رواية ذات الوجهين الفصل الرابع والثلاثون 34 بقلم منة محمد
رواية ذات الوجهين البارت الرابع والثلاثون
رواية ذات الوجهين الجزء الرابع والثلاثون
رواية ذات الوجهين الحلقة الرابعة والثلاثون
بدايه عصابه حماده وتوتو ومش بس البارت ده الا لسه مكملين معانا لحد ما ينهوا ع ذات تماما اقوي تقدير يله هنولعها بظهور شخصيات جديده باسمً خوري + غاده عبد الرازق
دخلت بالليل وخبطت ع الباب نور فتحلها بهدوء وبصتله شافت معالم الارهاق واضحه عليه
نورهان بعطف: حبيبي عامل ايه
نور هز دماغه بهدوء: الحمد لله قاعد مستنيكم
نورهان: انا اخدت الاذن من ابوك وجتلك ع طول
اثناء كلامهم ذات قامت تصرخ كالعاده: اه تشنج نور نور
نور رفع عيونه لفوق بضجر ومطنشها عالاخير
نورهان طبطبت ع كتفه بحنان :روح نام مكانك و مهما حصل مش عايزاك تقلق وتفضل مكانك وسيبلي همها
ذات بتصرخ بأسمه: نور تعال عايزه مساج شد عضل وده بيوجع اوي
راحت غيرت هدومها ونكشت شعرها ولبست بيجامه سوده وفتحت عليها الباب وطلعت أأعدت عالسرير ومسكت رجولها وعزه تهبد ع دراعتها
ذات بعصبيه: نور انت عايز تموتني
ذات ملقتش منه صوت اتعدلت واول ما شافتهم شهقت بخضه وصرخت فيهم بسؤال: انتم دخلتوا هنا ازاي؟؟
نورهان بسخريه: مشينا ع رجولنا ودخلنا مش محتاجه لسؤال وانا هعملك المساج بنفسي امسكيها ياعزه وانتي نامي
ذات بنظرات احتقار: لاء مش هسيبك تعملي كدا انا عايزه نور فين نور يعمل المساج
نورهان شخطت فيها: اكتمي نور نايم لانه مجهد وتعبان من اللف معاكي طول النهار للمطاعم للدكتوره للشوبنج والتشنج الي انتي فيه من المشي والسرمحه طول النهار بالكعب من مكان لمكان
ذات بقله ادب: وانتي مالك انتي مين انتي عشان تنصحيني
نورهان: هو انتي مفكراني مهتمه بيكي تولعي يامنحله يالي عايزه راجل غريب يفعص فيكي بس نقول ايه ما انتي معندكيش مله ولا دين وعندك بس عين تبجح اد كدا
عزه زقتها في كتفتها بغل : فعلا معندهش
ذات مسكت خداديه ورفعتها تضربها في وش عزه من الغيظ : غوري ياحته خدامه من غير عقل
عزه انحنت بسرعه قبل ما تلبس الخداديه في وشها وضربتها في دراعها : لو انا معنديش عقل بس عندي اخلاق وخشا ومستحيل اسرق راجل من مراته زيك
ذات بصت لنورهان ووشها احمر من شدة الغضب: انتي بتتنمري عليا
نورهان رفعت شعرها كحكه لفوق وشمرت البيجامه: انا مش كدا انا جيت اعملك مساج يله ياعزه خلينا نخلص
ذات فضلت تصرخ وتصوت في ايديهم ونور حط المخده فوق دماغه وسد ودانه
ذات صرخت بعصبية وبتحاول تتحرر منهم : ابعدوا عـــني
نورهان ولا اهتمت لصراخها وفضلت تلوي في رجولها وتقول: اخرسي عشان تبطلي تمشي كل يوم
………قصص منه محمد كاتب………..
الصبح في بيت عايله ياسمين
زبيده الباب خبط راحت فتحته لقته محمد الكاشف ومعاه كياس كتير
محمد: صباح الخير
زبيده بندهاش: صباح النور بس فيه حاجه يا ابني
محمد مدلها الكياس وابتسملها: ابدا كنت هنا وحودت عالسوق اشتريت شويه حلويات وبسكوتات والتفاح الي حضرتك بتحبيه انتي وبابا
ابوها اخد من مراته الكياس وبصلوا بستغراب وتعجب
محمد بحرج: اه انا بطلب الاذن اناديكم بابا وماما
ابوها هزد ماغه: اه مفيش مشكله
ياسمين نزلت هي وضحي واستغربت: محمد انت هنا ليه؟!
ضحي بهدوء: انا طلبت منه يجي اصله لازم يشتري طلبات المطعم كل يوم وكدا كدا بيعدي ع طريق بيتنا وطلبت منه يجي يوصلنا
ياسمين: طيب واحنا راجعين
محمد: عادي هوصلكم واعتبريه امتنان من المطعم لانك مش بتاخدي مرتب كبير واحنا لازم نهتم بيكي بشكل خاص
ابوها بص لزبيده وياسمين بصت لضحي !!
محمد : بابا ماما مش عايزكم تقلقوا الحلوين دول في عيوني ومن دلوقت هنشوف بعض كتير سلامو عليكم
ابوها وامها ردوا عليه السلام وهما مش فاهمين اي حاجه
ياسمين سلمت عليهم: انا ماشيه يا حبايب قلب ياسمين
ابوها مسح على شعرها وببتسامه : مع السلامه يا قلب ابوكي
ابوها بعد ما مشيوا لف ايده حوالين رقبه زبيده بمرح: تفتكري معجب ببنتنا
زبيده ضحكت بسعاده: اظن كدا بس عندي فضول اعرف معجب بأني واحده فيهم
……..قصص منه محمد كاتب……….
الصبح نور قاعد يفطر بكل اريحيه وهدوء
ذات قربت عليه: نور ليه منمتش في الاوضه ليله امبارح سبت امك تستفرد بيا ده العيل كان هيزل من عمايلها فيا
نور بصلها ورجع يكمل اكله في منتهي البرود
ذات: بتاكل ايه وليه مخلتليش لقمه اكلها
نور كشر بستياء ورجع بجسمه لوري وعقد ايده ع صدره وبصلها وساكت
ذات هبدت ع السفره بعصبيه: انا جعانه يانور قوم هات لي اي حاجه اكلها
نور اتنهد بطوله بال وقام : قولي عايزه تاكلي ايه
نورهان طلعت من المطبخ: خليك انت يا ضنايا انا وعزه عملناه
عزه حطت الصنيه الاكل عالسفره
نورهان: شوربه عدس تغذي العيل
ذات وطت دماغها وهتتقئ في الصنيه عزه بصتلها بقرفه وشدتها من قدامها بسرعة
ذات: نور الاكل ده مش عجبني العيل مش عايز ياكله مجرد ما ابصله هرجع
نورهان: عزه خديه
ذات: نور يظهر العيل عايز ياكل برا يله بينا نخرج ناكل في اي مطعم
نورهان غمزت لعزه ونور غمزلهم ,,و اخدها وخرج بيها وعزه ونورهان حصلوهم
في المطعم قعدوا الاربعه ع تربيزه واحده
ذات بغيظ: ليه يانور جبتهم معانا
نور ضم ايده ع صدره: وليه ميجوش معانا
نورهان: اه صح ليه انا وعزه منجيش معاكم
نورهان ضحكت وعزه ضحكت اوي معاها
ذات كشرت ومدت البوز: خلاص نفسي اتسددت
نورهان وقفت بسرعه: ده هايل
نور قام من مكانه بنفس السرعه: اه جميل جدا يا ماما
ذات رفعت حاجب بغيظ : هو ايه ده
نور: نعملك ايه ونفسك اتسددت
ذات: امري لله هاكل
نور شاورلهم : اقعدوا
نور بصلها بستياء وذات كشرت وشاورت للمتر
ذات بتشاور ع الاصناف في القائمه وحبت تكدهم : عايزه ده وده ولو فيه اكل غالي هاته كله ومن ده اتنين وده طبق كبير
نورهان رفعت وشها لذات بستنكار: ايوه اطلبي اكل كتير انتي حامل ولازم تتغذي وانا وعزه هناكل معاكي (ابتسمت بستفزاز) اطلبي اطلبي
عزه مسكت المنيو: ست نورهان واحنا نطلب ايه؟!
نورهان: اممم سلطه وهي طلبت اكل كتير وشكله يفتح النفس
عزه: بس عارفه نفسي في اكله طعنت صديقتها في ضهرها
نورهان ضحكت بمرح و قرصت خد عزه: يحظك يابت ياعزه بس دي اكله تقرف اوي
ذات بصلهم بغيظ وحقد ونور قاعد مبسوط اوي منهم الاتنين
……قصص منه محمد كاتب……….
نور واقف من بعيد قدام المطعم لقاها نازله من عربيه محمد وفتحوا الشنط وياسمين شالت كياس
محمد ببساطة : ياسمين سبيهم وحطيهم فوق العلبه انا هشلهم
ياسمين : بس لتقع منك
محمد: ياستي جربي
ياسمين ببتسامتها الجميله : تمام
محمد: يله متخافيش حطيها يله
ياسمين حطتها بلطف: خالي بالك تقيله كدا
محمد: يله بس وانا همشي بسرعه
محمد بصلها وابتسم وكمل طريقه لجوه وياسمين وهي بتلف تدخل زي ما تكون لمحت نور وهو اتخبا بسرعه وري شجره لحد ما دخلت وهو راح وراها يتأملها حتي لو من بعيد لانها وحشته
فريد جه من وراه :نور واقف بتعمل ايه هنا
نور بهدوء غريب : ولا حاجه
فريد بصله وهزدماغه وسابه ودخل المطعم
نور وهو ماشي والنار مشعلله في صدره لمح عربيه معتز خبط عليها وبسؤال كله حيره: معتز بيعمل ايه معاهم هنا؟؟!!
……….قصص منه محمد كاتب…….
في المطعم الكل موجود بيضحكوا بستمتاع
محمد: اكلنا مش بالبهارات دي خلاطات
فريد: وع فكره انا ومحمد هنظم لعرض الحلقه
معتز: تمام والتصميم والديكور هيكون ع اعلي مستوي وطبعا هيكون في الفندق لمحمد وانتم تختاروا مكان العرض
فريد: هايل وانا معنديش اي مشكله بس برضوا انا علاقتي ايه بالعرض
محمد بوضوح : انت صاحب الليله يافريد وبعدين اثاث الفندق من عندك انت نسيت
ياسمين: انا اقترحت ع هبه ومعتز حضرتك لازم تظهر مع محمد وهبه هتكون المذيعه
هبه بأسلوب مهذب: مظبوط والحلقه هنتكلم فيها عن الاثاث وعشان كدا بنقدملك دعوه خاصه يا استاذ فريد
فريد بمغازله : موافق لو كانت المذيعه جميله زيك انا معنديش مانع افتح حياتي الخاصه تغوصي فيه
معتز غار جدا ووشه اتغير وكشر ومحمد حمحم وهمسله: مضيعش الفرصه ابدا
فريد بص لمحمد بعدم فهم وومحمد مال بجسمه لـ فريد وهمس له ان هبه خطيبه معتز
فريد ضحك وضرب كتف معتز بمرح: انا بجامل بس عشان البرنامج
معتز كتم غيظه وضغط ع كف ايده وحاول يحافظ ع هدوئه: وانا هعمل نفسي مسمعتش
محمد بصلها: بصراحه كان نفسي ياسمين تبقي محاوره مع هبه
ياسمين بابتسامة ناعمة : انا واخده اجازه ومينفعش
محمد ببتسامه: كدا احسن عشان تهتمي بالمعرض
فريد حط رجل فوق التانيه وبص لهبه: تمام موافق حددي التاريخ والوقت وانا جاهز
هبه ابتسمت و قالت بهدوء: شكرا ليكم جمعاء
الكل ضحك وضحي حطت صنيه العصير ع الترييزه ومشت وعمه محمد راحت وراها
……….قصص منه محمد كاتب………….
ضحي راحت المطبخ وجايه تحط البيض اتلسعت وصرخت
عمته: اتلسعتي
ضحي بللت صوباعها بريقها : اصل الميه قليله
عمته: انا مش قصدي صوباعك انا قصدي قلبك
ضحي بصتلها اوي وبحلقت فيها بصـدمة كبيرة
عمه محمد سألتها بهدوء : لما بتشوفي محمد بيعامل اختك بلطف بتغيري عليه
ضحي بصتلها بحزن و بلعت ريقها وسألتها بلهفه : انتي عارفه
عمه محمد: ايوه عارفه ومن زمان كمان
ضحي بتنهيده و بنبرةٍ حزينة : وتفتكري هما عارفين هو انا باين عليا
عمه محمد: شوفي انا قريبه من محمد وعارفه ان محمد ميعرفش بمشاعرك ناحيته وانك معجبه بيه
ضحي اتجمعت الدموع في عيونها من جديد وقالت بصوت مخنوق : عمتي اوعي تقولي لـ اي حد ولا هو نفسه ارجوكي
عمه محمد مسدت عليها بطمئنان: مش هعمل ده لو كنت عايزه اعمله كنت قولته من زمان بس عاوزاكي تعرفي حاجه واحده تقدري تتكلمي معايا وتعبري عن وجعك عشان تقدري تبقي بروح
ضحي رفعت رأسها لفوق ودموعها على خدها : معنديش كلام عشان اقلهولك غير ان قلبي وجعني بس المفروض الي اعمله انسي قلبي واكتم حبي بين ضلوعي ولازم اكون سعيده لان الاتنين بيحبوا بعض واختي تعبت كتير ومن حقها تعيش وتفرح
عمه محمد مدتلها منديل تمسح دموعها وضحي رمت نفسها جوه حضن عمته و انفجرت في البكاء وعمته ضمتها لحضنها وطبطبت على ظهرها بحنيه
…….قصص منه محمد كاتب…………
نور واقف قدام الشباك بيراقب معاد رجوعها شافها نازله من عربيه محمد اضايق
ذات جايه وبطنها قدام: نور روحت فين ازاي سبتني مع الغوله نورهان لوحدي وترتني لدرجه كان العيل هيقع مني وبطني كبيره
نور نفخ بانزعاج من الشكاوي المستمره التفت لها بعصبية بدون ما ينطق!!
ذات: انا معلوماتي ان الستات بترجع لمده شهرين ثلاثه وانا وصلت للثامن ولسه برجع لو اعرف ان الوضع هيكون متعب كدا مكنتش حملت من الاول
نور التفت لها وبحده: ياريت وانا لو اعرف ان وضعك هيبقي مقرف ومتعب بالشكل ده كنت سقطك من الاول وارتاحت منك ومن قرفك كله
ذات بدهشة : قصدك ايه
نور: قصدي مش انتي بس الي بتعاني انا كمان في نفس المعاناه عشان كدا بطلي تشتكي اتحملي شويه هانت وقريب هتولدي ولما نوصل للوقت ده كل واحد فينا هيروح في سكته
ذات بصريخ: نورانت هتسبني بس انا مش هسيبك لما يتولد العيل لازم اكون مراتك بالشرع ولازم تطلق ياسمين انا استنيتك لوقت طويل امتي هتسيبها امتي
نوربلهجه كلها صرامه: مفيش طلاق سامعه
ذات: والعيل
نور حب يكمل عليها لف وبصلها وقال بنبرةٍ فجّة: اظن قبل ما تحملي فيه عارفه انه ابن حرام وانتي قبلتي الوضع المشين ده لكن عشان انا بخاف ربنا ومقدرش اتحمل انه يبقي ابن حرام هكتبه بأسمي وعشان كدا اتلاشيني عشان ابنك يتولد في امان واهتمي بنفسك وبصحتك وفكك مني لان مستقبل العيل هو مستقبلك انتي كمان ( بصلها بنظراتٍ قاسية و مشي)
ذات كلامه ونظرته وقسوته خلاها مش قادره ترد ولا تنطق فضلت واقفه مكانها وجسمها ينتفض من شدة الغيظ و هنا اتمنت تروح وتعصر رقبته في كف ايدها لحد ما يتخنق ويفارق الحياه
في المطعم
فريد : محمد لما وصلت للمطعم لقيت نور زوج ياسمين بيبحلق اوي ولما بصتلو بعد
محمد كرمش ملامحه: نور
فريد هز له دماغه بتأكيد: نور ايوه هو
محمد: لسه عايز يخلق مشاكل
فريد حط رجل فوق التانيه: معتقدش كدا لاء مش كدا يظهر عايز يشوف مراته اظنه لسه بيحبها بس ايه شكل العلاقه بينه وبين ذات
محمد رفع كتافه لفوق وقاله: معرفش انا مبقتش اسمع اخبار عنها بس اظن انهم لسه مع بعض بس لو نوربيجي يشوف ياسمين في السر يبقي تفكيري غلط
…………قصص منه محمد كاتب………
في الموبيل
نور بعتاب: انت دعيت محمد وفريد ينضموا لحلقه
معتز بهدوء: ياسمين هي الي دعتهم
نور بستغراب: ياسمين هي الي دعتهم
معتز: ياسمين عايزه تقدم حلقه عن مطعم محمد ومحمد طبيعي هيبقي الضيف بس مش عايزك تقلق هما هيتكلموا في الصميم يعني ازاي بيت قديم اتحول لفندق
نور:وانت نسيت ان انا الي صممت رسومات المطعم
معتز عقد حواجبه: لاء والله ماعرف المعلومه دي الا منك دلوقت!
نور :سيبك هتصور الحلقه امتي؟!
معتز: الاحد الجاي بس نور متجيش وتعمل مشكله زي المره الي فاتت
نور حب يطمنه: لاء مش هعمل متقلقش انا لسه عندي شويه عقل
معتز اتنهد برتياح: طمنتني يا صاحبي وهقفل ورايا تصوير سلام
نور: سلام
………….قصص منه محمد كاتب…………
في الجنينه في بيت اهل ياسمين
نورهان: والله نور حاله يصعب ع الكافر عليه يتحمل ذات دي لشهور هو مش بيشتكي يا حبه عيني بيقول بيعمل الي عليه وانا باكل في نفسي ليه ميكونش الطفل ده ابن ياسمين
ياسمين غمضت عيونها و قلبها ارتجف
نورهان بعتذار: انا اسفه مخدتش بالي متزعليش يا بنتي
ياسمين بلعت ريقها ونطقت بضعف: الي قولتيه كله مظبوط وطالما ولاده ابن نور قربت لازم نتقبل الحقيقه
نورهان: انا قابله بس حزينه ع نور ده خس النص ووشه دبل وعيونه حلقت بالهالات ومش قادره افتكر امتي اخر مره شوفته فيها بيبتسم
ياسمين ملاها الخوف والحزن عليه لحد ما صوت عربيه بطئت
ابوها رفع عيونه: محمد وصل
ياسمين قامت وقفت وابوها وامها ونورهان وزعت عيونها عليهم وع محمد
ياسمين لزبيده: ضحي فين يا ماما
زبيده: ضحي مشت من بدري قالت لازم تجهز عشان عرض حلقه محمد مع معتز
ياسمين: طيب كانت قالت لي كنا روحنا بدري سوي
محمد استأذن ودخل القاه السلام: السلام عليكم
زبيده: وعليكم السلام اهلا يا بني
محمد مدلهم كياس: جبتلكم فطار فلافل محشيه جميله جدا
ابوها: متشكر بس انت بقيت بتشتريه يوميا
محمد ببتسامه عريضه: وانا سعيد
زبيده: تشكر يابني
نورهان مبحلقه فيهم ورافعت حاجب ومش عجبها الوضع
زبيده: الست نورهان زوجه رفعت ابو نور
محمد مد ايده بالسلام: ازاي حضرتك
نورهان سلمت: اهلا بيك
ابو ياسمين: محمد لما اكون فاضي هاجي انا وزبيده نتفرج عالفندق
محمد: تنوره حتي تفضلوا ليله او ليلتين جو البحر تحفه وهقدم خدمه كامله والتكاليف عليا
ابوها مسد ع كتفه: الف شكر يابني
ياسمين اخدت شنطتها والدفتر : انا رايحه الشغل مع السلامه يا ماما نورهان
نورهان: مع السلامه يابنتي
محمد وهو بيقرب منها وياخد الكشكول: هاتي عنك
ياسمين مدتهوله : متشكره
نورهان بعد ما اختفوا الاتنين بصت لزبيده وبحيره هتجننها: ياتري فاتني اي اخبار
…………قصص منه محمد كاتب………..
معتز صرخ للعامل: امتي هنخلص بكره
العامل: لحظه واحده
هبه لفريد: الحلقه كلها اسئله سهله بلاش تتوتر يا استاذ فريد هنسألك عن دراستك ولما كنت طفل كان حلمك ايه..!!
حنان: حلمي ابقي قريبه من راجل جنتل مان زي فريد
المساعد بحلق فيها وبنص عين : بتقولي ايه نسيتي جوزك الي قاعد في البيت
فريد بصلها وابتسم : انتي متجوزه
حنان: لاء رافعه عليه قضيه وهطلق
المساعد كش فيها: متصدقهاش ترفع قضيه واخر النهار تكون سحباها بتحبه بجنون
حنان برقت عيونها وبصتله اوي والمساعد خاف وقام يجري منها
حنان قامت بسرعه ولفريد : هرجعلك تاني اديك توضيح خلال دقيقه
فريد ضحك على شكلها المتعصب وكلهم فطسوا ع نفسهم من الضحك
المساعد بيجري قدامها: لمي نفسك ياحنان مش هينفع الي بتقوليه ده
حنان بتضرب فيه بغيظ: انت ليه بتهدم حلمي ها
المساعد شد شعرها بخفيف وزقها ع البحر: حلم ايه انتي مش متجوزه مش من حقك تحلمي
حنان عدلت هدومها وبنظرت تحدي: طالما انا حيه ارزق من حقي احلم ويحلالي
المساعد لعب حواجبه: ياشيخه اتنيلي
محمد ضحك هو وياسمين عليهم ورجع بصلها لما قرء النص: لازم اقول النص زي ماهو
ياسمين :عندك اي اعتراض عليه وبراحتك لو مش عايز تقوله خلاص متقلهوش
محمد حس ان الكلام طالع معاها بالغصب وكأنها مش حابه تقوله : خلاص مفيش مشكله _ رفع رأسه وسألها بنظره شك_ بس معتز هو الي كتب النص
ياسمين ارتبكت وبسرعه ابتسمت: ايوه
محمد مركز في النص وهنا ضحي قربت وملامحها جامده وحطت العصير قدامهم
……..قصص منه محمد كاتب……..
بدؤا الحلقه وجات سيره نور وياسمين ابتسامتها وسعت اوي ومحمد لاحظ ده عليها واتاكد ان هي الي حطته في النص مش معتز ودخلت ماهي السكرتيره ومعاها بوكيه ورد انيق
ضحي رحبت بيها: ازيك يا مدام ماهي
ماهي ابتسمت لها مجامله: اهلا بيكي احنا اتقابلنا قبل كدا
ضحي: انا ضحي مساعده عمته محمد الكاشف
ماهي: ايوه افتكرتك انا جيت ابارك لمحمد بس معرفش ان فيه كاميرات
ضحي: محمد بيه بيصور حلقه خاصه عن الفندق
عمه محمد شافتها راحت بترحاب عليها: اهلا يا ماهي
ماهي سلمت عليها بحراره: طنط احسان ازيك
عمه محمد ببتسامه واسعه: ازيك انتي عامله ايه
ماهي: انا زي الفل
عمه محمد كشرت زي الاطفال :بقالي يما مشفتكيش تعالي كلي من اكلي تعالي
ماهي ابتسمت: حاضر
عمه محمد ببتسامه جميله : ضحي تعالي معانا
ضحي: حاضر
……..قصص منه محمد كاتب………..
نور في نفس اللحظه دخل المكان وكلهم متجمعين بيشاهدوا تسجيل الحلقه وشاف ياسمين بتحط ميكب لمحمد هنا حاول يتمالك اعصابه لانه حرفيا في قمة القهر والعصبيه والحزن والجرح
محمد: اتكلمت تبع النص وجبت سيره نور
ياسمين مبتسمه اوي:سمعت
محمد :وانا سألت هبه قالت لي انتي الي كتبتي النص
ياسمين وقفت ايدها عن وشه وبصتلوا:ايوه لان هو الي صممه وقلت لازم علينا نشكره
نور هنا قرب والكل لف وشافه وياسمين كانت حاسه نبضات قلبها تنبض بسرعة خوف منه وعليه
هبه بقلق: معتز الحقه قبل ما يجن جنونه ويعمل نفس المره الي فاتت
معتز راح بسرعه لحقه: نور اظن قولتلك متجيش
نور بهدوء: صدقني مش جاي اعمل مشاكل
نور قرب من محمد وحط ايده ع كتفه ومحمد اتك ع اسنانه وياسمين من الخوف والقلق لانها عارفه غضبه ممكن يوصله لحد الجنون
نور: انا اول واحد شاف المكان هنا لما كان ولا اي حاجه لحد ما اتبني بالشكل الروعه ده وبجد سعيد عشانك
محمد بضيق : متشكر
نور نزل ايده من ع كتفه وقال بكل هدوء: انا بعتذر عن المره الي فاتت بأني سببتلك مشاكل يوم الافتتاح
محمد حط ايده الاتنين في وسطه : حصل خير فات وعدي
نوربصلها وابتسم: ياسمين مش متفاجئ ليه ريسك سعيد كدا ومش مهم مين محظوظ بوجودك جانبه لان انتي اي حد بتكوني جنبه لازم يكون سعيد بما فيهم انا
ياسمين اول ما شافت ابتسامته غصب عنها فرحت.. واخيرا رجعتلوا الضحكه وقلبها دق فجأه لضحكته لخطبه عاشتها ثواني انتابها شعور ملخبط بين الفرحه والخوف ..!!
نور: وجاي هنا بمد ايدي يا محمد بالصلح
محمد بعد تردد كبير مدله ايده وابتسمله نص ابتسامه
نور حضنه وهمسله في ودنه بنبرة واثقة : اظن سبتك تاخد مراتي لوقت طويل بما يكفي بس انا هرجع استردها واخدها لحضني
محمد خرج من حضنه ومش عاجبه الكلام لكن ابتسم غصب ونور بادله نفس الابتسامه
نور بصلها وحاول يبتسم: انا ماشي يا ياسمين
ياسمين عايزه تقوله لاء خليك متمشيش لكن سكتت و في نفس الوقت مش قادره تستحمل ونفسها تقرب منه
نور ضرب كتف معتز ومعتز مسد ع ضهره وسرع خطواته
ياسمين بدون شعور لقت نفسها بتجري وراه: نور استني
نور خرج من المكان لكن كان واصل لأقصى حالات العصبية والغضب غمض عيونه واخد نفس وبيحاول يسترد أعصابه المحروقه
ياسمين راحت وراه: نور
نور وقف مكانه وفتح عيونه بعدم تصديق لف وبصلها:ياسمين عامله ايه
ياسمين مبتسمه :نص نص وانت عامل ايه
نور بفرحه غمراه:لوضعي مش مهم خلينا نتكلم عنك انتي كويسه والشغل هنا تعبانه فيه ولا ممتع (ابتسم) بس انا شايف بانك خاسه كتير بس لازم تطخني انتي شغاله في مطعم ولا ضحي لسه اكلها مريع ومش بيتاكل
ياسمين ابتسمتله برقه:لو ضحي سمعت كلامك هتزعل منك جدا
نور بخفه دمه:لاء ما انتي متقولهاش ده ولا مش هتطبخلي تاني باقي حياتي
ياسمين تبصله بحنيه و هي مبتسمة
نور قرب منها جامد لدرجه انفاسه اختلطت بأنفاسها : ياسمين انا جيت النهارده عشان اقولك بأن نور القديم نفسه رجع وطول الوقت ده كنت بـ
قاطع كلامه رنه موبيل اغلقه وتابع: اتعلمت حاجات كتير وانا حاسس
موبيله رن تاني ونور كشر واضايق
ياسمين: رد ع موبيلك الاول
نور عزه بتتصل _فتح الخط بعصبيه خفيفه_ عايزه ايه ياعزه
عزه: الست ذات بتولد
نور: ايه ذات هتولد
ياسمين واقفه ميته بالحياء والهوا انقطع عنها والجو قلب فجأه سخن نار وحست ان قلبها فيه سكاكين جسمها كله ارتعش للحظة حاولت تداري وشها ولفته بعيد عنه بتحاول تسيطر علي نفسها قبل ما تنهار قدامه!!!
عزه: اخدها عالمستشفي
نور: ايوه وانا هحصلكم _اغلق ورجع بصلها يكمل الي كان هيقوله
ياسمين قاطعته وحاولت تعدل صوتها: روحلها بسرعه واتمني تكون هي وابنك بخير
نور بسرعه مسك ايدها وواضح عليه الفرحه: ياسمين متشكر وصدقيني اليوم ده انا استنيته وخلاص جه(ضمها اوي) جه اخيرا اخيرا
محمد هنا طلع وشافهم وضحي بصتله ولفت تدخل هي وماهي وياسمين بعد ما نور ركب عربيته وانطلق بسرعه جنونيه
ياسمين بكت كتير ودموعها نزلت اعصار وبعدين اخدت نفس وجففت دموعها ولامت نفسها انها ضعفت قدامه
……….قصص منه محمد كاتب……..
محمد شافها داخله نداه عليها: ياسمين
ياسمين وقفت وعيونها لسه فيها الدمعه
محمد :نور مشي
ياسمين لفتلو وشكلها مش طبيعي:ايوه
محمد :واتكلمتوا عن ايه ممكن اسأل
ياسمين بصوت مكسور :ممكن لاننا متكلمناش كتير سلام بشكل عادي وحاجه كمان نور كان لازم يرجع لذات وابنه لانها بتولد عن اذنك
محمد نفخ بضمير :بتولد
………….قصص منه محمد كاتب………
ضحي ماشيه مع ماهي: اتفضلي محمد بيه هنا
محمد و قف اول ما شافها و قال باحترام : ماهي عامله ايه
ماهي برقه منتهيه : ازيك انت يامحمد طمني عليك
محمد: الحمد لله بخير اتفضلي أأعدي
ماهي أأعدت وبصتلوا: حبيت اباركلك ع المطعم والحمد لله انك قدرت تتخطي الازمه ونجحت
محمد طقطق صوابعه بحرج: الحقيقه انا من المفروض اشكرك لان لو انا هنا فده بسببك انتي لما ساعدتيني لما وقعت ومكنتش حاجه
ماهي: محمد انا ساعدتك شويه وبصراحه كدا الي حصل قدامي من شويه حسيت بالقلق
محمد رفع عينه عليها مستغرب: من ناحيه ايه
ماهي اتكلمت بغصه: الي اعرفه انهم هيطلقوا بس واضح ان الراجل مش هيتراجع عنها بسهوله
محمد صدق شعوره: بس انتي مش محتاجه تقلقي من ناحيه الموضوع ده لان ذات حامل في ابن نور فأكيد هما هيطلقوا بس طمنيني عنك ياتري هتسافري وري جوزك ايطاليا
ماهي: ايوه هساعده يفتح مطعم هناك وهحاول اقدم قائمه بأصناف مصريه بس لو احتاجت للمساعده بأي حاجه هتصل استشيرك لان الاكل عندك جميل جدا
محمد : اه طبعا مفيش مشكله وعمتي هتديكي الوصفات (قام وقف لما معتز شاورله اخد موبيله من ع التربيزه ) عن اذنك عندي تصوير اشوفك ع خير
ماهي قامت وسلمت عليه: اشوفك ع خير يا محمد
عمته اخدتها وصلتها لحد الباب: معلش يا ماهي بس محمد عنده تصوير زي مانتي شايفه عشان كدا لازم انا الي اوصلك
ماهي: مفيش مشكله يا طنط وخالي بالك منه
عمته: محمد ده في عيوني
ضحي راحت عليهم: عمتي
عمته: فيه حاجه ياضحي
ضحي: معلش ممكن تتابعي الرز دوقته لقيته طعمه غريب
عمته محمد :ماشي انا هروح اشوفه عن اذنك يا ماهي واشوفك ع خير
ماهي ببتسامه جميله: مع السلامه
ضحي استنت لما عمه محمد بعدت عن المكان وبصتلها وقالت: مدام ماهي سمعت بأنك هتفتحي مطعم في ايطاليا انا عايزه اسافر اشتغل هناك ودي كل اوراقي جاهزه وبجد نفسي اسافر
ماهي اخدت منها ظرف: فعلا عايزه تسافري ياضحي بس مين هيهتم بالمطعم هنا ومحمد لو عرف هيزعل مني جدا
ضحي بصوت حزين: لاء انا مش بالاهميه دي عنده وبعدين فيه عمته موجوده واختي مديره يعني مفيش مشكله كبيره لو كنتي مهتمه ممكن تتصلي بيا عن اذنك
ماهي: انشاء الله
….قصص منه محمد كاتب……..
ياسمين بتفر في تلفون اختها ضحي ع صور ابن نور
ضحي: ذات نشرت صور كتير لسه مش مبطله غيظ وكيد ومصممه ع الغرز وبتنشر صور
ابوها بحزن ع بنته الي وشها مش طبيعي ابدا: ياسمين هاتي التلفون ده _وبعتاب لضحي_ وكفايه ياضحي متعرفيش حاجه لياسمين عنها تاني
ياسمين بجديه: مفيش مشكله يابابا اظن انا قبلت الوضع من وقت طويل وبجد سعيده ان الام والبيبي بخير وسعيده عشان نور بقي عنده طفل زي ما كان بيتمناه
زبيده: طول عمرك عاقله ومش حقوده يابنتي وبتحبي الخير حتي لعدوك
ياسمين: يا امي لازم ابقي كدا لاني لو حقدت وحسدت هعاني كتير
ضحي ببريق امل: بما انها ولدت كدا نور معلهوش مسؤليه يهتم بيها وكدا اكيد هيرجعلك
ياسمين دمعت عينها غصب عنها: ده ملوش علاقه انا ونور انتهينا من وقت طويل وسواء ولدت ذات او لاء لازم نطلق
ابوها: ياسمين انا مش بجبرك ع حاجه بس انا عايزك ترجعي نفسك وخصوصا انتي مشتركه في الغلط الي حصل مش نور لوحده يابنتي
ياسمين: عارفه وفاهمه يا بابا واظن بعقاب نفسي بنفسي لما ابعد عن اكتر راجل حبيته واتمنيته ولما بقي ملكي جات صديقتي الي كنت شيفاها اكتر من اختي طعنتني في ضهري بسبب طيبتي اظن مفيش عقاب اشد من كدا
ضحي ئعدت جنبها : لاء انتي مش وحشه هي الي انانيه وبتعمل الي يريحها ويراضيها مش مهم ع حساب مين ولا هو صح ولا غلط مبيهمهاش اي حاجه المهم تحس انها المسيطره ع الامور ومسيطره علي نور ومخليه صورته وحشه قدام المتابعين وانه ضعيف وماشي وراها دلدول
ابوها: والي عملتيه معاها ده كان كرم اخلاق منك يا بنتي فمتلوميش نفسك ابدا
زبيده اللي غصب عنها نزلت دموعها ع حال بنتها : مظبوط ولا تقنطي من رحمه الله يا بنت قلبي
ياسمين وهي راجعه اوضتها : ونعم بالله بس طالما بقي فيه طفل لازم يتم الطلاق بشكل اسرع
ياسمين دخلت غرفتها بصعوبه حابسه صوت بكاها وبسرعه البرق حطت راسها على مخدتها انفجرت عياط عيطت … وعيطت…وعيطت محتاجه تطلع كل القهر الي في قلبها …محتاجه دموعها تغسل ألمها ووجعها .. قلبها بقي اشلاء.. متهشم ..ازاي تقدر تجمعه !!!
استوب ورايكم رايكم رايكم وتعالوا لما نورهان تضرب ذات ضرب مبرح وهي ولاده يانهاري عامله عصابه حماده وتوتو هي وعزه ونور
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
