعد ما قعدوا ع تربيزه مدوره وياسمين طلبت عصير
ضحي: ايوه انا اختها وبعتذر عشان اسلوبي معاك
محمد: اظن كلمه اعتذر كفايه رغم ادائك كان فيه سخريه كبيره
ياسمين: ضحي طول عمرها بتاعه مقالب وع فكره شيف حلويات تجنن
محمد: اوه شيف حلويات انا بقي الي بعتذر ليكي لاني فكرتك جرسونه حتي يا ياسمين انتقدت اكلها بأنه عك جدا
ضحي بصتله بغيظ ولانها ممكن تنفجر في وشه من اسلوبه الساخر عليها
ياسمين ضحكت : حصل خير وسيبك من المجنونه دي وانا هتكلم مع نور بخصوص البيت
محمد: ممكن يخدمني ويعملي التصميم بسعر الصديق
ضحي ض*ربت التربيزه وبحده : الشغل شغل
محمد بصلها بستياء وضيق عيونه وياسمين قرصتها في دراعها فضحي صرخت بصوت واطي!!!
ياسمين ابتسمتلوا: سيبك منها دي متنمره ع خلق الله
محمد ابتسم لهم ابتسامة مجامله: كدا هقوم انا امشي محتاج اشتري دواء للصداع النصفي لان كل مره بشوفها بحس بالصداع
ياسمين ببتسامه جميله: هي مجنونه كدا ومجنناه معاها
محمد ابتسم برخامه في وشها: واضح_قام وقف_ سلام انا
ياسمين شاورتله وتلفونها رن ردت: ايوه يا هبه…… ذات استقالت من الشغل…..وهي عندنا في مكتبك …هبه ايه الي حصل….. خلاص طالعلك حالا
ضحي سمعت كدا قامت جري من جنبها وخرجت وراه وياسمين قلقت منها لتت*خانق معاه
…………قصص منه محمد كاتب………………
ضحي: استني عندك يا كابتن انت
محمد لف وبصلها بملل: انتي جايه ورايا ليه دماغي صدعت
ضحي: تستاهل لان انا كمان صدعت مع طليقتك ام وشين
محمد وشه اتغير وبصوت مهزوز : ذات
ضحي تلعب في خصل شعرها: هي زيت دي
محمد: ليه مالها بيكي
ضحي بقهره: لانها لزقه في اختي من فتره وبتدعي ان معندهاش مكان تروحله رغم بتشتغل وبتقبض فلوس
محمد بتعجب: ذات بتشتغل
ضحي عقدت ايدها قدام صدرها : ايوه بس استقالت من شغلها وعماله تخلق حجج واعذار واهميه عشان تلين قلب اختي بس هي كدابه وطبعا سابت الشغل فهتطلب تفضل معاها مده كمان بص هجبهالك ع بلاطه من يوم ماراحت عاشت عند اختي كلنا كدا محدش فينا مبسوط كل يوم فيه مشاكل وياسمين اختي وجوزها بيتخانقوا بسببها
محمد: لو كانت ذات مسببه كل المشاكل دي ليه ياسمين ساكته ومقلتش حاجه ليا
ضحي: لان اختي انسانه طيبه جدا بس انا غير ياسمين ومش سهله ولا طيبه عشان كدا انا بتكلم بصوتها ولو فعلا عايز تبقي صديق لـ اختي الكبيره وتعتبرني انا كمان صديقه فـ طالما ربنا فتحها عليك ساعد ذات تخرج من حياه اختي وبسرعه _عيونها رغرغت بالدموع_ لانها لو فضلت حياه اختي مع جوزها هتنتهي للابد
ضحي سابته ومشت شويه وبعدين حطت ايدها في جيبها ورجعتله: خد
محمد: ايه ده
ضحي: فلوس تشتري بيها دواء للصداع
محمد انزعج و شد كف ايه منها برفض وهي أصرت وفتحتها بالعافيه وحطت فيها الفلوس ومشت من قدامه جري!!!
………..قصص منه محمد كاتب…………
نور كان وصل تحت في الجراش واتصل بياسمنته: سمسمه انزلي انا واقف تحت….ايه….اروح مكتب هبه الاول فيه حاجه حصلت…وليه صوتك متوتر…اوكيه هركن وطالع
نور طلع ولقاه الكل متجمع حواليها وياسمين قاعده بتعالج الخرابي*ش دخل وعلى راسه اكبر علامة استفهام!!!!
ذات لمحته وبدئت اداء الثمثيل: سيبته يتحرش بيا طول الوقت عشانك يا ياسمين وعشان هبه لانها ساعدتني القي شغل بس مفكرتش ابدا انه هيأذيني اكتر بالشكل ده
ياسمين بدموعها الي رافضه تقف من اول ما سمعت الحكايه قالت: حيواااااااااااااان…وحق*ير كمان!!!!
ذات ببكاء: اول ما اتهجم عليا عرفت ان مصيري انتهي
هبه بحده : وانا مازلت بقولك بلغي عنه وانا ومعتز شاهدين عليه ده لو عمل كدا فعلا ميهربش من جريمته ومش هقف معاه حتي لو كان خالي لانه متح*رش
معتز: انا موافق لانه تح*رش ج*نسي
ذات انفجرت في العياط : لاء احمد بيه كان انسان معايا انا بس عايزه تعويض مادي عن الضرر النفسي وده كفايه ومش عايزه ازعج ياسمين ونور
ضحي وحنان ومعتز بصوا لبعض وهبه اخدت علبه الاسعافات وهبدتها ع التربيزه دليل انه مش عجبها
ذات: انا حاليا بقيت عاطله ومعنديش فلوس ارجوكم متنطردنيش ارجوكم ابوس ايديكم
ضحي بصتله و قلبها ض*رب شوي خوف من نظراته ليضعف وفي سرها: اياك يانور توافق اياك
ياسمين لفت وبصت لنور برجاء ونور بصلها بتردد لانه ما حاولش يطول في الاجابه ورد وقال: الامر كله راجع لياسمين
ذات ابتسمت على انها وصلت لغرضها : متشكره يا نور ونفسي احط راسي وانام ارجوكم كفايه كلام في الموضوع ده
ياسمين اخدتها جوه حضنها وضمتها لصدرها بحنان والكل وشوشهم اتغيرت ع طريقتها الي بتحاول تكسب تعاطف ياسمين
نور الي حرفيا بدأ نفسه يتخنق من اول ما عرف الحكايه وعقله مش راضي يهدا ولا دقيقه واحده واتحرك بسرعه وفتح الباب وخرج!!!!!
………..قصص منه محمد كاتب………
في مكتب ياسمين واقف ووشه للشباك فتح زراير القميص الاول والتاني ورجع شعره على ورا وشد عليه واتنهد تنهيده طويله من قلبه
معتز خبط ع الباب ودخله: تك توك تك ليه لسه موجود عندك
نورلف و شاورله بأيده: معتز تعال بس قرب اسألك عن حاجه
معتز قرب ونور مسكه من كتفه وسأله بستفسار: ايه الي حصل النهارده انت شوفت حاجه
معتز: مش كله لما وصلت الحمام كان هو اه فوق ذات بيعتدي عليها
نور بشك: وانت مصدق الموضوع
معتز :حتي وذات في الحاله النيله دي ده جسمها كله كدمات عارف لو شوفت شكله وحش وق*ذر بس انت مفكر ان ذات خلقت الامر
نوربصله شوي واتنهد: انا بشك
معتز: لاء ذات اتعرضت فعلا للاعتداء بس لو ذات خلقته دي تبقي داهيه فعلا وده هيبقي كتير وبلاش تشك كتير
نور ضربه بالبوكس ع خفيف في صدره
معتز مسك صدره وبمزح: اه يا متوحش اذيت صدري_ابتسم_ بقولك انا رايح اشوف هبه
نور ض*ربه خفيف على راسه : روح يا خويا
معتز شاورله : يله اشوفك بعدين
…………….قصص منه محمد كاتب…………………
في غرفه نور وياسمين اللي قلبها نغزها ومش مطمنه من حالته من ساعه الي حصل ورجعه كل شوي يبصلها بنظرات غريبه وكل ما تتكلم معاه يرد عليها بختصار عرفت انه زعلان فحبت تتأكد راحتله وقربت منه : نور
نور بدون ما يلف عليها: همممممم
ياسمين نغزته في كتفه وسالته: انت زعلان مني
نوروهو بيلعب بالتاب الي معاه من غير ما يبصلها: وهزعل منك ليه
ياسمين: لاني سمحت لذات تفضل معانا تاني
نورحط التاب ع التربيزه وبصلها بنظراته الي بتعاتبها بيها ع موافقتها وسلبيتها : اظن قولت لك الامر راجعلك انتي سواء أأعدت مشت ده يخصها ويخصك انتي
ياسمين بنبره حزينه ماليانه تبرير: انا مقدرتش اتحمل شوفت منظرها معتدي عليها وسابت شغلها
نوربشده شوي لانه مش عجبه تصرفها وسكت للحظه وبعدها رد: حتي لو بتشتغل ومعتداش عليها وطلبت تفضل معانا انتي مش هتقولي لاء وهتسبيها تفضل وع اي حال ولانه بقي عندك وضع ثيان و عادي
ياسمين: كلامك بيوجع اوي يانور
نوراتنهد تنهيده طويله وهو بيحاول يكون اهدأ: ايوه لاني قاصده يا ياسمين لانك مشيتي رايك ..وانا بلعتها وهضمتها بمزاجي عشان بحبك ومش عايز اخسرك لانك انسانه طيبه لكن احيانا طيبتك هتتعبنا وهتتسبب في الم كبير ليا وليكي
ياسمين بلعت غصه بحلقها: احيانا مببقاش عارفه نفسي ان كنت طيبه ولا ضعيفه
نوربهدوء : ع كلا متشغليش بالك لو ذات فضلت واتعاملت بعقلانيه ومستغلتكيش وعملت مشاكل وحاولت تقف قصادي مش هيبقي عندي مشكله وخليها تفضل معاكي هنا ع الاقل لحد ما تلاقي وظيفه تانيه
ياسمين بحيره منه: انت مبقتش عايز ذات تمشي من هنا بسرعه
نور: لاني مش عايزك تحسي اني بضغط عليكي عشان كدا خليها براحتك انتي عشان تكوني مبسوطه وسعيده لحد ما توصلي صاحبتك لبر الامان
ياسمين بتحضر للحلقه هبه بصتلها وسألتها: ياسمين ذات عامله ايه؟ّ
ياسمين بحزن: لسه في حاله صدمه امبارح اخدت برشام للاكتئاب عشان تقدر تنام
هبه بستفسار :وناويه تستضفيها عندك لحد امتي
ياسمين: لحد ما تلاقي شغل جديد
هبه دفعت جسمها لقدام: لكن خالو احمد قال هيدفعلها تعويض كويس جدا ونقدي من راي خليها تمشي من عندك بسرعه
ياسمين: هبه لو كنتي انتي الي في موقفي وذات صحبتك مكنتش هتصعب عليكي
حنان قفلت الجهاز بغل عمل صوت عالي!!
هبه بصوت عالي : ايوه هتصعب عليا بس مش هثق لان ادم مصر ان هي الي اغرته
ياسمين بصتلهم الاتنين: قصدك ان ذات الفت المشهد وليه ذات هتعمل كدا وتعقد الامور
حنان اخيرا أتكلمت : لان من مصلحتها تعقدها وتعقد ابوها
هبه: انتي بنفسك جالك مشكله نفس دي من فتره وسمعتي قصص المتصلين البني ادم مستعد يعمل اي حاجه وكل حاجه لحساب نفسه وبصراحه مش قادره اصدق واحده زيها تتعرض للاغت*صاب
ياسمين: بس انا وذات اصدقاء طفوله وهي تفكيرها ناحيتي عمره ما وصل للحد ده
حنان نفخت: صبرك يارب
هبه بهدوء وعقلانيه : انا بحذرك سواء ذات من غير وظيفه او معندهاش فلوس لازم تمشي من بيتك وبسرعه وبلاش تبقي ضعيفه
حنان بهدوء : ياسمين احنا خايفين عليكي عشان كدا كلنا بنحذرك
ياسمين: عارفه انكم قلقنين عشاني وكل الي اقدر اعمله ان ذات تلاقي شغل بسرعه لان ده هيسهل عليا امشيها بسرعه لكن لو الامر طول صعب اطردها
هبه: انتي مفكره انها فعلا هتلاقي شغل جديد بجد
ياسمين بصت لحنان الي بتؤيد وجهه نظر هبه وهي حست انهم قدروا يأثروا عليها فقررت تنسحب بهدوء وتكمل شغلها
………..قصص منه محمد كاتب……….
ياسمين بعد الحلقه اخدت بعضها وراحت لنور عالشركه واخدت وجبات خفيفه للموظفين ودخلت القت التحيه ونولتهم الوجبات وهما كانوا بيها مبسوطين!! شافها نور الي اوردي كان نازل من فوق مع رفعت وموظف بيودعهم لانه اقدم استقالته
ياسمين بتحيه: ازيك يا بابا
رفعت ببتسامه: ازيك يا بنتي عامله ايه
ياسمين: بخير طول ما حسك موجود بس الموظف ده رايح فين
رفعت: اخد اجازه مفتوحه جاله عقد عمل برا ولو مرتحش هيرجع تاني
نور: وانا بقيت من غير سكرتير
ياسمين: ياسيدي انا هكون سكرتيرتك الشخصيه لحد ما تلاقي غيره
نور: انتي قولتي اوعي تغيري رايك( حط ايده ع كتفها وضمها لصدره) كدا بقي هتبقي موجوده ع طول في حياتي ياروح قلبي
ياسمين وشها احمر جدا: نور انت مجنون بتحرجني كدا
نور ابتسم ونفخ في وشها وطبع بوسه على خدها ورفعت لف وشه الناحيه التانيه و ابتسم ع حركات ابنه
ياسمين: اه بالحق كنت جايه اتكلم معاك بخصوص الشغل عندي مشروع عشانك
نور رفع حاجب مستغرب: مشروع عشاني
ياسمين: تحويل بيت قديم لفندق استثماري ده مشروع محمد الكاشف
رفعت: محمد الكاشف طليق ذات
ياسمين: ايوه هو
نور بصلها وهزلها دماغه وقال: تمام لما نروح نتكلم ونبت في امره
……….قصص منه محمد كاتب…………
ياسمين رجعت البيت هي ونور هو نزل يشتغل شويه بعد ما غير في لبس مريح شورت وفانله كات وياسمين دخلت المطبخ تحضرله طبق فاكهه من الي بيحبها
ياسمين: عزه ممكن تغسلي باقي الفاكهه كويس والفراوله دي توديها لنور علي مكتبه اصل عنده شغل كتير وهيسهر لوقت متأخر
عزه ببتسامه عريضه: من عنيا
ياسمين بدلتها الابتسامه وبتلف لمحتها مقربه وماسكه دماغها سالتها بهتمام: ذات عامله ايه دلوقت
ذات: لسه حاسه بدماغي تقيله يظهر اخدت نازله برد شديده ويظهر الدواء السبب
عزه بهمس: يبتليكي بدوار ياخدك ما يرجعك الا شبح دي كانت بتعوم طول النهار زي القراضه وحبت تلقح عليها
عزه مسكت الطبق وقالت: ياسمين هانم عارفه الفراوله دي حمره وطازه وعندنا في بلدنا بنسميها الس*افله الخداعه
ذات بصتلها ورفعت حاجب وياسمين ابتسمت ع اسلوب عزه
ياسمين: ذات نامي بسرعه وادفي كويس وانا هاخد شاور وانام لاني حرفيا مهدوده هحط دماغي وانام
ذات هزت لها دماغها: تمام
ياسمين طلعت وذات راحت قربت من عزه ومسكت سكينه ورفعتها عليها عزه اتخضت ورفعت هي كمان سكينه عليها: ايه هتعملي ايه
ذات: هساعد اقشر الفاكهه ليه خايفه شوفتي شبح
عزه: عايزه تقشريها ليهّ؟!
ذات: لاني هنا في بيتهم وعايز اساعد هو نور في مكتبه
عزه : ايوه _حبت تغظها – وخدي ساعديني وقشري البرتقال ومعاه التفاح بس الوقت متأخر وده مش كويس ع صحتك بس لو عايزه تردي المعروف فيه مانجا محتاجه تنضيف عشان تتخزن للعصير اما بقي للفراوله انا هاخدها بنفسي للباشمهندس
ذات خلتها طالعه و هبدت السكينه علي الرخامه
عزه لفت مفزوعه: فيه حاجه
ذات برقتلها وبينها وبين نفسها وهي بتلعب بخصله من شعرها: خايفه عليه مسيره هاخده
………قصص منه محمد كاتب…………..
عزه خبطت ع الباب جالها صوته: ادخل
عزه دخلت وبترقص الطبق: الفراوله الحمره جايه
نور ضحك اوي: والله دماغك هي الي حمره ويظهر مزاجك رايق زي الفراوله _شد منها الطبق وبحلق فيه_ وريني واو رتبتيها بطريقه جذابه وتفتح النفس
عزه بفخر: اصلك صعبت عليا شيفاك بتشتغل لوقت متأخر بس انا عملتـ
نور قطعها بسرعه: الي عملتها سمسمه صح
عزه كشرت فيه: ايوه هي الي غسلتها وجهزتهالك بالشكل ده
نور ضحك بقهقه: عارف انك فشاره بس برضو متشكر
الباب خبط وعزه اتحركت تفتح نور منعها وقالها انه هو الي هيفتح وفتح لقاها ماسكه طبق فيه قشطه وقالتله: انا فاكره بأنك بتحب تاكل الفراوله بالقشطه عشان كدا جبتهالك
نور بص للبسها وتاه شويه وجه ياخد منها القشطه دخلت هي سبقته ع جوه وحركت شعرها بطريقه مث*يره
نور اخد نفسه وقالها: متشكر
عزه بهمس: امتي خلعت الروب
نور بحزم وهو كاسر عينه عنها: بس المره الجايه متعملهاش لان ده شغل عزه سبيها تؤدي شغلها
ذات: بس انا حبيت ارد الجميل فين المشكله ولو عندك شغل انا ممكن اسهر اساعدك ممكن تقولي انا حاليا قاعده من غير شغل وممكن اترجملك الملفات او اطبعهالك ممكن اعمل اي حاجه
نور رد بقتضاب: متشكر
ذات بصتلها وبنبره أمر : عزه لو وراكي حاجه روحي اعمليها نور هيشتغل
عزه بصت لنور الي كاسر عينه في الارض …استنت انه يقولها خليكي بس نور فضل ساكت فتحركت وخرجت ع مضض وذات راحت غمست فروليه في القشطه واكلتها بطريقه مثيره كلها اغراء ونور بصلها وكأن الحركه كهربا لسّعت جسمه
ذات: طعمها لذيذ بالقشطه كولها كلها
نور كسر عينه وهزلها دماغه وعيونه لسه مرشوقه في الارض
ذات قربت منه: ممكن اعدي
نور وسعلها وهي معديه رفعت نفسها ليه وبقي وشها قريب من وشه وبعدها اتحركت ولفت وبصتله وقفلت وراها الباب ببطئ بتلف لقتها في وشها
عزه بهجوم: انا عايزه افهم انتي كنتي لابسه روب راح فين؟
ذات رجعت شعرها علي وري: اتحريت منه وخلعته ولو الجو زاد عن كدا هقلع كله
عزه ولعت منها وض*ربت الارض برجليها: س*افله ووقحه والست الي فوق دي فرساني
………..قصص منه محمد كاتب…………
نور فضل رايح جاي مش ع بعضه وقعد ع الكرسي ويفتكر ايامه معاها لحد ما زهق رجع دماغه لوري لحد ما عيونه قفلت وغفي ياسمين فتحت الباب تطمن عليه شافته ساند راسه لوري ومغمض عيونه ونايم مشت بشويش وحطت ايدها ع كتفه تصحيه
نور قام مفزوع: سبيني في حالي
ياسمين: نور مالك انت كنت بتحلم
نور فتح عيونه وبصلها كتير: ها…. ولا حاجه يظهر حلمت بكابوس وحش اوي ,,هي الساعه كام دلوقت
ياسمين: اتنين الصبح شوفتك مجتيش قلت انزل اشوفك يله مش عارفه انام من غيرك
نور: بس انا لسه عايز اشتغل شويه وممكن اروح بكره الشركه متأخر
ياسمين: طيب براحتك وانا هحاول انام بس برضو متتاخرش
نور: ياسمين استني
ياسمين: في ايه
نور قرب عندها وحضنها من وسطها وسند راسه بكتفها ودفن وشه تحت رقبتها: امتي بقي هنخلف طفل اظن وعدتيني بعيل منك يشيل اسمي ومش عيل واحد انا عايز منك فريق كره قدم
ياسمين ضمته من وسطه بحنان: نور اصبر شويه احنا مكملنش سنه
نور خرجها من حضنه ومسك دقنها بنعومه وقال: وهي السنه دي شويه وانا كدا يعتبر صبرت بس من دلوقت معنديش صبر خلاص وماما وبابا بيسالوني كل يوم امتي هيبقي عندنا حفيد وانا عايز افرحهم والبي طلبهم
ياسمين: انا كمان عندنا بيسألوني
نور حط ايده علي خدها يلمسها بطريقه حنونه : شوفتي ازاي هما مستعجلين ولازم نسمع كلامهم ونطعهم وانا هطلع معاكي مش شغال لازم اركز في العيل
ياسمين ضربته في صدره بهزار :يا نور يا مجنون انت ما بتصدق تلاقي مبرر كمل شغلك حاسه اني هنام ع نفسي
نور سحبها من الروب ولزقها فيه وشخط فيها: وان قلت لاء
ياسمين ضربته ع خده: بطل تبقي زنان ولحاح وخليها لبكره
نور شدها عليه وضمها له اكتر وهو بيهمس في ودنها بتهديد مصطنع: تمام بس بكره لو رفضتي مش هرحمك
ياسمين ابتسمتلو ابتسامه كلها انوثه : موافقه من دلوقت يا غلس
نورضمها لصدره وباس رأسها بحنان : يله اطلعي نامي حياتي وريحي جسمك ليا لحد بكره
ياسمين بأجمل ابتسامه: نور بس بقي بتكسف
نور ضحك وبعد ما طلعت رجع قعد وبص للفراوله وافتكر ذات وحركتها الج*ريئه المث*يره
…………قصص منه محمد كاتب………………..
الصبح ياسمين قامت قبله وراحت الشغل وسابته ياخد راحته في نومته شويه فاق واتمطع وقام راح ناحيه الشباك ياخد هواء نقي شافها بتعوم بمايوه قطعتين في البسين اتشد كراجل وضعف وبعدها استغفر وبعد عيونه لكن رجعها واستقرت عليها تاني غصب عنه وهي لمحته وطلعت بسرعه وراحت اتمددت ع الشزلونج ورفعت سيقانها واخدت الكريم تدهن بيه جسمها هو استغفر كتير ودخل وبص لدبلته وافتكر ياسميتنه الي مستحيل يخونها ابدا ولما حس انه حرفيا مش قادر دخل تحت الدش يهدي بيه ناره شويه سمع الموبيل لف فوطه حوالين جسمه وخرج يرد وفتح اسبيكر وطلع لبسه !!!!
معتز: شوفت التصوير الي بعتهولك
نور: ايوه شوفته بس كتير مش هقدر اتحمله
معتز: بطل تتقمر هو انا بشتغل عندك
نور ضحك: خلاص ممكن ناجل التصوير او نستخدم لقطات قديمه هتقدر تعمل كدا
ذات طلعت ووقفت تتسمع عليه
نور بيمشط شعره: هانت بابا بيدورلي عن سكرتيره عشاني لان السكرتير استقال فجأه وقال انه مسافر يا سيدي
معتز: خلاص هظبطلك الدنيا وافرجها لياسمين ماشي
نور: تمام هعتمد ع الله وعليك في الامر ده …لاء خلاص كدا سلام
نور خلص مع معتز ولبس قميص ابيض ماركه وبنطلون لبني فاتح ونازل لمحها واقفه قدام المرايا وفاتحه بابها ع اخره وبتدهن جسمها لوشن اتسحب وراح وقف يتفرج عليها وهي لمحته في المرايا زودت العيار ونور بسرعه ضغط ع فكه ونزل السلم كله جري
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
