رواية ذات الوجهين الفصل الخامس والأربعون 45 بقلم منة محمد
رواية ذات الوجهين البارت الخامس والأربعون
رواية ذات الوجهين الجزء الخامس والأربعون
رواية ذات الوجهين الحلقة الخامسة والأربعون
باسم دخل بتهجم شد التوكه من شعره ونكشه زي الغول: مين دول الي اتجرؤا يضربوا نار عليا مييين
البودي جارد: اظن دول تبع الشخص الي بعتني اقتل ابوه واظن ابنه بياخد بطاره فبعت رجالته يقتلوك
ذات مرميه عالكرسي ومفتحه عيونها بتعب ووشها شاحب كأنها من اهل الموتي
باسم اتك ع اسنانه بقسوه وانتقام: الي خلاني اقتل ابوه يخليني اقتله هو كمان ابعتوله حالا رجلتنا يعلموه الادب عشان يعرف انه بيلعب مع الشخص الغلط
البودي: امرك ياريس
ذات قايمه من فوق الكرسي لكن حاست بدوخه قويه سببتلها عدم اتزان من كتر الالم
باسم بصلها: رايحه فين
ذات بوهن: داخله انام مش قادره أأعد
باسم رجع شعره الطويل لوري: مينفعش تنامي دلوقت لاني متوتر وانتي هتشيلي عني التوتر حالا وبعدها نامي
ذات: انا لسه خارجه من المستشفي
باسم قام مسكها من دراعتها و هزها بعنف : اظن انا بدفع كتير والي بتطلبيه بدهولك عشان كدا مش من حقك ترفض الي انا عايزه وتنفذيه وبدون شروط
ذات هزت رأسها بشدة وبتسحب دراعها منه بشده : لاء سبني
باسم سحبها بالعافيه من دراعها وبيجر فيها ع غرفه التعذيب كئنها حيوان وذات زقته وجريت اتخبت في الحمام
باسم اتجنن وثار: تعالي هنا ( هبد عالباب وصرخ بقوة ) اخرجي حالا ذاااات
ذات اغلقت الباب بالمفتاح ووقفت وراه
باسم بيضرب الباب بكتفه وبيصرخ زي الغول: اخرجي قلت اخرجي _شد شعره_ انا حاسس بالتوتر
ذات فضلت واقفه وري الباب بضهرها وتبكي وتشهق
باسم بيضرب الباب: اخرجي يابنت الكلب اخرجي انا متوتر وانتي لازم تساعديني
باسم مسك الفازه كسرها في الارض وصرخ بهستريا: اخرجي يا ذات اخرجي قلت اخرجي
ذات لما حست انه جاتله الحاله ومدد بيها عالارض راحت أأعدت تحت الحوض وجسمها وشفايفها ارتعشت من الخوف واتصلت تستنجد بيه بدموع وشهقات: فريد ساعدني ارجوك ساعدني
………قصص منه محمد كاتب………
قاعده في الكافيه وسانده ايدها تحت دماغها وبتفتكر كلامها
ياسمين=وعشان كدا جيت وبسألك محتاجه للمساعده ياذات
ذات فركت شعرها ونزلت دموع الندم ع صديقه مستحيل تتعوض وعرفت اد ايه الي عملته فيها شئ بشع صعب غفرانه حاولت تتمالك نفسها وتحبس دموعها لحد ما دخل وقرب ناحيتها وبصلها وكرمش ملامحه من منظرها المزري !!!!
فريد وقف يتأملها وابتسم بسخريه وبعدين قال: انتي لسه مع باسم فكرتك هتاخدي منه مبلغ وتمشي
ذات رفعت عيونها وبصتله ولسه سانده دماغها ع ايدها
فريد قعد وفتح زراير البدله وهي بصتله: اروح فين من ساعه ما بعتني بنفسك
فريد: مين كان يفكر انه يدعمك طول المده دي معني كدا ان ادائك عجبه عشان كدا مقدرش يسبيك
ذات ضربته بنظرة احتقار: عارف انك حقير ووضيع
فريد رفع كتافه ببساطه: طيب ما تهربي مستنيه ايه روحي اي مكان وابدئي حياه نضيفه عن دي
ذات همست بيأس: انا معرفش اروح فين ومفيش حد يقدر يساعدني بعد كدا
فريد بسخريه: بصراحه انا مش مندهش ولا مستغرب لانك اذيتي كل الناس الي كانوا كويسين معاكي جدا بس عندي فضول ناحيه امر واحد انتي جميله وذكيه ليه مبهدله نفسك ومش عارفه قيمتها
ذات ابتسمت بتهكم: قيمه وليه انت مشفتهاش عشان غيرك يشوفها من بدايه ما كبرت محدش شاف قيمتي كوني ست ولو ع القيمه ليه الستات بتعمل عمليات تجميل للملامح والصدر وبتحاول تثير اهتمام الراجل
فريد بصلها وابتسم وحرك راسه دليل ع انه مش عاجبه حصه الانشاء
ذات: ست فاضله في كل حاجه وعارفه نفسها في كل حاجه واتعرضت للخيانه ايه الكويس في قيمه النفس
فريد: انتي اتصلتي عشان اساعدك مش جيباني هنا تسمعيني محاضره عنك وتدنيني من خلالها( هب من مكانه و قالها ببرود) انا ممكن امشي وبلاش اضيع وقتي
ذات رفعت عيونها وبصتلوا: انا محتاجه محامي
فريد بصلها شويه ورجع أأعد: ليه محتاجه محامي
ذات: شئ يخصني شوف لي محامي حالا
………..قصص منه محمد كاتب………….
ذات قاعده في الحمام ميته من الارهاق وشفايفها بيضه مدت ايدها واخدت علبه من فوق الحوض واخدت حبايه وبلعتها عشان متحسش باي تعب بيمارسه عليها باسم وتقدر تاخد فلوس قد ما تقدر حست بيه قامت بسرعه وجريت دخلت تتخباه تحت التربيزه
باسم: ذات
ذات تحت التربيزه وشايفه خياله وهو بيدور عليها
باسم كأنه بيلعب مع طفله عسكر وحراميه: ذات انتي فين يا شاطره
ذات بتهز دماغها انه ميشوفهاش
باسم مره واحده رفع المفرش وصرخ بضحكه مرعبه: تعالي هتروحي مني فين
ذات صرخت وهو سحبها واخدها لغرفه التعذيب وصوتها طالع للجو
…….قصص منه محمد كاتب…………
يوم عيد ميلاد مازن الي عملينه في الجنينه عند رفعت ياسمين حاطه الطفل ع رجليها وجيباله لعبه فقاقيع الصابون وتبوسه من خده وتضمه ونور راح يلعب معاهم ويقلدهم
رفعت رفع كاميرا الموبيل وببتسامه: هلقط صوره مازن بص هنا لجدو
نور دخل في الصوره وضحك بمشاكسه : بابا انا في الصوره انا ابنك برضو
رفعت ضحك ونورهان ومحمد وضحي وعزه دخلوا كلهم جوه الصوره وشويه جابوا التورته بهيصه ومرسوم عليها صوره مازن ونورهان زغررتت وعزه ترقص ع اغنيه هاب Happy Birthday to You عيد ميلاد سعيد لك cha, cha, cha ،تشا ، تشا ، تشا وياسمين قربتها منه بحذر ومازن نفخ فيها وطفي الشمعه وضحي رفعت الصور ع صفحتها وشافتها ذات ودخلت في حاله جنون من البكاء وفضلت تبكي وتبكي لدرجه مسكت قلبها من كتر ما هي حاسه بالندم والوجع
في نفس اللحظه كلهم قاعدين في الجنينه في جو احتفال مبهج كله مرح وسعاده ضحي ماسكه بالونات ومحمد بيجري وراها هو وعزه ياخدوه منها لقوا الي داخله عليهم ووقفت بعيد قدام البوابه
ذات بدموع سايله ع خدودها: مازن ابني
الطفل بصلها لانها قالت اسمه لكنه ميعرفهاش ورفعت لف بسرعه وشافها وكذالك نور وياسمين والكل قاموا وقفوا متفاجئين من وجودها
محمد راحلها وسألها بعصبيه: ذات ليه جايه هنا؟!!
ذات وعيونها معلقه ع الطفل: جبت هديه لـ ابني
نور بنرفزه وصرامه: ابنك انتي تعرفي الكلمه دي
ذات بصت للعلبه وبصتلها: ياسمين خدي ادي الهديه لمازن
رفعت: ذات ابنك هنا ليه متدلوش الهديه بنفسك
ذات عيونها ع ابنها الي مع المربيه واتنهدت ونزلت دموعها وبصتله وقالت بصعوبه: مش عايزه انجسه ياسمين( مدتلها العلبه) خديها
ياسمين قربت واخدتها منها
نورهان بنفعال واسلوب حاد : لو خلصتي امشي ومتجيش هنا تاني يله
رفعت بهدوء: نورهان مش كدا هي امه
نورهان بنظرات حاقده : هي مربتش ابنها ابدا ولا اهتمت بيه ملهاش حق عندنا فيه فأزاي اعاملها انها ام يارفعت ازاي
ذات وعيونها فيضان دموع وشفايفها رجفت وعيونها مركزه ع مازن ولفت تمشي من المكان وياسمين ناولت الهديه لنور وراحت وراها وندهت عليها
نور نادي عليها بصوت مرتفع: ياسمين تعالي هنا
ياسمين كملت جري وراها ونور كتم غيظه واتك ع صوابعه وواقف متابع الحوار من بعيد وهيدخل في الوقت المناسب لحد ما ابوه قرب واخده وقاله يسبهم براحتهم
ياسمين بتمد وراها: ذات
ذات وقفت خطواتها واتسمرت في مكانها لكن بضهرها
ياسمين: لو فعلا مشتاقه لـ ابنك ليه متفضليش معاه ليه سبتيه
ذات بصلها بشبح دموع: اظن انتي اكتر واحده عرفاني انانيه وعمري ما فكرت الا في نفسي ومش ممكن اكون ام كويسه زي ما كنتش زوجه كويسه انا مش انتي يا ياسمين
ياسمين برغرغه دموع: مفيش انسان شبه التاني
ذات شهقت بعنف ومسحت دموعها: ايوه زي ما هو مفيش حد ممكن يبقي عنده صديقه جميله زيك تاني احنا الاتنين عكس بعض واحده مستعجله جدا وواحده صبوره جدا وبتفكر في غيرها دايما
ياسمين بتمسك دموعها بالعافيه: لكن في النهايه سواء مستعجله جدا او صبوره جدا مش هتنجي من الوجع ابدا وانا بحاول الم شتات نفسي وانتي حاولي وتوبي لله بابه مفتوح لكل انسان يمد له ايده
ذات ابتسمت بحزن: بلاش تنصحيني محدش يقدر ينصحني اظن عرفاني خليني امشي في طريقي
ياسمين مندهشه لانها واقفه بتنصحها وهي مصممه متخرجش من الدوامه
ذات ابتسمت بقهر: عارفه اوقات بفكر لما كنا اطفال كنا بنخاف من العتمه بس دلوقت حتي لو كان الطريق معتم هكمل السير حتي لو مفيش طريق قدامي امشي فيه
ياسمين واقفه مش عارفه تتكلم ومستغربه ع اصرارها لطريق الهلاك
ذات مسكت ايد ياسمين وباستهم ونزلت دموعها: معرفش لو كنت هقدر ارجع اشوف ابني تاني ولا لاء ارجوكي اهتمي بيه وانسي ان انا امه لانك هتبقي ام افضل مني
ياسمين نازله بس دموعها وذات طبطبت ع ايدها وسابتها ومشت ورجعت بصتلها نظره كأنها النظره الاخيره قبل الوداع وياسمين قلبها وجعها وبصت لمازن وبكت بحرقه عليه!!!!
……….قصص منه محمد كاتب………..
ياسمين بعد عيد الميلاد اخدت بعضها بعد ما استأذنت نور تروح تقعد مع اهلها شويه وهو قالها روحي لانه عارف مستحيل تتكلمً وتحكي معاه
ياسمين قعدت وبدموع: عمري ما فكرت ابدا بأن ذات الي كانت واثقه وعندها حياه جميله عيونها بارده شاحبه كئنها فقدت شغف الحياه
زبيده حطت كوبايه الشاي قدامها: لانها واخده ع الراحه متعرفش معني المعاناه ولما بيبقي عندها مشكله بتختار اسهل طريق للخروج منها ومبتفكرش وعندها استعداد تضحي بكل حاجه عشان القرش لحد ما وصلت للنقطه دي اللهم احفظنا يارب
ياسمين: بس انا ياماما عمري ما جربت المعاناه ومشفتش صعوبه ابدا
ابوها شرب الشاي وقال: لاننا ربناكي ع اساس الواقع ومبلغناش في حميتك عشان كدا انتي اتعلمتي بأن الحياه مش سهله ولما بتواجهك مشاكل بتختاري الحل المناسب للمشكه حتي لو كانت صعبه
ياسمين: وياتري في يوم ذات هتتعلم وتختار طريق الهدايا
ابوها قلب شفته لقدام وقال : لو كانت مصممه تفكر بالطريقه دي فحياتها مش هتختلف عن الماضي
ياسمين: بتمني في يوم تكون الامومه تغير تفكيرها عشان تتحرر من النوع ده من الحياه
………….قصص منه محمد كاتب……….
ياسمين شغلت الكاميرا كحافز : نور يله مستعد للبروفا
نور عدل ياقه البيجامه وظبط شعره وأأعد: ايوه مستعدومتحمس
ياسمين عدت ون تو ثري وابتسمتله ابتسامه مشجعه: يله
نور ابتسملها و حمحم ونسق كلامه: مساء الخير متابعين الروايا انا سعيد جدا وانا ع قناه الحياه بعد ما اختفيت وقت طويل ورجعتلكم اليوم وهتكلم ازاي نحافظ ع اساس البيت وعندي خبره اكتر من الاخطاء وحابب اشاركم فيها معايا بس هنبدء منين هنشوف
ياسمين صقفتلوا: واو هايل حلوه المقدمه استمر يا كنج
نور ابتسم وعدل نفسه وتابع: زمان معرفتش قيمه الناس الي معايا لكن في الوقت الحالي او في المستقبل عرفت قيمتهم وحاليا بفكر في الحل الامثل لكل افراد العايله قربوا من ولادكم اتكلموا اتشاور معاهم و خططوه للمستقبل سوي لان انا كمان واجهتني مشكله حطمت عايلتي بسبب كدبه بسيطه لكن كفيله تلففك حوالين نفسك ومهما كنت مخطط ومأمن الحياه كل يوم بتعلمك ان مفيش ضمان للكدب وحصلت المشكله الي خلتني اعرف انا عايز ايه بجد لان لما اتحطمت العايله البيت الي اتبني ع اساس من الحب انهار وبقي غريب واتحطم ,, بس انا مستسلمتش ورجعت بنيت البيت ورجعت عايلتي ليا من اول وجديد لان معنديش استعداد اخسر شريكه حياتي وجبتها وواجهنا بعض واتكلمنا وملينا الفراغات بالي متحاجنها سوي والبيت القديم اه اتحطم بس لو عندك فلوس ومهندس محترف تقدر تصلحه وهتكون اخطاء الماضي درس عشان تبني بيت جديد مناسب دافي ويصلح تعيش فيه بحب
ياسمين قطعته: استوب نسيت اهم حته
نورغمزها بشقاوه: ايه هي
ياسمين: بالنسبه للنسيان مستحيل لكن لازم تسامح وتتغاضي عن الغلط وايمانكم ببعض هيخالي العايله ترجع كما كانت عليه وحتي يمكن اقوي من الاول
نور صقفلها وجه وقف وراها وضمها وهمس: برافو هروح اجيب شفشق عصير صوتنا راح
باس خدها ومشي وياسمين بصت للكاميرا و فجأه جات صوره ذات قدامها وحست بقبضه في قلبها ونطقت بهلع: ذااات
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
