رواية دمرني الادمان الفصل الرابع 4 بقلم اروى اسماعيل
رواية دمرني الادمان الجزء الرابع
رواية دمرني الادمان البارت الرابع
رواية دمرني الادمان الحلقة الرابعة
خالد:و بعد دا كله قلبي محنش حتى على امي و كنت السبب انها تكمل بقيت عمرها على كرسي متحرك و عايزني اسامح نفسي ازاي.
أحمد:بس ي خالد مكنش قصدك تسيبها تقع من على السلم و انت مكنتش في وعيك برضو و بقالك خمس سنين بتعاقب نفسك كفاية بقى كدة و اهو جه الوقت انك تعتذر لهم على الأقل ي خالد .
خالد: هحاول ي أحمد و بحاول اعمل كل حاجة تخليهم فخورين بيا لما ارجعلهم و انسيهم الماضي المؤلم اللي عاشوه بسببي.
أحمد: ان شاء الله ي حبيبي و انت فخر لاي حد يعرفك ي خالد اللي انت وصلتله ده لوحده فخر محدش قدك يقدر يعمل اللي انت عملته لو كانو نفس الموقف ف أنت بطل حقيقي.
خلصت كلام مع احمد و روحت اتطمن على يونس لكن قبل ما ادخل حسام وقفني و قال: ايه ي خالد اللي بتعمله انت و احمد ده.
خالد: بنعمل ايه في ايه ي حسام يعني مش فاهم.
حسام: من أمتى بيبقى في مريض مشترك بين اي اتنين مش ده ضد قانون الدار برضوا ولا ايه.
خالد:ااه ي عم حسام ضد قانون الدار بس مين قالك انه في مريض مشترك بينا اصلا مفيش حاجة زي كدة.
حسام: انت بتضحك عليا ي عم خالد ولا ايه بما ان مفيش مريض مشترك بينكم ليه لما والد الطفل جه احمد اللي اتكلم معاه مش انت و قال انه بيساعدك و انه انت و هوا واحد .
خالد: دا انت مراقبنا بقا و بتتصنت علينا ي استاذ حسام ولا ايه .
حسام: ااه ي سيدي براقبكوا المهم اني متأكد من كلامي هتقولي ايه الدنيا و لا اروح اقول ل استاذ علي و يبقى رفدك على ايدي.
خالد: انت مش ناوي تكبر شوية ي ابني عايز تروح تقوله قوله بس انا كدا كدا مفيش حالة مشتركة بيني و بين احمد و امشي بقى عشان ادخل ل يونس اطمن عليه .
حسام: بقى كدة ي خالد تطلعني في الأخر عيل طب والله رفدك هيكون على ايدي و انا اهو و انت اهو .
سبت حسام يتكلم زي ما هو عايز و بينت قدامه اني مش بعمل حاجة غلط مع اني متأكد اني بخالف قوانين الدار بس خلتها على ربنا و لما يجي وقتها ابقى احكي للمدير كل حاجة و شيلت الموضوع من دماغي و دخلت ل يونس و قولت: ايه اخبارك النهاردة ي حبيبي عرفت انه بابا كان عندك طبعا مبسوط.
يونس: الصراحة ي عمو لاء .
خالد: ايه ليه كدة بس دا انت عندك تلفزيون و معاك التليفون بتاعك و والدك لسة ماشي من عندك حد يكون متاح ليه كل ده و يزعل.
يونس: اصل كان نفسي اشوف ماما و مجتش مع بابا و لما سألته عليها قالي المرة الجاية و حاسس انها مش جاية ابدا و انا جيت هنا من غير ما تعرف .
خالد:لاء ازاي بس ي حبيبي ماما هتيجي طبعا تشوفك و ايه اللي خلاك تحس كدة بس و تزعل نفسك.
يونس: اصل بابا اتخانق مع ماما اول ما عرف اني في مخدر في جسمي و افتكر انها كانت عارفة و مخبية و طردها من البيت من غير ما يعرف انه البطاطا السبب في دا كله مش انا ولا ماما بس معرفش ليه قالها كنت فاكرك بطلتي لما خلفتي يونس طلعتي بتخلي الولد ياخد السموم زيك و حقيقي انا زعلان على ماما اوي و مش عارف قال كدة ليه .
خالد: متزعلش ي حبيبي بابا اكيد ميقصدش حاجة وحشة و بعدين مش قولنا نفضل فرحانين و نفسيتنا كويسة عشان العلاج يعمل مفعوله أسرع و انا بوعدك ي سيدي خلال يومين ماما هتكون عندك و تشوفها و تقعد معاها المهم انت خليك مبسوط و خد علاجك في وقته اتفقنا ي بطل.
يونس: خلاص اتفقنا ي عمو .
خلصت كلام مع يونس و كنت مصدوم من اخويا منصور ازاي يظلم مراته(ميرفت) بالشكل ده و يقول لها الكلام ده قدام ابنهم صحيح هيا فعلا كانت بتتعاطى زمان بس ندمت و اتعالجت و تابت ليه يظلمها كدة قررت اني اروح لها البيت و اقابلها و اتكلم معاها من غير ما حد من عيلتي يعرف و اتفقت مع احمد اني مش جاي بكرا و يخلي باله من يونس.
————————————-تاني يوم————————————————–
صحيت بدري و كنت لسة فاكر طريق بيت مرفت على حسن الحظ و اتجهت للبيت و كنت متوتر ازاي هقابلها و اكلم معاها بعد السنين ده بس حاولت اجمع كل قوتي عشان خاطر فرحة يونس و يتعافى اسرع وصلت البيت و خبطت و —————-
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية دمرني الادمان)
