رواية ذات الوجهين الفصل الأربعون 40 بقلم منة محمد
رواية ذات الوجهين البارت الأربعون
رواية ذات الوجهين الجزء الأربعون
رواية ذات الوجهين الحلقة الأربعون
ياسمين رجعت البيت حطت العلبه ع السفره وأأعدت وفتحتها وشالت السلوفان ولسه هتاكل منها سمعت صوت ابوها وامها زقتها بعيد عنها
زبيده سحبت الكرسي وئعدت قصادها: ممكن اسألك سؤال
ياسمين: خير يا ماما
زبيده: ضحي فعلا مسافره ايطاليا
ياسمين بستفهام: ايوه هي قالتلكم
ابوها: ايوه قالت لي وجريت تحضر الفيزا وانتي كنتي عارفه من مده
ياسمين: من ايام بسيطه
زبيده ضربت السفره: وليه مئلتليش كلمه واحده مستنيه ع اخر لحظه وياتري هتفضل هناك
ابوها: طيب فيه مشكله في الشغل لانها في الفتره الاخيره هاديه وساكته دي مش ضحي صاحبه النكته والفكاهه والمقالب وع طول مكشره وحزينه ولما اكلمها تلتفت لي بالعافيه لازم فيه حاجه
زبيده: دي حتي بترفض تخرج معايا زي الاول دي كانت بتسبقني عند الباب اكيد فيه حاجه يابو ياسمين
ياسمين: بس مفيش مشكله في المطعم بس انا لاحظت كله الي قولته وفيه حاجه مخبيها واحنا منعرفهاش
زبيده: لاء بنتي تئعد في حضني اه يابو ياسمين ( شدت العلبه عناد في بنتها) خد بقلاوه جابها نور كول تضيع التوتر
ابوها داق منها : الله حلوه اوي
زبيده بتاكل وتستطعم بمزاج: دي لذيذه
ياسمين موزعه نظرات ما بينهم وعيونها هتطلع ع البقلاوه
زبيده بجديه: لما ضحي ترجع لازم نتكلم ياخويا
ابوها بياكل: طبعا وكلي البقلاوه كلها حلوه اوي دي بالكريمه
زبيده ابتسمت له: ليه هو انا هخالي فيها
ابوها: اه ياسمين دي غلط عشانك متاكليش منها دي ليا انا وامك
ياسمين حطت ايدها تحت خدها و زمت شفايفها لقدام وكشرت زي الاطفال
………قصص منه محمد كاتب……….
لقاه حد بيخبط ع الباب فتحه لقاها هي جاي يقفل في وشها منعته ودخلت!
ذات مسكت دراعه وبرجاء مسحوب بدموع: فريد ارجوك اسمعني
فريد شد دراعه منها وبعد كئنها وباء معدي!
ذات رجعت مسكته تاني: اتوسل اليك اديني فرصه تانيه والمره دي مش هسببلك مشاكل ومراتك مش هتعرف عننا اي حاجه انا هقفل بوئي ونتقابل لما انت تحب وانت عارف انا عايزه ايه!!
فريد بصلها بنظرات كلها استهزاء: كله عشان الفلوس (شد ايده منها بصلها بقرف ) اظن قولتلك انا بزهق بسرعه ومش بحب افضل اكل نفس الاكله
ذات برجاء وتوسل: بس انا بجد مش عارفه اعيش لاعندي شغل وتقريبا معيش فلوس ومش عايزه ارجع بيت عايله نور بيفضلوا يهنوني وبجد معنديش مكان أئعد فيه
فريد حط ايده في جيبه و سألها بأسلوب بارد : ومطلوب مني ايه
ذات: انت ليك علاقات كثيره شوف اي حد فيهم يشغلني
فريد رفع حاجب وبخبث: هو في الحقيقه فيه
ذات ردت في لهفه: بجد
فريد: والشخص ده انتي تعرفيه وهو مهتم بيكي وامبارح سألني عنك تحبي تقابليه تاني وع فكره عازب يعني معندوش زوجه تيجي تسحلك وتضربك
ذات بنرفزه: انت بتبعني لراجل تاني انا مش ركلام ولا بنت ليل انا بس محتاجه فلوس وبطلب تساعدني
فريد: كل الي عيزاه فلوس مش كدا تفرقي ايه عن الركلام الي تبسط الزبون وتاخد فلوس
ذات انتفضت بغضب ورفعت رأسها وصرخت فيه في انهيار ورفعت ايدها تضربه بالقلم
فريد علق ايدها في الهواء وبنظرات شرسه: انتي مومس شمال كل همها الفلوس لانك بتعبديها اتجوزتي محمد لانه كان ثري واكتر ابهار من نور وبعد ما فلستيه بقي نور مبهر اكتر منه وسبتي محمد وجريتي لحبيبك القديم ولفتي عليه حتي سرقتيه من صحبتك الانتيم وحملتي منه غصب من غير خشا ولا حياء للصداقه (زاد من ضغطه على دراعها و قال بإصرار) وانا مش هسميكي ركلام ولا بنت ليل انا هسميكي بأسم يسعدك مرحاض عامه ده كويس( زقها) هو نفس المعني
ذات: لو مش هتساعدني مش من حقك تهني _ راحت اتجاه الباب_ وانا مش ركلام ولا يمكن ابقي كدا
فريد: بس لا يمكن ترفضي عرضي
ذات رجعتله تاني من عند الباب
فريد طلع موبيله واتصل: اديني يابني ولي نعمتك ,,,باسم ايوه عندي حلاوه لطيفه عشانك,,,ايوه الل* بوه الي قولت مهتم بيها …تمام هجبهالك زي ما اتفقنا سلام
ذات: زي ما اتفقتوا ايه المعني من ده
فريد: المعني ان انا اتفقت مع باسم يجي يعينك وهو جه ورانا الليله اياها انتي مفكراها صدفه
#فلاش_باك
باسم ضرب كف فريد وضحكوا الاتنين بستمتاع
باسم: خلينا نتكلم بصراحه انا مهتم بالست دي شكلها دلع ست ثمنها تقيل وانا بحب التحدي
فريد: موافق بس لما اشبع انا الاول هرمهالك ده اكيد
باسم اخد نفس من سيجارته الكوبي: طبعا انت عارفني انا مش بحب جو الصعبنيات والنسوان الي بيبيعوا لحمهم اصل ابويا مريض امي مكسحه ممل جدا
فريد ابتسم: لاء اطمن دي فقيره من الطبقه العليا بس ارخص فقيره ولسه فخوره بكرامتها
باسم ضحك واتك بسنانه ع صوابع ايده بستمتاع: اه احب اوي اوي ده
فريد: وانا عارف ده
باسم: احكيلي حكايتها عشان اعرف اتعامل معاها
#باك
ذات عيونها وسعت وبصتله بحده: يعني انت بعتني في اليوم ده
فريد رفع حاجب بسخريه: عليكي نور
ذات صرخت في وشه : انت حقير
فريد بصلها بنظرةٍ قوية: وانتي متأكده انك مش عايزه باسم عرض 2 مليون للبدايه ولو كان ادائك هايل وعجبتيه وقتها الفلوس عنده مش هيبقلها حدود وهيديكي فيزا مفتوحه عشان تستحقي بيها تكوني بني ادمه ع الاقل عشان متجريش تتسولي المال من راجل جديد ده مش راقي لواحده مستواها عالي زيك
ذات عيطت بصوت ونحيب ووشها احمر
فريد رفع صوباعه في وشها : لو عايزه تمشي غوري بس مترجعيش ليا تاني
ذات فضلت واقفه مكانها ولا قالت كلمه ولا حرف
فريد سحبها من دراعتها وقربها منه وفضل يهز فيها جامد : تمام! عندي ليكي فستان جميل تلبسيه وصلحي خلقتك بميكب اب بس بلاش يبقي جريئ لانها بتظهرك رخيصه باسم بيحب الحاجات الراقيه الي ليها قيمه
ذات عضت ع شفايفها وبكت بقهر فريد ذقها رجعت علي وري واتصل يطلب من سكرتيرته فستان بمجوهراته ورجع بصلها بقرف العالم وسابها وطلع ع فوق بكل برود العالم
ذات وقعت بقوة على الأرض ودخلت في مرحله عياط بحرقه لانها بقت سلعه بتتباع بس الزبون مش ع مزاجها وافتكرت كلامهم
محمد=واحده زيك مستحيل نور يتجوزها
نورهان=قيمتك احنا عارفنها كويس انك حوثاله ,, والحوثاله ملهاش قيمه عشان غيرنا يشوفها
محمد= هستني اليوم الي مش هيبقالك فيه حد وهتبقي فيه لوحدك
ذات فضلت تهز دماغها وتعيط بحرقه وعضت على شفايفها من القهر ومسكت قلبها
…………قصص منه محمد كاتب……..
#ذات_الوجهين
قصص منه محمد كاتب
محمد بحيره: امبارح ياسمين لمحتلي بكلام غريب
عمته بتقشر البطاطس :اظن لازم تسأل قلبك ايه القصد من الكلام الغريب مش تيجي تسألني انا ,, انا مش هجاوبك
محمد مسك دماغه وحك جبينه: انا حاسس اني مشوش عارفه لما ياسمين كدبت لما سألتها بتحبي نور وردت عليا برد انا بيه مش مقتنع وحاسيت اني زعلت انها بتحبه بس مش الزعل الي يموت زعلت عادي وحسيت اني مرتاح وانها مش لازم تبصلي كحبيب
عمته: انت محبتهاش يامحمد زي ما توهمت انت روحتلها عشان صعبت عليك من الي عملته فيها ذات واعجبت بشخصيتها الطيبه وابتسامتها البشوشه
محمد فكر ثواني واتنهد ورد : يمكن لان فعلا لو ياسمين رجعت لنور انا بجد هبقي سعيد عشانهم لان نور اثبت انه فعلا مش بيحب ذات واتحمل كتير لحد ما يرجع لياسمين ثقتها فيه وهي هترجعلوا عشان بتحبه هو بس مجرد وقت!
عمته: يارب يابني وانت دور ع اجابه لقبلك وريحه فكر مين فعلا الانسانه الي انت بتحبها
محمد بزهق: عمتي انتي ليه بتكلميني بالالغاز وتخليني اقعد افكر وانا بكره اصلا التفكير وصدقيني بحاول اعرف هي مين بس مفيش اجابه لو انتي عارفه قوليلي هي دي متلعبيش معايا رجاء ياعمتي
عمته قامت: لازم اقوم احط البطاطس في الميه لتسود
محمد: بطاطس ايه (شخط فيها) اقعدي ياعمتي كل ما نيجي نتكلم تهربي مره بالرز ومره بالبطاطس
عمته بصتلوا وسابته ومشت
محمد اتك ع اسنانه بغيظ: ماشي يا عمتي
الرويا دي انا الكاتبه منه محمد كاتب وع مدونتي الشخصيه
………قصص منه محمد كاتب……….
نور نايم قاعد وابنه في حضنه راسه ميلت لتحت اتعدل وبص لمازن وسأله: عامل ايه انت صاحي ياعكروت_ جث حرارته واثاوب_ حبيبي هتخف قريب
نور قام عملوا كمدات والطفل فتح في العياط بصوت عالي ونور ملخوم مش عارف يعمل ايه او يسكته ازاي
نورهان دخلت مفزوعه: ماله مازن
نور: حرارته مش عايزه تنزل هنعمل ايه
نورهان: مكنش المفروض اصدق الدكتور لما قال الحراره هتنزل بالكمدات ع جسمه هاته يابني
نور باس خده بحنان: هتبقي كويس يازيزو
نورهان اخدته منه وجثت حرارته: يانهاري يانور حرارته عاليه
نور اثاوب وحدف جسمه التعبان ع السرير من الارهاق والتعب
نورهان قربت وجثت حرارته: ياعيني يابني ارتاحلك شويه وهنزل اجبلك دواء بس الاول اشرب كوبايه شاي باللبن وانا هاخد مازن عند الدكتور
نور حط دماغه ع المخده وحط ايده علي عينه بأرهاق وهمس بصوت كله نوم: متشكر يا امي
نورهان: بس يا ولا ده حفيدي يله يا زيزو نروح للدكتوره عزه
عزه: ايوه
نورهان بتتكلم بسرعه: روحي شغلي العربيه يله
عزه بقلق: طيب اعمل فطار للباشمهندس واديلو دواء
نورهان: لاء انا هجبلوا الدواء بنفسي والفطار (غمزتها) هتصرف
عزه قلدتها وغمزتها وبهمس: فهمتك يا لئيمه
نورهان بتهز مازن وبتغنيلوا اغنيه يالا بينا يالا يالا دى الشموسه طاله طاله وبتنده علينا
…………..قصص منه محمد كاتب……….
نورهان ركبت العربيه هي وعزه واتصلت بياسمين الي ردت علطول
ياسمين: اروح لنور واجبله دواء سخونه
نورهان: ايوه يابنتي انا اخدت مازن للمستشفي انا وعزه ونور سهران طول الليل معاه
ياسمين شهقت وقامت من مكانها بخضه : ماله مازن
نورهان: يظهر عنده حمي وحرارته عاليه جدا ونور فضل طول الليل صاحي معاه يعملوا كمدات ع جسمه ودماغه ويأكله ويهزه منمش ابدا يا ضنايا لو شوفتيه يصعب عليكي ويظهر اتعدي من ابنه وكنت هجبلوا دواء من الازخانه بس مازن ولع مره واحده وطلعت اجري زي المجنونه عالعربيه ونسيت نور خالص
ياسمين: حاضر يا ماما
نورهان: الف شكر يا سمسمه الباب مش مقفول تقدري تدخلي ارجوكي متهمليش الامر
عزه صقفت بحراره: برافو احنا لما نرجع البيت هفصلك مليكان من الدهب عشان انتي مقنعه فشخ
نورهان: مليكان من الدهب ده حرام اشتريلي ازازه كولنيا كفايه
اما ياسمين بعد اغلقت وبقت محتاره واخر ما زهقت مسكت ورده من الفازه الي قدامها وقطفت فيها اروح مروحش لحد اخر ورقه اروح فقررت تروحله
…………قصص منه محمد كاتب……….
ياسمين لبست بنطلون جينز ابيض ع بلوزه لبني وكوتش ابيض وراحت اقرب صيدليه واشترت الدواء وطلعت فوق وفتحت الباب لقته نايم في السرير وعرقان وشكله حرفيا تعبان قلبها اتعصر ع منظره قربت بهدوء وطلعت أأعدت جنبه وهزته بشويش: نور
نور رفع دماغه من ع المخده وفتح عيونه بصعوبه والرؤيه ضبابيه لحد ما فرك عيونه وشافها بس مجرد خيلات
ياسمين هزته مره كمان بهدوء: نور
نور فتح عيونه اكتر: ياسمين (اتعدل بسرعه) الطشيني قلم جامد
ياسمين بستغراب: الطشك قلم
نور: ايوه عشان اصدق انك جنبي عالسرير
ياسمين بصتلوا وبخبث قرصته في دراعه جامد ونور صرخ
نور: اه ايدك جامده وجعتني
ياسمين : احسن من لطشه القلم اصله هيوجع اكتر
نور فرك دراعه ورد عليها وهو مكشر بستياء : اوه بني ادمه قاسيه معندكيش ذره رحمه ولا شفقه
ياسمين: ها اتأكدت اني جنبك عالسرير
نور ابتسم : منا عارف انك حقيقه وجنبي عالسرير وايدك مرزبه ع فكره
ياسمين عايزه تبتسم ع كلامه بس منعت نفسها بالعافيه: ماما نورهان طلبت مني اجبلك دواء
نور بياخد منها البرشامه وكوبايه الميه
ياسمين شدتهم منه وسألته بهتمام: استني الدواء ده لازم تاخده بعد الاكل انت فطرت
نور رجع دماغه لوري وغمض عيونه بتعب: مازن نساني الاكل وبطني بتوجعني تقريبا من قله الاكل
ياسمين قلبها وجعها عليه: طيب هقوم اعملك الجبنه بالخضره الي انت بتحبها
نور مسك ايدها تقعد جنبه: استني هقدر انزل افطر تحت عشان متتعبيش وتنزلي وتطلعي عشاني (نام ع كتفها بستعطاف ) بس سنديني لقع انا مريض!
ياسمين بعدت عنها دماغه: نور اتعدل
نوربوهن: طب شدي ايدي
ياسمين قامت وقفت قدامه ومدت ايدها له ومسكت كفوف ايده الاتنين نور قام قرب ومسكها من وسطها وسحبها لصدره وضمها لحضنه اوي وياسمين بتحاول تحرر جسمها منه وبتزق فيه لأنها خايفه تضعف
نور قرب وشه من وشها وبصلها بنظره كلها حب ولهفه: كدا هقع
ياسمين قلبها دق بعنف و مصممه تبعده عنها: بطل تدعي
نور اتعدل بغيظ وبعد عنها: طب يله ننزل
ياسمين نزلت معاه وسندته وقعدته علي الكرسي وراحت حضرت الاكل وعيونه عليها بتتفحصها بشتياق دقايق هدوء عدت عليهم بس ما كانتش صامته…لغة العيون كانت بتتكلم وتحكي..وما وقفتش لحظه…وهي بعد ما خلصت الاكل راحت حطت قدامه
نور بصلها وبتعب حقيقي: ياسمين من فضلك تتكرمي وتأكليني بجد مش قادر اكل لوحدي
ياسمين قعدت واخدت من الطبق واكلته بالمعلقه وهي بتبعد عيونها عنه
نور اخد منها وابتسم لها ومبسوط انها معاه وهي مكشره فيه ومعتبره كل شيء منه سخيف وتافه
نوربصلها وابتسم ابتسامه جميله: عارفه حلو اوي انك لسه بتقلقي عليا
ياسمين رمت المعلقه في الطبق وشخطت فيه: مين قال انا مش قلقانه عليك انا بقوم بواجبي في حق الجار وبس وبعدين انا حتي ولا مهتمه حرارتك عليت نزلت وان شاالله دخلت في الانعاش وتموت
نور كشر اوي: انت ليه قسيتي عليا من تاني
ياسمين : قاسيه والي عملته فيا قبل كدا تسميه ايه
نور: غشوميه حميريه تفكير كلابي
ياسمين هنا مقدرتش تمسك ضحكتها وفقعتها وهو داب مع ضحكتها الحلوه
نور بص في عيونها: لو هنت نفسي تاني وهتضحكي اكتر عندي استعداد اشتم نفسي للصبح
ياسمين: ده اسميه جنون ومش هأكلك اظن عملت الي عليا ناحيتك بما يكفي ومتطلبش اي شئ تاني
نور: لا هطلب طالما استجبتي
ياسمين قامت وقفت بعصبيه: استجبت انا ماشيه
نور مسك ايدها الاتنين: ع العموم متشكر انك جيتي واهتميتي بيا
ياسمين بصتلوا كدا ونفسها تفضل معاه بس جمدت قلبها وسحبت ايدها ومشت ولفت وهي ماشيه تبص وراها ونور عارف انها محتاجه لفتره كبيره عشان تقدر تستعيد ثقتها فيه، وعارف بل متأكد انه مش سهل انها تنسي كدبته الي صدرت منه في حقها ونتجت عنها طفل 👶 عشان كدا عارف انه محتاج يبذل معاها مجهود خرافي من الصبر والوقت لإقناعها بأنه فعلا اتغيّر، ويعيد بناء جسور الثقة من اول وجديد بينهم
رايكم وتعالوا بقي نقرب نور من ياسمنته في فرح هبه ومعتز ونفرح مع الثنائي المنتظر والحدق يارب يفهم قلبه رايح لفين ….. وذات وغاده واحداث في تصاعد مستمر
في غرفه في فندق فايف ستارز فريد دخل ومئنكجها في دراعه
باسم شافهم قام للتحيه والترحاب:سعيد بيكم
فريد ببتسامه: وذات سعيده بعرضك جدا (زقها قدامه من ضهرها)
باسم مسك كف ايدها يقبله كتحيه وهي سحبت ايدها منه وهي مكشره وتبصلوا بقسوه
باسم رفع نفسه وقال لفريد: سعيده لكن مفيش ابتسامه
فريد: ذات مش متعوده لسه استني هظبطهالك _قرب من دونها وهمس_ باسم عنده كل الي انت عيزاه وكل ما دلعتيه اكتر هيديكي اكثر حظ سعيد
فريد شاورله انه يهضمها بالهنا والشفا وباسم فهم لغه التحيه وهزله دماغه وفريد استأذن ومشي
باسم بهدوء: اتفضلي أأعدي
ذات أأعدت بس حزينه جدا ورفعت عيونها وبصتله: قبل اي حاجه خلينا نتفق انا مش من اياهم وجسمي بعرضوا للبيع
باسم ضحك اوي وسحب سيجاره وحطها بين شفايفه واخد منها نفس وخرجه علي مراحل وبعدين ابتسم: وانا مفكرتش كدا فمتحسيش بالاهانه انا شايفك ست مثيره وحبيت قربك
ذات بصتلوا من فوق لتحت
باسم اتجاهل نظراتها وكمل: وشايفك شئ جميل جدا وسعره غالي( طلع شيك من جيب بدلته وحطه ع التربيزه قدامها ) ومستعد ادفع
ذات شافت الشيك والرقم العالي رفعت كاس الشمبانيا كتحيه: في الحاله دي انا كمان سعيده بمقابلتك
باسم هو كمان رفع كاس الشمبانيا كتحيه: وانا سعيد اكتر بمقابلتك
ذات قامت بعد شويه لبست قميص احمر كله اغراء ومثير وخرجت لقته راقد عالسرير لابس روب رصاصي فقط راحت رقدت جنبه وحطت دماغها ع صدره وهو ابتسم ومره واحده شد شعرها بقسوه
ذات قامت مفزوعه من الالم بصتله وصرخت في وشه بغضب : ليه شديت شعري (ضربته بالقلم)
باسم عدل رقبته الي راحت يمين من قوه القلم وضحك بستمتاع
ذات بعصبيه: انت مجنون
باسم كشر وهجم عليها نايمها ع بطنها وطلع فوقيها ومسك شعرها رفعه لفوق ويشد فيه بغل واتك على سنانه بفحيح : الابتسامه تفضل ع وشك لما اكون معاكي ذات
وذات بتتألم من قوه الشد ومن هنا بدايه تعذيب لذات لحد ما تقضي ع نفسها هي بنفسها !!!!!
…………قصص منه محمد كاتب………
فريد طالع ع السلم لقاها واقفه ومربعه ايدها وسانده ضهرها ع الجدار منتظراه
غاده : ميرسي لانك اثبت انك مبتحبهاش لاء وسلمتها لباسم زي ما طلبت كدا بابا هيتبسط منك
فريد مسك كفها وابتسملها: وانا عملت كدا عشانك وعشان سياده الوزير
غاده برفعه حاجب: هايل انك حطيت عقلك في راسك وفكرت في مراتك شريكه حياتك ومسوتهاش بالرخيصه دي
فريد داعب انفها بأنفها وهمس جنب ودنها: حياتي هي اللعبه وانتي الحب الحقيقي وبعدين انا عارف انك بتحبيني نفس ما بحبك
غاده بأنفعال وغيره واضحه: اه بحبك بس المره الجايه صدقني معنديش يما ارحميني انا مفتريه ومحدش قدر عليا
فريد قرب منها ولزقها على الجدار وثبتها وشدها من وسطها لحضنه وقرب من رقبتها وباسها بقوه ومسك دقنها وباسها بقوة في شفايفها وهي استجابت ومبسوطه انها معاه
فريد مرر أيده على وشها: عشان كدا احنا ثنائي روعه
فريد قربها منه و باسها بقوة وحاوط ظهرها و فضل يبوسها
غاده فصلت البوسه وبعدته من صدره: مش هنا يله بينا ع اوضتنا
فريد مسح شفايفه من اثار الروج وهي لفت واتكت ع اسنانها واقسمت لتعيد تاهيله من اول وجديد!
…………قصص منه محمد كاتب…………
ياسمين قاعده بالليل فاتحه اللاب توب وبتتفحص اللقائات القديمه الباب خبط
ضحي دخلت: ياسمين ممكن اخد شنطه من عندك عشان سفري ايطاليا
ياسمين بصتلها شويه وبعدين قالت: بس انتي مش محتاجه تلمي هدومك وتسافري لاني عرفت الي بتحاولي تهربي منه
ضحي ضمت حواجبها اوي: قصدك ايه
ياسمين: قصدي انا ومحمد مش هنتجوز اصلا
ضحي تنحت: هاه! مش هتتجوزيه ( جريت عليها اول ما سمعت كدا ونطت جنبها عالسرير بستفسار) ايه الي حصل
ياسمين: لان الي بينا كانت تمثليه
ضحي: يعني مش بتحبوا بعض
ياسمين نفخت: شوف الغبيه يااختي يا روح قلبي انا مش بحبه ولا هو بيحبني لان الحقيقه هو بيحبك انتي
ضحي نزلت دماغها لتحت : ايه الي بتقوليه ده
ياسمين : محمد بيحبك انتي وانتي بتحبيه
ضحي ارتبكت: لاء مش كدا
ياسمين ضربتها في دماغها بخفه
ضحي: الله ليه بتضربيني
ياسمين:عشان بتستعبطي عليا وبتحبيه
ضحي بحرج: بس هو عرف اني بحبه
ياسمين ضحكت: محمد ميعرفش اي حاجه لانه مش عارف مين هي الي بيحبها
ضحي بتلعب في طرف بيجامتها وبكسوف وخجل: بس عرفتي منين بأنه بيحبني
ياسمين مسكت دماغ اختها وفضلت تهزها بمرح : لان اختي الصغيره عسوله ليه ميحبكيش ده شئ مش غريب
ضحي: بس ليه مثلتوا كل ده
ياسمين اتنهدت بصوت عالي : بصراحه هو عرض عليا الفكره وانا جاريته فيها عشان نور يقطع مني الامل طالما مش هضر حد بيها بس لما لقيت اني هفقد روحي فيها الي هو انتي فقلتله استو ب وعشان كدا الغي قرار السفر والاستئاله وخليكي جنبه
ضحي: ولو الي قولتيه طلع كله مجرد تخمين غلط وانه مش بيحبني ولو ظهرت فعلا واحده بيحبها
ياسمين مسحت على شعرها بحنان وقالت: لاء هو بيحبك انتي بس مش عارف صدقيني يابنتي ده واضح جدا لما عرف انك مسافره كان هيتجنن ورايح جاي جاي رايح وقريب هيقولك ( وكملت وهي بتحاول تقليد صوته) بحبك يا بت يا ضحي
ضحي ضحكت اوي ورمت نفسها في حضن اختها: احضنيني اوي
ياسمين ضمتها ومسحت ع شعرها بحنيه وباستها من دماغها وضحي نزلت دموعها
…………قصص منه محمد كاتب…………..
معتز بيدي دعوه الفرح لنور: اظن هتيجي انت اتعافيت وبقيت تمام
نور اتنهد بحزن: جسديا انا قادر لكن قلبي صعب يقدر لاني هشوف محمد مع ياسمين
معتز: هتقدر وهتتحمل
نور: لاء يا معتز مش هتحمل
معتز بصله بتعجب للحظة : افندم يعني هتسبني في ليله زي دي
نور ابتسم بحزن: مستحيل عشان صاحب عمري هتحمل الوجع ده ولازم احضر فرحك
معتز: عارف انك موجوع بس سيبها لله
نور رجع دهره ع وري بهدوء وقال بصوت حزين: موجوع اوي يا معتز اوي من كدبه بسيطه اتحولت لغلطه كبيره في حياتي بدفع ثمنها كل يوم وبخسر كتير بسبها كل يوم مكنتش فاكر الكدبه دي هتخليني اخسر انقي انسانه قبلتها في حياتي انسانه حبتها اكتر من روحي
معتز: بتوجع قلبي عليك كدا ياصاحبي
نور ضربه ع كتفه بمرح وقال: سيبك مني انت عريس (ضمه وطبطب ع ضهره بفرحه نابعه من قلبه) مبروك يا خويا وصاحبي
معتز ضمه: الله يبارك فيك ياخويا (قام وقف ) يله سلام ورايا حاجات بالكوم
نور: سلام وربنا معاك
……….قصص منه محمد كاتب…………
في مجمع ضخم ماشيه ووراها اثنين بودي جارد ولابسه نضاره كبيره يادوب ظاهره شفايفها فقط وحاطه شال ملون ع كتفها العاري لفت لواحد منهم وبأمر: خد الكياس للعربيه
البودي جارد لزميله: خليك معاها وانا هروح
في نفس اللحظه ياسمين خارجه ومعاها هبه وحنان شافتها ماشيه مش قادره تصلب طولها وبتعرج!!!!
ياسمين سابتهم وراحت جري عليها بقلق: ذات عامله ايه انتي كويسه
ذات عدلت وقفتها بتحمل ورسمت التكبر: طبعا انا كويسه جدا جدا ( بصت لهبه) اهلا يا انسه هبه
هبه بتوجس : اهلا
ذات: اصلي دوخت من بدري بلف وعماله اشتري حاجات ولسه مخلصتش رغم اشتريت حاجات كتير ومقدرتش اشلها لوحدي عشان كدا الحارس الشخصي اخدهم للعربيه
ياسمين: كويس انك سعيده وصدقيني لو كدا فعلا انا مبسوطه عشانك
ذات: هايل ولازم تكوني سعيده فعلا يله لسه ورايا حاجات هشتريها
ياسمين مسكت دراعها: استني ذات
ذات من قوه الالم صرخت والشنطه وقعت منها واتفتحت وذات وطت بالعذاب تلم الحاجه
ياسمين نخت تلم معاها الحاجه: انتي بجد كويسه
ذات مش بترد وبتلم الحاجه بربكه وجوه عيونها اتملت دموع محبوسه
ياسمين تبص عليها شهقت: ذات ايه الي حصل لعينك( شدت النضاره ويفزع ) ايه ده عينك وارمه
ذات برتباك وبتداري وشها لتحت: مفيش حاجه خبطه بسيطه
هبه حطت ايدها ع بؤها وجسمها قشعر من منظر انتفاخ عيونها
ذات اتحبست الدموع في عيونها: وانا بعمل رياضه وقعت من ع المشايه اتخبطت في الكمدينو
ياسمين لاحظت كدمه في دراعها سحبت منها الشال لقته مزرق بشده: ذات ايه ده ليه جسمك مليان كدمات اوعي تقوليلي مرات فريد هي الي عملت فيكي كدا؟!
ذات بنرفزه: قولتلك وقعت انا ماشيه
ياسمين جريت وراها: ذات استني
ذات وقفت شويه بضهرها وبعدين كملت مشي بصعوبه ودموعها في عنيها والم جواها فوق الاحتمال
#ذات_الوجهين
قصص منه محمد كاتب
في كافيه المجمع قاعدوا الثلاثه بين حيره تخمين واستنتاج وتشاور
ياسمين: شوفتي الكدمات الي ع عيونها وجسمها
حنان: بس قالت انها وقعت
هبه: بس دي مش كدمات واقعه من فوق مشايا ده عنف سادي اكتر انا عملت مقابله مع واحده زوجها كان سادي كدا دي مجرد ما ياسمين مسكت دراعها كانت هتعيط من الالم
ياسمين فكرت شويه: ذات لسه ع علاقه بفريد وغاده بتؤذيها
حنان: مستحيل انا بنفسي متابعه صفحتها الشخصيه وهي عندها صيده جديده
هبه: غير كدا مستحيل تكون الكدمات لواحده ست وده واضح انه ضرب من راجل سادي
ياسمين بصت للفراغ: يكون مين الراجل ده وليه بيؤذيها
هبه رفعت كتافها بحيره: علمي علمك بس الي اعرفه الشنطه والفستان والشال والشوز ماركه عاليه جدا بس هي مش سعيده ومضروبه وحاولت تبتسم قدامنها وتظهر العكس وتقولنا انها سعيده وكل ده مزيف
ياسمين بصت لقدام وعماله تفكر في حاجات كتير لدرجه قربت دماغها تنفجر من شده التفكير
……………..قصص منه محمد كاتب………….
يوم الفرح الي مجمع كل الحبايب فيه الي سعيد وفيه الي قلبه مجروح والي نفسه الحدق يفهم وينطق
عمه محمد للعامل: بص هنا كدا يابني ده معمول مخصوص للعرسان
العامل: حاضر يا هانم
عمه محمد: محمد تفتكر البوفيه هيكفي عدد المعزومين
محمد: اه ولو طلبه تاني اكيد ضحي مجهزه بزياده
عمته هزت له دماغه ومشت ورجعتله تاني بضهرها: انت شوفت ضحي؟!
محمد: لاء لسه هي جات
عمته: ايوه والنهارده جميله جدا متنساش تعبرلها عن جمالها
محمد اتعجب شويه لكنه هز دماغه: حاضر لو كانت جميله هعبرلها
عمته اتكت ع اسنانها من غبائه: طيب
في نفس اللحظه ضحي دخلت القاعه وقبلت عمته الي ضربتها كف بكف كسلام
محمد سمع صوت الكفوف لف وبص وشافها جايه عليه وقف مذبهل لانها بفستانها الاسود المطعم بالكريستال ورغم تسريحتها بسيطه والميك اب هادي الا كانت فاتنه
محمد بدون شعور: جميله جدا ومش عشان عمتي طلبت مني اعبرلك لاء عشان انتي فعلا جميله
ضحي: ولو عمتك ملفتتش نظرك انت ولا كنت هتعبرني صح
محمد حرك دماغه اعتراض وقال : اوه لاء طبعا هعبر( قرص خدها) ازاي الفستان شيك وانتي زي فلقه القمر يبقي ازي معبرش واقول انك جميله وروعه
ضحي ضربت ايده بغل: انا مش طفله تقرص خدي
محمد لف حواليه ورجع لفلها
ضحي:فيه حاجه عندك عايز تقولهالي
محمد :بصراحه فيه
ضحي شبكت ايدها الاتنين وراه ضهرها وهزت نفسها شمال ويمين بدلع ورقه ووسعت ابتسامتها اوي
محمد اتعدل ووقف قدامها وبجديه قال :بصراحه فيه اخر فرح عملناه المعازيم اشتكت ان السلطه مكنتش كافيه واظن معازيم هبه معظمهم عاملين دايت عشان كدا روحي هاتي سلطه كتير اهو لو الاكل مكفاش يكملوا سلطه
ضحي صدمها : ده كل الي بتفكر فيه ولو فضل تعاملك كدا ثق في يوم السلطه هتهجرك
ضحي ضربت الارض برجل واحده ورفعت ديل الفستان ومشت من قدامه بغيظ
محمد بتعجب: سلطه ايه دي الي تهجرني هو فيه راجل بتهجره سلطه برضو يا مخبوله
………..قصص منه محمد كاتب…………
العريس وصل هو والعروسه ومعاهم ياسمين الي لبساه فستان نفس الي ع الغلاف وكان هادي وجميل اوي ودخلوا اول القاعه وبدئت الزفه ع اغنيه طلي بالابيض
والمصورين يصوره والكل مبسوط وسعيد وشويه دخلت حنان وع شفايفها ابتسامة كبيرة ومعاها زوجها الي قافشه فيه كئنه هيتسرق منها والكل شافها وابتسموا عليها
حنان شاورتلهم وبفرحه: ياجماعه جيت مع جوزي (قربته منها) ده جوزي وحقيقي دي هبه العروسه ودي سمسمه وده معتز العريس وده جوزي
معتز سلم بترحاب: اهلا وسهلا بحضرتك
زوج حنان سلم عليه: مبروك يا عريس
المساعد: اخيرا ظهرت معاها يا جوزها
حنان بفرحه زي الطفل الي خارج مع ابوه لاول مره : ايوه لبس وجه
ياسمين بهمس ليها: دلوقت بس عرفت ليه عامله عليه حظر تجول
زوج حنان :بتتكلموا ع ايه
معتز غلوش عليه: يله ناخد كلنا صوره
هبه توهت بسرعه: اه ناخد صوره يله قربوا
محمد راح وقف في النص بين ياسمين وضحي في دخول نور الي لابس بدله بني وتحتها قميص ابيض وطالع كأنه نجم سيما
المساعد: ما تيله كدا نتصور جنب البوفيه هناك منظر تحفه
معتز ضحك: يظهر صلاح جعان
محمد: ياسمين فاكره الزبونه الي كانت بتعلق ع طعم اكلنا في المطعم
ياسمين ابتسمت: ايوه طبعا دي معقول تتنسي
محمد: المهم هي معجبه بمطعمنا وجايه تاخد معلومات تنشرها عندها ع المدونه كدعايه ممكن تتكلمي معاها
ياسمين: اه طبعا هي فين
محمد فتح دراعه وياسمين حطت ايدها جواه كل ده تحت نظرات نور الي هيفرقع من الغيره عليها
ياسمين راحت للسيده هي ومحمد واتكلموا معاها تحت نظرات نور الي كلها غيره و ألم
معتز بيلف لمحه وشاورله: نور
نور انتبه وراحله بسرعه وضمه: مبروك يا حبيبي الف مبروك
معتز وهو يبادله الحضن: كنت عارف انك هتيجي يا صاحبي
نور: طبعا لازم اجي ( بصلها وابتسم ابتسامه جميله ) مبروك ياعروسه
هبه بفرحه وبسمه مرسومه علي شفايفها: الله يبارك فيك يا بشمهندس
نور كمجامله: ع فكره انتي جميله
معتزبرق : هو ايه ده خد بالك مراتي
نورحب يجننه: وماله بس هي فعلا جميله وانت قمر كمان وفرحكم بجد هايل
هبه بخبث: ده بسبب ياسمين ومحمد روح اشكرهم هما هناك
نورلف عليهم و بنبره حزن: اه منا شوفتهم وهما مش شيفني
معتز برجاء: نور وحياه ابوك النهارده يوم مبارك ليه تكشر وتقلبها دراما
نور: ايوه عارف _مسح بسرعه دمعه حزينه ع طرف عينه _ وبحاول وبجد اتمني ليكم السعاده وراحه البال
معتز بزعل عليه: ده العشم يا صاحب عمري
نور رفع صوباعه كإنه بيستاذن مدرس الفصل : ممكن اخد صوره
معتز شده هو وهبه: اه طبعا يله بينا
نور طول الصوره وعيونه مركزه مع ياسمين وخصوصا لما سمع صوت ضحكتها الملعلعه حس نفسه مكتوم ومحتاج لجرعه اكسجين وقال لمعتز:انا هتمشي برا شويه
معتز طبطب ع كتفه: خد راحتك
نور فات من جنبهم حس بضيقه وخقتة كئنه نفسه يبكي يمكن ده يخفف حده الالم من شوفتهم مع بعض رغم همه مشفهوش كانوا ملخومين مع الضيفه
الضيفه: ياسمين زوري وجعني وهنا دوشه جامده ممكن نتكلم برا القاعه
ياسمين بترحاب: اه طبعا
الضيفه بتسحب ايد ياسمين ع برا: عن اذنك يا محمد
محمد : ولا يهمك اتفضلوا
محمد راح لعمته بقلق لما وقعت عيونه ع ضحي الي واقفه جنبها وبوزها شبرين لقدام
محمد سألها: عمتي مالها ضحي عابسه ومكشره
عمته رفعت كتافها: ولا اعرف انا لازم امشي اشوف البوفيه بقلمي منه محمد كاتب
ضحي مسكتها بنبرة حزن: لاء خليكي واقفه
محمد بصلها وقفل حواجبه وعمل رئكشانات مضحكه وضحي بصتلوا وقلدمت اكتر ومدت بوزها لقدام
استوب ورايكم ولسه احنا جوه الفرح وهناكل الجاتوه وبالمره نحاول نرجع ياسمينه لنور وطبعا مفيش واحده تطلع وتشفق ع ذات وتقولي كفايه حرام اصل سبحان الله لما ياسمين بقت شرسه ومش ضعيفه تطلبوه منها كفايه كدا قسوه ع نور بجد حيرتوني معاكم واتمني متصعبش عليكم ذات في الاخر
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
