رواية ذات الوجهين الفصل الثامن عشر 18 بقلم منة محمد
رواية ذات الوجهين البارت الثامن عشر
رواية ذات الوجهين الجزء الثامن عشر
رواية ذات الوجهين الحلقة الثامنة عشر
ذات تاني يوم راحت الشركه ورفعت نزلها الي مش فاهم اصلا سبب الزياره الغريبه دي ايه : ذات
ذات مبتسمه اوي : ازيك ياعمو عامل ايه
رفعت مكشر : ازيك أأعدي خير ايه الموضوع
ذات: انا جايه وعايزه اشتغل عندك في الشركه هنا سكرتيره
رفعت عقد حواجبه مستغرب : بس ازاي عرفتي اني عايز سكرتيره هنا
ذات بكدب: نور الي قالي عن الوظيفه ووصاني اني اجي اتكلم مع حضرتك
السكرتيره الخاصه برفعت ابتسام قربت عليها ببتسامه: اتفضلي العصير
رفعت خلالها ملهيه مع ابتسام ولف وشه وشتمه بهمس: ابن الملاعين_ (بصلها اشربي العصير الاول ع ما اطلع اجيب تلفوني من فوق
ذات: اتفضل ياعمو
رفعت طلع وفتح عليه الباب بندفاع: انت يله بتستهبل ولا بتستعبط ذات مين دي الي تبقي سكرتيرتك
نور قام وقف واتكلم بسرعه : انا مقولتلهاش انا كنت بتكلم مع معتزع الموبيل وهي اتصنتت
رفعت: بس هي قالت انك موصيها تجيلي وتتكلم معايا
نوربصله وعاوز يضحك : حصل
رفعت رفع حاجب مستغرب: وليه حصل يا فالح ودلوقت عاوزني اعمل ايه
نورابتسم وبغمزه: هترفض طبعا
رفعت حدفه بالدوسيه بغباء: وحياه امك بتصدرني يعني معاها
نور اتخباه بسرعه تحت المكتب وطلعله بالدوسيه وبمزحه: يارفعت يا خويا منا مكنش ينفع اقولها بنفسي لانها هتروح تشتكي لياسمين وياسمين تتخانق معايا ,, البركه فيك انت تقولها بصراحه كدا لاء وتبقي جات منك
رفعت شده من مقدمه التي شيرت: بترميني في وش المدفع يا ملعون قولي اعمل ايه وانا هعمله
نور اتنهد بهدوء: بابا الامر دلوقت في ايدك الي تشوفه صح اعمله
رفعت: تمام هنزلها
نور: وهتعمل معاها ايه
رفعت نفخ صدره: الي يقدرني عليه ربنا _بصله وكشر_ يقطع اليوم الي شوفتها فيه
نور فيه الضحكه بس ماسك نفسه لكن من شكل ابوه مقدرش يمسكها وانفجر في الضحك ورفعت هو كمان ضحك معاه
…………………قصص منه محمد كاتب…………..
رفعت نزلها وقالها بدون مقدمات: ذات قومي امشي
ذات بصتلو بصدمه من طريقته المهينه: امشي !! انت حتي ولا عملت مقابله او فكرت في طلبي
رفعت بدون نفس : انا لا هبص ولا هفكر المنصب ده لسكرتيره نور وانا مش من حقي اعمل مقابله بداله
ذات انقهرت منه : ازاي ده انا لما اتكلمت مع نور قالي اجيلك واطلب منك وانت هترجع لنور برايك
رفعت بصلها وسكت تماما
ذات برجاء وتوسل : طيب ممكن اتكلم مع نور
رفعت بصرامه: اظن مش محتاجه لكلام لان الكلام مش هيغير حاجه
ذات: لكن
رفعت قام وقف: الموضوع منتهي مع السلامه ابتسام وصلي ذات عندي شغل كتير
ابتسام: اتفضلي امشي يا ذات
ذات لفت وبصتلها بغيظ وخطفت الشنطه ومشت من الشركه مضايقه
………….قصص منه محمد كاتب…………
في البيت من ساعه ما دخل عماله تبكت وتعاتب فيه
نور مل منها : طالما بابا قال لاء تبقي الاء
ذات: بس
نور قطعها بشده : من غير بس انتهي الكلام بخصوص تبقي سكرتيرتي تمام
ذات: ياسمين قولي حاجه وساعديني
ياسمين واقفه بكل جمود لانها متفقه مع قرارهم دي متحملتش تشوفهم مع بعض دقيقه تقوم توافق تبقي معاه ليل مع نهار
نور رد ببرود قاتل: انا وابويا قررنا والامر هو كدا وسابهم ومشي
ذات بغيظ : عجبك كدا
ياسمين بهدوء عكس اللي جواها : ذات انا مش هقدر اساعدك عن اذنك
ذات قعدت بغل وسرحت للفراغ وعيونها اتحولت للون القاتم : مساعده من غير رغبه زي قلتها يبقي الاحسن متسعديش بس انا مش هستسلم وعشان انجا لازم اتوظف عنده
…………قصص منه محمد كاتب………
في الشركه كلهم متجمعين حوالين طاوله الاجتماعات
نور: بالنسبه لمنتجع انتصار هانم نقشناه وعرفنا التفاصيل وهنمشي عليها
رفعت بطريقه مضحكه: خلاص الاجتماع خلص ولا ناوين تبلطوا هنا لوقت طويل يله انتشروا شوفوا شغلكم
الموظفين كلهم ضحكوا ع طريقته اللطيفه معاهم ونور بيلم الورق
رفعت قام يتمطع ووقف عند الشباك شافها بتسلم ع ابتسام برق عيونه: نور
نور بيلم لسه الورق: نعم يا بابا
رفعت: شوفت مين الي جات تاني
نور راح بص من الازاز وبرق: فكرت انها فهمت الي قولناه بس يظهر مبتفهمش بالذوق
رفعت: لاء وبتشاورلنا وبتضحلكنا
نور: لاء وطالعه ع هنا
رفعت: شايف
نور: المفروض اعمل ايه
رفعت: امشي انت واخرج من هنا
نور فتح الباب وخارج لقاها واقفه في وشه
ذات ببتسامه واسعه: ازيك يا عمو ازيك يانور _رفعت كيس_ جبت وجبات خفيفه عشانكم
نور مد ايده ياخده منها بالعافيه لما رفعت طلب منه ونور اخده وناوله لـ ابتسام ورافض حتي يبصلها
رفعت بحزم :جايه تاني ليه مش اتكلمنا
ذات بتناحه: وانا هاجي واستني كل يوم
رفعت بص لنور: كل يوم
ذات :ايوه كدا كدا مفيش الي اعمله في البيت غير الاكل والنوم وبستهلك كهرباء وميه في بيت
نور
نوربصلها بستغراب وراح ساند كتفه ع العمود وعقد ايده قدام صدره
ذات: احسن حاجه اني اجي هنا ولو فيه حاجه اعملها وبكدا اكسب شويه خبره
نور وشه اتغير واتعصب جدا وخبط ع المكتب: انتي بتعملي كدا بتجبرينا نقبل نشغلك
ذات بهدوء : لاء لاني عرفاك صعب حد يجبرك يانور
رفعت بص لنور الي غمض عيونه بضيق
ذات عيونها رغرغت بالدموع: عارفه ان سلوكي زمان كان سئ وانسانه مش راسيه ومعنديش صبر وعارفه لا انت ولا عمو رفعت عندكم الثقه الكافيه تقبلوا اني اشتغل الشغل الضخم ده بس انا اتعلمت بما يكفي من قسوه الحياه ومحتاجه اثبت نفسي واوعدكم هكون صبوره ومستعده اعمل اي حاجه عشان اخد الوظيفه دي
رفعت بص لنور الي هزله دماغه بالرفض القطعي
ذات بنظرات الضعف لنور : وحتي لو من غير مرتب هشتغل
رفعت حب ينهي الجدال: طيب ممكن اناقش الامر مع نور الاول
ذات وقفت: تمام ( وطلعت برا قدام الغرفه مع ابتسام وشيفاهم من الحاجز الزجاجي
رفعت: العمل ايه
نور بعدم تقدير: سيبها واحده زيها هتمل وتزهق وهتمشي في خلال ساعه وهترجع للبيت تجري ثق فيا
رفعت بصلها وكشر وحرك راسه بضيق ونور لف وبصلها وهي ضحكتلهم من وري الازاز وشاورتلهم بعلامه باي ونور عوج بؤه في وشها
بعد ساعات من انتهاء العمل رفعت يبيص لمحها من الازاز قاعده تحت عند باب الاستقبال
رفعت بتريقه : هي دي الي في خلال ساعه ولا ساعتين هتزهق وتمشي شكل حكايتها مطوله
نور هز دماغه بضيق وبصلها بنظره ناقده ومش عجبه تصرفها
…………قصص منه محمد كاتب………
ذات يوميا تروح الشركه وتقعد نفس القعده من الصبح للمسا ونور يدخل يشوفها يستاء وخصوصا الموظفين بدؤا يتكلموا وبقي يتمني الارض تنشق وتبلعه لان كل العيون بتروح عليه ….وفي يوم راح الشركه وداخل ملقهاش فرح جدا وسلم ع الموظفين بحماس وطلع فوق لمكتبه لقاها خارجه منه بصلها واتصدم
ذات ببتسامه واسعه: عميل جاب ملف ومشفتش حد جه عشان كدا اخدته ودخلتهولك هو ع المكتب
نور بتكشيره هزلها دماغه بدون ولا كلمه
ذات: حضرتك القهوه زي عمايل البيت بالظبط ولو مش سخنه هعملك واحده غيرها
بصتلو مستنياه يقول حاجه لكن نور ولا كأنه سمعها ومشي بخطواته دخل مكتبه
ذات سابته وراحت قعدت علي كرسي السكرتيره وضحكتله بستهبال وبصوت عالي يسمعه: اظن ساعدت شويه
نور كرمش ملامحه ونفخ بخنقه من طريقتها وراح قفل الباب في وشها ودخل سند بأيده ع سطح المكتب بخنقه شاف طبق متغطي فتحه لقاها وجبته الي بيحبها ع الفطار وكتباله معاها كارت انها هي الي عملهاله بنفسها وراحت خبطتله ع الازاز وهو لف بدماغه وبصلها ورئكشانات وشه بتعبر انه حرفيا مستاء منها تلفونه رن بأسمها رد بسرعه وعدل نبره صوته لسعاده: اهلا يا قلبي انا لسه سايبك اوعي تقوليلي وحشتك
ياسمين : اظن انت عارف طول الوقت بتوحشني بس متصلتش بيك عشان احب فيك الموضوع غير كدا عايزه اشوفك
نور: قولي كدا بقي ده انا كدا كلي وحشك
ياسمين بضحكه رقيقه: يا منحرف انت يظهر نسيت مش فيه بينا ميعاد ع الضهر نروح لمحمد الكاشف
نور ضرب جبينه: اوبا تصوري كنت نسيت
ياسمين: وانا بفكرك حبيبي ويله جيالك ع المكتب باي
نور انتفض في مكانه ورمي الموبيل على التربيزه واخد نفس عميق ولف بسرعه وشاف ذات بتبصله وبتضحك رجع راسه على كرسيه الجلدي وقال:يارب صبرني..استغفر الله العلي العظيم!!!!!
واتنهد بقوه لانه عارف ان من اليوم ورايح بداية لخبطة لحياته ومشاكل هتقوم بينه وبين ياسمين الي اكدت عليه انه يمنعها تعتب الشركه!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
