رواية دمرني الادمان الفصل الثالث 3 بقلم اروى اسماعيل

رواية دمرني الادمان الجزء الثالث

رواية دمرني الادمان البارت الثالث

رواية دمرني الادمان الحلقة الثالثة

و فجأة و احنا بنتكلم الباب و دخل حسام و قال: خالد عيلة الطفل يونس عايزين يشوفوك و يفهمه منك هيفضل في الدار قد ايه عشان المصاريف و كدة.
بصيت ل احمد ب دهشة و قولت: انت هتكلمهم زي ما اتفقنا ي احمد و انا فهمتك كل حاجه تخص الحالة.
أحمد: خلاص ي خالد اتفقنا.
بص حسام لينا بأستغراب و كانت عيناه تبين انه لدي كلام يقوله ولكن مقالش و خرج من الغرفة دون كلام.
ــــــــــــــــــــــــــــــ في غرفة يونس ــــــــــــــــــــــــــــــــــ
أحمد: مساء الخير ي فندم مع حضرتك أحمد مسؤول عن حالة يونس.
منصور: مساء النور بس الاستاذ اللي قبلك قال انه شاب اسمه خالد المسؤول ف كدة انت ولا هو.
أحمد: احنا الاتنين واحد ي فندم بنتابع مع بعض حضرتك تؤمرني بإيه.
منصور: الامر لله ي استاذ احمد كنت عايز اطمن على حالة يونس و هياخد وقت قد اي على ما يتعافى كليا و يخرج لينا بالسلامه.
أحمد: هوة بخير الحمدلله و افضل من لما جه و بالنسبة للوقت هوة المخدر اللي في جسمه قوي بس نسبته مش كبيره في الجسم و دي حاجه تطمن ف ممكن يقعد من شهر ل 3 شهور على حسب استجابته للعلاج و عزيمته.
منصور: طيب طمنتني ي استاذ احمد دا رقمي لو عوزتني في اي حاجه رن عليا في اي وقت و الفلوس كمان اهي اتفضل و لو احتجت تاني هدفع المهم يتعافى عشان محسش بالذنب.
أحمد: تحس بالذنب ايه بس ي فندم دا كله بسبب البطاطا المخدرة ملكش ايد فيه.
منصور: للأسف كان ليا ايد عشان مصدقتهوش لما بيقول تعبان و مصدقتهوش لما قال انه مش عارف بيتعصب ليه لدرجة حرمته من الاكل حقيقي انا اب جاحد و مبيحسش بأبنه انا مش قادر اسامح نفسي مش كفاية خسرت اخويا بسبب الادمان كنت هضيع ابني هوة كمان.
أحمد: اخوك؟؟
منصور: متاخدش في بالك ي استاذ هستأذن انا عشان والدتي معاد دواها قرب.
كنت بسمع الحوار بين أحمد و اخويا من بعيد و حسيت اني محتاج اروح اخده بالحضن بس لسا مش قادر ابص في وشه بس اديني اطمنت عليه و على امي و بدأت احس انه احمد معاه حق دي فرصتي ولازم استغلها.
أحمد: ايه ي عم خالد فينك سرحت و من امتى بتتصنت علينا مش عادتك يعني.
خالد: بتعشق الرخامة عليا زي عينيك انا عارف.
أحمد: والله ده كله من محبتي فيك و اخوك كمان بيحبك.
خالد: عارف انه بيحبني بس اكيد مش مسامحني.
أحمد: مش مسامحك ايه بس ي عم دا ندمان عشان ضيعك من ايديه لسا قايلي كدة ابقى قابله ي خالد.
خالد: مش عارف حاسس انه لسة مش دا الوقت اللي هكون جاهز اواجه اللي حصل مع عائلتي بسببي.
أحمد: يلا بطل جنان بقى انت مكنتش في وعيك كنت واخد جرعة كبيرة من المخدر و للاسف ضيعت عقلك ف اللي حصل ملكش ذنب فيه و اديكي الحمدلله بطلت و بقيت احسن و اتخرجت من الجامعة كمان سامح نفسك ي خالد عشان اهلك يسامحوك.
خالد:اسامح نفسي ازاي بس انا لسة صوت ابويا و هو خايف و بيقول بلاش ي بني انا راجل صاحب مرض مش حمل بهدلة ارجت ل عقلك ي حبيبي و لا اخويا و هو خايف يقربلي و اختي ال 5 سنين و هي بتقولي خلي عمو الوحش الي جواك يطلع و ارجع خالد اخويا اللي بحبه و بعد دا كله قلبي محنش حتى على امي و كنت السبب في……