رواية ذات الوجهين الفصل السابع والعشرون 27 بقلم منة محمد
رواية ذات الوجهين البارت السابع والعشرون
رواية ذات الوجهين الجزء السابع والعشرون
رواية ذات الوجهين الحلقة السابعة والعشرون
في المكتب بيلم متعلقاته لانه نفسه يروح ويراضيها الباب خبط ودخلت معاها ظرفين
ابتسام مبتسمه في وشه: اتفضل الظرف الاول للبريد والثاني تكت لرحله فرنسا وحجز الفندق
نور اخده منها وابتسملها: متشكر يا ابتسام
ابتسام بحترام: اي خدمه عن اذنك
نور بعجاله وهو يفتح الاوراق اللي قدامه : اه ابتسام استني بخصوص السفر متقوليش لياسمين حاجه انا هفاجئها الليله
ابتسام بضحكه خفيفه: حاضر اي خدمه
نور سند ضهره على الكرسي : تسلمي يارب اتفضلي انتي
ابتسام خرجت ونور لم كل حاجه ونزل السلم خارج من الشركه لقاه ابتسام طالعه تجري وراه
وهو لف وبصلها: فيه ايه
ابتسام: فيه اتصال من المستشفي ضروري
نور عقد حواجبه: مستشفي!!؟
ابتسام مدتله موبيل الشركه: ايوه
نور اخده منها ورد: الو انا البشمهندس نور رفعت
الممرضه: المريضه ذات نور طلبت مني اتصل بيك لانها تعبانه عندنا هنا
نور: ذات في المستشفي-نور اخد باله من ابتسام_ اتوتر و بلع ريقه ولف وبصلها_ اسف ممكن اخد خصوصيتي
ابتسام ابتسمتله بحرج: اه طبعا
نور: ايوه معاكي مالها
الممرضه: عندها حساسيه من الاكل وخلتني اتصل بعيلتها وعطتني رقمك
نور بحده: انا مش قريبها رجاء اتصلي بحد تاني اسف
الممرضه الي حافظه الكلام من ذات: استني لو حضرتك مجتش ممكن مدام ياسمين تجيلها
نور انفعل عليها بصرامه: متورطيش ياسمين _ اخد نفس_ انا اسف بجد اسف اني اتعصبت عليكي هي في انهي مستشفي
الممرضه بصتلها وادتلوا العنوان ورقم الغرفه وقفلت
نور اخد نفس بعمق ونده ع ابتسام الي سألته: فيه حاجه يا باشمهندس
نورهزلها دماغه: لاء ولا حاجه ارجعي لشغلك
……………قصص منه محمد كاتب………..
ذات ابتسمت ع جنب والممرضه حطت الموبيل ع الكمدينو جنبها: الباشمهندس نور جاي وانتي حسسيتك قلت والدواء هيخففك
ذات طلعت فلوس وحطتها في ايد الممرضه: متشكره ليكي
الممرضه حطت الفلوس في جيبها: لو فيه اي حاجه اتصلي بيه _خرجت
ذات قامت اتعدلت ومسكت الموبيل وسجلت رساله صوتيه لياسمين بتقول فيها(( انا عدلت البيت وعايزاكي تيجي تشوفيه بشده انتي فاضيه تيجي تشوفيه خدي العنوان وضافت كام صوره ليها في البيت وارسلتها وقفلت وقامت وقفت عند الباب واول ما لمحته جاي جريت بسرعه ورقدت ع السرير
نور دخلها: ايه الي حصل؟؟!!
ذات مثلت المرض بجداره: انا مش متاكده كنت بلم هدومي عشان امشي زي ما امرت فجأه تعبت ويظهر من وجبه الغداء الي اكلتها كان فيها جمبري وانا عندي حساسيه من اي نوع اسماك بحريه ومكنتش عايزه ازعجك ولا اضايقك
نور مسك ايدها الاتنين وفتش فيهم : عامله ايه دلوقت شكلك خفيتي تقدري ترجعي البيت في تاكسي وتلمي حاجاتك_ رايح ناحيه الباب_
ذات: نور لاء
نورلف وبصلها واوضح انه شويه ويولع من العصبيه لدرجه ان وشه قلب للون الاحمر
ذات مثلت التعب وبصوت مبحوح: حتي لو الاعراض قلت بس لسه حاسه بدوخه_شدت ايده_ ممكن توصلني
نور برفض قطعي: لاء ياذات عندي معاد مع مراتي
ذات الحقد ملها: كدا هتصل بياسمين
نور لفلها من عند الباب وبصلها بكل غل وغضب
ذات مسكت الموبيل تهدده: هتصل بيها تاخدني ومش هتكون قاسيه عليا زيك
نور شد منها الموبيل بنفعال : انتي بتعملي ايه؟!انتي بتهدديني صح
ذات: انا مش بهدد بس بجد محتاجه اروح لاني لسه عيانه واعتبرها المره الاخيره الي هزعجك فيها وهلم هدومي وهمشي من الشقه ومش هرجع لحياتك تاني ارجوك يانور
نور بصلها والضيق مرسوم على وشه
ذات: الطلب ده اخر طلب ليا وصدقني مش هزعجك تاني ارجوك يانور
نور غمض عيونه واخد نفس وحدفلها الموبيل: تمام!! البسي بس بسرعه وشهلي وانا هروح احاسب
ذات اول ما خرج قامت تلبس بسرعه لانها هتخرب حياته
…………قصص منه محمد كاتب……………
ياسمين راجعه من الشغل فتحت موبيلها لانها اغلقته عشان التصوير جالها مسدج برساله صوتيه فتحتها لقتها من ذات فتحت الرساله لقتها صور ليها متصورها في شقتها كلمت نفسها: المكان مش غريب عليا
عزه طالعه من المطبخ راحت عليها: مدام ياسمين انتي هنا الباشمهندس اتصل بيا وطلبي مني احضرلكم الاكل عشان تتغدوا سوي
ياسمين مش معها مركزه في الصور وبتحقق بدقه لحد ما قرات العنوان لنفسها: العنوان ده اعرفه
عزه اتخضت لما ياسمين رمت الشنطه وطلعت تجري بالتلفون ع غرفه مكتبه زي المجنونه كأن صابها مس دخلت وحطت الموبيل ع المكتب وبسرعه فتحت ظرف وفضلت تحقق في التصاميم مطلعش فيه اغلقته وفتحت الدرج وسحبت الكتالوجات وفتحتها ع التصاميم وقارنته بالصوره لقتها نفسها الشقه الي في الاصل كان نور بيوعدها هي بيها يشترهالها بأسمها بكت بحرقه: الخاين هو المكان نفسه
#فلاش_باك
نور: حبي انا الي مصمم مشروع الشقق ده
ياسمين عيونها ع التاب: بجد تحفه يانور بس ليه بتقولي
نور: عشان لو عجبك ايه رايك نشتري شقه في المجموعه
ياسمين بفرحه زي الاطفال: بجد
نور قلدها: بجد
ياسمين : بس مش غاليه عليك يانور
نور: شوفي صاحب المجموعه قالي لو عايز شقه هخفضلك السعر وهيديني بسعر البيع العادي بدون فوايد
ياسمين صقفت بسعاده: الله
نور: ها نشتري حياتي بس لو عجباكي طبعا
ياسمين ابتسمتله وردت بنعومه: اوك اشتري
نور: استني بقي اكبرلك الشاشه وتشوفيها بوضوح
#باك
ياسمين جاتلها رساله منه( ياسمين فيه ظرف طارئ متستننيش ممكن تاكلي قبلي انا اسف بحبك ياسمين)
ياسمين عيونها زاغت ع الرساله وااعدت ع الكرسي بصعوبه لانها لسه تحت الصدمه ودموعها جريت زي السيل لكن بسرعه اتمالكت نفسها وقامت تجري زي المجنونه ركبت عربيتها ودموعها مغرقه عيونها لدرجه مبقتش شايفه الطريق وكانت هتعمل حادثه وقفت مره واحده في نص الطريق وحطت ايدها على قلبها وبتتنفس بسرعه. وفضلت تعيط ولما قدرت تمسك نفسها حركت العربيه للعنوان
…………..قصص منه محمد كاتب……….
معتز في غرفه المونتاج بيمنتج الحلقه تلفونه رن بمسدج من هبه( تعال عايزه اقابلك في كافيه** وقاعده مستنياك
معتز استنتج هي عايزه في ايه ركب عربيته وراحلها دخل سلم عليها وطلبله قهوه وهي عصير
معتز بهدوء: خير يا هبه جايباني ع ملا وشي كدا ليه؟
هبه: اعترف ع طول ايه الي تعرفه عن صاحبك
معتز مثل الاستعباط: صاحبي مين
هبه بجديه وحزم: انا مش بلف وادور عارفه انك بتحب صاحبك بس انا كمان بحب اختي الصغيره ياسمين وانت عارف ان ياسمين انسانه جميله وعارف ان عمرها مأذت حد وانا مش قادره اتحمل اشوفها كدا بعد دلوقت
معتز قاعد ومتردد شويه ومحتار مش عارف يقولها ولا يسكت والدنيا تبوظ
هبه ربعت ايدها وكشرت: عارفه بأنك عارف ذات ونور وصلوا لـ اي مدي من العلاقه معتز اظن جه الوقت المناسب نتعاون قبل ما الحب الي كلنا شوفناه ينهار قدام عيونا_عيونها دمعت_ او انت لسه مش واثق فيا_عيطت اكتر_ ولا انت مفكر بأن نيتي خبيثه ناحيه ياسمين
معتز اتخنق لما شاف الدموع بعيونها رد بسرعه: اطلاقا يا هبه _مسك ايدها يهديها_ عمري ما اشك فيكي ابدا هقولك نور اشتري شقه بأسمه ومقعد فيها ذات وبيروحلها من وقت للتاني
هبه سحبت ايدها منه: اعترفت بكل حاجه
معتز اتفاجاء وهي فتحت الشنطه وطلعت منديل تمسح دموعها المزيفه
هبه بصتله: عرفت كل حاجه كان لازم امثل دراما عشان تعترف
معتز: يعني انتي مبتعيطيش بحق وحقيقي
هبه ببتسامه سمجه: لاء طبعا المهم الباشمهندس ناوي يتجوزها ولا بيتسلي
معتز حك جبينه: لاء هو قالي بأنه هينهي كل حاجه
هبه :وانا واثقه ان نور عايز ينهي الامر بس ذات مش هتسيبه بسهوله هي بعيده حاليا عن ياسمين خالص معني كدا انها بتخطط لحاجه ما
معتز مط شفايفه وعوجهم ع جنب:يعني انتي شايفه الغيب
هبه بثقه :انا محترفه في اكتشاف الاسرار وياريت تعرف الصفه دي فيا
معتز: انتي يتخاف منك
هبه :وفيه ستات تخوف اكتر من بكتير فأحترس مني
………….قصص منه محمد كاتب…………..
نور وصلها وهي نزلت وبصتله : هو انت مش هتنزل
نور كشر فيها: لاء لازم امشي
ذات: بس فوق ليك حاجات اطلع خدها وانزل
نوربعدم اهتمام: ارميها كلها مش عايزها
ذات بخبث: بس دي حاجات غاليه في الحاله دي هرجعهم لياسمين
نوراتخنق من تهديدها: استني_نزل بسرعه وهبد الباب بغل
ذات: اظن انت هتأجر الشقه والاوراق الي فوق مهمه اطلع يله خدها وامشي
نور هز دماغه شمال ويمين بضيق وطلع قبلها في نفس اللحظه كانت وصلت ياسمين ووقفت ع جنب لحد ما لمحت نور بيركن عربيته ونزل وطالع مع ذات ع فوق وذات لمحت عربيه ياسمين بصتلها من جنب عينها وابتسمت بخبث ومشت وراه وكملت طلوع ودخلت وسابت باب الشقه مردود نور دخل قبلها يدور ع الاوراق وهي لمحت قشر الجمبري ع السفره جريت بسرعه البرق لمته في جردل للزباله
نور بيدور في كل الادراج: فين هي حاجاتي والاوراق
ذات عدلت نفسها بسرعه: فوق في اوضتي هجبهالك بنفسي
نور :اخلصي لاني لازم امشي
ذات : عارفه
نور أأعد في الصالون مستنيها وذات طلعت لفوق وشافت ياسمين الي مش قادره تمشي داخله العماره دخلت بسرعه فتحت الدولاب ولبست قميص نوم احمر قصير مثير جدا وندهت عليه
ذات بصوت عالي عشان يسمعه: نور تعال ساعدني الشنط تقيله
نور شوح بقتضاب: هو ايه الي تقيل بس
نور طلع السلم وياسمين زقت الباب ودخلت وشافته طالع ع فوق من ضهره حاولت تثبت خطواتها لان كل خاليه فيها بتترعش
نور دخل: فين هي الشنط علشان انزلهالك
لقاها نايمه ع جنبها وسانده دماغها بايدها تحت خدها وجسمها كله عريان طير عيونه
نور نزل عينه واتوتر وعنفها : ايه الي انتي لبساه ده
ذات قامت من مكانها وراحت له بسرعه وحضنته ولفت ايدها حواليه : نفسي تشوفني وتحس بيا
نوربيشد ايدها من ع وسطه بعنف: انتي يا بنتي مبتزهقيش انا زهقتلك وانا لازم امشي
ذات :وتسبني تعبانه نور انا مقدرش اعيش من غيرك صدقني بحبك
نور بكل غضب: ابعدي وبطلي الي بتعمليه
ذات وحضنته بقوووه : انا بحبك يانور بحبك
نوراتعصب: وانا مبحبكيش
ذات شدته ع السرير بكل قوتها وطلعت فوقيه وتبوسه من كل حته ونور بيعافر معاها مفتاح عربيته وقع من جيبه
نور بنرفزه عليها : يا متخلفه قومي من فوقي
ذات بتفتحله زراير القميص: انا بحبك ابوس ايدك متسبنيش
نور بيزق فيها بقرفه:قلت ابعدي مستحيل اخون ياسمين انا لازم امشي
ذات بستماته:مش هيحصل
نور اتك ع اسنانه:انتي مجنونه سبيني
ذات عيونها اتملت دموع : ارجوك يانور خليكي معايا
نور :قلت ابعدي بقي
ذات نامت فوقيه بكل جسمها وهنا ياسمين حطت ايدها ع الاوكره وايدها بتترعش وفتحت الباب وشافتهم مع بعض !!!ذات نامت فوقيه بكل جسمها وهنا ياسمين حطت ايدها ع الاوكره وايدها بتترعش وفتحت الباب وشافتهم مع بعض وبعدم تصديق: نور
الاتنين بصولها بعلامات دهشه طبعا ذات بتمثل اما نور زق ذات من فوقيه بسرعه وبصلها بصدمه: ياسمين
ياسمين هزت دماغها ومن الصدمه فضلت تصرخ وتصرخ وتصرخ
نور قفل قميصه وجري عليها وبالفعل باين عليه علامات الخوف : ياسمين انتي فاهمه غلط
ياسمين ما زالت في حالة الصدمه وكل الي عليها بتبعده عنها وتصرخ بكل قوتها
نور مسكها من كتافها وبرجاء: اسمعيني الاول
ياسمين بتزقه عنها بهستريا: سبنننني لالالالالالاء
نور بسرعه حضنها بقوه وعيونه فيها لمعه دمعه مخفيه: اهدي يا ياسمين
ياسمين بتدفعه عنها بهستريا: ابعد عني ابعد يا خاين
نور برجاء: ارجوكي افهمي
ياسمين صرخت وكأنها هزت الكره الارضيه من صرختها وبكل غضبها منه ضربته ع خده بالقلم لدرجه نور وقع علارض اتخبط بضهره في السرير
ياسمين صرخت بهستريا وانهيار: صديقه شيطانه وزوج خاين كداب قذر_مسكت فازه وحدفتها في دماغ ذات الي صرخت ووطت جات الفازه في الحيط ياسمين بصتلها لقتها بصالها بنظرات كأنها شيطان رجيم صرخت تاني وفتحت الباب وطلعت تجري وهي بتجري الشوز كعبلها خلعته بسرعه وكملت جري ع تحت وطلعت من الباب وهي مش شايفه قدامها كأن الدنيا اتكست حواليها بالسواد لحد ما وصلت للشارع
نور وقف وطالع يجري وراها : ياسمين استني واسمعيني
ذات مسكته تمنعه: نور متسبنيش
نور دفعها بكل غل في الجدار وصرخ فيها : ابعدي عني ابعدي
ذات بتلف ع روب لمحت مفتاح عربيته اخدته وخبته انه ميعرفش يروح وراها ويرجعلها تاني
ياسمين وهي بتجري وقعت علارض وحاولت بصعوبه تتمالك نفسها وكملت جري لحد ما وصلت للعربيه لكن ملقتش المفتاح لانه وقع منها لما صرخت فضلت تدور في جيوبها ملقتهوش سمعت نور بينادي عليها جريت اتخبت وري شجره والمطر نزل بغزاره ونور كان وصل لعربيتها راح يدور عليها ملقهاش فيها راح لعربيته وبيدور ع المفتاح في جيبه ملقهوش رجع تاني لذات وهو طالع السلم لمح مفتاح عربيه ياسمين واقع اخده ونزل جري ركب عربيتها وحركها زي المجنون اما ياسمين انكمشت ع نفسها وقعدت علارض تبكي بحرقه وذات لمحتها من فوق منكمشه وبتبكي ابتسمت فرحانه بجنون انها انتقمت من نور ودمرت حياته ع رفضه ليها
ياسمين الي قامت بصعوبه من مكانها وبنطلونها الابيض بقي كله طينه من الارض لما وقعت وهي بتجري وفضلت ماشيه حافيه لحد ما لقت اتوبيس نطت فيه وركبته هربانه من نور الي راكب عرييتها وبيلف بعيونه عنها في كل اتجاه وبيكلم ضحي: ضحي هي ياسمين جاتلكم
ضحي: لاء بتصل بيها مش بترد وانا معرفش هي فين
نور: طيب لو جاتلك قوليلي فورا
ضحي حست بحد زق باب الجنينه وداخله عليها: هي هنا يانور _شافت حالتها المزريه صرخت بهلع_ اقفل يانور لازم اشوف اختي مالها
نور صرخ: ضحي استني ياضحي _نفخ وضرب الدركسيون واتك ع سنانه كأنه بيطحنهم _ قفلت
ضحي جريت عليها مخضوضه: ياسمين مالك ايه الي حصل ليه انتي مبلوله كدا وهدومك كلها طينه _ شهقت وحطت ايدها ع بؤها_ فين جزمتك
ياسمين ركعت علارض وبكت بحرقه وبصوت يشق الحجر
ضحي قومتها بهدوء:تعالي ندخل الاول بس ايه الموضوع
ياسمين قامت وماشيه معاها و بتعيط بحرقه وجسمها جاتلو رعشة
ضحي اعدتها: اهدي الاول واتكلمي براحه ليه انتي مبلوله كدا
زبيده طلعت تجري بخضه وقربت منها بلهفه: مالها بنتي
ابوها بفزع: ياسمين مالك
ضحي دمعه نزلت منها: معرفش مالها
زبيده مسحت ع شعرها: ياسمين مالك يا قلب امك
ياسمين ضمت امها: ضميني لحضنك ياماما
زبيده ضمتها بقوه: مالك يا ياسمين
ياسمين حطت ايدها على قلبها وغرقت عيونها دموع وصوتها اختفى :نور_بكت_ رجع لذات
ابوها جز ع اسنانه لما شاف وش ياسمين اصفر وبدون ملامح خاف عليها وضحي نزلت دموعها
ياسمين عيطت بصوت عالي: كدب عليا كدب عليا في كل كلامه
زبيده ضامها بقوه وبتمسد ع ضهرها: اهدي عشان خاطري اهدي_وراحت تتصل بعايلته_
نورهان بهلع: اهدي يازبيده حاضر هبلغ ابوه بسرعه حاضر
رفعت قاعد بيصلح تسجيل نورهان دخلت بتجري عليه
رفعت: فيه ايه يا رويتر
نورهان: ابنك عمل مصيبه كبيره وكبيره اوي كمان يله نشوف اهل مراته قوم
…………قصص منه محمد كاتب………
نور كان وصل لبيتها وفضل ينادي بعلو حسه: ياسمين ممكن تسمعيني لحد ما اشرحلك
نور فضل يهبد ع الباب: ياسمين افتحي الباب واسمعيني
نور اخر ما زهق كسر قفل الباب ودخل يصرخ بأسمها
ابوها طلعله بيجري عليه : نور
نورعيونه رغرغت بالدموع: عمي عايز ياسمين محتاج اتكلم معاها
ابوها بيزق فيه: مش هينفع دلوقت بنتي مش مستعده تستقبل اي كلام
نور :بس هي فهمت غلط وانا لازم اشرحلها
ابوها انفعل وبهجوم : ولا تشرح ولا تفسر هي مش هتفهم روح الاول يله
نور بصوت باكي وكله اصرار :من فضلك لازم تسمعني
ابوها رفع السبابه في وشه كتحذير: نور بقولك بالذوق كدا روح
نور تعداه وبيحاول يقتحم البيت ويدخلها ابوها اتعصب ومسك فيه
رفعت داخل بيجري: نور
نور بيصرخ بكل قوته: يااااسمين
رفعت مسكه من ضهره: نور ارجع البيت
نور برفض: لاء يا بابا انا لازم اتكلم معاها
ابوها اللي بدء يتعصب وبدء دمه يفور: خد ابنك يارفعت بسرعه من هنا
رفعت شده بعنف: قلت يله معايا ع البيت
رفعت بص لـ ابو ياسمين: انا اسف يابو ياسمين
نوربدموع: عمي انا بجد اسف وبلغ ياسمين بأني اسف
رفعت شده ونور لسه بينادي عليها
نورهان لزبيده: احنا بجد اسفين
زبيده بكت من قلبها ! وجوزها ضمها لحضنه وطبطب ع ضهرها
………قصص منه محمد كاتب…….
ياسمين قاعده علي السرير وتبكي لدرجه عيونها بقت كاسات دم
ضحي بتجففلها شعرها بالمنشفه: ياسمين ليه رفضتي تتكلمي مع نور ع الاقل تعرفي ايه الي حصل بلاش تظلميه من غير ما تسمعيلوا
ياسمين دموعها الي بتتكلم وتعبرعن وجعها رجعت تبكي بحرقه اكتر
زبيده قامت من قدامها بقهره: ضحي سبيها ترتاح وانتي تعالي نامي في اوضتي
ضحي قامت وباستها بحنان وطلعت هي وامها وياسمين فضلت تبكي من غير صوت! لما افتكرت لحظاتهم الحلوه سوي !!
#فلاش_باك
نور:سمسمه لفي عشاني
ياسمين: نعم الف عشانك ليه
نور مبتسملها :يله سمسمه لفي
ياسمين مدتله لسانها بطريقه مضحكه : لاء
نورضحك وجه من وراها: : قلت يله لفي
ياسمين لفت ونور شد الكوفيه من ع رقبته وغماه بيها عيونها
ياسمين: نور بتعمل ايه
نور بيربط الكوفيه: هش خليكي ريلاكس
نور شدها من ايدها ونازل بيها ع تحت
ياسمين :نور رايحين فين
نور:ثقي فيا
ياسمين :طب قولي ع الاقل احنا فين
نور: عايز تكون نظرتك الاولي مثاليه ماشي
ياسمين :نظرتي الاولي عن ايه
نور فك الرباط من ع عيونها
ياسمين فتحت وبنبهار للوحه: الله جميله اوي
نور ربع ايده قدام صدره: رسمتها لما كان عمري 13 سنه ومورتهاش لحد قبلك
ياسمين :دي انت ومامتك
نور بدمعه: ايوه دي صورتها الي فضلت محفوره في ذهني من وانا عندي خمس سنين وماتت ومشوفتهاش تاني
ياسمين مسحتله دموعه وبصتله بحب: انا اسفه يانور
نورابتسم بحزن:بتتأسفي ع ايه برغم فرقها كسر قلبي بس ربنا عوضني بأمي نورهان ورجع وعوضني بيكي لانك امي
ياسمين بدهشه: انا
نور مسك وشها بين ايديه وبحنان: ايوه انتي بشوف فيكي امي
ياسمين باست كف ايده وبصتله بحب
نوربص في عيونها وبيحرك ايده ع خدها : بتعملي ايه كدا هتهور ومش هعرف امنع نفسي
ياسمين ضربته في كتفه: بطل وقاحه وقله ادب
نورشدها عليه ولف ايده حوالين وسطها : لاء انا مش بحب امشي تبع الاوامر
وجاي يبوس شفايفها ياسمين حطت ايدها ع شفايفه نور ابتسم ومسك ايدها وباسها بنعومه ورقه
#باك
ياسمين حطت دماغها ع المخده وجسمها كله رجف ودموعها نزلت شلال
………قصص منه محمد كاتب……..
نورهان بنفعال عليه: انت دماغك دي كانت فين لما اتورطت مع العقربه ذات انا حذرتك انك تبعد عنها بس انت مسمعتش كلامي عملتلك ايه ياسمين عشان تقهرها كدا
نور رفع عينه المليانه دموع وبصلها وهو مشعارف يتكلم ورجع حط وشه في الارض
رفعت عطاها نظره: يعني بكلامك ده هتحلي المشكله
نورهان اللي اتعصبت جدا ووشها احمر بشده: انت تسكت خالص انت واخد دور المتفرج كل مره اسألك تقولي هو قادر يحل المشكله ايه الحال دلوقت البيتين مقهورين مبسوط انت وابنك
رفعت بنرفزه: خلاص اسكتي وكفايه ندب وقومي نامي انا هحل المشكله
نورهان: اتمني تقدر يارفعت واعملوا حسابكم ياسمين بعتبرها بنتي وزبيده اختي ولو نور مكسرش ذات دي وسمحلها تتنمر ع ياسمين انا الي هقفلها بالمرصاد ويبقي واحد فيكم يتكلم _سابتهم وقامت بغضب_
رفعت: نور
نور مسح وشها بعشوائيه بأيده : نعم يا بابا
رفعت: ياسمين عارفه بس ولا شافتكم في وضع بعينها
نوراتنهد بحزن: هي راحت الشقه الي فيها ذات وشافت ذات فوقي بس والله معملت حاجه هي شدتني ع السرير وانا كنت بزقها في داخله ياسمين حاولت افهمها بس ياسمين رفضت تسمعني
رفعت: زمان انت كدبت عليها كتير لدرجه مبقتش قادره تسمع منك حاجه وياريت تبطل ترمي اللوم ع الغير الي حصل ده بسبب افعالك انت لوحدك اقعد فكر بالمنطق لانك بكره هتحتجلوا عشان تحل مشاكل كتير
سابه وقام ونور رجع بجسمه لوري ومسك دماغه وعيط زي الطفل الي فقد حضن امه وصورتها وهي بتصرخ وبتنهار قدامه وبسببه مره واحده انهار ونزل علارض يبكي بحرقه وقهر
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
