رواية دون وجه حق الفصل الثالث 3 بقلم إنجي محمود
رواية دون وجه حق الجزء الثالث
رواية دون وجه حق البارت الثالث
رواية دون وجه حق الحلقة الثالثة
وصل يونس أحد العمارات في شوارع لندن
دق الباب عده مرات حتي فتح من بالداخل
يونس.السلام عليكم دي شقه عمار بردوا
عمار.وعليكم السلام يا خي ايه أنا عمار اتفضل أكيد انت يونس يلى تبع عمر
يونس بإبتسامه.ايوه أنا
في الداخل
عمار.هون راح تكون غرفتك وهي غرفه مروان ودي بتكون غرفتي
يونس.انا متشكر جداً ليك واتشرفت بحضرتك
عمار.انا اكتر اكيد ماأكلت شئ من الصبح تفضل بقدملك شئ
مروان مروان تعا عنا ضيوف
مروان.اهلا وسهلاً
يونس.اهلا بيك أنا يونس من مصر
مروان.الله على مصر وأهل مصر مش هتصدق وحشتني قد ايه
يونس.انت مصري
مروان.ايوه وعمار سوري واحنا هنا من ست سنين تقريبا
يونس.انا كمان إن شاء الله ناوي أقيم هنا وأبدا حياتي من الأول
مروان.ربنا معاك تعال نأكل وننزل ندور على شغل ليك
يونس.يلا
في مصر
سلمي.مالك يا بنتي بقي ده منظر واحده خطوبتها بكره وفرحها على الأبواب
دارين.سلمي مش عايزه اسمع صوت ولا كلام أنا مش عارفه مخنوقه ليه من وقت ما يونس سافر وأنا مضايقه مع إني ماكنتش بحبه ولا عايزه اشوفه بس مش عارفه ايه الإحساس ده عايزه اشوفه أوي اتعودت على وجوده والمشاكسه بتاعته ليه
سلمي.دارين بصي ده مش عارفه افسره لأنك هتتجوزي فياريت تنسي يونس خالص ويلا قومي علشان نعمل شوبينج
دارين. هحاول انساه لأن أنا السبب في إن هو يمشي وياريت يكون حياته اللى سافرلها تكون كويسه
عادل.ايه يا حبيبتي لسه مانزلتيش خالد مستنيكي تحت من بدري
دارين.اهو يا بابي نازله كلمت ماما علشان بكره
عادل.كلمتها بس مش عارف هتيجي ولا لا انتي عارفاها
دارين بلامبالاه.براحتها طب كلمت يونس اطمنت عليه
عادل.لا لسه مابعتليش ولا كلمني قلقانه عليه ولا ايه
دارين.لا طبعاً وأنا مالى أنا نازله يلا يا سلمي
عادل في نفسه.اتمني إنك ماتندميش على اختيارك يا بنتي وأكون غلط
خالد.ايه يا دودي ده كله تأخير يلا علشان مشوارنا طويل
دارين.يلا
خالد.اومال اللى اسمه يونس ده فين مش باين يعني
دارين بحزن.سافر
خالد.كويس وأنا أقول الفيلا فيها راحه ليه
لم ترد عليه دارين
في لندن
يونس.وانت يا مروان شغال فين
مروان.انا شغال في شركه هنا صاحبها واحد مصري اسمها الحديدي للتجميل فيها كذا فرع وكذا مجال بس صاحبها واحد كويس جداً ولا بنته
يونس باستغراب.ليليان الحديدي
مروان.عرفتها منين
يونس.قابلتها تحت هنا وحصل موقف كده واخدت الكارت بتاعها
مروان.طب كويس اهو إيه رأيك تقدم فيها عايزين سكرتير وانت أكيد مؤهلاتك تسمح
يونس.هفكر
عمار .شو تفكر يا يونس حدا بيجيله فرصه ويرفضها انت شو يارجل وكمان البنت تعرفك
يونس.خلاص تمام هاجي معاك بكره الصبح وأقدم عادي من غير ماتشوفني علشان عايز كل حاجه بمجهودي
مروان.اللى انت عايزه
دارين.ايه رأيك في الفستان ده
خالد. أي حاجه جميله عليكي هاتيه ويلا
دارين.مش ملاحظ إنه قصير شويه حتي
خالد بضحك.ومن امتي ده بتفكري في القصير والطويل لا جميل عليكي
دارين بضيق.وهي تتذكر أن اكتر خناقتها مع يونس على لبسها اللى مش مناسب
فلاش باك
يونس.دارين ايه اللى انتي نازله بيه ده
دارين.اوف ياربي أنا مش هخلص منك ماله لبسي وميه مره اقولك مالكش دعوه بلبسي
يونس بعصبية.يعني ايه اسيبك بلبسك ده ايه ماعندكيش راجل في البيت يا هانم
باك
دارين.لا مش عايزاه ثم اشترت واحد آخر أكثر احتشاما
سلمي.ايه عايزه حاجه تانيه
دارين.لا عايزه أروح تعبانه شويه وعايزه ارتاح
خالد.تروحي ايه إحنا متفقين اننا هنسهر ولا نسيتي
دارين.لا مش عايزه أنا تعبانه وهمشي وهتيجي توصلني ولا اروح لوحدي
خالد بعصبية.يلا يا دارين ده انتي خنيقه
في الصباح في لندن
عمار.تؤبرني ياربي عالجمال شو هاالحلاوه
يونس.احم بس أصلى بتكسف وبعدين بتغازلني بالسوري كده كتير
مروان من خلفه.ده احنا مش رايحين شغل ده احنا رايحين نتجوز
يونس.والله ادخل اغير هدومي ومش هنزل
مروان.خلاص خلاص كلنا كده أول يوم وبعد كده بنلبس في الطريق وحياتك
يونس.طب يلا يا خفه علشان مانتأخرش
عمار ومروان.يلا
في الأسفل
يونس.عمار انت هتركب معانا ولا ايه
عمار.ايه فاتح كافي على أول الشارع راح أنزل عنده وانتوا راح تكملوا
يونس.طب تمام يلا
في الشركه
يونس.زي ما قولتلك مالناش دعوه بليليان هدخل أقدم ولو حصل نصيب حصل
مروان.تمام يا عم بس فكها كده علشان تقبل
مروان.جوليا مستر مسعود بالداخل
جوليا.نعم لقد جاء وبدأ هو اختيار العملاء الجدد
مروان.اوكي عن ٱذنك
حظك يا يونس مستر مسعود هو اللى جوه يلا توكل على الله وادخل
يونس بجدية.يارب ادعيلى
ثم دق الباب ودخل
مسعود.Hi
يونس.وعليكم السلام
مسعود بإبتسامه.مصري
يونس.ايوه أهلا بيك
مسعود.تعرف فرحان بيك إنك مبسوط بأصلك على عكس الكتير اللى هنا
يونس.شرف ليا إني مصري
مسعود.طب اتفضل علشان نبدأ
مؤهلاتك كلها كويسه يا يونس وأول سؤال أحب اقوله شايف نفسك فين بعد خمس سنين
يونس بثقه.شايف نفسي مكان حضرتك او بمعني أصح فاتح شغلى الخاص ليا ويكون ليا اسمي في المجال اللى هشتغل فيه لأن الغربه عن البلد مش لعب أنا جاي وممكن أكل الحديد علشان احقق اللى عايزه
مسعود بفرحه.اجابه مقنعه وعندك جرأه وثقه في نفسك وأنا بحب النوع ده ومن وجه نظري اعمل حسابك بقيت واحد من الشركه هنا
يونس.متشكر جدآ يا فندم عن إذنك
وفي تلك الأثناء دخلت ليليان
ليليان.هالو دادي ايه ده يونس
يونس.اهلا يا ليليان
مسعود.تعرفوا بعض ولا ايه
ليليان.ايوه يا بابي ده اللى حكتلك عنه إنه انقذني
مسعود.بجد أحب أشكرك جدا على اللى عملته وانت اثبتلى إن انت واحد جدير بالوظيفه دي
ليليان بإعجاب.بجد يونس هيشتغل هنا طب وليه ماكلمتنيش
يونس.حبيت اعتمد على نفسي
مسعود.طب يلا يا ليلو خدي يونس عرفيه على الشركه وعرفيه مكانه
ليليان.حاضر يلا يا يونس
مروان.عملت ايه
يونس.الحمد لله اتقبلت
مروان.مليون مبروك يا حبيبي تستاهل اسيبك أنا بقي واروح اشوف شغلى
يونس.خلاص ماشي وهكلمك تمام
مروان.اشطا تمام
ليليان.انت تعرفه من زمان
يونس.لا صحبي في السكن وهو اللى قالى على الشغل
ليليان.امم طب بص يا يونس طبيعه شغلك هتبقي السكرتير الخاص بتاع دادي وهل ليك أي تجربه أو تدريب على النظام ده
يونس.ايوه طبعاً كنت شغال في شركه في مصر
ليليان.طب كويس أوي يلا علشان نبدأ ورانا شغل كتير أوي
بص ده مكتبك وده مكتبي لو احتاجت أي حاجه أنا موجودة فيه وكمان اعتبرني هنا صديقتك من دلوقت لو مافيش مانع
يونس.ده الاكيد يلا علشان ندخل على الشغل
في مصر
ميس.ايه الجمال ده يا ديده مليون مبروك يا حبيبتي
دارين.الله يبارك فيكي يا مامي
ميس.ياه كبرتي أوي وبقيتي عروسه جميله وهتكبريني معاكي فاكره أول لما مشيتي ولا قلتي ماما
دارين. وانتي متأكده إن أول كلمه كنتي موجوده معايا يا ماما زي مابتقولى أنا مابقلبش في الماضي بس ياريت تكوني معايا الفتره دي علشان محتجاكي اوي حتي لو انتي مش عايزه ده أنا بنتك
ثم بكت بأحضانها
ميس.انا جمبك ياروحي وعمري ماهسيبك أبدا
سعاد.ميس هانم يلا علشان الضيوف وصلوا
نزلت دارين وميس للاسفل وكانت الانظار عليهم بسبب جمالهم
عادل.مليون مبروك يا نور عيني
دارين.الله يبارك فيك يا دادي
عادل.خالد أنا بقولك اهو دارين تحطها في عينك انت فاهم دي أغلى حاجه عندي انت هتاخد حته من قلبي يا بني
خالد.في عنيا يا عمي وعلشان كده عامل مفاجاه لديده جميله جدا وهي إنه بدل الخطوبه يكون كتب كتاب كمان والفرح يكون الأسبوع الجاي ايه رأيك
دارين بخوف.ايه كتب كتاب ايه ده مش اتفاقنا
عادل.ايه اللى بتعمله ده يا بني ده مش اتفاقنا معاك افهم اللى بتعمله ده إنك بتلوي دراعنا مثلاً
ثروت.ده كلام بردوا احنا قلنا نعمل كده لأن خير البر عاجله وكمان الولاد وعارفين بعض ليه التأخير ماتقولش لا وخلينا نفرح
عادل.دارين يا حبيبتي الرأي رأيك عايزه ايه
دارين بعدم تفكير.انا موافقه يا بابا كده كده كل حاجه هتحصل سوا دلوقتى أو بعدين
عادل اخد دارين على جنب عادل.قوليلى يا حبيبتي ليه موافقه من غير كلام انتي مرتاحه للجوازه دي واسمعي لو كنتي عملتي كده علشان تغيظي في يونس فيونس مش موجود فكري في نفسك
دارين.علشان بفكر في نفسي أنا موافقه ومش مغصوبه على حاجه ودي الحياه اللى أنا عايزاها
عادل.اوعي تكوني بتعاقبي نفسك علشان خوفي عليكي اوعي ده جواز مش هزار
دارين.انا موافقه ومش هرجع في قراري
يلا يا خالد
كان يونس يجلس مع ليليان في المكتب وكان يتواصل مع أصدقائه من مصر وجاء عقد قران دارين على خالد
يونس.مستحيل يكون حصل ليه هو
ليليان.في ايه يا يونس انت كويس
يونس.اه اه عن إذنك رايح الحمام
ليليان بتفكير.ماله ده وياتري شاف ايه في الموبايل ثم لاحظت ترك يونس لهاتفه مفتوح وقرأت الخبر
ليليان.يا تري البنت دي يكون ليها ولا علاقة بيه أو يعرفها
يونس.ليليان ممكن أمشي ونكمل بكره
ليليان.تمام بس انت كويس
يونس بضيق.ايوه كويس أنا نازل
ليليان.طب ممكن اوصلك شكلك تعبان
يونس.تمام
في السياره
ليليان.يونس أنا ممكن أعرف مين دارين لو مش هضايقك أنا شفت الخبر من على الموبايل فضول مش أكتر
يونس .بكسره.دارين دي حب حياتي هي أول بنت شفتها أو يعتبر كلمتها كنت بحسها أميره ماينفعش إنها تزعل بس على قد حبي ليها على قد كسرتها لقلبي أنا حبتها من كل قلبي والله
ليليان بحزن على حالته.هي. ما تستاهلش الحب ده صدقني أنا عارفه إن الحب مش بإيدينا زي ما انت حبيت واحده مش بتحبك أنا كمان بحب واحد عمره ما هيشوفني قدامه الحب اعمي يا يونس وزي ما بيقول ما الحب إلا للحبيب الاول
يونس.تقصدي ايه مين ده
ليليان.مش مهم المهم تكون كويس وتشوف حياتك ولو هي من نصيبك هترجعلك
يونس.انتي جميله أوي يا ليليان وألف حد يتمناكي
ليليان بابتسامه.بس أنا عايزه واحد بس
يونس.احم بس أنا وصلت هنا متشكر جداً
ليليان.باي أشوفك بكره لازم ترتاح
يونس.اكيد سلام
سلمي.ايه اللى عملتيه ده يا دارين ليه بتدمري حياتك
دارين.هي كده كده بايظه وعملت اللى عايزاه
سلمي.طب وافرضي يونس رجع تاني هتعملى ايه
دارين.مش عارفه وقتها هقرر اختفي من حياته وبعدين خلاص مافضلش فرص فرحي الاسبوع الجاي لازم اجهز نفسي علشان أنا العروسه
سلمي بحزن على حال صديقتها.ارتاحي يا حبيبتي ارتاحي
ومرت الأحداث وبعد مرور أسبوع وكان يوم الزفاف
كانت دارين ترتدي فستان أبيض طويل ضيق من الخصر وواسع من الاسفل ومرصع بالفصوص الرقيقه وصففت شعرها بطريقة جميله
وانتشر خبر زواجها في احدث الصحف والمجلات وعلى صحف التواصل الاجتماعي
وبالطبع رآه يونس
ليليان كانت تلاحظ شرود يونس
يونس يونس
يونس.ايه. يا ليليان بتزعقي ليه
ليليان.بكلمك بقالى كتير وانت ولا هنا
يونس . عايزه ايه
ليليان.في موضوع شغلني جدآ ومش لاقيه تفسير ليه وهو إن أنا مش عارفه دلعك ايه ادلعلك بإيه يا يونس
يونس.ده الموضوع المهم أقوم اضربك يا بت
ليليان بضحك.اقولك ايه مثلا يويو
يونس.ده تقوليه لبنت خالتك مش ليا
ليليان.طب اناناس سوسو اقولك إيه
يونس.اسكتي خالص مش عايزك تدلعني
ليليان.خلاص هقولك يا بقدونس هههههه
وظلت تضحك هي وهو حتي لاحظهم مسعود وكان سعيد من فرحه ابنته منذ فترة كبيره
وفي تلك الأثناء رن هاتف يونس
يونس.الو
جوليا.مسعود بيه عايزك
يونس.تمام
ليليان.في ايه
يونس.مسعود بيه عايزني أنا هروح اشوفه خليكي هنا
يونس.طلبتني يا باشا
مسعود.ادخل يا يونس شوف أنا عايزك في موضوع ومش عايز حد يعرف خالص إلا أنا وانت وهو إني لاحظت انجذاب ليليان ليك وإنها حتي مش بتسيبك لحظه او مابتطلش إنها تجيب سيرتك
يونس.وايه المطلوب أنا اكيد ماليش دخل بالموضوع ده أكيد وما كنتش أقصد إني اعلقها بيا
مسعود.انا عارف والموضوع ده مفرحني على فكره وكنت عايزه من زمان وأنا مش هلاقي لبنتي زوج افضل منك
يونس بصدمه.ايه
مسعود.انا آسف إني بفرضها عليك بس ليليان عندها مرض وراثي من مامتها واتمنى إنك تحققلها امنيتها لو تقدر يا بني هكون شاكر ليك جدا
يونس بتفكير.وانا موافق علشان ليليان
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية دون وجه حق)
2 تعليقات