رواية دكتوري ولكن الفصل الأول 1 بقلم ريم
رواية دكتوري ولكن الجزء الأول
رواية دكتوري ولكن البارت الأول
رواية دكتوري ولكن الحلقة الأولى
كنت في يوم بحكى لصاحبتى عنه وبقولها انه واحشنى اوي
ردت عليا وقالتلى:- هو انتى متعرفيش انه فسخ خطوبته
مصدقتش وهى بتقولي كدا
قولتلها مين قالك كدا وعرفتي ازاى
قالتلى ان المستشفى كلها بتتكلم عنه وتقول انه سابها
فرحت اوى وقلبي كان بيرقص من الفرحة
كنت مترددة انى اكلمه
بس مقدرتش امنع نفسي انى اطمن عليه
وانا كنت حاسه بيه وبوجعه عشان عارفه انه بيحبها اااوي وبينهم قصه حب جميله
بس ياتري اي حصل بينهم بقا الفضول هيموتنى واعرف اي حصل..
جمدت قلبي وقولت هبعتله على الواتس لقيته وقتها online
قولت دي اشارة من ربنا انى ابعتله
بعتله وقولتله:-
.. متزعلش اكيد مش خير ليك
– انتى مين
.. انا اللى حلمت وغيرى كان هيحققه
– حلمت ب إيه
.. حلمت بيك انت
-طيب انتى مين
.. انا اللى بحبك ومش شايفه فى الدنيا غيرك
-انتى شكلك مجنونه وانا بصراحه مش فايق لكلامك
.. انا عارفه انت بتمر بإي دلوقتي
عشان كدا هسيبك تنام عشان عندك شفت بكرا الساعه 9
-كمان عارفه مواعيد شغلى
.. مش مواعيد شغلك بس
انا اعرف كتير عنك بس انت مش واخد بالك بس
– طيب عرفتينى ازاي
…دور عليا هتلاقيتى قدامك
وبعدين كل حاجه هتعرفها في وقتها
– وان قولتلك اني مش عايز اعرف
…معتقدش لان هقفل معاك وانت هتفكر فيا
– دا ايه الثقه دي
.. اتعلمتها منك يا دكتور
متنساش تلبس بكرا التيشرت الرصاصي والبنطلون الرصاصي والچاكت الاسود
-كمان عارفه نوع لبسي
.. بالماركه وحياتك
تصبح علي خير
…. اتعمدت اقوله يلبس الطقم دا عشان عارفه انه مش هيلبسه لانه بصراحه عليه يجنن»»»
««««««««««««««««««««««««««««««»»»»
انا نيرة عندي 24 سنه
متوسطه الطول عيونى بنيه
بشرتى خمريه متحجبة ملامحى هاديه
وكمان مش بحب أي ميكب نهائي
بشتغل ممرضه
عايشه مع جدتى لان اهلى اتوفوا وانا صغيره وكنت وحيدة مليش اخوات
جدتى بالنسبالي هى كل حياتي
مليش اصحاب كتير
مش بثق في حد بسرعه بعيش على طبيعتى بحب اساعد كتير ودا بحكم شغلى
بعد ما بخلص شفتى فى المستشفى
بشتغل فى مركز نسا تبع دكتور عمرو بقالى سنتين ونص
قومت الصبح صليت وفطرت وعملت الروتين اليومي ليا
و نزلت عشان الشغل
اول مادخلت المستشفى لقيته قدامى
.. صباح الخير يا دكتور عمرو
– صباح النور يا نيرة
.. حسيت من صوته انه حزين اوي
بس انا عارفه انه قدها وهيتخطى المشكله اللى هو فيها
.. جاي النهارده متأخر ليه يا دوك
– نمت امبارح متاخر وانتى حضرتك مجتيش المركز امبارح وكان فيه شغل كتير
.. كانت جدتى تعبانه اوي بس ان شاءلله النهارده هاخد شفتين عشان اعوض امبارح
– لا يا نيرة خليكي النهارده كمان عشان جدتك مفيش شغل كتير النهارده في المركز والبنات معايا
… اممم تمام زى حضرتك ماتحب
سابنى ومشي وكنت متاكدة انه مش هيلبس الطقم اللي انا قولتله عليه بس بصراحه كان في منتهي الجمال اااوي
فرحت جداً انه قال مجيش الشغل النهارده كمان عشان انفذ بقيت خطتي واختبره هيستجيب معايا ولا لا ولازم يعرف اني بحبه
طلعت الدور التاني من المستشفى ( دور العمليات)
دخلت لقيته قاعد بيشرب القهوة وحزين ااوي
محبتش انى اتكلم معاه ومش عاوزة ابين ليه اي اهتمام لياخد باله منى وانا لسه منفذتش الخطه
مسكت الفون قولت ابعتله رساله و اراقبه من بعيد اشوف رد فعله وانا بكلمه
على فكرة بكلمه من رقم تاني غير رقمي لحد ما اصارحه بكل حاجه….
… مش انا قولتلك تلبس الطقم كذا
ليه بقا ملبستهوش
– دا انتى مرقبانى بقااا
.. تحب اقولك بتعمل اي دلوقتي
– اكيد بكلمك 😂
.. لا بتشرب قهوة
– اممم وعرفتى ازاى انى بشرب قهوة
… انا ممكن اقولك دلوقتي هتروح فين بعد الشغل
وبعدين قولتلك كل حاجه هتعرفها في وقتها
بس ممكن بقا تفك التكشيرة دي
وبلاش الحزن دا اصل مش لايق عليك يادكتور
-وانتى مالك
.. لا دا انا في يوم هكون مالك وحالك وكل شيء تملكه
– عندك ثقه في نفسك جامدة اااوي
.. قولتلك اتعلمتها منك
واقفل بقا لان النهارده فيه شغل كتير
نسيت اقولك بلاش توقف تانى مع حد نهائي وخصوصا نيره
(بغير عليك منها)
حبيت اقوله كدا عشان يقف معايا اكتر ويتقرب منى اكتر ويعاند فى اللى بتكلمه وميعرفش هي مين
(اللى هي انا طبعاً)
قفلت معاه بسرعه لان كان فيه شغل كتير ااوي
وكمان عشان ميلاحظش عليا حاجه وبقيت اتعامل عادي معاه
بس من جوايا عاوزة اخفيه عن الدنيا كلها واتقاسم معاه حزنه وانسيه اللى كان بيحبها
#تفتكروا هقدر؟؟؟؟
يتبع…
لقراءة الفصل التالي : اضغط هنا
الرواية كاملة اضغط على : (رواية دكتوري ولكن)
