رواية ذات الوجهين الفصل الرابع والعشرون 24 بقلم منة محمد
رواية ذات الوجهين البارت الرابع والعشرون
رواية ذات الوجهين الجزء الرابع والعشرون
رواية ذات الوجهين الحلقة الرابعة والعشرون
ياسمين نزلت قبله من العربيه وبصوت انوثي رقيق للغايه: نور معلش هاخد شور انا الاول
نور بصلها وابتسم: زي ما تحبي يا روحي
ذات طلعتلهم بقميص نوم طويل وعليه روب مقفول
ياسمين بنظرات جامده عكس الاول: انتي لسه منمتيش
ذات عيونها راحت ع نور: معقول فضلت صاحيه قلت اطمن عليكم
ياسمين لفت وبصتله وهو حط دماغه في شنطه العربيه بسرعه!
ياسمين: ليه فيه حاجه
ذات هزت كتافها: لاء مفيش بس بعمل نفس ما بتعملي انتي اظن اول امبارح اطمنتي عليا فرجعت وكنت عايزه اقولك الي جد في حياتي
نور فجأه اتعصب : ياسمين اطلعي خدي الشور
ياسمين بملامح جامده خشنه:اشوفك بكره
ياسمين مشت ونور بص لذات بحتقار وفات من جنبها بدون اي كلمه
ذات اضيقت منه وفي سرها: لايمكن اسيب الامر يفلت مني بسهوله وراحت قعدت في الجنينه
ياسمين لفت وراها وسالته بشك: نور ايه الحكايه انت ليه اتعصبت بالشكل ده
نور ارتبك بسيط: انا لاء خالص اصلي فكرتها مشت بس رجعت وهي لسه هنا عشان كدا انا عصبي شويه
نور طلع غرفتهم وياسمين دخلت الحمام راح مسك صورتهم سوي هو وياسمينه وبيتأملها ومرعوب لذات تقولها انه عمل معاها علاقه كامله لكن الامر كان غصب عنه لكن اي ست مش هتفهم انه غصب وهتفكره بمزاجه اتنهد تنهيده خارجه من القلب بكل غصه ومراره للوضع كله الي بقي حرفيا فوق احتماله حس بيها خارجه حط الصوره مكانها وبسرعه مسك ريموت التلفزيون وكأنه بيفر في القنوات وبصلها: نعيما هدخل انا اخد شور
ياسمين: طيب
وهو داخل تلفونه عمل صوت مسدج وياسمين لفت وركزت معاه اوي
نور فتح الرساله كانت منها ((عايزه اتكلم معاك هتنزلي ولا اطلعلك))
ياسمين بهتمام: الرساله من مين؟؟!
نور بدء الدم يفور عنده من حركتها وحاول يكون ريلاكس: ها من الشغل _واخده ورايح ناحيه الحمام_
ياسمين بصتلو بتعجب: وانت هتدخل بيه الحمام
نور اتوتر بسيط: اه افرضي طلبوني في امر مستعجل
ياسمين عقدت حواجبها مستغربه وزاد شكها: وانت من امتي لو جالك ايه عليه باللذي بتدخل بيه الحمام
نور سكت للحظه ثم قال: اعتبريها صفه جديده عن اذنك
نور دخل الحمام ومن توتره اتعتر في فرشه الحمام وكان هيتكعبل يقع ع ضهره جاتله رساله تانيه (( قدامك دقيقه وهطلعلك))
نور وسع عيونه بهلع: بجد واحده مجنونه _كتبلها_ متطلعيش انا في الحمام بستحما
طلع بسرعه لبس فانله حمالات وبنطلون رمادي وانتهز ان ياسمين في الحمام ونزل جري ع تحت وباين انه شادد على اعصابه
ذات شافته قامت تجري عليه وفاتحه دراعتها وبتضحك جامد: نور
نور بسرعه كتم نفسها وهو قرفان منها: هش اسكتي عايزه ايه
ذات: بخصوص مكاني الجديد انا لسه بدور بس مفيش حاجه عجباني والي عجبني غالي وطبعا انا من غير شغل وانت عارف الظروف
نور بدون نفس :خلاص هتحكيلي قصتك الي انا بشمئز منها ع العموم لو فيه مكان عجبك قوليلي وانا هتوله الامر
ذات ضحكت جامد: متشكره يانور انت لطيف اوي
نور اتك ع سنانه: يابنتي قلت وطي صوتك وانا مش لطيف انا اهم حاجه عندي تمشي وبسرعه والرسايل الي بتبعتيها اياك اياك تبعتيها تاني فاهمه
ذات كشرت: طيب
نور بتحذير: وكلمه افتقدك بشده بطلي تنشري القرف ده تاني ع صفحتك تمام
ذات اتنفعلت وزعقتلو: نعم نعم دي صفحتي الشخصيه اعبر فيها عن مشاعري براحتي
نور اتعصب من اسلوبها ورد بقرف: عبري بس متستخدميش كلمه خاصه او صور الناس مش غبيه مفهوم لو ياسمين شافتها ولا ضحي هيقروها غلط
ذات حطت ايدها في وسطها وبعناد:شوف بقي انت تقدر تمنعني عن اي حاجه الا انك تسجني وملكش دعوه انا هتحمل كل ده بنفسي
نور زهق منها فزود الضغط لانه حرفيا اتخنق: لو بتعملي ده عشان تدمري بيتي وتخربي حياتي بكررهالك مش هسيب ياسمين بسبب صورتك الغبيه
ذات لفت عليه بقوه كأنها بتقوله هتشوف مين يقدر يغلب التاني وسابته ومشت!!!
نورشد شعره ونفخ بزهق :الهي ربنا ياخدك وارتاح منك قادر يا كريم
……………قصص منه محمد كاتب…………
ياسمين خرجت من الحمام وبتكلمه وهي بتجفف شعرها بالمنشفه: قولتلك كام مره تعدل حنفيه الدش قبل ما تقفله الميه نازله سرسوب
ياسمين مسمعتش صوته ندهت عليه برضو مفيش اي رد دخلت الفراندا مش موجود لبست روب ونزلت ع تحت تدور عليه في كل حته زي المجنونه طلعت للبسين تنادي بأسمه لكن مفيش حد للان نور اخد ايد ذات وطلع يجري بيها بأقصى سرعه واستخباه في شجره وذات منتهزه الفرصه ومبسوطه وعماله تحضن فيه وتبوسه ونور جسمه اتخشب منها ومن حركتها وفضل يزق فيها ويبرقلها ولما لقاه ياسمين بعدت سحبها من ايدها وطلع يجري بيها ع المطبخ
نور الي بينهج وبالعافيه و بياخد نفسه: اسمعي اقطعي مني الامل انك تبقي معايا والوضع كدا فمتحاوليش فاهمه
ذات دمعت ومثلت انها هتعيط: اسفه يانور بس اوعدك حاضر هداوي حبك في قلبي ومش هعبر بيه تاني
نور وهو في قمة غضبه : والجنان الي عملتيه سيبك منه وانسيه
ذات نزلت راسها في الارض بضعف: هحاول انسي بس النسيان مش سهل
ياسمين هنا كانت قربت لمكانه وقلبها خايف ومرعوب من الي ممكن تشوفه مشت بخطوات سريعه عاوزه تتأكد لقته واقف قدام الثلاجه وبيتكلم: خلاص ماشي يا معتز اعمل ده حلو جدا وهنتكلم تاني سلام
نورخلص التلفون الوهمي وحاول يستجمع نفسه ويخلي الوضع عادي لف عليها نص لفه: ياسمين بتعملي ايه
ياسمين قربت لعنده: انت الي بتتكلم في التلفون في المطبخ ليه؟!
نور ابتسم: ابدا بتكلم في الشغل وبدور ع اي لقمه اكلها لان الليله هشتغل لوقت متأخر
ياسمين بهدوء: تحب اعملك سندوتش
نور هز دماغه: ياريت ولا اقولك طبق فاكهه كفايه
ياسمين: طيب وانت متسهرش كتير
نور ابتسم لها بحنيه: حاضر
ياسمين مشت ونور واخيرا قدر يتنفس وراح يشوف البلوه لقاها مشت اتنهد براحه اما ياسمين شكت وراحت لغرفه ذات لقت الباب مفتوح وهي قاعده بتسرح شعرها في المرايا حطت ايدها ع قلبها واخدت نفس براحه وطلعت اوضتها ومسكت تلفونها وفتحت صوره ذات والشك لسه مسيطر عندها
………….قصص منه محمد كاتب……….
في الشركه ع الموبيل
رفعت: اهلا يا استاذ تامر
تامر: اهلا وسهلا رفعت بشا رجعت من اسيا
رفعت ضحك : رجعت وقلت اتصل اعتذر عن عدم وجودي في توضيح المشكله في المنتجع
تامر: مفيش مشكله متقلقش انسه ذات والباشمهندس حلوها
رفعت اتصدم: انت قولت نور ابني جه مع مين
تامربهدوء: ذات جم سوي وعملوا الشغل هايل وهي بنت ذكيه جدا حتي امي كانت معجبه بيها بس للاسف قعدوا ليله واحده وبعدها سافروا
رفعت اتك ع اسنانه وهبد ايده ع الحيط
تامر تابع كلامه: المره الجايه ياريت تيجي تزرونا في المنتجع وتجيب معاك الباشمهندس وذات
رفعت: اه انشاء الله مع السلامه
………………قصص منه محمد كاتب…………..
ضحي رايحه جايه بالتلفون ع الصوره وسحبت كرسي وأأعدت: اظن كدا فيه ان وذات بالصوره دي عايزه تعبر عنها وده مؤكد له علاقه بنور
زبيده: استني استني بقي صوره عربيه وكلمه افتقدك ايه علاقه ده بنور افهم
ضحي: يا امي فتحي مخك معايا نور وذات فجأه كدا ميرجعوش البيت سوي في نفس الليله وهو قال انه مسافر دبي وهي راحت شرم كدا اتقابلوا في السر وصوره العربيه وكلمه افتقدك هي بتحاول تبني حدود
ابوها زهق منها: حدود ايه العك ده
ضحي: انا بضرب مثل يعني بتقول الراجل ده ملكي زي اغنيه الواد ده بتاعي رسمته ع دراعي وانا عايزه الراجل ده والراجل ده نفسي يبقي جوزي
ابوها: انجزي عايزه تقولي ايه
ضحي: الي عايزه اقوله ذات نشرت الصوره بعد ما نور نشر صوره رومانسيه مع ياسمين اعقلوها قاصده
زبيده قطعتها لانها رافضه الفكره: كفايه صدعتيتي وانا بسمعك والصوره مش هتحلل اي حاجه من الدش الي قولتيه
ضحي: ماما ده يخض بنتك
ابوها شخط فيها: بت قومي نامي وسيبي اختك تتولي الامر ده بنفسها وبطلي تتحشري قومي يا زبيده سبيها قاعده لوحدها
زبيده شدت الطبق من قدامها: ولا تاكلي من كيكتي يا حشوره
ابوها سحب صنيه الشاي باللبن: ايوه ولا تشربي من الشاي باللبن
ضحي دبت الارض برجليها : هي الناس دي لقوني ع باب جامع _وبتفكير_ بس بجد عرفت ياسمين طلعت طيبه كدا لمين ليه محدش شايف ان الموضوع كبير
…………….قصص منه محمد كاتب…….
ذات رصت عربيات كتير اشكال والوان ع الكنبه في الصالون تحت
ياسمين شافتها من فوق ونزلت وراحت عليها: ايه الي كنتي بتفكري فيه لما نشرتي صوره العربيه
ذات: عايزه تعرفي بجد
ياسمين بصرامه : ايوه عايزه اعرف واتمني تقوليلي
ذات استغربت اسلوبها..اول مره تكلمها بالطريقه الصارمه دي وسألتها: وليه نغمه صوتك متوتره كدا مفيش حاجه انا بس مفتقده السفر وبقالي كتير مسافرتش اقولك تيجي نعمل رحله ونأجر عربيه انا اسوق شويه وانتي شويه
ياسمين بوش خشب: امتي هتمشي من هنا
ذات ولعت نار: انت بتطرديني
ياسمين الي متأكده انه وراها بلوه ردت بصلابه : افهميها زي ما تفهميها بس انا من وجهه نظري بسألك اظن طلبتي تئعدي مده قصيره وشيفاكي طولتي عشان كدا بسألك امتي هتمشي من هنا
ذات بتناكه وعجرفه: قريب انا بحاول والنهارده كنت ناويه احكيلك اخر اخباري بس بأسلوبك ده غيرت راي
ياسمين بدئت دقات قلبها تزيد لكن بتحاول تمسك نفسها
ذات :هخرج ادور ع شقه أيجارها يكون رخيص وادور ع شغل جديد قبل ما صاحبتي ترميني برا
ذات رمت العربيه ع الكنبه وبصتلها بنظره فيها شر وقسوه ومشت
ياسمين حست انها داخت من كتر البراكين والامواج والزلازل الي جواها وشكها الهايج زي امواج البحر
نور خارج بيشمر كمام قميصه وراحلها وضمها من ضهرها: واقفه بتعملي ايه هنا
ياسمين واقفه متخشبه وهو بيضرب عيونه شاف صف العربيات
نور لفها بسرعه ناحيته: ايه الموضوع وليه وشك متوتر كدا في حاجه حصلت
ياسمين بعيون دامعه: اصلي سألت ذات بخصوصي مشيها من عندنا وبتقولي قريب وبدئت تتعصب يظهر مش سعيده بسؤالي ياتري كنت قاسيه عليها بسؤالي
نور وهو يمسح دموعهـا بالابهام: لا عين العقل
نور حود عيونه ع صف العربيات واتغير لون وشه وشرد وياسمين بصتلوا جامد ورجعت حرفت عيونها ع صف العربيات
نور رجع من سرحانه بسرعه وحط ايده على خدها ومسح عليه: وع فكره يمكن اليوم اتاخر شويه عندي مقابله مع صاحب فندق هاخد منه عمولتي اشوفك المساء عاوزه مني حاجه
ياسمين بهدوء: سلامتك
نور وأيده لسه على خدها وهو مبتسم ابتسامه واسعه : ربنا ما يحرمني منك يا قلبي
و مشي وياسمين عيونها زايفه في كل مكان لحد ما رجعت استقرت تاني ع العربيه الجيب!!!!
…………قصص منه محمد كاتب…….
نور طلع حرك العربيه وماشي لقاه الي فجأه وقفت قدامه وفتحاله دراعتها وبتضحك ببهجه: اقف
نور اتخض وداس فرامل مره واحده ووقف وبعصبيه: ايه عايزه ايه
ذات ابتسمتلو ولفت ركبت جنبه
نور اتعصب جدا: انتي رايحه فين
ذات بغنج مستفز: رايحه معاك
نور: تروحي في مصيبه انشا الله يا بلوه انا رايح عندي معاد مهم
ذات اتغلفت بالبرود ومسحت ع قميصه: منا رايحه معاك نفس المعاد ولما تخلص نروح سوي ندور ع شقه مع بعض
نور زق ايدها: انا مش رايح معاكي في حته
ذات: نور فيه ان ياسمين النهارده الصبح طردتني ومش هتحمل تطردني تاني بالليل
نور بغضب اسود: هو انا مش اتنيلت اديتك فلوس وفكرت هتخالي عندك شويه دم وتمشي امبارح بالليل
ذات قلبت شفتها بستهزاء: ميه الف كدا هشتري شقه فار
نور بصلها وكشر وهو متقزز منها
ذات: نور تعال معايا نشتري شقه عشان لو الفلوس مكفتش تكملي _وبنظرات تهديد_ عشان امشي بسرعه وترتاحو كلكم ها موافق
نور خلاص اتعمي من العصبيه والقهر جز ع اسنانه بغل: موافق موافق موافق بس انتي الخسرانه فالنهايه
ذات سكتت وما علقتش لانها عارفه هي هتجيبه وتذله ازاي
نور فتح الدرج وطلع منها كتالوجات حدفها عليها : بس الاول لازم اروح مشوار اخلص المعاد المهم وانا بشتغل امسكي الكتالوجات دي ودوري فيهم ع شقه وخلصيني ولما اخلص هروح معاكي وتنتهي وتمشي
ذات بفرحه: متشكره يانور انت جنتل مان
نور بيبص في المرايا وملخوم في ربطه الجرافته ومتعصب عليها وبيحاول يتحكم في سرعة تنفسه
ذات: استني هتخنق نفسك انا اربطهالك
نور شد ايدها بعصبيه: مفيش داعي وبعدين نزلي ايدك حد يشوفنا
ذات مكمله ربطها: متعملهاش مشكله اظن كنت زمان بربطهالك
نوراتك ع اسنانه بغل :انا مش عامل مشكله بس شكلك انتي مبتفهميش
ذات مدت ايدها مصممه: نور خليني اخدمك
نور مسك ايدها بحده وضغط عليها : قلت خلاص ونصيحه اسكتي وابعدي
ذات كتفت ايديها متظاهره بالبرود لكن جواها كل خليه بتبخ نار: خلاص ربطهالك وقمر نروح الشغل
نور اخد نفس عمييييق وغمض عيونه وحاول يتحكم في اعصابه قبل ما يمد ايده عليها..
ذات حطت دماغها ع صدره ونور اتجنن وفضل يزقها بس هي متبته فيه بستماته ياسمين داخله الاذاعه لكن ماشيه زي ما تكون تايهه حنان طالعه شافتها فضلت تهلل وتنادي عليهم ان ياسمين جات
ياسمين قربت منها بلهفه: فيه حاجه يا حنان؟!
حنان: فيه الي لازم تشوفيه بعينك
ياسمين بصتلها بتعجب وحنان سحبتها من ايدها وجريت بيها بسرعه وقعدتها قدام اللاب وحست انها مش فاهمه لحد ما دققت في الصوره
هبه: الكاميرا الي كانت بتراقب من شركه خالي احمد وزي ما هو واضح ان ذات ادعت ان ادم اتحرش بيها في الحمام
حنان :اغرائها كان قوي شايفه حركتها واظن ادم كراجل كدا كان لازم يضعف
ياسمين بتتفرج ونزلت دموعها الي بتصرخ و بتسأل:ليه عملت كدا
حنان: لسه مش عارفه عملت ليه كدا فهميها انتي ياهبه
هبه :هي اغرت خالي عشان تثيره وبعدها راحت الحمام وخلقت سيناريو بأنه اتحرش بيها عشان تستقيل ولما ميبقاش عندها شغل ولا فلوس تلاقي عذر منطقي
ياسمين اتعصبت وحست الدموع بتخنقها من تاني :تفضل في بيتي
حنان ربعت قدام صدرها: هو ده
ياسمين حطت ايدها على راسها وهي حاسه انها هتنهار في العياط وهبه أأعدت جنبها: ياسمين الدنيا دي فيها الخير والشر فيها القسوه والبراءه وجنب البراءه فيه ناس بتبني وناس بتهد ناس بتحب وناس بتكره والناس اصناف شويه شياطين وشويه ملايكه ولو مفيش ياسمين الطيبه مكنش هيبقي فيه ذات الشريره ,, وان الاوان تشوفي الحقيقه واظن الصوره قدامك ذات خدعت الكل عشان تفضل في بيتك وقت طويل وقومي واعرفي هتعملي ايه معاها في الي جاي وهل لسه هتستمري في الثقه فيها
ياسمين بكت ع كل الايام الي صدقتها ووثقت فيها
هبه طبطبت ع كتفها: ياسمين الحقيقه ظهرت ووضحت المره دي لازم تقري الوضع وتقرري هتعملي ايه معاها ولسه هتثقي فيها وتصدقيها
ياسمين : مستحيل اصدق واثق فيها من اليوم
هبه :طب وبالنسبه لان معندهش مكان تاني تروحله هتضعفي من تاني
ياسمين بتأكيد :مستحيل اضعف انا النهارده الصبح طردتها
…………..قصص منه محمد كاتب…………
في المطبخ
عمه محمد : السبانخ دي وس*خه اوي وهغسلها تاني
ضحي مكشره: اصل انا دماغي مقلوبه ومزاجي معكر النهارده وشكل الاكل هيطلع عك وابن اخوكي فينه عشان يتريق عليا لما يدوقه واخد ذوقه
عمته فتحت بؤها مغاره لما لقته جاي وحاطط ايده في جيبه وبينفخ
ضحي كملت: طبعا لانه مش واثق فيا اذا كان هو مش واثق في نفسه ويوم الافتتاح ابقي هاتيله
محمد نط في وشها وقطعها :تجبلي ايه
ضحي اتفزعت وفتحت عيونها لما لقته واقف فوق راسها ووقفت بخضه :بعد 45 دقيقه تجيبك تدوق الاكل
محمد :هيحصل واتمني يكون طعمه كويس
ضحي بغرور:اكيد واثقه في نفسي
محمد بصلها ولف راح ع البوتجاز يعري في الحلل
ضحي حطت ايدها على بؤها وبهمس لعمته: مش تقوليلي شكلي انطردت من الشغل قبل ما اشتغل
عمته ابتسمت: وانا كل ما بشوفكم قط وفار ببقي حاسه انه قريب
ضحي متنحلها بارئكشنات مضحكه ومستنياها تكمل كلامها
عمته غيرت الكلام اللي كانت بتقوله:اني هغسل السبانخ
محمد شرب من الشوربه شوي واخد منديل مسح شفايفه وقال بتكشيره : انا دوقت الاكل
ضحي وقفت: لما اقوم الم عدتي
محمد رفع حاجب:وناويه تلمي العده وتروحي فين
ضحي حضنت الشنطه واتنهدت: منا مش هسمع رايك وافضل بعدها
محمد: بس عندك استعداد تنجحي ولما الزباين تاكل هيعجبهم اكلك
ضحي بعدم فهم: قصدك ايه
محمد ابتسم ابتسامه حلوه اوي: قصدي ان انا وظفتك
ضحي ماتت قدام ابتسامته وضحكت :والنبي يامحمد بيه يابن الكاشف
محمد ضرب كف بالتاني واتك ع شفته وضحك غصب عنه: اه تخيلي اتهورت وعملتها
ضحي ضحكت زياده: طب قولها تاني كدا يمكن بتخيل
محمد مبتسم: انا وظفتك عشان الزباين تاكل وتدعيلك لحد ما تموتي
ضحي ضحكت زياده: وانا موافقه
محمد ضحك ع ضحكها وبانت غمازه واحده على اليمين: حيث كدا ابدئي الشغل الي بجد
ضحي :قبل ماتقول اي حاجه خد الشنطه دي كدا الاول
محمد قرب منها واخد الشنطة وهي طلعت تجري ع برا ومحمد ابتسم ع حركتها
عمته ابتسمت ابتسامه عريضه : ربنا يجبر بخاطرك زي ما جبرت بخاطر بنتي حبيبتي
محمد :هي تستاهل ياعمتي
ضحي طلعت برا تتصل بياسمين تبلغها وتشاركها فرحتها لكن ياسمين ما بتردش كررت الاتصال تاني كان نفس الشئ اتصلت بحنان وسألتها عن ياسمين
ضحي: حنان بتصل بياسمين مش بترد
حنان :ولا هترد لان مزاجها متعكر
ضحي بقلق: ليه مالها اختي
حنان: شغلنا الكاميرا لذات وادم
ضحي بفرحه: بجد فتحتوها
حنان: ايوه
ضحي: ابعتهولي بسرعه
حنان: ثانيه يبقي عندك _ حطت تلفونها وصورت المقطع فيديو_
ضحي استلمت الفيديو وفتحته وشهقت
…………قصص منه محمد كاتب…………
في الشقق السكنيه
نور قاعد مع صاحب الفندق بعد ما فرجه ع مجموعه الشقق الي حوالين البحر
صاحب الفندق: بصراحه يا باشمهندس السعر ده مش ثمن شقه بس هدهالك بسعر خاص عشان انت انجزتلي تصميم الفندق
نور ببتسامه: ده بابا هو الي وصاني بأن مشروعك لازم يخلص بسرعه لانه عارف شغلك كتير ومعندكش وقت تفضل رايح جاي
صاحب الشقه ضحك: المهم الشقه عجبتك
نور: فعلا هايله جدا
صاحب الشقه: ع بركه الله حتي نبقي جيران
نور :بس لازم الاول اجيب مراتي في يوم تشوفها ولو عجبتها نمضي العقد
السكرتيره: بس انا واثقه انها هتعجب المدام لانها كانت بتتفرج عليها من كل زاويا وحتي قالتلي عجبتها جدا
نور فجأه وشه احمر جدا وكأن النار شبت فيه :مراتي
صاحب الشقه:انت جبت مدام ياسمين معاك طيب ليه مش موجوده معانا في القاعده
نور بص للسكرتيره : هي فين
السكرتيره: في الشقه سيباها هناك
نور قام وقف: عن اذنكم اشوفها
صاحب الشقه: اه طبعا بس معلش مش هقدر استني عندي شغل بس لو عجبتها اكتب العقد مع المحامي وانا لما ارجع امضهولك ومعاك السكرتيره
نور: تمام _مشي
نور طلع بخطوات سريعه رايح لمكانها وفتح الباب بقوه لقاها قاعده ع السرير شدها بقسوه واهانه : قومي لي كدا مش انا قولتلك اترزعي في العربيه ليه خرجتي
ذات : الله مش انا الي هعيش فيها حبيت اشوفها فيها ايه
نور بعصبيه وصوته عالي: وقولتلها انك مراتي
ذات رفعت نبرتها مع نبرته : انا مقولتش حاجه هي سألتني جيتي منين قولتلها جايه معاك هي بقي افترضت بأني مراتك ومعرفتش ارد اقولها ايه
نور وهو ضاغط على سنانه وصرخ : تقوللها انك مش مراتي سهله
ذات: ياسلام اقولهم ايه البوي فرند وماشيه معاك كدا هتدمر سمعتك
نور مسح وشه بأيده بعشوائيه و بحركه سريعه رفع راسه لفوق واخد نفس وبدء يستغفر
ذات :اضطريت امشي مع التيار_مشت ايدها ع صدره_ ولا تحب اوضح الاشاعه
نور بعد ايدها: مفيش داعي حصل الي حصل ويله نمشي ونشوف مكان تاني غير هنا
ذات: انا مش منقوله من هنا لان المكان عجبني وخلاص
نور صرخ فيها: نعم ياختي
ذات: مش انت ورتني كتالوجات ودي عجبتني
نور بنبره حازمه: ذات متعصبنيش انا مش هشتري الشقه دي حتي لو اشترتها مستحيل تبقي فيها
ذات بحقد: ليه عشان خايف ياسمين تعرف ارتاح هي شاكه فينا بما فيه الكفايه والصبح طردتني وانا عايزه امشي من قدامها بسرعه لاني خايفه لساني يدلق قدامها فتعرف اكتير
نور بصلها و مستغرب: هو ايه الي تدلقيه فتعرف اكتر
ذات بصيغه تهديد مبطنه: العلاقه الي تمت بينا وبصراحه خايفه لو ياسمين ضغطت عليا اكتر اقول كل حاجه فأشتريها عشان امشي الليله ومضعيش الوقت نلف وندور ع شقه تانيه انا خلاص حبتها وانت مش هتكون مرتاح لو فضلت معاك في البيت وكدا ياسمين مش هتشك في حاجه بينا شوفت الموضوع فيه مكسب للكل _مسكت ايده برجاء_ اشتريها بقي يانور
نور سحب ايده من ايدها بزهق: خلاص هتنيل واشتريها بس انتي مش هتفضلي هنا ع الاقل يومين لاني لازم اجيب ياسمين تشوفها لان صاحب الشقق عارفها بس لما تلاقي شغل جديد تمشي من المكان تاني وفورا فاهمه
ذات: فاهمه وشكرا يانور وابقي تعال زورني دايما انا وحيده ماليش حد خالص
نور: انا هنزل اكتب العقد
ذات: هنزل معاك
نور رفع راسه لفوق شوي ياخد نفس ونزلها ورجع يبصلها بضيق: صبرني يارب
نزل نور للسكرتيريه المسؤله ووقف ع مكتبها: تمام هاخد الشقه
السكرتيره: تمام حضرتك هتكتب العقد مع المحامي وبيفضل ع امضاء المالك
نور: بس عايز انترنت بأسمي
السكرتيريه: حاضر هدخل لحضرتك تلفون ارضي باسم حضرتك مفيش مشكله بس بالنسبه للعقد لما الاستاذ مجدي يمضي ابعته لحضرتك ع البيت
نور رد عليها بسرعه: لاء
السكرتيره بصتله بستغراب ونور اتحرج وهرش في ودانه وباين ع ايده انها بتترعش : خاليه هنا وانا هاجي اخده من مجدي بيه نفسه
السكرتيره :تمام واهلا بيك جار جديد
نور :متشكر
السكرتيره بعد ما المحامي حضر وكتب العقد بصت لذات بصه وحشه ومشت مع المحامي
ذات: شكرا يانور واد ايه حاسه بالراحه اني مش هواجهه ياسمين
نور رفع السبابه بوشها وبتحذير : لكن حذاري تنسي الي اتفقنا عليه واياك ياسمين تعرف عن الشقه
ذات اتخنقت منه:فهمت هقفل بؤي خالص
نور حاسس بالخنقه وفك الجرافته: انا رايح اشوف الاوضي وانتي شوفي ناقصك ايه اشترهولك بالمره
ذات قلبت بؤها بعوجه:طيب
نور تلفونه رن بصورته هو وياسمينته حس ان الدم اتجمد في عروقه .. قفل السكه وحس ان الدنيا والساعه والوقت كله ثابت مكانه وفجأه اتخنق وخلع الجرافته حطها ع تربيزه السفره ومشي
ذات لقت مسدج منها فتحته: (( انتي فين اتصلي بيا ضروري))) لنفسها _ اتصل عشان ايه؟!
وراحت اخدت الكرافته وخبتها عشان تنفذ الضربه القاضيه لنور ع انه دايما بيرفضها
……………قصص منه محمد كاتب…………
في بيت نور تحديدا في المطبخ
نورهان: عزه طلعي اكبر حله عندك ونور هياكل الاكله كلها
ياسمين ابتسمتلها: اشمعني
نورهان: لانها وصفه وانشاء الله بعدها هاخد منه حفيد
عزه ضحكت وياسمين ضحكت معاهم
نورهان زقتها بكوعها: يله هاتي الحله واقفه ليه اتحركي
ياسمين: بما انها لجوزي ممكن انا اجيبها
نورهان بتحمسها : روحي يله
ياسمين راحت تفتح الدولاب تدور ع اكبر حله
نورهان اخدت عزه بعيد شويه وابتسمت وفرحانه من جواها: بت ياعزه فعلا الحيه دي مشت
عزه بسعاده وراحه: ايوه الاوضه فاضيه ولما مشت مقلتش كلمه للست ياسمين والست ياسمين فوجئت انها مشت كدا وحاولت تتصل بيها بس يظهر مبتردش عليها
نورهان قربت منها اكتر وبستفسار : وليه مشت كدا فجأه
عزه: علمي علمك بس الست ياسمين كانت راجعه وهي واخده الشنط في تاكسي والست ياسمين ندهت عليها ذات دي شاورتلها باي ومشت والست ياسمين دخلت زي المجنونه بتسألني دي رايحه فين رديت وقولتهلها هي دي بتقول حاجه لحد
ياسمين قطعت كلامهم لما قربت: ماما طلعت الحله وهطلع القهوه لبابا رفعت برا
نورهان ببتسامه واسعه: اه روحي يابنتي
ياسمين اخدت الفنجان وطلعتله : القهوه يا بابا رفعت
رفعت لف وبصلها: تسلم ايدك يا سمسمه
ياسمين ابتسمتلوا بلطف وكانت هتمشي لكن هو نداه عليها: ياسمين
ياسمين لفتله: نعم
رفعت: لما كنت مسافر نور اشتكي من اي حاجه بخصوص الشغل
ياسمين: متهيألي المشكله كانت في منتجع دبي عشان كدا كان عايز يطير ويتحقق بنفسه
رفعت: وسافر مع مين قالك
ياسمين: سافر لوحده
رفعت هزلها دماغه واتاكد انه مقلهاش اي حاجه وحاول يبتسم : تمام
ياسمين: حضرتك عندك كام سكرتيره حاليا
رفعت سكت شويه وبعدين رد وقال: حاليا شغلي كتير مش ملاحق عشان كدا عندي ناس بتساعدني بدل ابتسام ليه بتسألي هو فيه حاجه
ياسمين: ولا حاجه اصل نور قال بأن سكرتيرتك هي الي حجزتله التكت بس لما سألت ابتسام قالت لي انها متعرفش حاجه عشان كدا عايزه اعرف مين الي حجز التكت لنور
رفعت: اطمني اظن واحده من السكرتاريه عندي وانا هتصل بنور استعجله عشان يجي يتعشا معانا
ياسمين هزت له دماغه واتنهدت برتياح ومشت للمطبخ
رفعت بهمس لنفسه: لحقت مشكله بالتأكيد _ مسك الموبيل واتصل بيه_ نور ايوه انا في بيتك يله تعال هنتعشا انا وامك عندك الليله ارجع بسرعه
…………..قصص منه محمد كاتب…………
نور بعد ما اتفرج ع الاوض ولقاه كله تمام خرجلها وطلع فيزا محدوده: خدي دي في حاله احتاجتي حاجه استخدميها
ذات شدتها منه بعصبيه: هو انت مش هتاخدني بنفسك
نور نطق بنبره ناشفه: لاء ولازم امشي امي وابويا في بيتي
ذات بنبره كلها استهزاء وسخريه: طبعا نور مش موجود الكل يقعد بجوعه
نور لف عليها بقوه: قصدك ايه
ذات: قصدي لو مش موجود مش هيقدروا ياكلوا الرز بأيديهم
نوربصوت مصحوب بحده: احترمي نفسك الناس الي بتتكلمي عنهم ابويا وامي فلزمي حدودك
ذات نطت من صرخته وهدت شوي وخافت تبص في عيونه وبتبكي بتمثيل: منا خايفه تتخالي عني يانور وانت وعدتني هتمشي معايا في كل خطوه
نور اتعصب من اسلوبها الرخيص بس سكت اهم شئ يخلص منها وينتهي للابد
ذات رفعت عينها في عينه وخافت من نظراته ليها ونزلتها بسرعه : عارفه اني عاله عليك ومش مهمه بس صدقني مش هحاول اقول كلمه لياسمين عشانك,, وعشان انت ملكش ذنب في الي حصل بينا
نور طلع مبلغ نقدي من جيبه: خدي دول نقدي
وراح وسابها تموت قهر في نفسها.. وهي وشها اتغير وحدفت الفلوس واتكت ع الخدديه بقوه واقسمت لتنتقم منه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
