رواية ذات الوجهين الفصل الخامس والثلاثون 35 بقلم منة محمد
رواية ذات الوجهين البارت الخامس والثلاثون
رواية ذات الوجهين الجزء الخامس والثلاثون
رواية ذات الوجهين الحلقة الخامسة والثلاثون
في المستشفي
ذات بصت ع معدتها ونفخت كئنها اتخلصت من عبئ ثقيل: اخيرا نزلت
نورهان دخلت ومعاها عزه
ذات بضيق وغضب: فين نور ليه مجاش يزورني من اول ما ولدت مفكرش مره يجي يزور مراته وابنه
نورهان: نور كل يوم بيجي يزور ابنه بس في الحضانه اما بالنسبه ليكي
ذات قطعتها: ايوه بالنسبه ليا ايه ليه مجاش يطمن عليا
نورهان: لان ابني نور عنده زوجـ
قطع كلامهم خبط ع الباب ودخول الممرضه بالطفل
عزه جريت عليه: الله الطفل جميل اوي ياست نورهان
ذات بحقد وغل: ناوليني العيل
الممرضه ادتهولها والطفل اول ما ذات حملته فضل يصرخ وفتح في العياط
ذات: الله ليه بتعيط انا امك
نورهان عوجت بؤها: ما هو المصيبه انك امه فأكيد مقهور ع حياته السوده
ذات بصتلها بغضب والطفل مستمر في العياط وهي تسأله ليه بيعيط
ذات اخر ما زهقت من صوته مدته للممرضه: خديه مقدرش اتحمله
نورهان بصت للممرضه: اقدر ادفع الحساب ونخرج
ذات: مش ماشيه هستني نور يجي يوصلني
نورهان اتجاهلتها وتابعت كلامها للممرضه: معلش خلصلنا ورق الحضانه والاجراءات من فضلك
الممرضه: حاضر يا هانم
نورهان ببتسامه لطيفه: الف شكر يا بنتي
ذات كتفت ايدها : قلت مش متحركه من هنا الا لما نور يجي ياخدني مش متحركه سمعاني
نورهان ابتسمت بخبث ودهاء وقالت: ونور مش جايلك هو بيجهز بيته عشان لما ترجعي انتي والعيل ميكونش الامر صعب طفل رضيع كدا مينفعش يخرج لازم يتجهزله حاجات كتير
ذات الي حست بسعاده: ماشي بس واحنا راجعين شيلي العيل عشان درعاتي وجعاني
نورهان بصتلها بفوقيه كتير وابتسمت بخبث من الي هتعمله فيها!!
نورهان دفعت حساب المستشفي واخدت البيبي وراحت هي وعزه وذات وركبوا العربيه الكبيره والطفل فضل يعيط وذات ولا سائله وفاتحه صفحتها والسواق مره واحده اخد بريك
ذات مسكت معدتها واتألمت وبنرفزه عليه: ممكن تسوق كويس _رفعت ستاره العربيه ووسعت عيونها بصدمه _ الله ليه لف ده من هنا نور بيته عدي
محدش معبرها ولا بيرد عليها اتعصبت جدا وجسمها ينتفض من شدة الغيظ
ذات بزعيق مستفز: انا بسأل ليه ياسواق مش بترد ليه فوت بيت نور
عزه: اهدي العيل بيعيط من صوتك العالي
نورهان اخر ما زهقت رفعت صوباعها في وشها وزعقت فيها: انتي ملكيش الحق ترجعي للبيت ده
ذات بوقاحه: ليه مليش الحق؟!
نورهان بصتلها بحتقار: لانه مش بيتك ده بيت نور وياسمين انتي هتيجي معايا لبيت سيدك رفعت
ذات صرخت في وشها بعصبية وهي تشوح بأيدها: لاء انتي خدعتيني لاء مش رايحه معاكي انا هرجع بيت نور( نطت وضربت السواق في كتفه) انت يا كائن انت لف انت مش سامعني
نورهان مسكت ايدها واتكت ع صوابعها ورجعتها مكانها: اترزعي وهو سامعك بس هو نفسه مش هيسمعلك وانتي ملكيش اي حق تأمري حد مننا فاهمه
ذات بنهيار: لاء هرجع بيت نور ارجع ياراجل انت
نورهات اتغاظت منها هجمت عليها ضربتها: قلت اهمدي ولو ملمتيش نفسك يمين بالله ارميكي من العربيه للشارع تئعدي فيه انتي لسه والده فلمي نفسك معايا لانك لو ركبتي عربيه اجره واخدتي عدوه انا وقتها مش هقدر اساعدك بس لو عايزه تروحي بيت نور روحي واستلقي وعدك والي هيحصل فيكي وانا هربي العيل الي للاسف انتي امه
ذات: ازاي تاخدي مني العيل
نورهان: متمثليش دور الحنيه لو اخدتيه انتي هتربيه ده انتي بالعافيه قادره تشليه وهاخده ومش هتفتحي بؤك انتي مقدمكيش اي اختيار يئما ترجعي معايا او اخرجي من العربيه وكافحي ع نفسك
ذات: لاء هتصل بنور_اتصلت_ ليه تلفونه مغلق لاء انا هرجع عنده
عزه نفخت بضجر: اهدي العيل بيعيط من صوتك
ذات: ما تنكتم يا زفت انت
نورهان نفخت وضربتها على كتفها مره تانيه الطفل زاد في البكاء اكتر
ذات بتصرخ بجنون: قلت اسكت انا هتجنن
نورهان قامت عليها قرص وعض وشدت شعرها وذات تصرخ في ايديها والطفل بقي ع صرخه واحده من الي بيحصل حواليه
………..قصص منه محمد كاتب…………..
شويه ووصلوا لبيت رفعت ونورهان رمتها هي وابنها في اوضه خاصه ليها وللطفل ونزلت لتحت هي وعزه
نورهان: انا هروح ابلغ رفعت واعدي عالمول اشتري شويه طلبات للبيت وانتي خليكي هنا ورقبيها واياك تخرج بالعيل
عزه خبطت ع رقبتها: عيب برقبتي يا ست نورهان ده انا وزه
نورهان ضحكت بمرح وراحت تركب العربيه: يلا مع السلامه ياوزه
عزه شاورتلها بأيدها وببتسامه عريضه: مع الف سلامه وسوقي براحه وهاتيلي معاكي اسبنش بوب
عزه بتلف تدخل لقت ذات حاطه العيل في العجله الخاصه بيه وخارجه ع برا
عزه بصتلها بدهشة و علامات الاستفهام رفرفرت فوق رأسها ووقفت قصادها: رايحه فين بالعيل
ذات: هاخد العيل واروح لياسمين
عزه: مينفعش تروحي
ذات بنفعال: انتي مين عشان تمنعيني اتحركي
عزه ضربت الأرض برجليها بعصبية و قلبها محروق من تصرفتها الوقحه: مينفعش انتي لسه والده والعيل لحمه حمره لو جراله حاجه
ذات: العيل نايم في عربيته عاميه مش شايفه ومتكونيش حشريه ده ابني ومسؤليتي اتحركي لاني رايحه لياسمين يعني رايحه لياسمين
عزه شخطت فيها: مينفعش حتي لو الطفل في عربيته الشمس قادحه العيل يمرض
ذات بعصبية مماثلة: غوري وده يخصني
عزه بغيظ: خلاص انا هجبلك الست ياسمين لحد هنا
ذات سكتت وحست انها انتصرت وأاعدت بغرور وعزه بالفعل اتصلت بياسمين وبلغتها ان ذات طالبه تشوفها
……….قصص منه محمد كاتب……
بعد اكتر من ربع ساعه ذات قاعده منتظره دخولها بفارغ الصبر!!
ذات: فيني قولتي جايه فين هي
عزه بتكشيره: اتصلت بيها جايه بس هاتي العيل الاول
ذات بعناد: لاء هستني ياسمين ولو مجتش هروحلها
عزه ضربت الارض برجولها: يادي اليوم استني انتي بالعافيه قادره تقفي ( مدتلها كفوف ايدها) هاتي العيل الاول ليقع منك
ذات بعناد اكبر وتصميم: لاء وسيبي بدل ما اتجنن واضربك
ياسمين هنا دخلت وبمنتهي الهدوء والعقل: اظن انتي بقيتي ام ولسه مش قادره تتحكمي في نفسك عزه خدي البيبي الاول
عزه: حاضر يا ست ياسمين
عزه مدت ايدها وذات ادتهولها ع مضض!!!
ياسمين بصوت حاد: ليه عايزاني
ذات بصتلها وسكتت ونزلت دموع التماسيح
ياسمين بوش خشب وجمود: ايه اللامر قولي معنديش وقت
ذات شدت ايد ياسمين وبكت: ياسمين نور سابني انا والعيل وطردنا وجابنا نعيش هنا ورفض ياخدنا لبيته والكل اتحالف وخدعوني وبعد ما ولدت طردني اعيش هنا رماني في الزباله _عيطت بصوت_ نور سابني يا ياسمين وهياخد العيل ويرجعلك انتي اشفقي عليا وع العيل انا مبقليش حد متاخديش نور وابني ياياسمين ابوس ايدك
ياسمين شدت ايدها منها ولبست قناع الجمود و الصلابة : لو قدرتي ترجعي الوقت اللي قبل ما تبقي فيه حامل كنت انا الانسانه الي بتتوسل وتترجا وبتعيط ترجعيلي نور ياتري رجعتهولي
ذات رفعت دماغها وبصتلها ونطقت بكل الحقد الي جواها : قولي كدا هتاخدي نور من غير اي اعتبار للعيل
ياسمين لمعت عيونها بقوه غريبه: انا عمري ما ابقي زيك مستحيل وعمري ما فكرت اسرق اي حاجه من اي حد حتي لو كانت ملكي في السابق
ياسمين رمت كلامها ولفت ماشيه
ذات صرخت فيها في انهيار: انتي مبتفكريش في السرقه طيب ليه مطلقتيش من اول ما حملت لحد ما ولدت انتي لسه ع ذمته زمان ملعبتش معاكي وعملت اعتبار اننا اصدقاء
ياسمين رجعتلها بحركة مفاجأة وذات خافت منها ورجعت ع وري
ياسمين عقدت ايدها ع صدرها وبكل احتقار: انتي بجد بجحه اوي عملتي اعتبار انتي لسه عايزه تسرقي مني جوزي وقبله سرقتي بيتي وبتطلبي مني اطلب منه كمان الطلاق بس انا قرفانه وندمانه اني كنت صديقتك وع فكره كل يوم بستني نور يطلقني لكنه رافض وراكب دماغه بس اطمني انا مش بفكر ارجعله لان انتي موجوده وابنه في محور حياته والامر كدا بقي فاسد وبجد مش هنزل لمستواكي المنحط وادخل معاكي في خناقات وصراعات بعد كدا ابدا
ذات هنا مقدرتش تنطق بكلمه هترد تقول ايه تخالف كلامها في ايه
ياسمين: بس عايزه بجد اسألك متعبتيش انتي مبسوطه وسعيده بان حياتك كدا ولو كنتي جيباني هنا عشان اطلع عن شعوري وافقد عقلي وتوصل بينا للضرب وتجري تنشريها ع النت صدقيني مهما تعملي انا مش شيفاكي وبقولك ده مش هيحصل وعشان كدا لميت هدومي وبعدت ومستعده دايما للطلاق متقلقيش
ذات صرخت فيها بحقد: لو مطلقتيش عشان انتي كدابه ولسه بتحبي نور (صرخت اكتر) صح لسه بتحبيه
ياسمين رجعتلها وزقتها ع وري: بحبه او لاء ده ميخصكيش انا سبتهولك فستغلي عقلك وشوفي ابنك بس لانك انانيه وحقوده من يوم ما اتولدتي مبتشوفيش غير نفسك ابدئي حبي ابنك يمكن لما يكبر يقدر يحبك
ياسمين وهي بتلف لمحت صورتها هي ونور ع الكمدينو راحت اخدتها ورمتها في الزباله بعنف: اطمني انا وهو هنطلق
ياسمين سابتها ومشت وذات فضلت تشد في شعرها وفي خدودها وقعدت تعيط بقهر وحرقه لدرجه صوتها وصل لياسمين
………قصص منه محمد كاتب………
في المطعم
ضحي: ع فكره يا محمد الصنف ده لذيذ جدا حتي عجب اختي ياسمين
محمد ظهرت ع شفايفه ضحكة بسيطة: ع سيره ياسمين انا عايز اطلب ايدها ياتري هتوافق
ضحي ملامحها بهتت ودموعها اتحجرت في عيونها: اسألها مباشر وهي هترد مباشر
محمد: بس لازم اكون مطمن الاول وعايز مساعدتك يعني تتكلمي معاها وتجثي نبضها
ضحي بصتله وسكتت وقاومت دموعها بقوة من الصعب عليها أن تتقبل الموضوع لحد دلوقت
محمد قرص انفها بهزار: ارجوكي ضحي عشاني
ضحي بصتله ورسمت شبح ابتسامه مغتصبه وهزت له دماغها بحاضر
محمد دغدغها في خدودها زي الاطفال: انتي عسوله خالص
…………قصص منه محمد كاتب………..
ذات عماله تتصل بنور يديها غير متاح فضلت تصرخ لحد ما الطفل صحاه وعيط
ذات مسكت دماغها و صرخت فيه بجنون: اسكت يله اسكت
رفعت بياكل: نورهان معلش ممكن تشوفيه ليه بيعيط بصوت عالي كدا
نورهان رمت الشوكه بغل عالسفره: روحتلها الصبح بس رفضت بأني المسه دي لا بتحميه وتقولي لما نور يجي هو يحميه بنفسه وتفضل تصرخ عايزه نور لما فلقت دماغي من الصداع
رفعت: وهو نور ملقش جاي امتي دي من يوم ما ولدت وخرجت من المستشفي مجاش ابدا
نورهان بهدوء: نور اتصل وقالي محتاج وقت يصلح علاقته الاول هو وياسمين ولما يصلحها هيبقي يجي يتصرف مع الي هنا وانا روحت لميت هدوم الشيطانه دي انا وعزه وجبتها كلها ع هنا
رفعت: الواد ده ليه ما اخدش ابوه مثال عندي زوجه واحده اتنين صداع
نورهان ببتسامه : انت فيه منك تاني
العيل عيط بصوت عالي والصوت صدع المكان
نورهان هرشت في قفاها بتوتر: لاء انا عايشه في مورستان
رفعت: معلش روحي شوفيه انا بجد قلقان ع الطفل منها
نورهان قفلت ملامحها وقامت: امري لله هروح اشوفه
رفعت اتنهد في حرارة و قال بهدوء لنفسه: ياتري يابني هتصلح الامر مع ياسمين -رفع ايديه بالدعاء _يارب اصلح احوالهم ياقادر يا كريم
……….قصص منه محمد كاتب………
ياسمين قاعده ع الكرسي في الجنينه ولافه شال ازرق ع كتافها وبتتكلم في الموبيل
ياسمين بهدوء: هبه متحاوليش اقناعي خلاص قررت ومش هغير رائي
هبه :عارفه انك مش هتغيري رايك بس الاوضاع اختلفت ويمكن الامور تتحسن انتي مش صابره عشان تشوفي
ياسمين بتنهيده: اظن استنيت بما يكفي مفيش حاجه بتتغير ولا الوضع بيتحسن بل بتسوء انا خلاص قررت هروح لنور وانهي معاه كل حاجه ومتشكره ياهبه لقلقك بس مش هغير راي ابدا
هبه: تمام !!! الامر راجعلك طبعا بس لو احتاجتي مساعدتي في اي حاجه قوليلي وربنا يريح قلبك
ضحي قربت منها بمج نسكافيه وحطته قدامها وع شفايفها أجمل ابتسامة
ياسمين بصتلها ببتسامه: شكرا يا دودوه
ضحي أأعدت جنبها: عامله ايه يامديره الشغل عجبك
ياسمين رفعت رأسها للسما وبفرحه كالاطفال: روعه يا دودوه
ضحي: والريس عجبك
ياسمين :اظن كدا محمد صبور وبقي راجل ملتزم وكويس
ضحي بلهفه : يعني نسيتي نور
ياسمين: سواء نسيته اولا لاء حياتي لازم تتقدم لقدام وكوني ادي محمد فرصه بعتبر بديها لنفسي لان الحياه علمتني ان الاشخاص الي بنثق فيهم اكتر من نفسنا ممكن يخنوننا ويجرحونا ويغدروه بينا ويكدبوا علينا في كل حاجه( حقيقه من الحياه) ووممكن تقابلي شخص بعيد عنك يحبك بجد و يغير حياتك للأبد!!!!
ضحي دموعها كانت هتغلبها لكنها قاومتها بقوه وابتسمت: عندك حق الحب الحقيقي اوقات بيحصل بدون علمنا
ياسمين بصت للفراغ وضحي حدفت نفسها جوه حضنها وياسمين مسحت ع شعرها بحنان وضحي نزلت دموعها في صمت ع الحب الي من طرف واحد وهو في منتهي التعاسة واسوء نسخه هو الحب من طرف واحد
استوب ورايكم في كلام ياسمين لذات ولسه نورهان هتكمل عليها وياسمين هتزود كلام جامد وجارج يوجع اوي وطبعا السؤال الاهم نور اختفي فين ترقبوا احداث جديده لانج هتخطف انفاسكم
نورهان خارجه هي وعزه رايحين السوق
ذات طلعت تجري وراهم: استنوا رايحين فين؟!
نورهان: رايحين السوق نشتري حاجات _اتجاهلتها تماما_ بت يا وزه جبتي شنطه التموين
عزه رفعت الشنطه لخدها ومسحت عليها بحنيه: طبعا ده انا شدتها اول حاجه
نورهان: شاطره يله
ذات: استني الاول ليه واخده عزه معاكي ممكن تروحي لوحدك مين هياخد باله من العيل
نورهان بنظرات احتقار: العيل اظن عنده ام _ شاورت عليها بقرف_ يله ادخلي شوفيه وراعيه فالحه بس تخلفيه وتفرقينا بيكي وبيه
ذات بعصبيه: هو ابني لوحدي فين ابوه الي ولا سأل فيه .. فين نور بقالي ثلاثه ايام هنا ومجاش
نورهان بوفقيه: نور مش عيل صغير ومتقلقيش عليه هو هيجي بنفسه لانه بيحب ابنه وبيقلق عليه وقبل ما تتهمي غيرك بصي لنفسك الاول ياتري قمتي بواجبك ناحيته بما فيه الكفايه
عزه: يله يا ست نورهان
نورهان بصتلها وابتسمت: يله يا وزتي
ذات بأمر: استني عندك ياعزه
نورهان: ولا تسألي اطلع يسطا
العربيه اتحركت وذات جريت وراها بعصبية وتهبد عالشباك بشكل هستيري: انزلي ياعزه راعي العيل
…………..قصص منه محمد كاتب…………
ياسمين راجعه من المطعم سمعت صوت الطفل من بيت رفعت بيبكي بحرقه ومن اعماق قلبه الي ممكن يتوقف في لحظه اشفقت عليه من صوته المبحوح وقفت قدام البيت وبتسال نفسها بحيره هو محدش جوه وسمعه لان صوت الطفل بيعلاه بطريقه تخالي اي قلب حجر صوان يلين بدون ادني تردد دخلت وشافته بيفرك ع الكنبه وبيبكي بجنون ومفيش اي حد جانبه
ياسمين قربت بتردد : فين الي هنا ازاي يسبوه كدا قلبه هيقف_ اخدته في حضنها وفضلت تهدهد فيه بحنان)
ذات طالعه من المطبخ شعرها منكوش وفي ايدها زجاجه اللبن شافتها وقفت مكانها ومحروجه من شكلها المبهدل
ياسمين: سمعته بيعيط جيت اشوفه فين الي هنا؟!
ذات شوحت بأيدها بضجر: عمي راح الشركه ونورهان وعزه راحوا السوق وابوه اختفي في مكان وسايبني انا وهو والواد ده مش مبطل عياط بيعيط من الصبح ومش بيفصل وانا لازم احضرله الرضعه ومش لاقيه البزازه وعيشه تقرف!
ياسمين بصتلها بستياء : بس بس شكاوي حضرتي الرضعه للبيبي قلبه هيقف من العياط والجوع
ذات قلدمت وأأعدت واخدته منها ع رجولها وفتحت غطاء البزازه بدقنها لدرجه طار لبعيد وبشخط : خد كل افتح بؤك
ياسمين: انتي كدا بتأكليه ولا بتخنقيه ياشيخه حرام عليكي هو بيفهم
ذات: يفهم هو المفروض يفتح بؤه ويشرب اللبن
ياسمين مدتلها ايدها: هاتي اساعدك لانه هيموت
ذات كشرت ونولت لها ازازه اللبن وياسمين اخدتها منها وفكتها من الجراب لقتها سخنه ملهلبه صرخت: ليه سخنه ملهلبه كدا
ذات اتكت بكوعها ع الطاولة: اعمل ايه لازم اغلي الميه اوي ولا اللبن هيدوب ازاي
ياسمين بستياء: ناوليني ايدك
ذات بصتلها بغباء بعد فهم وياسمين سحبت كف ايديها وفرغت من اللبن عليها وذات صرخت وشدت ايدها بسرعه وقالت: ده سخن مولع
ياسمين: اه سخن فكري لو الطفل كان شربه
ذات نفخت بملل : وانا هعرف منين يعني
ياسمين بصت في زجاجه اللبن بتمعن وسألتها: وبعدين اخدتي المعيار ولا حطيتي بالبركه لان الازازه مش الطبيعي تكون مليانه كدا وياتري غسلتيها وعقمتيها
ذات بضجر: شوفتها هناك اخدتها وفرغت فيها كدا بالبركه
ياسمين: يا شيخه حرام عليكي ده طفل رضيع لازم نعقم الاول ممكن العيل يجيلو ميكروب في المعده ويحصله مشكله كبيره
ذات كشرت بزهق: وانا هعرف منين ده اول عيل ليا وانا معرفش ازاي ومحدش بيساعدني انا متوتره وكدا ع طول يا ياسمين
ياسمين: بطلي نواح _اتنهدت بصوت مستاء_ امري لله هساعدك عشانه هو ملوش ذنب
ياسمين اخدتها وفضلت تعلمها ازاي تأكله وتشيله وتغيرله وذات حماره لا بتستقبل ولا عندها نيه انها اصلا تستقبل
بعد وقت ذات زهقت رفعت ايدها بستسلام: خلاص فصلت ودماغي انتفخت هحفظ ده امتي خلينا في المهم انا بعاني من الصراع كل يوم ع امل ان نور هيرجعلي
ياسمين بتأكل الطفل ومش بصلها اطلاقا
ذات تابعت كلامها: هو مش عايز يشوفني ويمكن مش عايز يشوف العيل كمان او بيفكر في طريقه يحاول يستردك بيها وجايز يكون بيجدد البيت عشانك
ياسمين كاتمه غضبها ومش بتبصلها بتاتا
ذات بخبث وذكاء: بس ده كويس يخليني اهرب مع العيل
ياسمين رفعت عيونها وبصتلها بنظره طويله فيه معاني كبيره
ذات مثلت المسكنه: ابني هيكون يتيم الاب ويتربي ع الشحاته ومش بعيد يموت من الجوع ونشوف لو ابوه هيقدر يتحمل ده
ياسمين بتحاول تضغط ع اعصابها قبل ما تنفجر فيها : ياريت تبطلي تفكير اجرامي وتستخدمي العيل وتلوي الدراع
ذات وقفت بغضب وانفجرت هي فيها: لو كان الامر ضروري هلوي
ياسمين سكتت شويه ونطقت: انتي بتهدديني انا كمان اظن قولت لك هطلق من نور النهارده او بكره
ذات: متشكره بس انتي عارفه العيل محتاج لـ اب
ياسمين خلصت للطفل وقامت وقفت : انا فاهمه كويس وياريت انتي الي تفهمي انك بقيتي ام وعندك طفل وكنزك الحقيقي الي مينفعش تسرقيه من حد تاني لانه من حقك انتي وله قيمه كبيره فمستخدمهوش للوي الدراع او كمساومه الولد نام انا ماشيه
ذات: ياسمين
ياسمين اخدت نفس بعمق وفضلت مكانها مديها ضهرها
ذات عيطت بجد: ممكن تفضلي
ياسمين لسه بضهرها: ليه فيه ايه تاني لسه مقلتهوش
ذات نزلت دموعها: ممكن تعلميني ازاي اعرف اربي مازن ابني
ياسمين لفت بصتلها وشافت دموع ذات الحقيقه وبجد بانت اد ايه انها ضعيفه في الوضع الي حطت نفسها فيه
ياسمين: لو كان عمايل الرضعه صعبه ليه مترضعهوش طبيعي
ذات: واخسر جسمي
ياسمين: ده ملوش علاقه لان لبن الام كله غذا وفتامينات
ذات: انتي مجربتيش تخلفي ازاي بتعرفي
ياسمين: لاني قريت كتير
ذات: بتحضري نفسك تخلفي من نور
ياسمين بصتلها بتبريقه وذات اخدت بالها انها ضربتها بالكلام وياسمين قامت تمشي
ذات: ياسمين لسه زعلانه مني
ياسمين: زعلانه لاء لكن مستحيل اسامحك لاني مش فاضله للحد ده
ذات: عايزه ارجوكي
ياسمين قطعتها: لو كنتي هتتكلمي عن نور هطلق منه عشان انتي جوه حياته
ياسمين خرجت برا البيت لقت موبيلها رن بأسمه فتحت الخط
نور: ياسمين انا نور وبعتذر علي اليوم بس كان لازم امشي بكره ممكن نتقابل لو انتي فاضيه
ياسمين: ايوه فاضيه
نور: عايزك تقابليني في بيتنا ذات مش موجوده خلاص!
ياسمين: عارفه
نور: ممكن تيجي عايزك تشوفي لما مكنتيش هنا حاولت اعمل ايه
ياسمين: جايه لان انا محتاجه اتكلم معاك اشوفك بكره
نور بفرحه كبيره: مستنيكي ع نار يا حبيبتي
…………قصص منه محمد كاتب………
نور شاف ياسمين داخله من البوابه راح اتخبا لانه عايزها تدخل تشوف البيت بنفسها وبالفعل ياسمين دخلت وشافت بوستر كبير بصورتها لوحدها وبعدين في كل جدار متعلق براويز كبيره ليها ولنور والبيت متنظم كأن مفيش حد لمس العفش كله والبيت عشره ع عشره والي يدخله يقسم انه مفيش حد سكنه من يوم ما هي سابته راحت وقفت قدام صوره فرحهم ونور جه من وراها وحرك ايده الاتنين برقه ع دراعتها المعقوده قدام صدرها ولفهم حواليها ودفن دقنه تحت كتفها ورفع شعرها وباس رقبتها وخدها بشوق ايام عجاف
نور بصوت دايب من الاشتياق: وحشتيني واشتئت ليكي يا ياسمينه وكل يوم بشتئلك ومفتقدك مفيش يوم عدا عليا الا لما افتقدك فيه
ياسمين بصوت كله قسوه: بس انا عكسك مفتقدكش ولا حتي يوم
انتفض قلب نور بين ضلوعه واتصدم لكنه لسه ضممها لصدره
ياسمين كملت بقسوه اشد: ولا حتي فاكره امتي اخر يوم حسيت اني مفتقداك الحاجه الوحيده الي فكراها هو اليوم الي خسرتك وافتقدتك
نور بعد عنها ببطئ وبدهشة كبيره : ياسمين
ياسمين بوش جامد: انا مش هقدر ابقي هنا لوقت طويل وهمشي بعد ما اخد باقي متعلقاتي
نور بخفوت: ياسمين انا
ياسمين سفهته وراحت جري ع غرفه عزه وفتحت الباب ودخلت الغرفه ولفت بعيونها لقتها فاضيه : فين حاجاتي
نور واقف وراها مش بينطق ولا بيرد ساكت لكن بحزن في لمعه عيونه
ياسمين بحده: سألتك فين حاجاتي الي مأخدتهاش وخليت عزه تشلهم في الاوضه هنا فين هما
نور:رجعتها لمكانها هدومك ومتعلقاتك الشخصيه كل حاجه رجعت في مكانها
ياسمين سيباه وراحت ع غرفه النوم وهو راح وراها ودخلت فتحت الدولاب وفضلت تشد في الهدوم بالعلاقات وتحدفهم عالسرير
نور مسك منها الهدوم ونبره كلها قهره وخوف: بتعملي ايه لاء (اثشبس بيها بكل طاقته وضمها) اتوسل اليكي متعمليش فيا كدا واسف اسف اسف الاف المرات وحاول احل المشكله وارجع كل حاجه احسن ياسمين انا اتحملت المرار واستنيت كتير لحد اليوم ده اليوم الي هتولد فيه الملعونه وينتهي الي بيني وبينها وخلاص مش هتورط معاها تاني
ياسمين بتحاول تتحرر من سطوته وشهقت بألم ووجع والشهقات وجعت قلبه
نور اخد نفس ع حزنها وضمها له اكتر ويمسح ع شعرها: اوعدك بأن ذات مش هتسبب ليا مشاكل تاني
ياسمين خرجت منه: مشاكلنا مش ذات
نور بارتباك شديد ووشه مخطوف سالها بتوجس: امال ايه
ياسمين : فيه اني مبقتش قادره احبك تاني زي الاول
نور بلع ريقه ودقات قلبه زادت بجنون: ليه متقدريش تحبيني نفس الاول
ياسمين : لاني فقدت اهم شخص في حياتي ابني واتألمت بما يكفي
نور برق بصدمه وهمس بألم عميق: انتي قولتي ابني منك انتي كنتي حامل
ياسمين ببكاء بقهر: ونزل من القهر والظلم يوم ما عرفت انها حامل منك ع الهواء نزل وانا معتكفه في المسجد كنت حامل في ثلاث اسابيع ونزل ومحدش عرف بوجعي غيري وغيرك دلوقت لانه مؤلم اوي فلو رجعتلك هفتكر كل الي عملته فيا في كل مره هبص في وشك هيوجع في كل مره تحضني وتلمسني فيها هيألم وافتكره
نور بصلها واتك ع شفايفه كلامها صابه في مقتل وسيحت دم الالم والقهر وعيونه لئلئت بالدموع لان المها هو نفس المه
ياسمين رفعت راسها وسألته بعيون حزينه: في عقلي فيه مجموعه اسئله انت فعلا كنت ملكي ياتري الراجل ده حبني وكان صادق معايا
نور بدموع الالم والقهر: ايوه بحبك وانتي عارفه ده كويس
ياسمين جسمها اتشنج وزقته بعيد عنها وصرخت فيه:زمان انت قولت ده واكدته والي بعده باظ كل شئ بينا دمره وسحقه
نور من بين دموعه ورجائه قرب منها وعصرها بين ايديه : لاء ياسمين ابوس ايدك اديني فرصه تانيه ابوس ايدك
ياسمين زقته من صدره بعيد عنها: اديتك فرص اديتك ورجعت وقلت اكمل لكن ان ابني الي مفرحتش بيه يموت ده قمه القهر والظلم وعشان كدا انت الي اديني فرصه وطلقني يانور
نور بيهز دماغه بنهيار بـ لاء
ياسمين دارت وشها تمنع دموعها عليه: عايزه اكون حره عشان ابدء حياتي من اول وجديد مع راجل تاني
نور بصلها بصدمه وصوت مقهور: راجل تاني (ضمها بجنون) لاء مستحيل تكوني مع راجل تاني مستحيل انتي ليه ولازم تبقي معايا والله لحل كل حاجه
ياسمين بكت معاه وخرجت من حضنه
نور مسك ايدها بتملك وبصوت متحشرج: انا اتحملت ذات وقرفها عشان العيل ميموتش بذنبي وعانيت زيك واتحملت المسؤليه وكتبته باسمي ياسمين عارفه انا اتحملت معناه معاها اد ايه لحد ما يجي اليوم ده يا ياسمين اليوم الي نبقي فيه مع بعض يوم ولدتها الفرحه الي شوفتيني فيها عشان اخيرا اتحررت منها ياسمين انتي لما سبتيني عرفت بانك اغلي من روحي اغلي من الدنيا كلها انا مفتقدك في كل دقيقه
ياسمين قدامه بكت بصوت عالي بيطلع في الروح
نور بصوت باكي : افتقدك ابتسامتك الرقيقه ضحكت صبرك انا فقدت فيكي كل دول ابوس ايدك ارجعيلي وعاقبيني بس وانتي جنبي وانا والله ما هفتح بؤي لحد ما تغفريلي بس ارجوكي ارجعيلي متروحيش اي مكان تاني
ياسمين عايزه تصرخ وتصرخ لانها مش هتقدر تحرمه من ابنه من ذات
نور مسك فيها بكل قوته ويضمها بجنون :ارجعيلي يا ياسمين متروحيش اي مكان
ياسمين بدموع وشهقات: كفايه يانور كفايه
نور بيضم فيها زي المجنون والندم دمر قلبه واتمني يمحي الماضي ويغمرها بسعاده ابديه ويكرر برجاء: لاء مش كفايه ومستعد افضل كدا لحد ما ترجعيلي وتغفريلي وتبقي معايا
ياسمين: لو رجعتلك هتاخد جسمي بس لان قلبي ملك لراجل تاني
نور جحظت عيونه و سابها وأأعد علارض بنهزام وقلبه يدق بعنف
ياسمين جمدت قلبها: انا بحب محمد وهو طلب يتقدملي
نور بهزيان ودموع قام مسك كفوف ايدها: ده كدب انتي مش بتحبيه لاء
ياسمين نطقت بكل قهر الدنيا وآلامها ، صرخت بكل عذابها و نيرانها: انت مش محتاج ائكدلك اي حاجه انا الي محتاجه تأكدلي انك فعلا بتحبني ولا بتحب نفسك لو كنت بتحبني هتسبني امشي
نور بص لـ ايده الي ماسكه ايدها وفكها بالبطيئ وياسمين سحبتها منه ونور نزلت دموعه وكتافه رخت لتحت وحرفيا حاسس انه خلاص فقد روحه
ياسمين راحت ناحيه الباب وبصتله: انا راحه حالا عند المأذون تيجي نطلق ووقتها هتحرر من الالم والمعاناه واعيش في سعاده معاه
نور فضل مكانه كأنه انسان متعلق ع حبل المشنقه واتنفذ فيه حكم الاعدام ومات
ياسمين نزلت وقعدت ع اخر سلمه وسندت دماغها عالحيط وغمضت عينيها و عضت على شفايفها وبكت بدون صوت ع الماضي الي بيتجسد قدام عيونها ولما حست انه نازل طلعت ركبت عربيتها لطريق المأذون وصلت ودخلت ااعدت وشويه نور دخل قعد في الكرسي جنبها
المأذون ابتسم: انتم تاني اظن مش هتهرب تاني
ياسمين بصت لنور بحده: ده لو هرب هخلعه حالا
نور فضلت عيونه مبحلقه فيها كأنه في غيبوبه
المأذون كتب قسيمه الطلاق بعد ما اخد بيانتهم ومدلهم القسيمه: اتفضلوا وقعوا
ياسمين شدت القسيمه ووقعت بسرعه بدون تردد ونور يتأمل سرعتها
ياسمين زقت القسيمه قدامه: يله وقع
نور احتلت رعشه في كل انحاء جسمه
ياسمين بنرفزه عليه: وقع
المأذون: لاء اهدي
ياسمين: كنت هاديه لشهور فاتت بس بعد كدا خلاص
نور مد ايده يمسك القلم ايده رفضت وارتعشت
ياسمين مسكتهالو: متخلنيش اشيل ايدك عشان توقع اظن اتفاقنا
نور بصلها ووشه حرفيا دبل وياسمين مسكته تاني القلم وقفلت عيونها وهو وقع بقلة حيله وهنا هي لفت وشها ونزلت دموعها ع معاناة الفراق
المأذون اخد منهم القسيمه: انشاء الله عشره ايام تيجوا تستلموها
ياسمين اخدت شنطتها وقامت جريت بأقصي سرعتها وعيونها فيضان دموع وكئنها بطلع في الروح اما نور لف بعيونه عليها لحد ما اختفت من قدامه ودق قلبه بعنف مش قادر لسه يستوعب وجع الفراق ونزلت منه دمعه جريحه وحاسس انه جوه كابوس مخيف ومش هيصحا منه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
