رواية ذات الوجهين الفصل الثاني عشر 12 بقلم منة محمد
رواية ذات الوجهين البارت الثاني عشر
رواية ذات الوجهين الجزء الثاني عشر
رواية ذات الوجهين الحلقة الثانية عشر
ياسمين خلصت شغلها وبتحضر لحلقه بكره وهما بيضحكوا ويهزوا بتلف شافتها واقفه !!!
ياسمين راحت عليها: ذات
ذات: اصلي رايحه السينما قلت اعدي عليكي
ياسمين عاقده حواجبها: سينما اشمعني
ذات: فيها فيلم جديد لظافر عابدين
ياسمين صقفت بفرحه زي الاطفال: الله ده انا بعشق تمثيله رايحه امتي
ذات بلهجه مصحوبه بأمر: اسمها رايحين امتي؟؟!! انا جيت اخدك وهناخد تاكسي عشان نوفر حق البنزين
ياسمين: ايوه بس انا مقولتش لنور
ذات: بسيطه اتصلي بيه وخليه يجي معانا اظن نور بيحبه ويمكن مزاجه يتحسن ويبطل يتخانق معايا
ياسمين اتوترت لانها عارفه برفضه مسبقا: زمانه ع وصول ولما يجي هقوله
شويه ودخل نور الي رفض بستماته ان ياسمينته تسيبه هو وتروح معاها هي وخصا ان نورهان اتصلت بيه وعزمتهم ع الغداء لان ياسمين وحشتها
ذات كتفت ايدها ووقفت قصاده : ممكن اعرف ليه رافضها تروح السينما
نور وقف قصادها بهج*وم: لان انا جوزها وعاوزها معايا _ وراح مسك ايد ياسمين بتملك_ ومراتي هتبقي معايا
ذات برفعه حاجب: انت عقلك صغير يا اخي هي حره انا وياسمين هنروح مش كدا يا ياسمين
نو: مش هتروح مراتي تمشي بأذن مني انا
ذات: هي مراتك ولا عبده عندك ازاي تمنعها وبعدين هندخل الفيلم ونتعشا ليه تمنعها ياسمين احنا في 2022 متخليش حد يجبرك دي حياتك متخليش حد يتحكم فيها!
نور نبره كلها اهانه: وعشان انتي بتفكري بالطريقه دي جوزك راح دورله ع عشيقه فمتجريش مراتي معاكي لـ الانحطاط
ياسمين بعتاب: خلاص يا نور كلامك قاسي
نور : انا حر ,,,,, هي الي بدئت ومش عايزها تحشي عقلك بتفكيرها المنحل
ذات: انا تفكيري منحل اتكلم بأدب وفوق لنفسك
نور عيونه احمرت من العصبيه وهو بيشاور بايده عليها بحت*قار: فوقي انتي لنفسك والزمي حدودك
ذات ض*ربت الارض برجليها : بجد كدا كتير وتقيل عملتلك ايه انا
ياسمين بتص*رخ فيهم بهستريا: خلاص فضحتوني حرام عليكم
نور شاور ع نفسه بنرفزه: انا فضحتك ولا هي انا بجد زهقت_شد الجاكت من عليه بزهق وتابع_ بجد زهقت يا ياسمين وهتمشي معايا ابويا وامي منتظرنا ع الغداء ولو حد عايز يروح السينما يروح لوحده بلاش قرف( مد بخطواته المسرعه لوحده)
ياسمين بتتكلم بسرعه: نور استني اجيب شنطتي
نور بيلف خارج قبلها شاف مديرتها اتحرج: انا بجد اسف ان صوت عالي
هبه بتفهم: مفيش مشكله
نور لياسمين: يله نمشي
ذات بغل وشراسه مصحوبه بأمر : ياسمين متروحيش معاه
ياسمين تجاهلتها وطلعت وري نورها وذات طلعت تجري وراهم وتطلب منها متروحش معاه وتعصاه
حنان قربت لهبه: هو ايه الي بيحصل
المساعد مش عجبه الحال: ولا حاجه الصبح نور يسحبها برا العربيه
حنان كملت بالنيابه عنه: والعصر خناقه ع السينما
هبه بحزن: هنعمل ايه ياسمين بنفسها قالت ان مفيش مشكله
المساعد: بس واضح ان فيه كذا مشكله
حنان: وكدا الوضع هيخرج عن السيطره
هبه كتفت ايدها قدام صدرها وعزمت تروح تتكلم معاه ومن كلامه هتفهم الصراع ده هيوصل لفين !!
………..قصص منه محمد كاتب………..
في مطعم راقي جدا
معتز مبسوط جدا: انا سعيد ومبسوط انك اتصلتي بيا وقابلتي عزومتي ع العشاء بس اكيد فيه كلام مهم صح
هبه ببتسامه خلابه: صح يا معتز وكلام مهم جدا جدا او نقول امر شخصي
معتز بفرحه وسعاده واضحه جدا علي وشه : فهمت كدا واكيد بخصوصنا وعشان كدا هاكل ونفسي مفتوحه
هبه: انت اكلت طبقك من بدري
معتز ضحك بستعباط: من الحماس نسيت ,,المهم طمنيني الكلام هيبقي بخصوص قلبين مظبوط
هبه بجديه : ايوه بخصوص القلب والحب قلب نور وياسمين مع الشخص الدخيل المتطفل ذات
معتز حط ايده تحت خده وقلب عيونه لفوق ومد شفايفه لقدام وبصلها وضحك بغيظ
هبه بجديه: انت صديق نور شايف ان العلاقه القديمه ممكن ترجع وتتجدد مع شخصيه زي ذات
معتز بثقه: لاء طبعا نور يستحيل يرجعلها دي كسرت قلبه وحطمته وغير كدا مطلقه وحاجه كمان نور بجد بيعشق ياسمين ومستحيل يخونها ده صديقي
هبه: بس انا بتكلم عن العلاقه التانيه
معتز بصلها شويه بعدم فهم
هبه: قصدي يعني ذات بتحب تغوي الرجاله وممكن نور كراجل يضعف ولا انت ايه رايك
معتز: راي انا واحده جميله ومثيره زي ذات تغوي اطخن راجل وتوقعه في شباكها
هبه قربت منه بدلع وهي بتسبل بعيونها وتدلع وحركت ايدها علي كتفه: يعني لو اي ست غوتك تجري عليها
معتز اتك ع شفايفه وبلع ريقه: اجري مجريش ليه
هبه هبدت ع الطاوله بنرفزه: كل الرجاله خاينين عشان كدا انا فضلت عازبه
معتز بصلها ورمش كذا مره بخوف: انا مش قصدي ….انتي سألتي وانا جاوبت بس انا متعجبنيش ذات دي ابدا
هبه: بس انت اعترفت
معتز: الله مش انتي سألتي وانا ضعفت قدام السؤال وصيغه الكلام
هبه: ده الي اقصده ان اي راجل ممكن اغوائه بسهوله وبندب و يقع
معتز باس ايدها بلطف ورجاء: هبه وحياه ابوكي ركزي انا مش نور
هبه: بس مصدق ان واحده زي ذات عارفه نقطه ضعف الرجاله وبسهوله تغوي راجل لحد ما توقعه
معتز: انتي بتتكلمي كأن ذات دي اخطبوط
هبه ضيقتله عيونها: ايوه واخطبوط سام كمان
…………..قصص منه محمد كاتب…………
نورهان حطت صنيه الشاي بغل ع التربيزه: البت المل*عونه دي مش هتمشي من عندك بسهوله
رفعت بتريقه: ليه يا شرلوك هولمز
نورهان: ليه .. لان البيت كبير وواسع ومريح واكله شاربه نايمه من غير ما تدفع ولا مليم وادي دقني لو مشت
نور ابتسم ع اسلوبها المنفعل وشرب من الشاي ورفعت قال: قلت الكلام ده لـ ابنك لو كانت بتفكر تطول عنده يجبهالك هنا ده هيبقي كويس
نورهان اتكت ع اسنانها بغيظ وفرسه: ياريت ده يبقي يوم المني لما تيجي تحت ايدي
نور ابتسم ابتسامه هاديه ورفعت ابوه ضحك
نورهان بهدوء: وانت يابني لو البت دي رفضت تمشي ابعتهالي وسيبهالي دواها هيبقي عندي المريضه المتسلطه
نور شرب من الشاي: انا حاليا موافق تفضل عندي عشان ياسمين بس لما الكوبايه تتملي ومبقاش قادر ع التحمل هطردها ع طول اطمنوا
نورهان اتنهدت برتياح ورفعت انبسط من قرار ابنه ومسد علي كتفه بضحكه ونور وقف وبص في ساعته
نورهان رفعت عيونها عليه وسألته: رايح فين يا ضنايا
نور: مروح تعبان ومحتاج انام
رفعت: مع السلامه واشوفك بكره ع خير
نور ببتسامه جذابه: انشاء الله تصبحولي ع جنه يا قطاقيطي
نورهان قامت وراه توصله: وانت من اهله يابني
…………….قصص منه محمد ………..
ياسمين بعد الغداء في بيت رفعت راحت تزور امها هي لوحدها وهتاخد رايهم في الي حصل
زبيده: بصراحه نور معاه حق ولو مش حازم كدا انتي هتفضلي طريه مع الي اسمها ذات
ياسمين : يا ماما انا مش طريه
زبيده بحده وتع*نيف: لاء بتليني وتطري بس ع حساب نفسك وانتي كدا في نار ومحطوطه في النص
ابوها: امك معاها حق وانا رافض وجودها في بيتك فكرتي فيها ازاي دي
ضحي مدت بوزها بتكشيره: هي مفكرتش اصلا يا بابا
امها بصتلها بعتاب وابوها ضربها بلطف ع جبينها
ياسمين بدموع محبوسه: لاء فكرت بأنها بتعاني وفي محنه ولازم اساعدها لانها صديقتي من طفولتي وصعب اقف اتفرج عليها
ابوها احتد عليها وهز رجليه بعن*ف: تساعديها ايوه لكن تدمري سعادتك لاء
ياسمين غمضت عيونها بالم وهي حاسه حالها مخنوق: انا بقدم برنامج مشاكل وبحلها وبساعد ناس معرفهاش لكن هي اعرفها وقدمت لي معروف يا بابا وجات تطلب المساعده عاوزني اقفل بابي في وشها
ابوها: يا بنتي يا حبيبتي افهمي فيه فرق تساعدي وفرق تعاني انتي من المشاكل وصدقيني الخير الي بتعمليه ممكن يتحول لشر عليكي
ياسمين: بس انا حاليا مش مضايقه
زبيده: بس جوزك مضايق
ياسمين بتكابر: هو عارف انها هتمشي يا ماما
ابوها: ولحد ما ده يحصل هيفضلوا كدا يفرجوا الناس عليهم وانتي تتلطي لاء انا مش معاكي مش معاكي خالص يا بنتي
ياسمين عيونها دمعت: بابا ماما مش عايزكم تقلقوا
زبيده: ازاي منقلقش ازي يا بنتي والنار جنب البنزين
ابوها: يا بنتي النبي عليه الصلاه والسلام قال (( لا يخلون رجل بامرأة؛ فإن الشيطان ثالثهما )) فاليه نحمل الأمور فوق تحملها احنا نصحح الغلط ونرجع كل واحد في مكانه ووضعه وحكمه الشرعي الصحيح يابنتي
زبيده بتأيد لكلامه : عين العقل كلامك يابو ياسمين وما يصح إلا الصحيح
اثناء كلامهم ياسمين اتصل بيها نور تطلعله برا وهي قامت و استأذنت منهم او بمعني ادق هربت من كلامهم الي مقتنعه انه صح مائه بالمائه
ضحي قامت جري وراها : ياسمين
ياسمين وقفت ولفت وبصتلها: في ايه ياضحي
ضحي: فيه حاجه كدا ولازم ابلغك بيها
ياسمين بضيق: عن ذات تاني تمام قوليها
ضحي: قبل ما نوصل لسيره ذات الاول هكلمك عن طليقها محمد الكاشف
ياسمين بتعجب: مين
ضحي: جه يزورك في البيت
ياسمين: اي بيت
ضحي: بيتك انتي ونور
ياسمين استغربت: وعرف عنواني ازاي
ضحي: انا كمان معرفش وجه يسأل عن ذات كمان
ياسمين:سال ومعاكي
ضحي: ايوه
ياسمين: وياتري اتخانقتي معاه تاني
ضحي: يعني شويه اصله قال عليا الشغاله
ياسمين: هو مش شافك في المطعم ازاي مفتكركيش
ضحي شبكت صوابعها في بعضها و ابتسمت بعبط: اصلي لبست لبس خدامه واتصرفت معاه تصرفات خدامه بصراحه حسيت بالرضا
ياسمين مبتسمه: مجنونه والله العظيم مجنونه
ضحي: نيجي للمغدوره لازم تحذريها بخصوص طريقه لبسها ليله امبارح عزه قالت لي انها لبست قميص نوم عريان اوي ونزلت بيه المطبخ تاكل
ياسمين بلعت ريقها دقات قلبها بقت طبول وملامحها اتغيرت ووشها لونه اتخطف والدم هرب منه!!!
ضحي: لو نور مش موجود مكنتش قلتلك لكن لو شافها اظن الوضع هيبقي خطر جدا
ياسمين حاولت تجمع قوتها وبثبات مزيف ردت: عزه اكيد بالغت يا ضحي لان لبسها كله عبايات فلو فستان بحملات هتفكره قميص نوم وذات اكيد مش وقحه اوي كدا
ضحي شخطت بقهره وانفعال عليها : انتي الي علنياتك اوي
ياسمين وهي بتقاوم دموعها الي رافضه تنزل قدامها: انا ماشيه
ضحي: لحظه يا ياسمين عزه مبلغتش ولا حاجه ومعاكي ان نور مستحيل يخسر نفسه ويخسرك عشان واحده زيها بس هي مستعده تخسرك وتخسرك فكري ياختي النار لما بتتحط جنب البنزين عود كبريت والدنيا بتولع
ياسمين الكلام برجلها وخلاها مش ع بعضها وتاهت وبسرعه اتحركت من قدام ضحي
……….قصص منه محمد كاتب……….
بالليل قاعده في السرير وماسكه كريم ترطيب البشره وسرحانه بتفكر في كلام ضحي لمحت نور الي خرج من الحمام من غير تي شيرت من فوق
ياسمين انتبهت وسألته: انت رايح فين كدا
نور: هجيب طبق فاكهه نفسي راحت عليه عايزه حاجه اجبهالك معايا
ياسمين نزلت بسرعه ومسكت من ايده الباب: انا هنزل اجبلك خليك انت هنا
نور: يا قلبي انا هنزل ورجعلك بسرعه استيني هنا
ياسمين: معلش انا هنزل
نور بصلها ومستغرب اصرارها وارتباكها ووشها المخطوف
ياسمين فهمت استغرابه منها وقالت: انت واخد دش سخن نشف شعرك في الاول لتبرد يله حبيبي وانا هجبهولك لحد عندك زي هارون الرشيدي
نور راح معاها وقعد علي كرسي التسريحه: تمام الي يريحك انتي
ياسمين: شاطر
نور ابتسم وشغل المجفف وصدره في وشها وع شعرها الي كله طار حواليها وهو ضحك اوي
ياسمين نزلت للمطبخ في الضلمه وماشيه تتلفت حواليها وراحت فتحت الثلاجه الضخمه وسحبت طبق الفاكهه وبتقفلها ومره واحده اتخضت وشهقت
#ذات_الوجهين
قصص منه محمد كاتب
ذات بتاكل رز بلبن بطريقه رخمه: شوفتيني اتخضيتي
ياسمين بصت للقميص الي لبساه وقالت: فكرتك نايمه لاني سالت عزه قالت لي نايمه من بدري
ذات: حاولت انام مقدرتش معرفش مالي بجوع بالليل اظاهر متغددتش كويس!!! وانتي الغداء كان لذيذ في البيت التاني
ياسمين: ايوه وانتي روحتي السينما
ذات كشرت: معقول! سينما ولوحدي لاء طبعا دي هتبقي ملل وغير كدا ملقتش عندي مزاج اروح
ياسمين بغيره مخفيه : ذات بس مش ملاحظه ان قميصك عريان من فوق زياده
ذات عملت نفسها مخضوضه: ياخبر اسفه جدا يا ياسمين بس من جوعي نزلت كدا ومختش الروب عليا
ياسمين بتحذير: متتأسفيش بس بعد كدا ياريت تعملي حسابك انتي مش لوحدك
ذات: اظن قلت نسيت
ياسمين: طالعه انام تصبحي ع خير
نور قلق لما اتاخرت فلبس تي شيرت ونزلها وبيكلمها من عند السلم: ياسمينتي
ياسمين سمعت صوته جريت بسرعه ووقفت قدامها
نور دخل ع عتبه باب المطبخ وسألها: بتعملي ايه كل ده
ياسمين لفت وبصتلها وهي هزت لها راسها بمعني اعمل ايه
نور مقرب اكتر: فيه حاجه حصلت
ياسمين برتباك انه يشوفها: لاء ولا حاجه يله بينا
ذات اتكلمت عشان تلفت نظره انه يشوفها وياسمين برقت بعيونها انها اتكلمت رغم خبتها بجسمها
نور ميل بجسمه و حط ايده الاتنين وري ضهره وبصلها ببرود وذات ميلت بجسمها من وري كتف ياسمين وحسست ع صدرها نوع من الاغراء
نور عيونه مسحتها من فوقها لتحتها بكل تفاصيلها وبص لياسمين بنظره مش مفهومه ولف غمض عيونه واستغفر في سره وخرج
ياسمين لفت وبصتلها قبل ما تخرج بغيره وقالت بتحذير صارم: مره تانيه اياك تنسي الروب
ذات حطت وشها في الارض: طيب
…………قصص منه محمد كاتب………….
نور طلع وفتح الشباك واخد شويه هواء عليل واستغفر ربه كتير هنا دخلت ياسمين لقته مكتف ايده وواقف بضهره قدام الشباك حطت الطبق وراحتله: اسفه اني اتأخرت عليك
نور: ياسمين ايه الي فكرتي فيه ,,, انتي مكنتيش عايزني انزل لتحت لانك مش عايزني اشوفها لابسه كدا صح
ياسمين بلعت ريقها و نزلت راسها للارض وسكتت تماما
نور اتنهد بصوت: لو مش واثقه فيا ليه سمحتلها تيجي وتفضل هنا
ياسمين من كلامه وزعله منها مبقتش عارفه تصد ولا ترد
نور مسكها بأيده الاتنين من كتافها: ياسمين انا بحبك اوي لانك اختياري الي تم برغبتي وبعيد عن اي تدخلات لـ اهلي.. ولانك بنت عايلة بسيطة مسالمه…عايلة اهم حاجه اعندها سعادة ولادها مايهمهاش النسب والحسب ولا بتهتم بالفلوس الوفيرة اوالسلطة وعشان كدا حبيت كل حاجه تتعلق بيكي كل حاجه هي متملكهاش وميهمنيش هي بتلبس ايه او حتي مبتلبسش خالص لانها لو ع*ريانه قدامي مستحيل تث*يرني وارضخلها
ياسمين سألته بعيونها لما هو كدا ليه اتعمد وبصلها
نور فهم السؤال الي مرسوم جوه عيونها وخايفه تقوله وجاوب هو : ايوه بصتلها عشان احسسها لو ع*ريانه قدامي ولا هتهز فيا شعره
ياسمين اترمت جوه حضنه: انا اسفه بس غصب عني انا ست ويمكن حبيت اطمن قلبي الي بيحبك
نور: عذرك وحقك تغيري عليا بس اسمعيني العلاقه القديمه الي انتهت ومستحيل مستحيل تتجدد ابدا
ياسمين ابتسمتله برتياح وهو مال عليها وخطف شفايفها واخدها جوه حضنه بقوه وهمسلها بكل كلمات الحب
……..قصص منه محمد كاتب…………..
الصبح قام بص من الشباك لقاها بتعوم بمايوه مثير في البسين وطلعت لبست الكاش مايوه وقعدت تشرب عصير ع الشزلونج دخل لبس بسرعه واخد كتالوجات كتيره في ايده ونزلها وقف يتفرج عليها وحط ايد ه في جنبه وابتسم بسخريه كأنه بيت ابوها راحلها ورزع الكتالوجات قدامها بغل: خدي شقق ايجارها رخيص وفيها كل وسائل الراحه اختاري
ذات: ايه معني ده انت بتطردني
نور مال بنص جسمه عليها: انتي قولتي مش هتفضلي هنا مده طويله وبقالك فتره ومش شايفكي بتتحركي تمشي عشان كدا اهو بساعد معاكي تمشي
ذات: ياريت تبطل تسخر من وضعي ممكن يعني( وقفت بهجوم) عارفه بأنك مش بطقني ومش عاوزني افضل بس عايزك تعرف اني مش عايزه افضل هنا
نور بحده: ولما انتي مش عايزه ماتغوري يله مستنيه ايه مين هيمنعك
ذات: همشي بس انا ممعيش فلوس واول ما القي الفلوس همشي من خلقتك
نور: بسيطه انا هسلفك مقدم لشقه خمس شهور بس تكون رخيصه ده كفايه انك تمشي
ذات: وانا مش هاخد منك انا مش متسوله ولا شحاته
نور زعق: بطلي تخلقي الاعذار والحجج انتي بتشتغلي ازاي معكيش فلوس (مسك اللوشن) والحاجات الي بتدهني بيها نفسك الي كلها غاليه ازاي بتشتريها لما معكيش فلوس
ذات: انت بأي حق تحاسبني
نور كور كف ايده: انا زهقت منك واظهر لازم اض*ربك
ذات بشراسه: لو جدع وريني ازاي هتتجرء
نور هجم عليها يضربها فصرخت ياسمين نزلت شدته قبل ما يوصلها
ياسمين بصتلها هي وصرخت فيها وهي بتسأله: نور فيه ايه ,,ايه الي حصل
ذات: الي حصل انه مصمم يعدي فوقي من وقت طويل يله اتفضل امشي فوقي لحد ما اموت لان انت عاوزني اموت هنا عشان تكون سعيد
نور صرخ فيها: ايوه اقعي وانا هدوس عليكي يله
ذات بش*راسه: وريني
نور داخل فيها بكل قوته: يا بت انا مش بخاف
ياسمين زقته في صدره ع وري: نور اهدي عشاني
نور زق ياسمين ووقف قدامها: حتي لو موتي مش هيبقي كفايه الحاجه الوحيده الي هتسعدني انك تمشي من هنا وبسرعه وانشاء تروحي للجحيم اوي اي مكان تغوري فيه في داهيه
ذات اتعصبت من كلامه وصرخت بهستريا وحدفته بالكتالوجات
نور بيتفادي وواخد ياسمين في حضنه وبيصرخ عليها: وقفي الجنان الي بتعمليه
ذات فضلت تحدف في كل حاجه تطولها ايدها
نور: ياسمين الليله هنروح بيت ابويا يله انا لميت الشنط
ياسمين: بس
نور قطعها وهو بيشد فيها: مفيش بس يله
ذات فضلت تص*رخ وتص*رخ وتنادي بأسمها وقامت تطوح وتحدف الكراسي والتربيزه في البسين
نور بيشد ياسمين الي بتعافر في ايده: نور فهمني ايه ده
نور: اركبي العربيه يله
ياسمين سمعت صراخها الهستيري وحبت ترجع تشوفها
نور مسح ع دراعتها: متروحيش ومتقلقيش ع صحبتك لو كلامي بيحوق فيها مكنتش اتحملته لحد اللحظه الي احنا فيها
ياسمين بصت لعزه :عزه عينك عليها
عزه بحزن: حاضر بالسلامه انتم
نور فتحلها الباب العربيه وياسمين ركبت ع مضض ونور اخد نفس ولف ركب جنبها وبصلها وهي دورت وشها عنه وربطت الحزام وهو حرك العربيه ومشي تحت صرخ*ات ذات الي انهارت علي الارض وحصلها حاله انهيار تام
…………قصص منه محمد كاتب……..
ياسمين قبل ما يوصلوا البيت طلبت منه يوقف العربيه في الجنينه الي في الشارع وبالفعل نور ركن وهي نزلت وبصتله بصه غريبه وراحت أأعدت ع دكه ونور قفل العربيه وراح قعد جنبها وهي سألته: نور ايه الي حصل لدرجه كنت هتضربها بالقسوه دي
نور: ليه هو انا سبق واتعاملت معاها بلطف وكل ما هتتصرف بالوقاحه والسفاله كدا هرد عليها بالي تستحقه برغم اني مش طايق ابص في خلقتها الي قرفاني بيها صبح وليل
ياسمين: انا عايزه اسالك بصراحه لو ذات كانت حد تاني لو هبه مثلا الي كانت عندها المشاكل كنت هتبقي بالغضب ده
نور: لاء لان هبه مش ذات
ياسمين: ولو ذات مش حبيبتك القديمه كنت هتبقي عصبي وحاد كدا
نوربصلها بستغراب: ياسمين ليه بتسالي السؤال بالشكل ده بس انا هجاوبك علاقتي بذات انتهت
ياسمين بدموع محبوسه: لو كانت انتهت بالنسبه لك ليه منفعل ومتعصب بالشكل ده لو فعلا زي ما بتقول كنت هتبصلها ع انها مجرد صديقه بتواجهه مشكله وطلبت المساعده مننا مش ع انها حبيبتك القديمه الي جرحت مشاعرك ولو فعلا زي ما بتقول وريني وغير معاملتك معاها او اتعامل وكأنك مش شايفها اصلا
نور بستسلام: حاضر ياياسمين حاضر
ياسمين قامت: انا هروح عند اهلي اقضي اليوم معاهم_مشت بسرعه من قدامه_
نور ملس علي شعره بأيده : ياسمين تعالي ارجوكي
لكن ياسمين كملت طريقها ونور اتنهد وقعد وحط دماغه بين ايديه واتنهد بيبيص لقاها نست تلفونها اخده وحطه في جيبه وراح لبيت اهله
…..قصص منه محمد كاتب……..
زبيده بزعيق: انا عايزه افهم يا بنت الغبيه انتي عماله تبكتي فيه هو ليه وتحفريله في الماضي الي روحتي وجبتهوله قدامه بنفسك
ياسمين بصوت مبحوح من كتر العياط: انا ندمت اني كلمته كدا بس مقدرتش اتحكم في نفسي
ابوها اتنرفز عليها:وهو المطلوب يتحكم في نفسه قدام تصرفات الوقحه كأنه مش بني ادم له طاقه ولعلمك نور كل الي قاله وعمله للبت دي انتي مش من حقك لا تعترضي ولا تجادلي قدامه انتي الي سببتي المشكله وعليكي تحليها مش نور خالص
زبيده بحده: نقول ايه بنتك دي هتموتني وتضيع جوزها الامير بطيبتها وسلبيتها
ياسمين بدموع: يا ماما انا مش سلبيه
ضحي: بس طيبه لدرج الهبل يابنتي ده الي بيقروا الرويا مفقوعين منك
ابوها بحزم: المهم تحلي المشكله مش تحطي ع نور والي بيعمله
زبيده بصتلها تاني بحده اكبر: بصراحه المفروض تخالي عندها شويه دم وتمشي وانتي متفتحيش بؤك بكلمه لنور تضايقه وتزعله لانه مش غلطان ومعاه كل الحق في كل الي بيعمله
ضحي :وانا موافقه ع كلامهم شخصيه زي ذات لازم توجيهيها بالحقيقه وتغور بقي وتمشي لان لو مشت هترتاحي وتعيشي انت ونور في سعاده
………قصص منه محمد كاتب…….
في بيت رفعت ع السفره
نورهان بهدوء: اتصلت بمراتك جايه يا بني
نور قعد حزين: لاء بتقول هتاكل مع اهلها
نورهان سألته بمكر رغم عرفت المشكله من عزه: انتم عندك مشكله يانور
نور مسح وشه بعشوائيه: شتمت صحبتها وزعلت مني ( ابتسم بقهر) احنا تقريبا من اول ما جات الست دي ودخلت ع حياتنا انا ومراتي بنتخانق كل يوم ونرجع نتصالح ع نفس السبب كل يوم ومش عارف امتي هتعتقنا وتمشي
رفعت ابتسم بتعجب: اول مره اشوف اتنين متجوزين بيتخانقوا ع صديق في الحاله دي اقبل بالامر لان ياسمين بتحبها عكسك انت لانها غلطت في حقك مش في حق ياسمين وعشان تخالي ياسمين تزعل منها ده شئ مش ممكن …..وعشان تخلي حياتك سعيده مع مراتك تستسلم
نورهان بعتراض: انا مش مع ابوك وطالما البنت دي بتعمل مشاكل في حقك انت تحول المشاكل ع ياسمين وتخليها تسبب لها مشاكل كبيره لدرجه ياسمين متتحملهاش وانا هساعدك
نور بحماس: هتعملي ايه يا ماما
نورهان بلؤم وكيد نساء: الي ربنا يقدرني عليه بس انت نفذ الي هقلهولك
رفعت ضحك: لاء انا لهنا ومليش علاقه لاني جعت يله ناكل
…………….قصص منه محمد كاتب………………
نور راح المطبخ وسحب علبه كبيره وحط فيها من نفس اصناف الغداء الي مأكلش منه واتصل بالتلفون الارضي ع ياسمينته وطلب منها تنزله في الجنينه ضروري وياسمين سمعت كلامه ولبست فستان ابيض رقيق ورفعت شعرها كحكه لفوق وكانت حلوه اوي وراحتله وقربت عليه
نورببتسامه: مش عايزه تبصي في وشي عشان كدا رفضتي تحضري الغداء معنا
ياسمين بت: عرفت ازاي
نور: لان انا معرفتش اكل من غيرك
ياسمين ابتسمتلوا وهو ابتسم لها وقرب اوي منها: خلصتي اتهام ضدي
ياسمين لعبت في خصله نازله من شعرها: وانت خلصت غض*بك
نور: انا مش ممكن اغ*ضب عليكي ولا منك
ياسمين بندم : انا اسفه بجد يانور انا السبب لما جبتها تعيش معانا وانت تعاني
نورباس راسها: انا كمان اسف لان نسيت انها صديقه طفولتك وانا بحترمك وعشان كدا لازم احترمها لاننا لازم هنتقابل في نص الطريق
ياسمين: وانا اوعدك لو ذات بكره ممشيتش انا بنفسي همشيها واخدها اي مكان تاني لاني عايزه اعيش معاك في هدوء وسكينه
نور مسك ايدها بحنان: وياريت واتمني منتخانقش بسبب الست دي بعد كدا
ياسمين حدفت نفسها في حضنه: ياريت يا حبيبي ياريت
نور مسح ع شعرها بحنان: طيب ايه ( رفع العلبه) القمر مش جعان امي عملته لواحده زعلت من حبيبها اسمها ياسمينا تعرفيها
ياسمين رفعت دماغها من حضنه وضحكت ع كلامه: اعرفها وبتقوله مستحيل تزعل منه
نورابتسم ومسك وسطها بغمزه:طيب ناكل في بيتكم ولا في بيتنا
ياسمين بابتسامة رفعت نفسها عن الارض وباست خده: لاء في بيتكم
نور ضمها لصدره بقوة وتملك: كدا نروح ناكل يا قطتي
….قصص منه محمد كاتب……
نور وقف العربيه داخل البوابه ونزل وفتحلها الباب: وصلنا بيتنا حياتي
ياسمين: ميرسي يانوري
نور داعب انفه بأنفها وبغمزه : والنبي انتي الي نور حياتي (مدلها ايده) يله ندخل
ياسمين مدتلو ايديها لكن هو وقف شويه: اه سمسمتي نسيتي موبيلك ليله امبارح في الجنينه
ياسمين: اممم وانت ضربت عليه عشان مش عايزني اتكلم مع ذات
نور بصلها وسكت
ياسمين ملصت ودانه: ممكن متفكرش كتير انت الي عملته فيها امبارح يخليها تلم هدومها وتمشي
نور اتنهد وبضحكة جميلة : اتمني ع الله عشان اعيش معاكي في سلام
نور حط ايده ع كتافها ودخلوا البيت بص حواليه وبفرحه: البيت هادي اظاهر زي ما قولتي طفشت كدا بقي نحتفل
ياسمين حطت ايدها ع شفايفه تمنعه ورجعت بجسمها لوري: نور عزه هنا
نور مسكها من وسطها و بيميل عليها يبوسها وبيضرب بعينه واتصدم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
