رواية ذات الوجهين الفصل الثامن والعشرون 28 بقلم منة محمد
رواية ذات الوجهين البارت الثامن والعشرون
رواية ذات الوجهين الجزء الثامن والعشرون
رواية ذات الوجهين الحلقة الثامنة والعشرون
ياسمين قامت الصبح بدري صلت ودعت ربها يفرج همها ولبست بنطلون جينز ابيض وبلوزه سوده وطلعت أأعدت فوق السطوح تبكي بصمت قربت عليها ضحي ومعاها صنيه فيها سندوتش ومج كوفي حطتهم ع التربيزه ومسكت ايد اختها وطبطبت عليها لقوا الي نط من فوق سور الجنينه وقع راكع ع ركبه
ضحي بصت مخضوضه: نور نط من فوق السور هنزل اشوفه
نور بصوت عالي بينادي: ياسمين انتي فين؟!
ياسمين بصت عليه من فوق وتعيط وتشهق
نور دخل جوه البيت وفضل يتنفس وينهج كانه بيجري لمده طويله : ياسمين انتي فين لازم نتكلم
ضحي نازله ع السلم تجري عليه
نور بصلها: ضحي ياسمين فين
ضحي: امشي دلوقت يانور
نور اتعصب: انا بسألك فين ياسمين؟
ضحي بتدفعه ع برا من ضهره: ياسمين مش هتتكلم معاك
نور: ضحي ارجوكي خليني ااكلمها وانا هفهمها
ضحي اتكت ع اسنانها: بقولك امشي يانور امشي
نوربنرفزه عاليه: وانا بقولك مش متحرك من هنا غير لما نتكلم
ياسمين من فوق بوش خشب: لو عايزنا نتكلم قول الحقيقه لكن لو هتكدب امشي مكان ما جيت!
نور رفع عينه وبصلها : انزلي طيب ونتكلم
ياسمين نزلتله وبصت لضحي بهدوء: ضحي محتاجه اتكلم انا ونور لوحدنا
ضحي بصتلها ورجعت بصتله ومشت ببطئ لكن رجعت وقفت بعيد قلقانه لينفعلوا ع بعض والامر يكبر!
نور: ياسمين اسمعيني الاول ممكن
ياسمين عطته نظره ممكن تقتله ومشت قدامه ولفتله بضهرها
نور: الي شوفتيه مش نفس ما فسرتيه انتي فهمتي غلط اسمعيني تمام
ياسمين لفتله وملامحها جامده: لو كان الي شوفته مش حقيقه ايه هي الحقيقه
نور رجع شعره لورى وهو متوتر وكل جسمه يترعش: كانت صدفه ذات كانت مريضه ومكنش معاها فلوس وروحت اخدها عشان اروحها وبالصدفه نسيت حاجات عندها طلعت معاها اخدها وصدفه انتي شوفتينا
ياسمين بنفعال: صدفه ,,صدفه كلها صدف ,,صدفه انك اشتريت الشقه وصدفه سمحت لذات تعيش فيها وصدفه انكم ع السرير سوي وبالصدفه انا شوفتكم كل حاجه حصلت كانت صدفه بس فيه امر واحد كان متعمد كدبك عليا بستمرار
نور بلع ريقه وبهمس: ياسمين
ياسمين قطعته : امتي حصل كل ده وفين وازاي وانا كنت ازاي نايمه ع وداني
نور بصلها بضعف: بلاش تتهميني
ياسمين بحده: سألتك امتي؟ ترد عليا وتجاوبني
نور نزل راسه في الارض: من فتره مش طويله قبل ما تمشي ذات من البيت بس ارجوكي اسمعيني الاول انا عمري ماخونتك عن قصد_ بلع ريقه والغصه وتابع_ هي سكرتني
ياسمين ضحكت بستهزاء: هي سكرتك عارف لو قولت انك رجعتلها عشان لسه بتحبها يمكن ده كان اهون عندي بس انت ياحرام غلط معاها عشان سكرتك
نور نزلت دموعه: عارف بأنه مش عذر بس هي دي الحقيقه_عيط بصوت_ انا اسف
ياسمين: المره الاولي كنت سكران ياتري فيه مره كمان
نور اخد نفسه بالعافيه من الخنقه: مفيش غير هي المره والي دخلتي فيها مكنش فيه حاجه اصلا
ياسمين: وطبعا قعدتها في الشقه لانها مهدداك وقلت بالمره انام تاني معاها
نور نطق بسرعه: لاء والله ما لمستها تاني والله العظيم هي مره وبس
ياسمين: ليه مقولتليش الحقيقه ليه(ضربته بقوه في صدره)
نور مسك ايدها: انا غلطان واهدي
ياسمين بصتلو بكميه لوم وعتاب كفيله تهد انسان وتحوله لبقايا صرخت فيه: ليييه لييييه ليييه
نور حضنها وفضل يعيط اكتر واكتر ويدفن نفسه اكتر فيها : اسمعيني ابوس ايدك اهدي واسمعيني
ياسمين بكت بصوت عالي: ليه عملت فيا كدا ليه
نور ضمها لصدره بقوة وتملك : اهدي عشان خاطري لله اهدي
ياسمين زقته لبعيد: ابعد وقولي ليه اخدتها في شقتك
نور: عشان اشوفها مذلوله وبتمد لي ايدها تشحت اللقمه مني حبيت انتقم منها لما سابتني وفكرت انها اتفوقت عليا ولما رجعتلي زاحفه حسيت اني فوزت ضدها واتفوقت عليها وقدرت اتحكم فيها مجرد شعور بالرضا ياياسمين
ياسمين : انت رضيت نفسك لكن الي اتأذت هو انا انت حسيت انك انتصرت عليها بس احب اقولك يا بشمهندس ان هي الي بعتتلي العنوان في فويس حبت توريني كل حاجه واستخدمت انتقامك لصالحها عشان ترجع تتحكم فيك من اول وجديد
نور انتصب في وقفته وبصلها كتير بدهشه وكأنه مذبهل
ياسمين: ذات لايمكن تكون عشيقه لراجل من غير ما تملكه لنفسها هي خططت عشان اعرف بأنك رجعتلها
نور: بس انا مرجعتلهاش وزي ما قولت لك المشاعر ناحيتها في قلبي مهمله وقولتلك العلاقه الي حصلت تمت غصب عني مش سببها الحب
ياسمين بكت من قلبها: في النهايه خيانه لانك عمرك ما خرجتها من تفكيرك بدليل عايز تنتقم منها ع انها رفضتك وياتري اتجوزتني انتقام منها
نور مسك ايدها وبصوت كله ندم : انا اسف بجد اسف اهدي واسمعيني انا بحبك ومستحيل ارجعلها انا ملمستهاش برضايا ويستحيل اتورط معاها عن قصد
ياسمين بصوت مبحوح: اديتك فرص بما فيه الكفايه
نور مسكها يضمها:خليني اثبتلك الحقيقه ومن خلالها نقدر نحل المشكله
ياسمين بتضرب فيه بألم ووجع: بقولك سبني لاني اديتك الف فرصه وكنت وقتها يمكن اسامحك بس بعد الي شوفته وعرفته لايمكن اسمح اكون مغيبه منك او منها مره تانيه انا طالبه الطلاق
نور كأن جبل وقع فوق راسه: لاء ياسمين انا مش هطلق سامعه مش هطلق انا مستحيل اخسرك بسبب الست دي ومش هطلق
ياسمين: هو بس بسببها ده بسببك انت بسبب كدبك خلتني مش قادره اكمل معاك في كل مره هشوف وشك فيها هتخيل صورتك معاها في السرير وانا مش هعيش كدا
نور: والله ورحمه امي ما لمستها بس معاكي معاكي بس نقدر ننسي الامر ونمسح الصوره الي شوفتيها
ياسمين: انسي فات قد ايه ع انتهاء علاقتك معاها وانت لسه بتفكر بالانتقام بس طالب مني انسي مش هقدر اعمل ده يا باشمهندس انا خلاص اخدت قراري ومش هغير راي انا هرجع البيت عشان بس اخد بطاقتي
نور: لاء يا ياسمين لاء مش معقول هترمي كل حاجه
ياسمين: انت الي رمتني بعيد انت كدبت وحطيت حياتنا في خطر انت مش انا سامع وعشان كدا انتهي وهات بطاقتك وقبلني عند المأذون
نور قلبه بدء يدق بجنون.. العقل اللي في دماغه اختفى وجن جنونه واحتدد عليها بغضب: مش هطلق
ياسمين الدموع كأنها اتحجرت جوه عيونها : هطلق برضاك او غصب عنك وهنتحرر من بعض
نور صرخ من اعماق قلبه : مش هطلق
ياسمين بصرخه قصاده زي المهبوله : وانا هخلعك
نور قرب منها وهزها من كتافها : مش هطلق لو هتموتيني مش هطلق انا بحبك ارجوكي ابعدي الفكره السوده دي
ياسمين : نفذ الي بقلهولك لانه هيحصل بمزاجك او غصب يأما هخلعك
نور ضمها : مش هطلق وانتي هتسامحيني لاني بحبك ولاني عمري ما خونتك انتي حياتي وانا لسه حياتك
ياسمين: سبني يانور خلاص انا وانت انتهينا
نور حضنها بالعافيه: مش هطلق
ياسمين بتعارف وبتصرخ فيه بكل قوتها : سبني يانور وابعد بقولك
ابوها راجع من برا دخل زقه بعيد عنها: كفايه وابعد عن بنتي
نور وصل لحد الانهيار فضل ماسكها وبيشد فيها ياخدها منهم بالقوه وابوها واختها يشدو فيها ونورهان ورفعت بيشدوه في نور
ياسمين حررت جسمها منه وبصتله وجريت ع السلم نور بيعافر من مسكه نورهان ورفعت وبيزعق فيها: ياسمين انا مش هطلق سامعه مش هطلق
ضحي صرخت فيه: نور كفايه بقي كفايه
زبيده بهدوء: سيبها تهدي الاول ((وطلعتلها ))
نور طالع وراها رفعت شده: نور
نور بصوت طالع بالعافيه: مش هطلق يا بابا
رفعت مسكه من كتفه: يله ع البيت دلوقت
نور اتكلم بصعوبه: بابا انا مش مطلق انا بحب ياسمين دي مراتي حبيبتي
رفعت: عارف اهدي الاول اسف يابو ياسمين انا لو محلتش المشكله قلت الامر يهدي الاول وينام ليله ونتكلم بعدها بالعقل بس تفكيري طلع غلط
ابو ياسمين بضيق : والي مخليني مضربهوش وامد ايدي عليه ان بنتي مشتركه معاه في الغلط لكن الي عمله مش قليل ومعالجه المشكله محتاجه لوقت
رفعت: عندك حق وانا بعتذر
رفعت بيشد فيه ونور فضل ينادي بأسمها
رفعت: يله بينا عيب بقي
نور واقف مكانه: بابا استني انا محتاج اتكلم معاها
رفعت بيشده ع برا: يابني مش هينفع اي كلام دلوقت سيبها تهدا عشان تفهمك
نور: بس يابابا
رفعت بهدوء: هنتكلم صدقني بس مش دلوقت
نور ماشي وعيونه مشعلقه لفوق وبيردد بس في اسمها
نورهان: احنا اسفين يابو ياسمين وربنا يصلح الاحوال
رفعت: امين يارب العالمين
…………..قصص منه محمد كاتب…………..
في الشارع قدام بيت اهل ياسمين
نور: بابا انا مش هطلق لو حصل ايه باللذي مش مطلق
رفعت: عارف
نور بيكرر بجنون: انا مش هطلق ياسمين
رفعت زعق فيه بزهق: عرفت خلاص انك مش هطلقها
نورهان : انا كمان مش عايزاهم يطلقوا
اثناء كلامهم في الشارع لقوه عربيه وقفت قدامهم وزمرت بصوت عالي مستفز
رفعت عوج بؤه بقرفه: اهي جات الي عايزاهم يطلقوا
ياسمين قامت ع حيلها راحت ناحيه الشباك شافتها نازله من عربيه نور وضحي طلعت السطح وراها ابوها وامها
ذات نزلت من العربيه وربعت ايدها بغرور: بقالنا يما متقبلناش
نورهان ربعت ايدها وبصتلها بنظرات من فوق لتحت: ومين عايز يشوف خلقتك
ذات حودت عيونها عليه: معرفش بس فيه رجاله بيسيبوا ستاتهم في السر ويجوا يشفوني
نور بصلها وعيونه بتشع شر
ذات مثلت القوه: متخلنيش اقول اسمه انا مراعيه مشاعر مراته
نورهان بحتقار: وشك مكشوف ولحمك طخين
ذات لعبت سلسله المفاتيح شمال ويمين وبستهزاء: المجتمع الايام دي اناني اوي بس لو اتكلمنا عنك انتي كمان مكنتيش اترقيتي من خدامه لصاحبه بيت
نورهان بصت لنور “بمعنى قولها كلمه”
نور اتعصب وراح شدها من كتفها بأهانه: اخرسي ياحشره انتي واياك تطولي لسانك ع امي انتي سامعه
ذات شدت كتفها منه بقوه: انا مبتدئش الاول انا اتكلمت بأدب هي الي كلمتني بقله ادب
نورهان: لانك سرقتي جوز صاحبتك الانسانه الطيبه الي ساعدتك ووقفت جنبك في كل ظروفك المفروض اتكلم معاكي ازاي اه اتمني تعرفي حاجه حتي لو كنت خدامه قبل كدا بس عمري ما كنت برخص بنفسي او بعت نفسي للي يدفع اكتر
رفعت صرخ فيهم: كفايه كل ما هنتكلم اكتر هنغلط اكتر والامر هينتهي انكم تضربوا بعض زي المسلسلات بس خليني اسألك سؤال واحد انتي هنا ليه وعايزه ايه
ذات برفعه حاجب: ليله امبارح نور وصلني للبيت ومخدش عربيته فحبيت اجباله بنفسي غلط
نورهان من فوق لتحت وبقرفه: عذر عشان تيجي تشوفيه
نور: وحيث انك رجعتيها تقدري تمشي
ذات بدلع رخم اوي: وهرجع ازاي البيت الشمس جامده وهمشي مسافه بعيده لمحطه الاتوبيس
نورهان تفت عليها بغل: وقحه
نور: هطلبلك تاكسي اجره يوصلك
ذات شاورت ع هدومها الي عباره عن شورت للركبه وبادي حملات للبطن: وانا مش هركب معاه لوحدي شايف هدومي ازاي امشي كدا في الشارع
نورهان: ولما هو كدا لبستيها ازاي
ذات تجاهلتها وبصت لنوربصيغة تهديد : لو مش هتوصلني هروح ازور ياسمين الطيبه الفاضله الي ساعدتني في كل حاجه هي في بيت اهلها مش كدا
نور حرفيا بدء يفقد اعصابه وقف قدامها وبتحذير: اقفي عندك اياك تقربلها تاني
زبيده بقلق لزوجها: دي هتعمل ايه دي عايزه تدخل تدمر بنتي
ابو ياسمين كور كف ايده: انا مش هسمحلها تدخل البيت
ذات متجاهله تحذيره وداخله ومكمله وواخده الموضوع تحدي وعناد
نور وقف قدامها يمنعها بالقوه: انا همنعك تقربي منها
ذات: وانا كمان همنعك عنها
نور كرمش وشه واتعصب: بأي حق تمنعيني
ذات: بحق اني هبقي مراتك وانت لازم توصلني
نور الدم بدء يغلي بعروقه ورد عليها بهجوم: نجوم السما اقربلك تبقي مراتي ياسمين بس هي الي مراتي
ذات: وانا هبقي مراتك
رفعت زعق فيهم : كفايه انتم هتتخانقوا هنا قدام الناس نور خدها وصلها يله
نور وسع عيونه: انت بتقول ايه يا بابا
رفعت: اسمع الكلام خدها من هنا حالا
ذات ابتسمت بكل برود: شكرا ياعمو انت الشخص الي اكتر حكمه وعارف ايه هو المناسب والي مش مناسب!!
رفعت شوحلها بنرفزه: ياريتك كنتي زي وتعرفي ايه هو المناسب والي مش مناسب قبل ما ترمي شبكاك ع راجل متجوز وغرقان في حب مراته بس بتصرفاتك واضح انك من النوع الي من غير عقل _بصلها بحتقار ومشي_
نورهان: بتتصرف من غير تفكير لانك معندكيش اخلاق للاسف معدومه
ذات: وانتي بتتصرفي كأن عندك اخلاق عاليه اوي
نور شدها بحده وضغط على ايدها : بطلي قله ادب وتطاولي عليها ويله اركبي اركبي
ذات بتتألم من قوه الشد : براحه
نور فتح الباب وزقها : اركبي وبطلي كلام
نور قفل الباب بعنف وحرك العربيه بسرعه جنونيه وياسمين الي فضلت متابعه كل الي حصل في الشارع فضلت تبكي وتتشنج وقعدت علي الارض وفضلت تضغط علي راسها وحطت ايدها ع وشها والدموع نزلت زي المطر في العربيه
نور نفذ اوامر ابوه لكنه مشحون بغضب اسود بقهر اسود بألم اسود وكلمها بلهجه بدون ما حتي يبصلها : اول ما توصلي البيت تلمي هدومك بسرعه وامشي
ذات ببرود: وليه امشي طالما ياسمين عرفت كل حاجه خلاص مفيش حاجه مستخبيه
نور: ده ملوش علاقه بمشيك وسواء مراتي عرفت او لاء كنتي كدا كدا هتمشي واظن اتكلمنا
ذات :مش همشي
نور اتعصب و برقلها جامد: لاء هتمشي
ذات: لايمكن تعمل فيا كدا
نور من طريقتها وبرودها معاه اتحول زي الثور الهايج او الاعصار اللي مستعد يدمر كل حاجه قدامه ونبره كلها اصرار وقسوه: هعمل الي اسوء من كدا لو مامشتيش
ذات ربعت ايدها قدام صدرها : مش همشي
نور وقف العربيه ونزلها وسحبها زي البهيمه لحد فوق ودخل وزقها: ادخليلي هنا كدا بقي
ذات من قوه الدفعه وقعت علارض ووقعت باسكت الزباله الي فيه قشر الجمبري
نور طلع فوق زي الغول وفضل يفتح الدرف ويحدفلها في هدومها من فوق وبعد ما خلص نزلها: لمي هدومك واخرجي
ذات واقعه علارض:مش همشي اروح فين
نور بعصبيه :روحي في ستين داهيه يله اتحركي-وبيحدف الهدوم عليها
نور بيلف لمح قشر الجمبري الكتير بصلها وراح مسك القشر في كف ايده وحدفه كله في وشها: كل شئ كان خطه انتي اتعمدتي دخول المستشفي وخدعتيني عشان ارجعك البيت واتصلتي بياسمين ليه عملتي كدا عايزه ايه الي ادتهولك مكنش كفايه عايزه ايه تاني
ذات :اخدت ايه انا مخدتش ولا اي حاجه انت المستفيد لوحدك ذلتني انتقمت مني حسيت برضا ومتقولش كلامي غلط انا ذات حتي الشقه كمان بأسمك والفلوس الي اخدتها منك كانت قليله بس عايزه اعرفك حاجه مهمه لو حتي مشيت واختفيت ياسمين مش هترجعلك ابدا وتحبك نفس الاول
نور رفع راسه من كلمتها لفوق شوي ياخد نفس و نزلها ورجع يبصلها وحس انه قلبه وعقله وقفوا لو فعلا ياسمين كرهته
ذات :لو قلت لياسمين بأننا عملنا علاقه في دبي وهنا ع السرير
نور قطعها بجنون: انتي عايزه مني ايه خربتي بيتي روحي الهي يخرب بيتك
ذات :وليه لاء لو حبيتها مكنتش خبيت عنها وخونتها بس انت مبتحبهاش
نور حب يفرسها : انا فعلا مبحبهاش لان انا بعشقها سامعه والست الوحيده الي حبتها هي ياسمين يمكن اكون اتورطت معاك بس ده مش معناه اني عايز انفصل وابعد عن ياسمين
ذات نزلت دموعها بحر على خدها: وانا ايه ليه نسيت حبك ليا زمان ليه دايس عليا رغم بحاول استردك تاني
نور بصلها من فوق لتحت: عارفه حتي لو قلعتك ونمت معاكي وكنتي واو وكنتي اجمل ست في العالم برضو مش هتبقي مراتي لكن ممكن اخدك عشيقه ساقطه رخيصه
ذات مسكته من مقدمه قميصه: لاء مش صحيح مش صحيح انت مش بتحب ياسمين
نور شد ايدها بعنف عنه: محبتش الا هي اقبلي الامر الواقع وافهمي انه مستحيل ارجعلك تاني ابدا وامشي من هنا بسرعه واسمعيني كويس وركزي الست الوحيده الي بحبها هي ياسمين
ذات صرخت فيه بجنون: لاء مش صحيح مش صحيح
نور حدف ايديها بقسوه وسابها ومشي ورزع الباب وراه وهي حطت ايدها على راسها وهي حرفيا حاسه انها بتنهار
ذات بدءت تنفعل نفس كل مره وفضلت تشد في شعرها وتلطم وتصوت: انت بتحبيني انا _ تصرخ اكتر_ انت مش بتحب ياسمين مش بتحب ياسمين لاء انت بتحبني انا
………………..قصص منه محمد كاتب…………….
في الفندق
محمد بحزن: ياسمين شافت ده بنفسها
ضحي: ايوه بس كانت لطيفه جدا معاهم دي هربت لو كنت انا كنت ضربتها لحد الموت
محمد: بس الي عملته اختك تصرف في منتهي العقل استخدام العنف مش هيفيد اي حد
ضحي: مش هيفيد لكن هيبقي مرضي
محمد: مش هعرف اغير وجهه نظرك
ضحي قربت منه وبهمس: اسمع انا هقولك حاجه بس اوعاك تقول لياسمين ان انا الي قولت لك
محمد ابتسملها: قولي يا اخره صبري
ضحي كشرت وحطت ايدها تحت خدها: اصلي مش عارفه اعبر عن ده لمين وفضلت اعيط لوحدي ليله امبارح صعب اوي لما تشوف حبيبك مع واحده تانيه ومعرفش الامر هيوصل لـ ايه بعد كده
محمد سحب ايدها ومسكها : ياسمين هتتخطي الامر صدقيني
ضحي بصتله وضربت ايده وكشرت
محمد فضل ماسك ايدها وابتسم وشد شفايفها لقدام: ابتسمي التكشيره مش لايقه عليكي
ضحي فضلت بصاله ومكشره وزمه شفايفها بقمص
محمد ابتسملها ابتسامه كرتونيه ورفع ايده بعلامه النصر خلها تضحك وهو شاركها الضحك
ضحي ضربته في كتفه بقوه: سيب ايدي خلاص ضحكت
محمد مسح مكان الضربه و ساب ايدها وسرح لبعيد بيفكر ينتقم من ذات ع الي عملته في ياسمين
………قصص منه محمد كاتب……….
في شقه نور بتجمع هدومها قبل ما تمشي
ذات: بكام
العامله: 50,,2000 ج
ذات شدت منها الفاتوره وبصت فيها: غسيل هدومي بـ 50,,2000 ج ليه المحل بتاعكم غالي كدا
العامله: لاء حضرتك طلبتي الغسيل يكون يدوي واجفف كل فستان بشكل منفصل والقطعه بـ 100 ج وده السعر كله حسب العدد
ذات لفت بضهرها واتوترت وفتحت البوك تدور فيه ملقتش فيه الي يكمل الحساب
دخل : 50 ,,2000 ج مبلع تافهه
ذات لفت بسرعه وبصتله بكل حقد
محمد كمل دخول وعيونه متوزعه ع الشقه الترا سوبر لوكس ومد فلوس للعامله: اتفضلي المبلغ
العامله: شكرا لحضرتك
محمد بذوق: خالي الباقي علشانك
العامله شكرته جدا وخرجت
ذات: ياسمين هي الي قالت لك اني هنا
محمد حط ايده الاتنين في جيوبه : لاء ياسمين متكلمتش معايا مجرد ذكر اسمك ياسمين بتـ
ذات قطعته: امال عرفت مكاني منين
محمد أأعد وحط رجل على رجل بغرور: حقولك انك طعنتي صديقتك في ضهرها والحكايه انتشرت عند كل الناس الي اعرفها فمن السهل القيكي لواحده ملهاش مكان تروحله من غير فلوس وطبعا كنتي لازم تنطي ع جوز صحبتك مظبوط
ذات بوقاحه: وانت مالك ايه دخلك
محمد ما صدق وانفجر وهاجمها بحده وغضب: ازاي تعملي كدا ياسمين انسانه معاكي عطتك كل حاجه وانتي اخدتي منها اغلي حاجه
ذات: لو عطتني كل حاجه فعلا يبقي ليه عامله مناحه للاني اخدت منها زوج من ضمن الحاجه ليه تشتكي للكل كأنها نهايه العالم
محمد بدء يتعصب ووقف فجأه: انتي طايقه نفسك كدا ازاي انتي حتي مش حاسه بالذنب
ذات: لو حابب تتكلم عن الذنب الكل مذنب انت كمان مذنب لو انت مفلستش مكنتش انا عانيت والتفت لنور
محمد صقف بقرفه: جميل جميل اوي بترمي وساخه افعالك ع شماعه غيرك بس لاء انتي عملتي كدا عشان تنجي بنفسك انتي معندكيش اخلاق وانا اهو بسألك انتي حاسه ان عندك اخلاق
ذات بصتله بكبر وغرور ورفعت دماغها بشموخ
محمد حط شيك قدامها ع التربيزه: عايزه كام
ذات: وليه بتسأل_بنظره من فوق لتحت_ انت الي هتديني
محمد: لو قدرت هديلك بس ابعدي عن نور واللعب معاه واقفي عن اذيه صديقتك
ذات: واضح انك مهتم بياسمين اوي لدرجه بيتعرض عليا فلوس كرشوه عشان ابعد عن نور وملعبش معاه
محمد: اه مهتم بيها لانها انسانه طيبه وجميله ومتستهلش تمر بكل الضغط ده
ذات وشها ولع احمر من قمه الحقد :هي انسانه طيبه هي انسانه جميله لو هي طيبه فأنا سيئه جدا
محمد: انتي مش بس سيئه انتي شيطان افعي بتتلون ع كل لون وعشان انتي كدا سرقتي جوز صحبتك عشان مصلحتك
ذات: انا زي الزفت بس هقولك شيطان زي مبتقبلش التبرعات والصدقه من اي شخص وبقولهالك ع بلاطه مش هخرج من حياه نور لانه حبيبي انا ومسيري هثبت انه بيحبني اكتر ما بيحب ياسمين الطيبه والست الي هيختارها نور هو انا مش هي
محمد: بطلي تحلمي نور رجع يتوسل لمراته وواحده زيك مستحيل نور يختارها ابدا
ذات: لاء انت كداب نور عمره ما حب ياسمين والست الي حبها هو انا,,انا وبس
محمد مدلها لسانه وهزلها دماغه بـ لاء
ذات اتغاظت منه وزقته: اخرج برا واياك ترجع تاني وخد فلوسك لانك هتفضل فقير لوقت طويل
محمد ضحك يما بستهزاء وده في حد ذاته جننها
ذات بتشد فيه ع برا : اخرج اخرج واياك ترجع
محمد لف وبصلها وشاور عليها: هستني واشوف اليوم الي هتكوني فيه لوحدك ومحدش جنبك ولما يجي اليوم ده اياك ترمي اللوم ع الناس لانك عملتي كدا في نفسك
ذات رزعت في وشه الباب و أأعدت ع اقرب كرسي تفكر هي فعلا ممكن في يوم تكون لوحدها
……….قصص من محمد كاتب……………
ياسمين قاعده في قمة القهر والحزن والجرح ازاي حبيبها مع ذات ازاي!!!
ضحي وهبه دخلوا شافوها بتبكي لوحدها هبه راحتلها وطبطبت ع ضهرها
ياسمين لفت واول ما شافتها ع طول حضنتها: هبه
هبه اتفاجأت من انهيارها على طول وحضنتها ليها اوي: ابكي يا ياسمين ابكي خرجي القهر كله
ياسمين بكت وبكت وبكت بصوت يفتت الحجر وصوت شهقتها كان كافي بأنها شايله ألم كبير فوق الاحتمال وهبه فضلت تمسح ع ضهرها وشعرها وضحي متحملتش منظر اختها كدا عيونها دمعت ومسحتها ومشت !!!!
هبه بعد ما ياسمين هديت شويه خرجتها من حضنها وبكل هدوء: دلوقت فيه اسئله كتير في دماغك ومش هترتاحي غير لما تعرفيها وده الي تعبك كدا
ياسمين نزلت راسها وعيونها اتلمت دموع : ليه نور عمل فيا كدا ,,وليه هي عملت كدا ,,وامتي بدء وفين وليه كدب عليا مجرد اسئله بسألها من غير اجابه
هبه : بس اكيد نور قالك الجواب
ياسمين بأسى والدموع خانقه صوتها: قال جزء منها لكن مقتنعتش
هبه بهدوء وعقلانيه : يبقي ليه تتعبي نفسك بالاسئله واتمني توقفي محاوله انك تلاقي اجابه لانه خلاص حصل الي حصل متدوريش عن السبب الافضل تفكري في الي جاي والي هتعمليه
ياسمين بسرعه مسحت دموعها : انا قولت لنور فعلا طلبي الوحيد هو الطلاق منه مقدرش اتحمل خيانته وكدبه هو رجعلها لانه بيحبها وعشان كدا يمكن مكسرتش الدنيا ع انه كدب عليا وخدعني عارفه لو كان قالي الصراحه من اول ما رجعت وشافها هنا كنت هبعد عن طريقهم والله كنت هبعد في منتهي الهدوء ومكنتش ع الاقل هتاذي بالشكل البشع ده
هبه: الثقه مهمه بين اي اتنين متجوزين بس دلوقت انا مش عاوزاكي تستعجلي وتاخدي قرار مصيري بسبب الغضب
ياسمين هزت دماغها برفض: لاء خالص انا ع ثقه تامه انا مش بستخدم الطلاق كوسيله عشان اعرف هو متمسك بيه اد ايه انا هطلق لاني مقدرش اعيش مع واحد كداب مهما قال خلاص مش هصدقه في اي حاجه
هبه مسحت ع شعرها وضمتها وياسمين بكت تاني بحرقه لحد ما نور دخل بجنون عليهم!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
