رواية ذات الوجهين الفصل الثالث والعشرون 23 بقلم منة محمد
رواية ذات الوجهين البارت الثالث والعشرون
رواية ذات الوجهين الجزء الثالث والعشرون
رواية ذات الوجهين الحلقة الثالثة والعشرون
نور حاسس انه مخنوق من الوضع الي حط نفسه فيه
ذات: ايه الوضع ليه مضايق اوي كدا
نور بضيق: مفيش حاجه
ذات ناولته زجاجه عصير تفاح: خد اشرب من العصير ده هتبقي كويس
نور اخد منها الازازه وشرب منها كتير وقام وقف!!
ذات: مترجعش واستني لاني هتصل بيها اصل لو اتصلت دلوقت هتشك في الامر
نور بخنقه: اعملي الي انتي عايزاه واسكتي خالص ممكن
ذات: انت ليه متوتر ومتعصب وع فكره انا نفسك متوتره
نور بصلها بنظره قاتله وذات شربت من الازازه بتاعتها ودلقت منها ع صدرها متعمده ومسحت بين صدرها بطريقه مث*يره جدا نور اللي واضح انه شويه ويولع من العصبيه لدرجه ان وشه قلب للون الاحمر مسح وشه ولف بعيونه الناحيه التانيه
ذات: عجبك اهو العصير اتكب ع صدري وترتني زيك!!!
نور لسه هينفجر فيها تلفونها رن بأسم ياسمين بصتله: ياسمين بتتصل
نور اتوتر وبلع ريقه: هنعمل ايه
ذات: شغل كاست العربيه
نور اتلبخ: ليه اشغل الكاست
ذات ضربت الارض برجولها: عشان ابان اني في حفله بسرعه يانور
نور فتح العربيه وشغل الكاست
ذات: عالي الصوت بسرعه يله
نور فضل يعالي الصوت لحد ما حسن ان ودانه اطرشت
ذات ردت وحاطه ايدها ع السماعه وبتصرخ: ايوه يا ياسمين فيه حاجه اصل انا في حفله دقيقه واحده متفصليش السكه_مثلت انها بعدت وكلمتها تاني_ كدا سمعاني
ياسمين: ايوه اصل عزه قالت لي انك مشيتي الصبح بدري
ذات بصتله وقالت: حاليا انا في شرم سافرت اقدم ع وظيفه والفندق كان عامل حفله وصاحب الشغل عزمني عليها
ياسمين بشك: الراجل ده تعرفيه وهل انا اعرفه وانتي في اي فندق بالظبط في شرم
ذات: اسمه رامي وانتي متعرفهوش كان زبون شركه السياحه بس ليه صوتك متوتر هو فيه حاجه عندك ولا عاوزني ارجعلك بسرعه شرم قريبه اخالي رامي يوصلني لحد عندك
ياسمين: مفيش داعي مترجعيش كنت بسأل بس!! اصل الوقت اتأخر وانتي مرجعتيش فقلت اشوفك
ذات بخبث لتنفيذ خطتها: لو الحفله ما انتهتش الليله مش راجعه فيه حاجه تانيه اصلهم بيتصلوا بيا بحبك خمسه امواه
ياسمين اغلقت لكن الاتصال ومعني الكلام مريحهاش ده شككها اكتر
معتز رايح جاي وبيفكر بتوتر: راحت لحفله مع زبون في شرم بزمتك انتي مصدقه
ياسمين بتحاول تطمن نفسها عكس القهره الي جواها اتكلمت عادي: حاليا مقدميش غير اني اصدق لان مفيش سبب يخليني مصدقش
معتز لوي شفته وحنان نفخت من الحيره وعنيها زايغه بتفكير
ياسمين سكتت شوي بعدين قالت : يمكن انا زودت في الامر نور في دبي وذات في شرم لاء اكيد مش سوي اكيد انا بس فكرت زياده عن اللزوم وعملت سيناريو ازعج نفسي انا اسفه جدا جبتكم ع ملا وشكم
هبه بهدوئها الطبيعي : مفيش مشكله ع الاقل كلنا جنبك والحمد لله انك احسن روحي استريحي في بيتك وبكره لما يرجع نور اتكلموا
ياسمين: حاضر انا ماشيه
هبه طبطبت ع ضهرها وقامت ياسمين واتحركت وغادرت المكان
هبه بصتلهم: ايه رايكم
حنان: انا راي هما مع بعض وواضحه للاعمي وياسمين هتعرف الحقيقه وهتبقي تعيسه ولو هي بقت تعيسه احنا كلنا هنزعل بجد ومش هنعرف نشتغل
هبه كتفت ايدها ورفعت حاجب: شكلك مش عايزه مرتب
حنان اتحركت بسرعه وفتحت الباب تخرج: فين الشغل فينه
هبه بصتله بستفهام: ساكت ليه يا معتز
معتز عقد حواجبه: بفكر بس انتي مصدقه
هبه: لاء طبعا انا راي من راي حنان
معتز: الله طب مقولتلهاش ليه وهي هنا
هبه بعقلانيه : لاني مش هفرض عليها تصدق الي انا مصدقاه انا بقولك انت ولما اتأكد بالدليل هقول لياسمين ووقتها هتكلم بس طالما مفيش دليل ومجرد تفكير يبقي مش هتكلم
معتز: انتي جباره والراجل الي هتبقي من حظه ونصيبه هيخضعلك ليل مع نهار وانا خاضع لمراتي
هبه شخطت فيه: معتز روح روح وارجع لرشدك
معتز خاف وجري للباب: مروح بس انا وراكي والطريق مش كبير سلام يا جدعه
…………..قصص منه محمد كاتب………….
نور واقف مش ع بعضه حاسس ان فيه حاجه بتحصلوا مش طبيعيه لكن مش عارف ولا فاهم ووقفته مش متوازنه
نور شدها بقرف: انتي يله نرجع
ذات وقفت واتجاهلت الاهانه وزعقتله: انا عايزه افهم انت ايه الي مش مخليك مرتاح وبتتصرف بشمئزاز معايا
نور بعصبيه ونرفزه: لاني مش مرتاح لوجودي معاكي
ذات: نور انت بتكرهني كتير صح وعايز تنتقم مني اكتر يله اتفضل اضربني اعمل اي حاجه لو ده هيخليك تهدي
نور واقف يبصلها وذات مسكت ايده وفضلت تلطش بيها نفسها
نور خلاص قفلت معاه..ومسكها من دراعها ويشد منها ايده: اوعي انتي مجنونه
ذات بتبكي: ايوه لانك بعد ما كنت بتحبني بقيت بتكرهني وعشان كدا اضرب يانور اضرب طلع كل قهرك عليا
نور بيشد ايده منها: قلت ابعدي وبطلي جنان
ذات: انا لو كنت مجنونه عشان خليتك بعد ما كنت بتحبني بقيت بتكرهني ايوه بعترف قدامك غلطت لما جرحتك واهو وصلت لتحت الانحدار وكل ده انت لسه مش راضي ولا مبسوط عايز حياتي تنحدر لغايه فين عشان تكون سعيد اكتر ومبسوط اكتر
نور سكت.. وهي عجبها سكوته وكملت عليه..
ذات: المشاعر الجميله الي كانت بينا راحت كلها مفيش حاجه منها في ذاكرتك اعمل ايه عشان تسامحني نور ياريت توقف غضبك مني
نور اللي غضبه زاد بشده ومسك وشها وضغط عليه لدرجه ان صوابع ايده غرزت في خدودها: بس انا عايزك تتأذي نفس ما أذتيني وتتجرحي نفس ما جرحتيني
ذات نزلت ايده اللي على وشها بقوه واخدتها تاني تلطش بيها نفسها: كدا يله اضرب اضربني يانور
نور وهو بيحاول يتحرر منها : ابعدي عني ابعدي
ذات ضمته: مش هبعد لحد ما تسامحني
بعد وقت نور ابتدي يفوق لقاه نفسه عريان وهي لابسه هدومها وبصاله نور قام بسرعه لما افتكر الي حصل بينهم واخد قميصه وطلع برا العربيه ولبسه ووقف يتنفس بضيق…حس بخنقه..المكان كاتم انفاسه واتمني في اللحظه دي تكون ياسمين معاه ..هي الوحيده اللي كان دايما محتاجلها..ودلوقت هو في امس الحاجه ليها من أي وقت
ذات راحت وراه: نور انا اسفه
نوربياخد نفسه بالعافيه ووشه اسود: اسكتي متتكلميش اسكتي
ذات عيونها دمعت ومسحتها : لاء هتكلم لاني لو سكت هفضل احس بالذنب طول حياتي والي عملته معاك حب فيك يانور وكان نفسي فيه من زمان لانك حبي الاول الراجل الي مستحيل انساه
نور بصوت عالي: بقولك اسكتي مش طايق اسمع صوتك
ذات انفجرت عياط : لاء هكمل ايوه غلطت لما سبتك ومسمعتش صوت قلبي وكنت عنيده اخترت الراجل الغلط بس اليوم عرفت انك اكتر راجل حبيته
نوربدء يفقد اعصابه وصرخ باعلى صوته: اخرسي اخرسي
ذات ببكاء حقيقي وغرقت عيونها دموع: لاء مش هخرس (ومسكت وشه وسحبته لعندها وبقوه لدرجه انها بقي قريب منها جدا) واتعدلي كدا وبص في عنيا وبلاش تهرب بيها من تاني ومقهوره لاني دلوقت اخدت عقابي وكل ما بعاني اكتر بشوفه بوضوح اكتر ان الراجل الي كان هيخليني ملكه هو انت والماضي الجميل الي كان بينا كل ما افكر فيه ده الي بيخليني عايشه ومكمله
نور مسح خدوده بكم قميصه عايز يمحي اثرها الي وسخته بيها وتروح حتى ريحه برفانها الي مسكت فيه نطق بحده: الماضي بيفضل ماضي ولا يمكن هيرجع تاني وابعدي ع كدا ابعدي لان انا قرفان منك عارفه معني قرفان
ذات: عارفه انه مستحيل وانا معملتش فيك كدا عشان امتلكك ولا اسرقك من ياسمين انا سعيده بالي حصل وده كفايه عليا
نور لف عليها وبنظرات احتقار: انا عمري ما نسيت الي عملتيه معايا لكن الي عملتي دلوقت غلط وقرف و ابعدي لان انا بحب ياسمين كتير عن ما حبيتك ولا يمكن اجرحها والي عملتيه هيفضل بينا وهيندفن هنا
ذات: من غير ما تحذر انا كمان بحب ياسمين وحبي ليها مش اقل منك واطمن ياسمين مش هتعرف حاجه من الي حصلت بينا وده هيكون سر
نور وهو ماشي: متفقين يله
………..قصص منه محمد كاتب………..
في المطار واقف لوحده
ذات جات عليه ومبتسمه: نور الطياره وصلت من بدري غريبه ده انا قلت هطير عشان ياسمين لكن اوعي تقولي انك واقف مستنيني
نور طلع ظرف من جيب الجاكت: خدي
ذات اخدته وبتقلب فيه: ايه ده ( فتحت الظرف) فلوس
نور هزلها دماغه: فلوس 100 الف بدهوملك عشان مساعدتك في الشغل واظن مبلغ كافي تأجري شقه كويسه
ذات عوجت بؤها: أأجر شقه
نوروقف قدامها ببرود: ايوه والاحسن ليك تمشي وتختفي من حياتي وانا اهو بساعدك واظن المبلغ الي معاكي يأجرلك شقه فخمه وشيك ع ما تلاقي شغل كويس
ذات انفعلت: انت بتطردني من البيت
نور خلع نظارته من ع عيونه وبصلها بصيغه تهديد وتحدي: ايوه وجه الوقت الي لازم تمشي فيه وتبعدي والقرف الي حصل منك هعتبره حصل وانتهي وهنساه زي ما انتي هتنسيه ومش هتتكلمي تاني عنه لان يا سمين لو عرفت نهار ابوكي مني هيبقي اسود اظن انتي فاهمه وانا فاهم
ذات خلته لفلها ضهره ورفعت الظرف وكانت هتضربه بيه واتكت ع اسنانها: مفكر الفلوس نهت الموضوع تبقي بتحلم
محمد واقف مع العمال وبيملي عليهم طلباته
عمته: ازيك يامحمد
محمد لف وبصلهم ببتسامه واسعه: اهلا يا عمتي ازيك يا ضحي
ضحي قربت منه ببتسامه : الحمد لله بخير
محمد: بس ليه جيتوا انا كنت ماشي
عمته: انا وضحي جينا عشان ننظم المطبخ عشان الافتتاح
محمد: وليه متصلتيش بيا قبلها ياعمتي كنت ماشي رايح لنور عشان التصميم لقيت نموذج وعجبني عايزه يصممهولي
ضحي نطت بحماس: انت رايح لنور خلاص اجي معاك واقدر اتكلم معاك في امور المطبخ واهوه يبقي ضربنا عصفورين انا اتكلم عن شغلي وانت رايح لشغلك حتي منضيعش وقت
محمد ابتسم لحركتها: تمام عمتي خليكي عينك ع العمال ولو فيه اي حاجه اتصلي بيا
عمته: كأنك هنا بالظبط يابني
محمد بصلها وحب ينرفزها: مش انتي جايه معايا
ضحي هزت له دماغها : ايوه
محمد حط كتاب الكتالوج بقوه ع دراعها ورفع حاجب يغظها : طيب خدي شيلي
ضحي: ده تقيل اوي
محمد بصلها وبنص ابتسامه: عشان كدا استحمليه
ضحي زهقت منه ونفخت: شايفه عمايل البطريق ابن اخوكي
عمته ضحكت: انتي الي جبتيه لنفسك
ضحي بتكشيره:ابن اخوكي راجل ظريف جدا _وجريت وراه_
عمته بصوت هامس: اه يا لئيمه بتتمحكي في جوز اختك وانتي عايزه تروحي معاه
…………..قصص منه محمد كاتب………
ياسمين دخلت الاذاعه ع الظهر عندها تسجيل مهم لكن حالتها صعبه جدا طول الليل بتحلم بكوابيس ان نور وذات مع بعض في اوضاع حميميه وده فقد عيونها النوم الي حلقت بالهالات
هبه قابلتها في الطرقه ابتسمت لها : عامله ايه
ياسمين بارهاق واضح ع عيونها: الحمد لله
هبه: قابلتي نور
ياسمين: لسه بعتلي رساله انه نزل من الطياره وهيبقي هنا ع بعد الظهر
هبه طبطبت على كتفها بحنيه: طيب اعتبري مفيش شغل ليكي النهارده ممكن تروحي البيت وهدي نفسك عشان تقدروا تتكلموا براحه
ياسمين بامتنان: شكرا يا هبه فعلا مكنتش هعرف اركز وانا بشتغل
هبه: عارفه عشان كدا يله روحي وانا هاخد بدالك
حنان دخلت عليهم بلهفه: ياسمين فيه واحد عايزك
المساعد داخل وراها وبتريقه: ما براحه ليه صوتك عامل كدا وكأنك غيرانه
حنان شهقت بطريقه كوميديه: مين انا ,,انا بتكلم وبصوت طبيعي وليه اغير ده مجرد زوج حب يعمل مفاجأه لمراته ليه بقي احس بالغيره
المساعد ضحك عليها: اهدي ياحنان لتموتي علينا
ياسمين عقدت حواجبها مستغربه وبهمس: عاملي مفاجأه
قامت ياسمين لمكتبها وفتحت الباب ودخلت وعيونها بتدور عليه لكن شافت علبه كحلي مستطيله محطوطه فوق المكتب راحت وفتحتها لقت فيها بوكيه ورد موف في ابيض مكونه من سته وردات ومكتوب عليه اسمها نور جه بشويش من وراها وضمها بأيده الاتنين وهمسلها: عجبك
ياسمين ملامحها جامده ومبتردش
نور بنفس الهمس: طلبته مخصوص عشانك وكتبت اسمك وحطيت جنبه قلبي ها عجبك
ياسمين فكت ايده ولفت وبصتلوا بوش جامد: ايوه
نور: بس ليه بتقوليها ووشك مكشر كدا ( قرص خدها) لو عجبك ابتسمي يله
ياسمين لسه وشها عابس قرص خدها وابتسم: الله شوف برضو مش بتستمي يله سمسه ابتسمي ولا هتكبري وتكرمشي يله عايز ابتسامتك الجميله يله بسرعه
ياسمين غصب عنها من رئكشانات وشه وهو بيداعبها ابتسمت
نور ضمها لصدره و باسها من رقبتها: عجبك صح
هبه وحنان دخلوا يضحكوا عليهم
ياسمين: انت بتاخدني ببوكيه ورد ومفكرني هعاند معاك مش كدا؟!
نور بصلهم وابتسم وبألش: اظاهر ياجماعه ياسمنتي واقعه في حبي من اول وجديد اصل امبارح اتكلمنا ع الموبيل وصوتها كان عالي جدا عشان كدا خفت وجيت هنا اتحامي فيكم
حنان بأبتسامه واسعه : اي خدمه تعال كل خناقه
نور: اظن مش هتعمل كدا تاني
حنان: ايوه حبوا بعض ده انا بعاير جوزي بيكم
هبه بهمس : خلاص يا حنان
حنان: الله مش بشجعهم ع حبهم لبعض
هبه: كويس انك ضحكت ياسمين لان بسببك يا باشمهندس ياسمين امبارح معرفتش تركز في الشغل وياريت تطمنها عشان متوهش مني بعد كدا
ياسمين بصتله والجمود لسه مغلفها: انا مش كدا بس عندي فعلا الي يخليني افكر كتير
نور ضمها لصدره وببتسامه : انا هنا خلاص ورجعتلك متفكريش في اي حاجه ( ضمها عليه من كتافها) ايه رايك نروح نتغدي في اي مكان موافقه
ياسمين استغربت تصرفاته لكن الفضول هيموتها وتسأله وهو يجاوب ويريحها فقالت: موافقه
نور ضمها من وسطها ووشها احمر: نور سبني عيب
هبه ابتسمت: يله خدها واستمتعوا بيومكم
حنان وهي فرحانه بيهم : يله انا هنا مع هبه وهنشوف الشغل
نور اخد العلبه ومسك ايدها: متشكر جدا
حنان بعد ما خرجوا شبكت ايدها وبحالميه: اه ياولاد نفسي في بوكيه فجل حتي ومكتوب عليه اسمي انا راضيه وجوزي يقولي ده عشانك يا حنان
هبه: هو لما بيجي يحبك بيقولك ايه
حنان قلدته بصوت خشن: بيقولي حنان الاكل جاهز انا جعان
هبه: بشكلك ده مش متفاجئه من حبه ابدا يله ورانا شغل
……قصص منه محمد كاتب…………
في الشركه
محمد بهدوء: الباشمهندس مش هنا بس انا عندي معاه معاد
ابتسام مبتسمه: ايوه بس هو اتصل وأجل المعاد وبجد انا بعتذر يا محمد بيه
محمد: خلاص حصل خير بس ممكن لما يوصل تديلو الكتالوج ده لان فيه نموذج عجبني وانا محدده
ابتسام: اه طبعا بس حاليا وقت بريك
ضحي: خلاص روحي انتي كولي وانا هاخد الكتالوج لمكتب نور
محمد بغلاسه: تمام ومتشكر يا ضحي
ضحي ابتسمتلوا برخامه وطلعت مكتب نور وشافت الكارت الي كتباله فيه ذات من عمايل ايديا اخدت الكارت وطلعت تجري ع تحت زي المجنونه
محمد استغرب وراح جري عليها: فيه ايه يا ضحي مالك
ضحي كانت مصدومه : ابتسام
ابتسام رجعتلها: خير يا انسه ضحي
ضحي: انتي تعرفي ذات
ابسام: ايوه اعرفها عز المعرفه
ضحي: يعني هي بتيجي هنا الشركه
ابسام: ايوه وبتئعد لوقت طويل وهي تعرف رفعت بيه والباشمهندس وجات تطلب شغل منهم بس هما رفضوه يوظفوها وكل يوم تقعد عند الاستقبال لـ اخر النهار بس النهارده مشفتهاش
ضحي عيونها زاغت ومحمد صدمته متقلش عنها
ابتسام اتوترت:بس ليه بتسألي فيه حاجه
ضحي عيونها تايهه: لاء مفيش يا ابتسام
ابـتسام: لو كدا ممكن اكمل اكلي
ضحي هزت لها دماغها وحطت ايدها ع صدرها ومره واحده نفسها كتم وكانت هتقع ع وري
محمد مسكها بقلق: ضحي مالك انتي كويسه
ضحي ماسكه صدرها ومش بتتكلم ومش عارفه تاخد النفس الي بقي شبه معدوم
محمد مسك ايدها يساعدها تئعد: اقعدي الاول وخدي نفس وخرجيه
ضحي ااعدت وحاولت تاخد نفس عميق
محمد بسرعه راح شد ملف لما لقي وشها ازرق وفضل يهوي عليها ومسك ايدها: ناويه تعملي ايه
ضحي طلع منها صوت شهقه : انت شايف ايه
محمد: كدا الامر فيه ان الي اقصده طالما نور خباه عن ياسمين يبقي الموضوع فيه ان اسف اني صريح
ضحي بصتلو: هسألك انا بصراحه اكتر بما انك كنت جوزها انت مصدق انها تتعرض للت*حرش والاغت*صاب في الحمام وتيجي تعيط
محمد هز دماغه بنفي : مستحيل لو اتعرضت لوضع زي ده كانت هتعض وتفتح دماغه ومتسبهوش الا جث*ه في الحمام ده الاكيد انما تجري وتعيط بس استني هو ده حصل فعلا
ضحي اخدت نفس واتنهدت بقوه : ايوه حصل بس انا مش مصدقه ولا مقتنعه انه حقيقي
محمد بستفهام: ليه
ضحي: هحكيلك الي في دماغي بس توعدني انك تساعدني اقرر ايه والمفروض اقول لـ اختي ازاي ان ذات بتلاحق نور في المكتب
محمد : موافق قولي
……………..قصص منه محمد كاتب…………..
نور: ع فكره حجزت في المطعم الي بتحبيه وتربيزتك الي بتحبيها دايما تحبي اتصل واحجزلك نوع الاكل حالا
ياسمين بنظره كلها شك وغيره: نور ليه بتراضيني اكتر من العادي اليوم ولا هو فيه حاجه حصلت مش عاديه
نور مسح على وشها بنعومها وهو مبتسم ابتسامته الواسعه: هو مفيش حاجه بس مش عارف يمكن عشان مشئالك اوي النهارده عن اي يوم تاني يمكن عشان مالمستكيش ليله امبارح وعشان كدا بجد مشتاقلك اكتر من العادي _ وحب يغير مزاجها فراح باسها من شفايفها_
ياسمين زقته علي وري واتكسفت جدا: نور بتعمل ايه الناس
نور مسكها من كتافها وزقها قدامه وفضل يمشيها لحد العربيه وفتحلها الباب وغمز لها: خلاص اطلعي للعربيه عشان محدش يشوفنا يله
ياسمين: براحه
نور وهو بيضحك: يله اركبي بقي
ياسمين ركبت وبصتله وشكها بيكبر عن الاول تلفونها رن ردت: ايوه يا ضحي
ضحي بتتكلم بسرعه: ياسمين عندي حاجه مهمه لازم اقولهالك
نور قرب منها: اظن كدا ابوسك ومحدش يشوفنا
ياسمين بتزقه: بس يانور بتكلم مع ضحي وانت بتلعب
نور بصوت عالي وبيضحك: هي البت ضحي دي ورايا ورايا
ضحي: انتي مع نور
ياسمين: ايوه ايه الي عندك وعايزه تقولهولي
محمد شاورلها :متتكلميش دلوقت
ضحي فركت شعرها: لاء خلاص خلاص حاجه مش مهمه نتكلم وقت تاني
ياسمين بصت للموبيل بتعجب: اهي المجنونه قفلت الخط!!
…………….قصص منه محمد كاتب…………..
ضحي زعقتله بعصبيه : انت ايه حكايتك كنت بتقولي قوللها دلوقت تقولي لاء
محمد: لانهم مع بعض طيب هتقوللها والي بعده اكيد هيتخانقوا ونور هيفكرك بتحرضيها طب بعد ما يتصالحوا انتي هيبقي شكلك ايه
ضحي: زي الزفت
محمد بتنهيده: فعلا ومش هتتفهم غير كدا عشان كدا استني الوقت المناسب وقوللها بس حاليا عليكي بالصبر
ضحي دبت الارض برجليها : بس ازاي اتحمل ونور وذات
محمد قطعها: ثانيه واحده ( وشد من جيبه كيس مليان شكولاته) كلي دي الاول
ضحي بغيظ : اكل ايه بس يامحمد دي شكولاته
محمد: ماهو لو مأكلتهاش
ضحي كشرت وخطفت منه الكيس : خلاص هاكلها كلها بقي
……………..قصص منه محمد كاتب……….
#ذات_الوجهين
Menna Mohamed
ذات قاعده في الرسبشن بتحاول تتصل بيها مغلق صرخت: عزه
عزه طلعتلها من المطبخ: ايه فيه ايه؟!
ذات: ياسمين قالت لك راحت فين وليه مرجعوش لحد دلوقت والساعه داخله ثمانيه
عزه عوجت بؤها: معرفش بس عادي واحد ومراته ممكن يكون اخدها مكان يعيشوا فيه براحتهم بس ليه عايزه تعرفي
ذات لفت عليها وبعين قويه: ليه عايزه اعرف ده شئ ميخصكيش غوري من وشي
عزه: هعمل الي يسعدك اه لو هتطلعي فوق ابقي اقفلي الباب عشان طبله ودني بعافيه منك
ذات صرخت في وشها: غوري
ذات طلعت فوق وفتحت الفيس ع صفحتها لقته ناشر صورهم الي كلها حب وعشق وكاتب فوقيهم الست الي بحبها ومن الحقد حست انها لو شافت نور قدامها دلوقت ممكن تنفذ فيه حركه مجنونه
ذات لنفسها والحقد بيلمع في عيونها: واخدها يعشيها برا ( رمت الموبيل ع السرير بعنف وصرخت وفضلت تحدف في كل حاجه ايدها تطولها وتشد ملايه السرير وتصرخ بغل:لاء مش هتكون كدا انا هخرب حياتك طالما عايز كدا
قامت بسرعه جابت عربيه سوده جيب وحطت جنبها كاس فيه ورده حمره وشيرتها ع صفحتها
….قصص منه محمد كاتب……….
ياسمين دخلت معاه المطعم ونور وقفها :استني سمسمتي_ طلع موبيله وقربها منه وحط ايديه على وسطها واخدله معاها كذا صوره حميميه ونزل اجمل صوره ع صفحته الشخصيه وعملها مشاركه وسحبلها الكرسي بكل اتيكيت: اتفضلي ياقمر
ياسمين: ليه الصور
نورمسك دقنها بنعومه: بعبر عن حبي عندك مانع
ياسمين رخت ملامحها المتهجمه عليه شويه: لا معنديش
شويه الاكل جه واكلوا من غير اي كلام يذكر ياسمين قاعده لكن شاته بتفكيرها وبتقلب الشوكه فالطبق وهو اخد باله كلمها: ياسمينا اظن لازم نروح نكشف احنا الاتنين عشان الحمل
ياسمين: وافرض طلعت مش بخلف
نور: بعيد الشر بس حتي لو طلع حد فينا مش بيخلف عادي نعمل عمليه طفل انابيب لاني عايزهم منك انتي وبعدين انا بحب الاطفال وجودهم في البيت بيدي سعاده وبهجه وحيويه وانتي تجري وراهم وانتي بتشدي شعرك وانا ادخل ازعقلك فيهم
ياسمين: نور لو طلع العيب فيا انا ممكن تتجوز عليا ست تانيه
نور بجديه: ياسمين انا اتجوزتك مش عشان تبقي اله تنجب اطفال ولو بعيد الشر طلعتي مش بتخلفي مستحيل حتي افكر في واحده غيرك ابدا لمجرد انها تخلف وياريت بلاش كلامك ده ممكن لان انا اه عايز عيال لكن انتي امهم انتي وبس
ياسمين سكتت وبصتله وبتحاول تكتشف هو صادق معاها ولا لاء!!!!
نورحك راسه: ولما قريب صديقتك دي تمشي هغير اوضتها لغرفه اطفال ها ايه رايك
ياسمين كشرت ع السيره وبصتله بنظرات ليها الف معني: بمناسبه الكلام عنها هي كمان ليله امبارح مرجعتش البيت
نور ارتبك وبيلحق الموقف بسرعه: بجد وكانت فين
ياسمين :قالت انها راحت حفله مع عميل
نور حاول يجمع نفسه قبل ما سيرتها تبوظ القاعده: ياسمين ممكن من الافضل نتكلم عننا وعن ولادنا ها عايزه ولد ولا بنت ولا تؤام بصراحه انا بحب البنات لانهم حبايب ابوهم والصبيان لعبين ومتعبين عشان كدا نخلف ولد واحد والباقي بنات
ياسمين بجمود: هقوم اغسل ايدي عن اذنك
قامت دخلت الحمام وجاتلها رساله نشفت ايدها واخدت الموبيل لقتها صوره منها استغربت اوي (فتحتها) لقتها عربيه جيب وجنبها ازازه عصير تفاح وكاس ومكتوب عليه ((افتقدك بشده))
تلفونها رن وكانت ضحي الي اتكلمت بدون مقدمات: ياسمين شوفتي صوره ذات ع صفحتها
ياسمين : ايوه ياحشوره
ضحي: اسمعيني وفوقي لنفسك بقي شويه واسألي نفسك تقصد ايه من الصوره والمكتوب فوقيها
ياسمين كأنها رافضه الحقيقه الي ممكن تصدمها: وانا هعرف منين قصدها مين الي فقدته ده يخصها هي انا ماليش علاقه
ضحي: مش يمكن تقصد نور فتحي ذات نزلت الصوره بعد ما نور نزل صورتكم سوي بدقايق وعزه اتصلت بيا وبتقولي انها عماله تصرخ بهستريا وكانت قاعده مستنياكم في البيت انتي ونور ولما مرجعتوش طلعت اوضتها وفضلت تكسر كل حاجه وتصوت
ياسمين اتعصبت وحست الدموع بتخنقها من تاني: انتي ربطي ده بده يمكن مالهمش علاقه
ضحي: تاني يا ياسمين تاني فيه موضوع لازم تعرفيه ذات صديقتك بتلاحق نور في شركته كل يوم الهانم بتشحت شغل وبتستناه لـ اخر اليوم ياتري نور قالك
ياسمين وسعت عيونها: ايه ذات راحت الشركه عند نور ودخلت مكتبه تطلب شغل
ضحي : كدا نور مقلكيش نفس ما توقعت انا اكتشفت النهارده اظن كدا لازم تطرديها من بيتك وبسرعه قبل ما تحصل مصيبه
ياسمين وشها اصفر بدون ملامح :ضحي انا هحل اموري بنفسي وشكرا انك قولتيلي بس لازم اقفل
قفلت السكه وسندت ع الحوض وهي حاسه بالقهر حست انه في شئ مزق قلبها وغرز فيه سكينه تلمه وسابه ينزف دم والم واه بدون شفقه ولا رحمه
……….قصص منه محمد كاتب………..
نور ع الموبيل: ابتسام ايه اخبار الشركه اليوم
ابتسام: اليوم كان هادي محصلش شغل كتير محمد بيه جاب لحضرتك كتالوج وكان معاه الانسه ضحي
نور بهتمام: اعتذرتيله بالنيابه عني
ابتسام: حصل يا باشمهندس
نورمسح بين عنيه: فيه حاجه حصلت تانيه
ابتسام: ايوه الانسه ضحي سألت عن ذات
نور: وانتي رديتي عليها بأيه
ابتسام: قولتلها الحقيقه ونسيت خالص ان الانسه ضحي اخت مدام ياسمين عشان كدا معرفش الموضوع هيبقي كبير بالنسبه لك ولا ايه
نور كأن جبل اتهد فوق راسه اختفى لون وشه و بان عليه الخوف وقف بسرعه: تمام اقفلي انتي دلوقت
نور اغلق وبقي مش ع بعضه وحاسس انه بدء يتخنق ومشعارف يعمل ايه ولما حس انها جايه راح قعد ع التربيزه وحط رجل فوق التانيه وسحب المانيو يفر فيها عشان يبان انه طبيعي ياسمين جات من وراه وبصتله نظره مش مفهومه وأأعدت قدامه بكل هدوء
نور عيونه في المانيو: ياسمين تحبي تحلي بأيه ولا تاخدي فاكهه شاركيني واختاري
ياسمين: ياتري عندك حاجه مخبيها عليا
نور حط المانيو وبصلها ومثل انه مستغرب : ليه بتسألي كدا فجأه
ياسمين بجديه اكتر : رد فيه
نور حس ان فيها حاجه مش طبيعيه: ايوه فيه
ياسمين حطت رجل فوق التانيه وربعت ايدها قدام صدرها ورجعت للاسلوب الجمود: قولهالي
نور بانت ملامح الجديه على وشه ورجع بجسمه ع وري: ذات جات الشركه تطلب شغل
ياسمين رمشت كتير وكأنها بتستوعب وقلبها بيدق بسرعه
نور دفع جسمه لقدام: بس احنا رفضناها وبقت تيجي كل يوم بتحاول تخلينا نتحرج قدام الموظفين فنقبل بس احنا صممنا
ياسمين: وليه مقولتليش
نورفضل يهز رجليه دليل ع توتره : لان فكرت ان الامر مش مهم عشان كدا مقولتلكيش
ياسمين وايديها تترعش من الانفعال : اممم مش مهم
نور خاف منها وخاف عليها مسك ايدها يطمنها : اهدي انا وبابا مش بنفكر نوظفها اصلا في كل الاحوال عشان كدا مقولتلكيش وحاجه كمان الاحسن مقولكيش طالما انا واخد قرار انا وبابا
ياسمين سكتت شوي لكن لسه محتاره
نور : بس متقولليش انك خارجه من الحمام وشك مكشر عشان كدا ياسمين ده امر مش مهم اطلاقا انا بسميه جنون لواحده بتعاني وبتعمل اي حاجه عشان تنجي نفسها من الانحدار فمتشغليش بالك
ياسمين هزتله دماغها بـ لاء
نور بصوت حزين: اوك انا اسف بجد المره دي لاني مقولتلكيش بس اوعدك هقولك كل حاجه مهمه او لاء هقولك المهم عندي متزعليش
ياسمين بوش خشب: وده الافضل ليك وليا مش تقولي بس كمان تقولي الحقيقه وبلاش تكدب
نور اتنهد : حاضر_قام ضمها_ حقولك الحقيقه كلها مفيش كدب سواء مهمه او مش مهمه
ياسمين بتحاول تحرر ايده عنها بهدوء
نور شدها عليه: بلاش تكشري وبجد مش عايز نتخانق
ياسمين بتحذير: انا هستسلم المره دي لانك قولت الحقيقه بنفسك لكن لو كنت سألت وانت مجوبتش صدقني الامر مكنش هينتهي بسهوله
نور مسك وشها بأيده: مفهوم بس انا قولت لك انه امر مش مهم عشان كدا مقولتلكيش مكنش قصدي اخبي عليك_عض انفها_ احنا بنفهم بعض بلاش تزعلي ولو فضلتي مكشره في وشي كدا هبوسك قدام الناس
ياسمين اتحرجت : ابعد فيه ناس كتير انت مش بتتحرج
نور ارتاحت ملامح وشه شويه وابتسم : طب احضنك وبجد مش عايز ازعل معاكي_حط دماغه ع صدرها وكأنه طفل خايف يفقد امه _ ماشي يا روحي وقريب لما تمشي صحبتك هنرتاح ومش هيبقي فيه حاجه تزعجنا
ياسمين ماحبتش تضغط عليه اكتر لانها مقرره هتعمل ايه وتتصرف مع ذات الكدابه ازاي وقالتله: يالا نروح بيتنا
نور وقف وسحبها معاه من ايدها: يالا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
