رواية ذات الوجهين الفصل الرابع 4 بقلم منة محمد
رواية ذات الوجهين البارت الرابع
رواية ذات الوجهين الجزء الرابع
رواية ذات الوجهين الحلقة الرابعة
دخلو ع سؤال نور: مين محمد الكاشف يا ياسمين ردي
محمد: انا محمد الكاشف_ بصلها_انتي بقي انسه ياسمين سمعت اسمك الايام الي فاتت كتير بس دي اول مره اشوفك فيها وسعيد بمقابلتك
ياسمين واقفه ساكته ودموعها حفرت خنادق ع خدودها
نور قاطعه بحزم وبعصبيه: بطل رغي وجاوبني ايه ده ( بصوت مخنوق) ذات ايه ده جاوبيني دي دعوه زفاف ايه ده ياذات ارجوكي فهميني
محمد وقف قدامه:انا هرد عليك انا وذات هنتجوز
نور بصلها بصدمه: جواز طيب وانا ايه يا ذات ازاي هتتجوزي براجل تاني واحنا بنحب بعض أأأأزاي
ذات عقدت ايدها ع صدرها و قالت ببرود واستهتار: لاء يا نور انت فهمتني غلط بأني بحبك مش معني اني اتعاملت معاك برقه وبلطف اني لازم اكون بحبك وانا مش هتجوز راجل تاني لان محمد الاولاني الراجل الي اخترته اكون شريكه لحياته
نور :قصدك انك مخترتنيش والي حصل كان ايه تهيؤات من وحي خيالي ولا كنتي حطاني ع دكه الاحتياط للي يدفع اكتر
ذات: انا مش هسمحلك سااامع
نور مسكها وهزها جامد: ردي عليا
ذات قربت منه اوي : ايوه انا من حقي اختار وانا اخترت الافضل لنفسي ايه الغلط الي ارتكتبته او الجرم الي عملته
نور: الجرم انك خدعتيني وكدبتي عليا لعبتي بمشاعري(ه*جم عليها) انتي غشاشه كدابه
محمد شد ذات وياسمين بتشد نور من فوقيها وكل واحد بيشد الي يخصه
محمد ذقه: ابعد عنها يا مجنون ولو عندك مشكله تعال وضحها معايا انا!!!
نوربتحذير: ده بيني وبينها وانت متدخلش
محمد: لاء هدخلك
نورصرخ فيه بنبرة مخيفة : قلتلك متدخلش (سحبها من كتافها بشراسه وبيجر فيها ع برا) انتي تعالي معايا
ذات صرخت بغضب: سيب ايدي
نورصرخ : ردي جاوبني؟؟؟؟!!!!!وضحيلي ايه الي بيحصل
محمد مسكه من ضهره بعصبيه ونرفزه وضربه بالكمه طار ع الارض وياسمين عيطت وراحت سحبت نور وقفته
نور قام واندفع ناحيته بشراسه يهجم ع محمد ذات قربت ووقفت في وشه وبتهديد: اياك تلمسه سامع وانا مكدبتش عليك ومخدعتكش سبق ووعدتك بأي حاجه او قولتلك هتجوزك اقبل الامر الواقع وافهم يانور انا مش بحبك الراجل الي بحبه (شبكت صوابعها جوه صوابعه بنبرة مست*فزة) هو محمد وبس
محمد دقق في ملامح نور اوي: ذات افتكرته مش ده سواقك الي كان معاكي اول مره شوفتك فيها
ياسمين شهقت وبصتلها بغض*ب ونور لجمته الصدمة وحس كأن حد ضربه قلم ع وشه بقسوه و افتكر لما طلبت منه تركب في الكنبه الورانيه عشان تبين انه شوفير ياه ع غبائه
مهدي دخل: ايه الي بيحصل هنا
جيهان: فيه ايه ياذات صوتكم واصل لـ اخر الدنيا
ياسمين بخفوت: يله يانور نرجع البيت ونتكلم بعدين
نور بصوت كله قهره ووجع: مش هنتكلم يا ياسمين الكلام انتهي لان الامر واضح واظن كلنا شوفناه
واتحرك بخطوات بطيئه مغادر المكان
مهدي بص لبنته بقرف: حصلت المشكله في النهايه
ياسمين بصتلها بحده: ذات لازم نتكلم
شدتها برا في الجنينه وكلمتها بنرفزه: ازاي يا ذات قدرتي تعملي كدا نور اشتغل ليل ونهار عشان يوفر الفلوس الي هيتجوزك بيها ولما انتي مش بتحبيه ليه من الاول مقلتلهوش عشان ميتعشمش ليه ادتيلو امل كبير بالمنظر ده
ذات: كنت هقوله بس انتي خالتيه يشوف دعوه فرحي الاول
ياسمين بصوت مهزوز: انتي بتقولي ان ده خطئي
ذات شدتها تقعد جنبها : لاء يا سمين مش قصدي اقول كدا اسمعيني الاول , نور شخص غيور وكان بيغير عليا اوي وده خنقني منه عكس محمد سايبني ع راحتي معاه ببقي ذات ببقي نفسي وانا غلطانه كنت المفروض صارحت نور بس انا مقدرتش اقوله الحقيقه صدقيني زعلانه من نفسي اني حطيته في الموقف وكلمته بقسوه لاني بعزه لكن هو زعل مني وكرهني بس عادي انا موافقه ابقي في نظره البنت الشريره لحد ما يتخطاني(عيطت بحرقه) ده الي اقدر اعمله
ياسمين ضمتها لحضنها وطبطبت ع ضهرها: خلاص يا ذات الي ربنا عايزه هيكون
ذات ابتسمت لانها عرفت تضحك عليها ببراعه بدموع التماسيح!!!
………..قصص منه محمد كاتب……
نور خرج راح لصديقه الوحيد معتز وقف في الشارع واتصل ينزله
معتز نزل بالبجامه: فيه ايه يا نور وشكلك عامل كدا ليه
نور مره واحده اتقئ لانه لما بيزعل اوي معدته بتقوم عليه
معتز سنده: نور انت استفرغت في المكان كله همسح ع ضهرك(ومسح ع راسه)
نور شد ايده: دي دماغي يا جحش مش ضهري انت احول
معتز: معلش اسف بس ممكن تقولي ايه الي دهولك كدا
نور بمراره والم رهيب: ذات سابتني وراحت لواحد غيري ليه عملت فيا كدا ليه خدعتني ازاي جالها قلب تعمل فيا كدا ازاي(بصله بوجع) فكر فيها هي كانت معشماني بالحب
معتز: عارف وشوفت ده ما بينكم
نور اخد نفسه بالعافيه وبنرفزه: وفي نفس الوقت تعرف واحد غيري
معتز: انسي يا اخي دي واحده متستهلش حتي ذكرها
نور بحرقه وصوت موجوع اوي:انت مش فاهم حاجه
معتز: لاء فاهم انك بتحبها اوي لدرجه الحب غماه عيونك وحبها وقف عقلك وهي امتلكتك واستغلت غبائك المتفحش بس فوق يا صاحبي دي في النهايه ست لا راحت ولا جات فوق لروحك وصحصح لنفسك وارجع البيت واسجد لله سجده شكر انه نجاك منها ام وشين دي يله قوم
نور بعصبيه: مش رايح البيت
معتز: لاء هتروح تاخد دش وتاخد دواك عشان معدتك يله
نور: ليه اعيش انا حمار وغبي وكلب عشان كدا هبات في الشارع
معتز بزهق: انت حر ووياريت تيجي عربيه الزباله تاخدك معاها
نور مره واحده قام يجري ع اتوبيس نقل معدي وفضل يشاورله انه يقف ومعتز لمحه جري وراه لكن ملحقهوش والاتوبيس طلع
………..ذات قصص منه محمد كاتب………….
نورهان شافت خبر الزواج في المجله طلعت تجري بفزع : الحق يا رفعت
رفعت بصلها: خير يا اذاعه الشرق الاوسط للاخبار
نورهان وهي بتنهج بشده :شوف الخبر ده ابن راجل الاعمال محمد الكاشف شاب الطبقه الراقيه الجذاب ينهي عزوبيته ويجهز للزواج من الانسه الجميله ذات مهدي الدمنهوري هي ذات نفسها الي كان ابننا هيتجوزها بس ازاي وليه؟؟!!
رفعت: لاحول ولا قوه الا بالله ده نور استلف مني مبلغ من الشهر الجديد عشان يشترلها خاتم الخطوبه بجد كسرته
نورهان: اتصل حالا بنور
رفعت قام من مكانه وضهره محني : لاء مش هتصل بيه هو لو عاوز يتكلم هيجي ويتكلم
نورهان: انت رايح فين
رفعت لف وبصلها وشاورلها ع شفايفه: هاخد الدواء حاسس اني الضغط عندي ارتفع
نورهان بغيظ: ولا عشان تهرب مني لاني قلتلك دي متنفعش لـ ابننا عملت ودن من طين وودن من عجين حتي هو كمان حذرته بس مسمعنيش
رفعت سابها ومشي وهو مقهور بحزن ع ابنه وحيده!!!
نورهان بقلق: ياتري يا بني عامل ايه
لقته دخل وشكله متبهدل ع الاخر
نورهان جريت عليه بلهفه: نور انت كويس يابني
رفعت رجع وبصله: انت ليه حالتك عامله كدا
نورهان طبطبت ع كتفه تطمنه: سيبه يقعد الاول
رفعت زعق فيه: انا بسألك ليه عامل في نفسك كدا الامر يستاهل اتفضل غير هدومك وتعال
نورهان مسدت ع ضهره: يله حبيبي غير عشان تنزل تاكل معانا
نورهان طلعت معاه وسابته وهي نازله سمعت صوته بيتقئ جامد
نورهان ندهت ع رفعت وجريت فتحت عليه الباب وخطفت بسكت الزباله وقربتهوله يرجع فيه
رفعت دخل: فيه ايه
نورهان: تعال يا رفعت امسكله الجردل ع ما انزل اغليلوه كوبايه نعناع تهدي معدته
رفعت قرب ومسد ع ضهره بحنان وقرب منه الجردل :رجع يابني كل المراره الي في جوفك
نور: بابا سبني لوحدي
رفعت ابتسمله: اسيبك لوحدك اتلهي انت قادر تصلب طولك
نورهان رجعت تاني وسألته بلهفه: نور عامل ايه دلوقت
رفعت :تعالي شوفي الطور بيقولي اسيبه لوحده
نورهان :لاء طبعا لازم تفضل معاه وتتعذب بمنظره
رفعت بدهشه وبرق عيونه : ليه يا ام اربعه واربعين
نورهان بحده :لان هو كدا بسببك انت
رفعت كشر جدا: انا يا خلل ليه عملت ايه
نورهان بلوم وعتاب :عشان كلمتك كتير وقولتلك عقله وحذره من العقربه بس انت سبته يعمل الي عايزه
رفعت :اهو عندك كلميه وعقليه
نورهان بغيظ: سبتلك الامر وانا هروح انام
رفعت شخط فيها بعصبيه مضحكه: انتي يا نورهان تعالي هنا لقوم اطلقك
نور قام رجع مره تانيه ورفعت غيرله هدومه وقعد جنبه يعملوه في كمدات
نور حدف الفوطه بزهق:خلاص يا بابا بقيت كويس
رفعت بتريقه: ما هو واضح انك كويس نور انساها يابني وارميها والف غيرها تتمناك وست ستها كمان
نور بصله بنظره حزينه وغمض عيونه بوجع ورفعت نزلت دعه من عيونه وهو يدعي من قلبه ان ربنا يفرج همه
………….
الصبح نور بيتقلب فوقع من ع السرير علارض معتز فتح الباب وبصله
معتز: نور يا خم النوم اصحا يله
نور حط المخده فوق دماغه وشخط فيه: غور يا معتز
معتز ضربه في جنبه برجله ع خفيف: قوم فيه ناس جايه تشوفك
ياسمين دخلت بلهفه وعيونها عليه
معتز: ادخلي يابنتي بس خالي بالك من العدوي ده نايم زي القتيل من امبارح حاولي تتكلمي معاه خاليه يفك ويطلع من الغرق الي هو فيه وانا هنزل تحت ولو فيه اي حاجه اندهيلي( ضربه تاني بغيظ) لان ده عقله راح
نورصرخ: جاموسه
ياسمين نزلت لمستواه وحطت الموبيل ع كلام معين
نور: اوه طفيه(قام) ياسمين اظن ماما قالت لك تيجني مش كدا
ياسمين: ايوه طنط نورهان وعمي رفعت قلقنين عليك جدا
نور بصوت مبحوح تعبان موجوع : وصحبتك طبعا ولا في دماغها
ياسمين: نور فوق ع الحقيقه واتحمل الالم
نورمسح على شعره وقال بنبره مخنوقه: اي ان كانت الحقيقه الي هعرفها تفتكري هتالم واتوجع اكتر من كدا
ياسمين اتكت ع شفايفها ومش عارفه تبدء منين
نور ابتسم بحزن: قولي ومتخافيش عليا
ياسمين اخدت نفس : ذات فرحها كان امبارح يانور
نورعيونه رغرغت بدموع :اتجوزت وياتري كانت سعيده
ياسمين :ايوه كانت طايره من السعاده اظن جه الوقت توقف مشاعرك في التفكير في ذات واهتم بنفسك لانك عاقبت نفسك بما فيه الكفايه وواضح ع ايدك الي طلعت غضبها فيها بالملاكمه
نور بصلها بنظره حزينه ورجع دماغه ع حرف السرير: ايوه بتوجعني بس قلبي موجوع اكتر
ياسمين قامت وجابت صندوق التعقيم وبدئت تطهر الجرح وقالت له:بس لو جرح ايدك اتلوث والتهب هنا هتتقطع ومش هتعرف لاترسم لوحه ولا حتي ترسم تصميم هندسي وهتكمل حياتك لوحدك ومحدش وقتها هينفعك
نور رفع عيونه و بصلها بنظره كلها حزن
ياسمين بهدوء:ممكن نزعل نحزن بس حزننا ميخلناس نصعب ع الناس
نوربصلها وكشر وبان عليه التأثر والانكسار
ياسمين :نور شوف حالتك انت بتثبتلها انها اختارت الراجل المناسب ليها
نوربنبره ضيق : ياسمين
ياسمين بلطف :مش عايزه ازعلك بس عايزاك تتقبل الحقيقه
نوربنكسار يغالب دموعه: حقيقه ان ذات مش بتحبني
ياسمين الحقيقه انك لسه عايش وبتنفس والحياه مستمره ومن يوم الي حصل ذات مكمله الطريق حتي مش بتمشي دي بتجري لان بقالها حياه جديده مع راجل اختارته برغبتها وهتسافر معاه برا وانت لسه عايش في الحزن تبكي ع الاطلال وواقف محلك سر
نور :ذات مسافره امتي
ياسمين: بتسال ليه
نوراخد نفسه بالعافيه :عايز اشوفها قبل ما تسافر
ياسمين بتعجب: نور انت ناوي ع ايه
نور:مش ناوي اعمل مشاكل ومش علشان تشوفني لكن لو شوفتها بعيوني واتاكد انها معاه هرجع اكمل حياتي واتخطاها ممكن تقوليلي المعاد
ياسمين: لو ده فعلا هيرجعك نور هبلغك حاضر
في المطار راح نور مع ياسمين ووقف وري الحاجز الازاز يراقب من بعيد وياسمين دخلت تودعها
ذات بسعاده: ماما ابقي تعالي زورينا
جيهان: اكيد ياقلبي
ذات: بابا وانت كمان تيجي
مهدي بفرحه: عيوني بس امسكي ايدك شويه من المصاريف
ذات كشرت بدلع: ماما شوفي بقي بابا بيتهمني اني مبذره ومصرفه
جيهان ضحكت: خدي بالك من نفسك ومن جوزك
محمد جه عليهم ولف ايده حوالين ذات وببتسامه: يله عشان ندخل الطياره جاهز حياتي
ذات ضحكتله وانكشت في دراعه: جاهزه
جيهان :خالي بالك منها يامحمد
محمد بصلها بنظره عاشق: في عيوني متقلقوش اوعدكم اهتم بيها بكل استطاعتي
جيهان: شكرا يابني
مهدي: يله خد مراتك وادخل يا بني وخالي بالك منها دي مسرفه ولو مصرفتش مترتحش
ذات ضربت الارض برجولها بزعل: بابا كدا محمد هياخد فكره وحشه عني وانت السبب (بصتله) متصدقهوش
محمد: لاء متخافيش المهم يله
ذات بصت لياسمين الي واقفه وعيونها بتروح وتيجي دققت اوي لمحت نور واقف وري الازاز جات في دماغها خطه شيطانيه
ذات: محتاجه اتكلم دقيقه مع ياسمين
محمد هز لها دماغه:تمام بس بسرعه
ذات اخدت ياسمين مكان مانور واقف الي اول ما لمحها جايه ناحيته اتخبا ووقف يسمع الحوار
ذات :ياسمين قبل ما اسافر فيه موضوع مهم لازم اقلهولك
ياسمين بلخبطه وحيره: بخصوص مين
ذات :بخصوص الي متجرأتش اقوله لحد طول الوقت الي كنت فيه مع نور حسيت انه مش بيحبني
نور هنا متحملش يسمع اكتر وطلع وقف برا
ياسمين وسعت عيونها بدهشه:ذات انتي مجنونه ازاي تفتكري انه مش بيحبك
ذات :ايوه دي الحقيقه انا حستها وحسيت ان فيه واحده تانيه في قلبه غيري ويمكن شبهي فنجذبلي بس محبنيش
ياسمين بصتلها بحيره:ذات انتي بتقولي ايه
ذات: هوضحلك في كل مره بيكون معايا كان بيتكلم عن بنت وانا ظنيت انها حبيبته ولما دققت اكتر عرفت ان البنت دي انتي
ياسمين رمشت كذا مره بدهشه: ايه انا يا ذات انتي سخنه ولا بتهزري معايا
ذات رسمت الجديه: لاء انا بحبك وبقولك احساسي عشان كدا بعدت واختارت محمد ونور هيتخطاني وفي غيابي هيعرف بجد مين الانسانه الي بيحبها وفي غيابي اهتمي بيه وانا بدهولك يله سلام يا صاحبتي
ياسمين واقفه جواها لخبطه وحيره كبيره!!!!
ذات بصتلها بخبث وضمتها وابتسمت لانها حافظت ع نور ليها لو موفقتش مع محمد!!!
ذات رجعت لمحمد الي سألها: خلصتوا
ذات بضحكه: ايوه
مهدي: يله يا ولاد للطياره تفوتكم
………..ذات قصص منه محمد كاتب………
ياسمين اتصلت بيه وقالها ع مكانه وبالفعل راحتله وهي جواها الف سؤال وسؤال قربت منه: عامل ايه
نور بصلها وابتسم نص ابتسامه : ابدا فتحت عيوني وده بفضلك خلتيني اشوف الحقيقه اني محبتش ذات
ياسمين: مش فاهمه
نور اتنهد: يمكن في البدايه فكرت اني هموت وسط المطار لو شوفتها مع راجل غيري بس لما شوفتها لقيت الامر عادي جدا لاني مكنتش هقدر اكمل واتابع حياتي مع واحده غشاشه بتلعب ع الحبلين وشكرا لتاني مره انك فتحتي عيوني وشلتي الغمماه
ياسمين بشك: نور انت بجد كويس
نور بص للفراغ: زي ما قلت لك لازم افوق واكمل حياتي وابدء من اول وجديد مش كدا احسن
ياسمين بتشجعه: طبعا
………..ذات الوجهين……….
نور مسك كل صور ذات حرقها وهو بينكش لقاه صوره لياسمين وسط الصور اخدها وشالها ورجع دلق بنزين و كمل الحرق واتصل بيها تاني يوم واخدها وهي راجعه من كليتها بعد ما استأذن ابوها الي وافق
نور سحبلها كرسي ورفع عيونه وبصلها: ايه اخبار المذاكره
ياسمين بضحكه رقيقه: والله حلوه وبحاول اجتهد بس حاجات بتسقط مني بس بحاول
نوربتشجيع: انا واثق فيكي انك شاطره ولهلوبه
ياسمين: هه فعلا لدرجه الدكاتره زهقوا مني ومن اسألتي
الجرسون قرب ورص الاكل قدامهم وبدئت ياسمين تاكل بحماس
نور رفع عيونه وبصلها وسألها بهزار: ايه رايك في الاكل ينفع يتاكل
ياسمين ببساطة : رغم انه بسيط لكن طعمه جميل
سمعوا صوت راجل بيستفرغ
نور وسع ابتسامته: شايفه الراجل ده يع يقرف صح
ياسمين قفلت وشها: جدا قرفني انا شخصيا
نور ضحك اوي: انا في مره عملته نفسه كدا
ياسمين بستغراب: بجد في المطعم كدا
نور ببتسامه: لاء في اتوبيس لحوست الدنيا والناس صرخت والكمسري زقني والناس شتموني
ياسمين: انت بتهزر
نور: لاء والله حصل شكلي ميقلش صح
ياسمين ابتسمت وحركت دماغها وبضحكه : بصراحه ميقولش
نور مسك ايدها وببتسامه كلها امتنان: بس لازم اشكرك بسببك رجعت نور الي اعرفه شكرا يا اجمل ياسمينا
……………ذات قصص منه محمد…………
في لندن
دخل بعد يوم شاق رجع البيت كان مرهق بشده خلع جاكته وباس خدها وسألها: ها ايه اخبار اول يوم ليكي في الكليه
ذات بتفر في الدولاب بزهق: بين وبين ملل وزهق
محمد عقد حواجبه: ليه
ذات: لانها مش عجباني ولازم نتكلم انجليزي طول الوقت
محمد: وانتي مش عارفه انجليزي
ذات: طبعا عارفه وبكتبها كمان بس انت ودتني كليه بعيده وكأني في معتقل
محمد: لان الكليه دي التدريس فيها ع اعلي مستوي
ذات: تمام وانا هتعلم كل اللغات عشان اعرف اتعامل اكتر
محمد: ده معناه ايه
ذات: يعني هبدء من بكره وعشان كدا النهارده قررت اخرج اتفسح مع اصحابي
محمد بصلها بدهشة : مش المفروض تقوليلي الاول
ذات: اظن طلبت منك كذا مره وانت بترفض وع طول مش فاضي ومشغول عشان كدا قررت اخرج مع الشله واهو اتعلم منهم ومش هتاخر هرجع ع طول
محمد : ممكن تأجليها ع نهايه الاسبوع هاخدك انا بنفسي ونسهر براحتنا وممكن نرجع متأخر بس الليله مينفعش
ذات: ليه مينفعش
محمد نفخ ومسح وشه بأيده : لان عندي شغل متلتل ولازم اعمله
ذات: تمام هخرج لوحدي
محمد: يعني مصممه تخرجي لوحدك وبعدين انتي ناسيه احنا في شهر العسل يعني لازم نقضي مع بعض اطول وقت ممكن
ذات: والله ما حضرتك بتشتغل وانا في الكليه
محمد بصلها و سألها ببرود : ايوه وديتك الكليه عشان في غيابي متزهقيش وبعدين اكتر شغلي بتابعه من ع الجهاز لكن قاعدين مع بعض واظن برجع ع ميعاد رجوعك ومش بسيبك لوحدك
ذات بتحكم: هخرج لوحدي وانت متقدرش تمنعني
محمد برفعه حاجب: لاء اقدر وياريت توقفي تصرفات العيال
ذات وشها احمر من شدة الغضب:انت عايز تمنعني مش كدا-ذات مسكت قميصها وفضلت تشق فيه بجنون
محمد قام مخضوض: ذات بتعملي ايه
ذات فضلت تقطع في القميص وتصرخ فيه بجنون: شايف , شايف بقيت عريانه وهخرج كدا مبسوط دلوقت
محمد صرخ فيها وبهستريا:انتي اتجننتي
ذات بنظرات تخوف اوي: لا متجننتش وهخرج كدا من غير حماله(سنتيان) واياك تمنعني
محمد ضمها لحضنه ومسح ع شعرها يهدهد فيها كأنها طفل بيراضيه: خلاص هنخرج خلاص
ذات: اياك تمنعني تاني اوتعارضني ابويا وامي عمرهم ما عرضوني ابدا وانت نفس الامر سامع
محمد : حاضر بس اهدي ممكن والليله هنخرج
ذات : انا هروح استعد
يابت الجبروت رايكم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
