رواية ذات الوجهين الفصل التاسع 9 بقلم منة محمد
رواية ذات الوجهين البارت التاسع
رواية ذات الوجهين الجزء التاسع
رواية ذات الوجهين الحلقة التاسعة
في المطعم
ذات بسخط : ليه حظي اطران كدا الايجار وقسط العربيه كله بقي فوق دماغي انا بعت كل شنطي لكن لسه مجوهراتي بس حتي دي لو بعتها كلها مش هتغطي حاسه اني مضغوطه
ياسمين: مش شايفه ان العربيه الي بتركبيها غاليه جدا بيعيها واشتري عربيه صغيره ارخص شويه وبخصوص الشقه اجري غيرها اصغر وايجارها هيقل شويه
ذات: مستحيل اغير حياتي كدا من يوم ما اتولدت وانا عايشه كدا ولو اتغيرت فجأه ده هيكون صعب عليا منهم لله امي وابويا لانهم ربوني ع الدلال
ياسمين بلوم وعتاب: ذات ازاي ترمي عليهم اللوم بالشكل ده كدا حرام
ذات بتهكم: حرام عليهم هما الي ربوني ع الدلع وبعدين انا ذنوبي كتير مش هتفرق كمان واحد
ياسمين بضيق: كفايه يا ذات بجد كفايه كل ما هتتكلمي اكتر كل ما هتغلطي اكتر المهم مش جعانه تحبي ناكل حاجه معينه تعدل مزاجك قولي انا معايا فلوس
ذات شافت الشنطه ووسعت عيونها بدهشه: الله الشنطه دي جميله اوي هاتي اشوفها
ياسمين ادتهالها
ذات: جبتيها منين دي غاليه اوي وماركه بس مش كنتي بتقولي مش بحب اضيع فلوسي
ياسمين حطت ايدها تحت خدها وببتسامه: ومازلت بقول لكن نور اشترهالي ولو رفضتها هيزعل مني ويهدد يشتريلي اكتر من شنطه عشان كدا استخدمتها
ذات: تمنها كام
ياسمين رفعت كتافها لفوق: معرفش يمكن الف
ذات بقهره وحسره: لاء تعمل اكتر من المبلغ ده بكتير
ياسمين بعدم اهتمام: يمكن يله ناكل جوعت اوي
ذات بصتلها وسرحت بينها وبين نفسها: ليه واحده زي ياسمين تاخد كل حاجه الدنيا دي مفهاش عدل ولا انصاف
…………..قصص منه محمد كاتب………
نور مغمي عيونها وممشيها قدامه وهي سألته: نور انت بتعلب لعبه ايه
نور بتحذير: اياك تفتحي هخنقك واياك تغشيني
ياسمين بعد كام خطوه: ممكن افتح
نور: لسه شويه ومتأكد بانك لما تفتحي عينك هتكوني متفاجئه جدا
ياسمين: حمستني
نور: هعد واحد اتنين تلاته فتحي يا مهلبيه
ياسمين فتحت ورمشت بعيونها : الله عربيه جميله اوي
نور : اشترتها عشانك
ياسمين بضحكه جميله : بتهزر صح مش بتتكلم جدا
نور: ليه سبق وكدبت عليكي
ياسمين: بس دي غاليه اوي يانور
نور: وانتي عندي اغلي منها ولو كانت بكل فلوس الدنيا هشتريها عشانك
ياسمين: ربنا يخليك ليا يا احلي حاجه في حياتي
نور طلع المفتاح وحركه بشقاوه قدامها: كل سنه وانتي سعيده معايا
ياسمين اتشعلقت في رقبته: بحبك اوي يانور
نور فك ايدها:لاء يما محتاج دفعه تحت الحساب عشان تاخدي مني المفتاح(مد خده) بوسه
ياسمين قربت منه خطف شفايفها في بوسه طويله مهلكه
نور بعد عنها وضحك: ايوه كدا نركب العربيه ونجربها
ياسمين جريت من قدامه ع العربيه بسعاده: يله بينا
نور فتح الباب جنبها: انا هقعد اتفرج عليكي
وهما ماشين قابله ضحي جايه من الفرن اخدوها معاهم بكيس العيش ونور اتصل بمعتز يركب معاهم!!!
معتز نزل شافهم واقفين بصلها وابتسم : هاي ياضحي ازيك
ضحي بدلته الابتسامه: الحمد لله بخير
ياسمين: معتز انت مسلمتش عليا وكدا يبقي اهمال
معتز: انتي عندك نور ليه اضيع وقتي واسلم عليكي
نور نغزه في كتفه: ايه الرخامه دي ده انت غلس وعليك رخامه غير طبيعيه اتهبب اركب
الكل ركب وياسمين بدئت تمشي بالعربيه
معتز بملل:ياسمين اظن العربيه جديده ممكن تمشي بسرعه اكتر من كدا
ياسمين: منا ماشيه اهوه
معتز بغيظ: ماشيه ع الستين كدا بتهيني الي صنع العربيه ولازم يجي ياخدها منك
ياسمين قافشه في الدركسيون بخوف: انا مش بحب اجري ده خطر
معتز: الخطر انك تبطئ لان غيرك هيشوطك عشان يكسر عليكي ويقف يزعقلك ومش بعيد يشتمك ويقولك أبو اللى علمكوا السواقة
ياسمين : اسكت بقي خليني اركز
معتز شخط في نور بغل:وانت كمان ما تجبلها دبدوب تلعب بيه يومنا كدا هيعدي في سنه
ضحي ضحكت اوي: قصدك هنوصل بعد الف سنه
نوربتشجيع: دوسي يا روحي ع الـ 100 وانا معاكي
معتز زقها بحرف الفون: اتحركي ده انا هعجز ع ماتوصليني
ضحي ضحكت: لاء دقنك بس الي هتعجز
ياسمين بدال ما تدوس بنزين حطت اديها علي عنيها وداست فرامل معتز مسك الشباك بخوف
ياسمين هرشت في دماغها بحرج: اسفه
نور:بس يانيله متوترهاش نشغل ياحبي موسيقي نغير الجو
معتز :قصدك نشغل سلم ع الشهداء الي معاك
نور ابتسم و شغل موسيقي وياسمين اندمجت في الجو وسابت الدركسيون وفضلت ترقص نور بسرعه مسك الدركسيون
معتز صوت: هو انا اتجننت اركب مع واحده ست
ياسمين: مالها الستات بقي
معتز: كل البلاوى من سواقة الستات انا امشي وري تريلا اهون من ست سايقه
ياسمين: شايف صاحبك المتنمر
نور : غيظيه ياروحي وقوليله موت بغيظك احنا الستات حلوين وشاطرين وواثقين من نفسنا كبه
ياسمين: لاء انا هرد عليه بقوه انت تعرف كام بيت مفتوح على حس سواقة البنات والستات فى مصر؟السمكرية والميكانيكية والكهربائية والبوهيجية والعفشجية وبتوع الكاوتش و…
معتز بسخريه: ما هو لازم ليه لان كل ما تسوق تدخل في عمود في رصيف يا بنتي ده انتم حولتم العربيه لورشه للميكب اب او محل دباديب والنبي اسكتي
نور: اسكت انت لخليها تشيلك شيل من ع الارض
ياسمين ركنت ع جنب: هيييه وصلنا
معتز فتح الباب ونزل : الحمد لله هو انا وصلت لبيتنا بجد
ياسمين بسعاده: ايوه حمد لله بالسلامه
معتزكشر فيها: سلامه يا واكله ناسك نصيحه خالي نور يسوق وانتم مروحين ده لو عايزين تعيشوا وتكملوا
نور نزل وراه وبصلها: حبي هناخد من بيت معتز ورق مهم استني هنا مع ضحي
ياسمين: تمام هندخل نشرب عصير
نور: زي ما تحبوا وهرن عليكم
معتز: يله فاضل لي تكه وارجع معدتي قلبت من سواقه مراتك
نور بصله بغيظ وشر: لو اتريقت تاني عليها هجبلك الطرش والعمي والشلل
معتز اتحرك بسرعه البرق من قدامه: هو انت مقرر تعملي عاهه والسلام
نور:سمسمه متسمعيش كلامهم دول بيحبطوكي يله ادخلي استنيني
ياسمين : حبيبي متغبش عليا
نور بهمس: لو هغيب بحبي سايب قلبي عندك وع فكره انتي جميله اوي وانتي بتسوقي
………..قصص منه محمد كاتب………
ذات لمت كل متعلقاتها في شنط ونزلت بسرعه تهرب من المكان
صاحب الشقه: استني بتتسحبي كدا ورايحه فين
ذات بوقاحه: عايز ايه ليه بتوقفني انا لميت حاجتي وماشيه ليه تناديني ولا عاوزني افضل مده كمان
صاحب الشقه: لاء ياختي عايز المفتاح
ذات رمتهوله علارض: خد الزفت مين عايزه
صاحب الشقه: وفين الشهرين المديونه بيهم
ذات ركبت العربيه: هبقي ادفعهم
صاحب الشقه بعصبيه: امتي هتدفعيهم
ذات: هدفعهم انا عندي فلوس في البنك كتير
صاحب الشقه مسك الباب: استني هنا امتي
ذات: قلت هدفعهم اتحرك من قدامي
صاحب الشقه بتهديد: اياك متدفعهمش انا عندي ناس تاكل الزلط وتشرب وراه ميه النار
ذات حركت العربيه لكن فيه عربيه وقفت قصادها عرقلت طريقها ونزل منها شخصين
ذات نزلت بهجوم: انت مجنون ليه وقفت في طريقي
العامل: انا مش مجنون بس انتي مدفعتش القسط زي ما متفقين وهاخد العربيه
ذات : وازاي هنقل حاجاتي
العامل: ميخصنيش وهاخدها للشركه حالا
ذات حلقت ع جسم العربيه بجنون: لاء دي عربيتي
العامل شدها بقوه: هاخدها اوي من السكه
ذات رجعتله تشد فيه: لاء مش هتاخدها
العامل زقها وفتح العربيه من وري وفضل يحدف في الشنط وذات بتصرخ فيه بجنون
ذات: لاء عربيتي ملكي
العامل اخر ما زهق رماها علارض وشنطها وركب العربيه وذات مسكت في الباب وتصرخ انها عربيتها ومستحيل ياخدها منها لحد ما سحلها وطلع بيها
……….قصص منه محمد كاتب………
ذات لمت حاجاتها وركبت تاكسي وراحت لحكمت الشغاله الي رحبت بيها
حكمت شايله الشنط وبتهليل: اتفضلي يا بنتي هنعيش كلنا سوي هنا ومفيش داعي تدوري ع مكان تاني
ذات وزعت عيونها ع البيت المتهالك: مش هفضل هنا كتير لما القي مكان تاني همشي بسرعه لان المكان هنا صغير والحاره شعبيه
الفت بنت حكمت خرجتلها: لو البيت صغير والحته شعبيه امشي دلوقت
حكمت قرصتها: الفت
حكمت ابتسمت لذات بحرج:وبعدين يا بنتي خليكي وسطينا هنا الناس طيبين وكل عيونه ع التاني ومتخافيش هتنامي في اوضه الفت
الفت عوجت بؤها مش عاجبها النظام: وانا انام فين فوق السطوح
حكمت: لاء هتنامي معايا
الفت شوحت بهمجيه: ماما كدا الوضع بقي يطهق
حكمت: خليكي بسيطه ونساعد بعضينا ومتعمليش مشاكل
ذات واقفه تبص لـ الفت بغرابه من شكلها وطريقتها الهمجيه السوقيه
حكمت بهدوء: يله يا بنتي خدي حاجاتك لللاوضه وانا هساعدك _رفعت شنطه
ذات اخدتها منها بخوف : دي هشلها بنفسي لانها غاليه
حكمت :خلاص هشيل التانيه وامشي ع الطرقه اول اوضه تقابلك
ذات بصت لـ الفت :طيب
الفت بغل شدت الشنطه من امها وجزت ع اسنانها:سيبي يما لما الاول تتعامل معنا بتواضع شويه لانها متعجرفه وشايفه نفسها لسه فوق
حكمت رمت الشنطه بنزعاج:خلاص حطتها اهدي بقي يابنتي بلاش تعملي مشاكل ارجوكي يا الفت نرد الجميل للناس الي كلنا عشهم وملحهم
الفت بصوت عالي متعمده: اماه اظن انتي رديتي الجميل بخدمتك لجيهان هانم في المستشفي وهي مالهاش جمايل علينا ولو اتكلمت معانا من فوق هضربها ع وشها
حكمت نفخت بزهق وشالت الشنط
الفت اخدتها وحدفتها بغل: قلت سبيي دي هنا مش هتشليها بدالها اظن عندها ايدين تتشملل وتشيل
حكمت بزهق:انتي عايزه ايه
الفت بخبث :ولا حاجه نخرج ناكل برا يله
حكمت بصوت واطي :هنخرج وفيه ناس عندنا
الفت بتحكم :مليش فيه انتي متفقه معايا من اول ما قبضت الجمعيه هتخرجي اعزمك ع الغداء برا
حكمت طبطبت عليها :يابنتي ما نقعد كلنا وناكل هنا وخلاص
الفت بزعيق: اماه يله يما نخرج ونبعد عن النحس بدل ما اقلبها دندرمه ع الكل
حكمت بصت لفوق واخدت نفس ورجعت بصتلها:امري لله استني اجيب الطرحه ونخرج
ذات كل ده قاعده خايفه ع السرير وفضلت توزع عيونها ع الغرفه المتهالكه وعيونها دمعوا
رايكم مهم اوي ع الحلقه ….وتعالوا نعيش رومانسيه لنور وسمسمه والفت ترمي الغسيل في وش ذات وطبعا محمد الكاشف لسه مكمل معانا
قاعد في غرفه ضلمه عتمه وماسك صوره ابوه وبيعتذرله كتير انه ضيع شقي عمره الي تعب وكد عشان يبنيهلوه ويعيش مستور طول عمره وهو بكل بساطه ضيعه ونزلت دموعه
ماهي فتحت الباب وشغلت النور وبصتله لقت عيونه حمره دليل انه معيط كتيرقربت منه : محمد ما تيجي تقعد معايا برا
محمد غمض عيونه : مش عايز
ماهي قربت وقعدت جنبه وبحنان الدنيا: انت من يوم ما اتقفلت الشركه وانت حابس نفسك تعالي نخرج في اي حته ناكل ويمكن تقابل فرصه شغل جديده
محمد نزلت دموعه وبصوت مبحوح موجوع كله قهره: مش عايز اروح اي مكان انا ممعيش مليم عشان حتي اتحرك بيه مش عشان اكل واشرب انا بقيت مفلس
ماهي مسكت وشه ومسحت دموعه وبصتله وابتسمت : انا معايا هروح اشتري اي حاجه ناكلها هنا سوي
محمد ضغط على ايدها براحه: ارجوكي يا ماهي متزودهاش عليا روحي وسبيني لوحدي
ماهي طبطبت ع صدره بأحباط : طيب انا خارجه وهقابل عميل بيدوري لي ع شغل لو احتجت اي حاجه اتصل بيا اجبهالك
محمد هنا فقد قوته والسيطره ع وضعه المهين وبكا زي الطفل الصغير بكا بصوت عالي
ماهي خدته في حضنها ونزلت دمعه من عيونها عليه: زمان انت اهتميت بيا وجه دوري متخدهاش بحزازيه
وخرجت من حضنه وقامت وبصتله بحزن وخرجت واغلقت وراها الباب !!!!! وهو قرر ينزل وراها يجيبله اي سندوتشات تسد جوعه
……………………….
نور بعد ما ساب ياسمين وراح لبيت معتز الي طلع قبله يجيب الورق ونور صمم يستناه في الشارع بيلف بعيونه شاف محمد خارج من محل ومعاه كيس سندوتشات وهيركب توكتوك محمد شافه وبقي واقف مش عارف يودي وشه فين ونور حس بيه كسر عينه عنه
محمد وقف وابتسم بحزن وراح عليه: ازيك يانور
نور اكتفي ببتسامه حزينه ع بهدلته: ازيك انت يا محمد
محمد: هركب توكتوك اصل عربيتي اتعطلت عشان كدا طلبت من صاحبه يوصلني عامل ايه
نور: انا كويس وانت عامل ايه
محمد حبس دموعه: انا كويس وكويس اوي اعذرني لازم امشي
محمد اتحرك شويه ورجعله: انا كدبت عليك انا معنديش عربيه بعتها عشان اسدد الديون ومبقاش حلتي اللضا عشان لو بتسأل عن حالي اقدر اقولك عدم وهكافح من اول وجديد_لف يمشي_
نور :استني يا محمد لو اقدر اساعدك قولي او اتصل بيا انا تحت امرك
محمد بنكسار وذل: متشكر
محمد مشي ومعتز نزل نور سأله: انت اتاخرت ليه
معتز: دخلت الحمام من مراتك كانت هتخليني اعملها ع روحي
نور ضربه ع جبينه: عارف هركبلك قرنين حمار لو مبطلتش ألش عليها
معتز كشر: خلاص هبطل بس سؤال محيرني بشده ياتري ياسمين هتكمل مع العربيه
نور شده من التي شيرت بغيظ: اكيد يله بينا
……..قصص منه محمد كاتب………
ياسمين اتصلت بزمايلها عشان تاخدهم لفه بالعربيه الجديده وهما بيتصوره قدامها فات توكتوك من جنبنهم
ضحي فتحت عيونها بدهشه: ياسمين مش ده محمد الكاشف الي راكب توكتوك
حنان بتسائل: مين محمد الكاشف
ضحي: ده جوز ذات
هبه بندهاش: وهو راكب توكتوك ايه الي حصله
ضحي عوجت جسمها عليهم بفخر: عندي فيديو يحكي الحكايه
هبه وحنان في صوت واحد: فيديو
ضحي طلعت الفون وشغلت الخناقه
ياسمين بصتلها بتحذير: كفايه كدا خلاص الموضوع خلص وميخصناش ضحي اقفليه
حنان: بس انا متفرجتش كويس افتحيه تاني
ياسمين بتهديد: ضحي امسحي الفيديو حالا ولو ممسحتهوش هقول لبابا وماما
حنان بتريقه: اسمعي كلامها وامسحي الفيديو لتخلي امك تلسعك بالشمعه (بهمس) بس قبلها ابعتهولي خاص
هبه: وذات عامله ايه
ياسمين اتنهدت بحزن: حالتها صعبه اوي مفلسه ومش عارفه عايشه ازاي
نور دخل بوش حزين: ياسمين عارفه شوفت مين
ياسمين هزت له دماغها: ايوه محمد الكاشف
نور حط ايده الاتنين في جيوبه: شوفتي حالته
ياسمين: صعبه اوي
حنان: محنا عشان نفهم لازم نشوف الفيديو
معتز تدخل: فيديو خلوني اشوف
هبه وقفت قدامه تمنعه:ولا حاجه مش كدا يا حنان حنان: كدا يا ريسه
نور بهمس ليها لوحدها: لما شوفت محمد دلوقت عرفته بصعوبه شكله متغير
ياسمين: فعلا شوفته بتخليني افكر في ذات قاعده في شقه لوحدها وسابت الشغل ومش عارفه هتكمل كدا ازاي
نور بصلها اوي وخاف عليها منها من طيبتها وعاطفتها الزياده لذات تستغلها لحد ما تقضي عليهم!!!!!!
……………………..
قاعد ضممها تحت درعاته وبيتفرجوا ع اول برنامج من وري الميكرفون وياسمين سعيده بأسلوبها وردودها وهي بتوصف السعاده الزوجيه وقد ايه هي محظوظه في اختيار شريك حياتها وبعد انتهاء الحلقه
نور صقفلها بقوه: ممتازه جدا ومش بجاملك انتي فعلا شاطره وليك طله وحضور حلو ع الشاشه ودي تعتبر اولي لقطه وحبيبه قلبي قمر ع الشاشه ياناس
ياسمين: وايه رايك في محتوي الحلقه انا وهبه كتبناها سوي
نور مسك ايدها وباسهم برقه: ده انا اتأثرت عارفه لو معنديش جوزه كنت اخدت رقمك وكلمتك وطلبت ايدك ع الهواء
ياسمين: هتفضل تحبني كدا ع طول
نور هرش وري ودنه : مش عارف افكر
ياسمين قلضمت وربعت ايدها ونور قفل التلفزيون ولف ولعب في شعرها: ع العموم هبدء اهوه
ياسمين: تبدء ايه
نور بخبث: اني مضعيش الوقت( وقفشها ) اني هاكلك هم يا جمل
ياسمين بتعافر تتحرر منه : نور لاء احنا بالنهار
نور شقلبها بحيث تكون تحته: وانا بتفرق معايا انا عندي استعداد في اي وقت
مسك وشها بكفه وقربها منه وقرب شفايفه من شفايفها وباسها بشغف ورقه وهي لفت ايديها وري رقبته واتعمقت في البوسه وفي عز اندماجهم الجرس رن ياسمين زقته بسرعه:ماما نورهان جات وانا لازم افتح الباب
نور شدها عليه وقعها في حضنه: مش متحركه من هنا
ياسمين بتزقه وقع من ع الكنبه وانفجر ضحك وياسمين ضحكت معاه ورمتله بوسه في الهوا وجريت للباب!!!
نور طلع سلم ع امه بعد ما هندم نفسه وباس ايدها وخدها
نورهان بحنان امومي: عامل ايه يا روحي
نور: الحمد لله انا بخير وتمام (رفع حاجب) بس جايبه الشحروره دي معاكي ليه
عزه بصلته وشخطت فيه: الله يسامحك يابشمهندس انا مكنتش جايه من تريقتك عليا في الرايحه والجايه (ابتسمت اوي) بس جيت عشان خاطر ست نورهان والست الاستاذه الاميره ياسمين
نور: جري ايه يا عزه انتي هتعملي مقموصه قدامهم منا طول عمري بديكي ع قفاكي وعادي بتضحكي
عزه: طيب سبني اعيش الدور يعلم ربنا بحبك قد ايه
نور شهق بدراما وحط ايده ع صدره: وبتقوليها قدام مراتي دي هتدفنك في البدروم
ياسمين ضحكت وشدت عزه عليها: لاء دي حبيبتي واختنا الصغيره
نورهان: ندخل في المهم انا جبتلكم عزه هتفضل هنا تشوف طلباتكم
نور استغرب: وانتي يا ماما
نورهان مبتسمه: ملكش دعوه بيا انا هتصرف لاني مش عايزه ياسمينا تتعب بين الشغل والبيت
نور: براحتك طبعا وانا كنت هعمل ده من غير ما تقولي بس سمسمه دايما بترفض بس طالما عزه اظن روح قلبي موافقه
ياسمين: اكيد ع الاقل عزه واحده مننا
نور: حيث كدا هروح اعملكم شاي تشربي شاي يا ماما
نورهان: ياريت يابني ابوك خرم دماغي بالغزاله رايقه
نور ضحك اوي ع استيائها وجاي يتحرك ياسمين وقفته : استني انا اعمله
نور طبطب علي كتفها بحنان: لاء انا بحب اعمله بمزاج وانتي ياعزه روحي فرغي هدومك في الاوضه دي_شاورلها )
نورهان بفرحه: سمعت ان انتي وهبه مديرتك هتقدمه عرض اعلان لشركه ابو نور
ياسمين: ايوه يا ماما وهنعرضه ونشوف النتيجه
نورهان: المهم يا بنتي مش عايزاكي تجهدي نفسك كتير سيبي نور وهبه يشتغلوا وده كفايه انتي لازم تريحي جسمك انا وامك عايزين احفاد كتير
ياسمين وشها احمر وبكسوف قالت: انشاء الله
نورهان ميلت عليها: قوليلي بصراحه انتم منعين
ياسمين ردت بسرعه:لاء خالص بالعكس نور عاوز اطفال
نورهان: كويس اوعي تاخدي موانع يابنتي هاتي ولادك وانتي صغيره يكبروا في رجليكي انا مش بضغط عليكي بس عشان مخلفتش وربنا مرزقنيش بالضنا بس كان حنين عليا اوي لما عوضني بنور وعشان كدا نفسي اشيل ولاده واخدهم جوه حضني ويقولولي يا تيته ده كل الموضوع
ياسمين مسحت دمعت نورهان بحنان كبير: من عيوني هجبلك احفادك بأذن الله
………قصص منه محمد كاتب……….
ذات نايمه بكل اريحيه لقت شئ اتحدف في وشها بعنف
ذات قامت مخضوضه وبصتلها بغضب: ايه ده يا متخلفه
الفت: دي هدومك الوسخه يا روح امك قومي فزي اغسليهم ونضفيهم ونشريهم وترجعي تطبقيهم احنا مش خدامين اهلك هنا وهدومك الداخيه بعد كدا تغسليهم اول باول
ذات بوقاحه: امك بتعمل ده بنفسها وطالما مش بتغسليهم خليكي في حالك
الفت: شوفي ياحلوه يا اموره انتي متعرفنيش انا غير امي خالص فتحاوليش تقفي قدامي لو لسه عندك دماغ وبتفكر انا صبري عليكي له حدود
ذات: اتكلمي كويس نفس ما بكلمك ليه تقلي ادبك
الفت: لو عايزه تشوفي قله الادب ع حق هورهالك بس وقتها لومي نفسك واتحسري ع حياتك
ذات حدفتها بالمخده في وشها: اتلمي بقي
الفت : اتلم يا وقحه يا ام دماغ ظلط _شدتها من دراعها ) فوقي يما انتي عاله هنا ولا بتمدي ايدك في اي حاجه وانا طهقت منك ومن غرورك وانزحتك
ذات بصتلها من فوق لتحت: وانا مش هفضل هنا اول ما القي مكان احسن من ده همشي ع طول
الفت شدتها تاني وبردح: ياريت تلاقي بسرعه وتغوري في اي داهيه احنا مش ناقصين علل
ذات صرخت فيها وزقتها بقسوه في صدرها : امشي اطلعي برا
الفت صرخت فيها : بتطرديني من بيت اهلك بس هخرج لاني ممكن امد ايدي اشرحك
ذات ضربتها بالهدوم: غوووري
الفت هجمت عليها تضربها: ده بيتي
ذات زقتها من فوقيها: اطلعي برا يله برااااااا
الفت قلبت عيونها بنظره شر: خارجه بس وحياه امي منتي واكله النهارده ولو امي حطتلك لقمه هأكلهالك من عين الحمام وهتشوفي الفت هتنفذ ازي
ذات عدلت شعرها وخافت تنفذ تهديدها فقررت تلبس وتخرج تاكل برا متعرفش انها هتقابل نور الي مسح بيها البلاط!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
