رواية دق قلبي لها الفصل الثاني 2 بقلم أميرة أشرف لبنة
رواية دق قلبي لها الجزء الثاني
رواية دق قلبي لها البارت الثاني
رواية دق قلبي لها الحلقة الثانية
في غرفة مراد حاول الاتصال ب فريدة أكثر من مرة ولكن لم تجيب علي الهاتف دلف الي المرحاض نظف اسنانة و تمدد علي الفراش وجد رسالة من فريدة
فريدة : سوري يا مراد الفون كان سايلنت
مراد : بس انتي كنتي بتتكلمي مع حد
فريدة : كنت بتكلم مع مريم صحبتي
مراد : تمام
فريدة : متزعلش بقي يا موري
مراد بنرفزة : اية الدلع المقرف دا قولت مليون مرة اسمي مراد و مش بحب الدلع
فريدة : طيب براحتك
في الصباح
استيقظت فيروز وارتدت بنطلون ليجن اسود و عليه دريس شتوي طويل مفتوح من الجانبين وعليه جاكت جلد قصير وارتدت حجابها و خرجت مبتسمة
هناء : لابسه كدا ورايحة علي فين
فيروز : رايحة شغلي الجديد
هناء باستغراب : شغلك الجديد ازاي يعني
فيروز : أن شاء الله النهاردة هستلم شغلي في شركة طاهر بيه
هناء بصدمة : انتي يا خدامة انتي ازاي تشتغلي في الشركة
فيروز بغضب : اولا انا مش خدامة ثانيا بقي النهاردة آخر يوم هتشوفي وشي فيه لأني هاخد سكن جنب الشركة وهقعد هناك وهترحم من اهانتك ليا وكلام صحباتك اللي نفوسهم مريضة
و تركتها و غادرت وهي تكاد تستشيط غضبا
******************
في الشركة
دلفت فيروز الي الداخل برهبة و قلبها يدق بشدة وترقب
فيروز : لو سمحت
موظف الاستقبال : اتفضلي
فيروز : مكتب مستر مراد في الدور الكام
الموظف : الدور التالت يفندم عندك معاد ؟
فيروز : اه هو عنده علم اني جاية النهاردة
الموظف : تمام اتفضلي
اتجهت فيروز تصعد السلالم بسرعة حتي وصلت
طرقت الباب ثم دلفت للداخل
فيروز بابتسامة : صباح الخير
مراد بصفير عالي و ضحك : اية الحلاوة دي يا فيروز
فيروز بمرح : لابسه الحتة اللي علي الحبل والله
مراد بضحك : روزا انتي عارفة معزتك عندي قد اية بس طبعا الالتزام بالشغل اهم من اي حاجة تانية ثم أردف بجدية مرحة : اتفضلي علي مكتبك يا انسه
فيروز : حاضر يا مستر مراد
و ذهبت الي مكتبها تباشر عملها
و بعد حوالي ساعتين رن عليها مراد هاتف المكتب فاجأبت
فيروز : نعم يا مستر
مراد : مساء الرطوبة الهانم سنجل ولا مخطوبة
فيروز بضحك عالي : بجد بجد تسلملي انت و طاهر بيه علي معاملتكم الطيبة الجميلة معايا دي ربنا يكرمكم من وسع
مراد : يا فيروز عادي احنا كلنا بشر بس مختلفين في عيشتنا و كل واحد لية مرتبة معينة علشان نكمل بعض مش علشان نهين بعض أو نتكبر المهم بقولك عاوز قهوة مظبوطة زي بتاعت البيت كدا
فيروز : حاضر يفندم
و بعد حوالي ربع ساعة اتجهت ل مكتب مراد وهي تحمل القهوة بيدها
دقت علي الباب ثم دلفت للداخل
فيروز : اتفضل يا مستر
مراد : تسلم ايدك يا فيروز اية اخبار الشغل معاكي
فيروز : فل والله
مراد : كويس علي خيرة الله ريحتيني بجد من اني ادور علي واحدة اكون عارفاها و مأمن ليها علي الشغل
فيروز : تحت امرك في اي حاجة تخص الشغل انا هكون جاهزة اني اعملها المهم كنت عاوزة اسأل لو في سكن قريب من الشركة علشان اكون قريبة و مفضلش رايحة جاية
مراد بتفكير : مش عارف والله بس كان في عمارة قريبة من هنا بتبني بقالها فترة ابقي اسألي فيها
فيروز : تمام حاضر
و تركته و ذهبت الي المكتب مرة ثانية
و بعد عدة ساعات انتهي يوم العمل و غادرت فيروز لكي تبحث عن مسكن لها حتي استقرت اخيرا علي شقة مكونة من غرفة واحدة و صالة و مطبخ و حمام
فيروز بسعادة : الحمد لله علي كل حال المهم اني لقيت مكان كويس
وابدلت ثيابها و خلدت الي النوم
******************
في منزل طاهر
هناء : ازاي تشغل البنت الخدامة دي عندك في الشركة
طاهر : يا هناء عيب عليكي اللي بتعمليه دا البنت مجتهدة و كويسة وأخلاقها عالية وعاوزة تصرف علي نفسها و دراستها من فلوس حلال برغم أن طرق الحرام مفيش اسهل منها يبقي دي المفروض نوقف معاها ونشجعها علي قد ما نقدر و مينفعش ابدا معاملتك معاها كدا
هناء بتبرم : ينفع ولا مينفعش اهي غارت من البيت
مراد : يا ماما متتكلميش عنها كدا
هناء : وانت كمان يا مراد بتدافع عنها لية البنت دي عاملة فيكم اي بالظبط
طاهر : مش عاملة فينا حاجة بس احنا قلوبنا نضيفة علشان كدا بنحبها و بنتمنالها الخير يا هناء مش زيك
و تفرق كل شخص منهم الي غرفته و خلدوا الي النوم
****************
في الصباح
استيقظ مراد علي صوت رن الهاتف
مراد بنعاس : الو
فريدة : مراد انت لسة نايم
مراد : اه في حاجة ؟
فريدة : الساعة بقت ٨ يا مراد انا في طريقي للشركة عندك
مراد : طيب يا فري قايم اهو
اغلق معها و قام دلف للحمام و ابدل ملابسه سريعا و اتجه للشركة
في الشركة
فيروز : حضرتك رايحة فين
فريدة بتعالي : وانتي مالك انتي
فيروز بثبات : حضرتك انا سكرتيرة مكتب مراد و من حقي اعرف كل اللي داخل داخل لية و عنده معاد ولا لأ و مستر مراد اصلا لسة مجاش اتفضلي استريحي هنا في الريسبشن
فريدة : مش من حقك تمنعيني من الدخول علي فكرة
فيروز بخنقة : اتفضلي يفندم هنا احسن
فريدة : لو متفضلتش يعني هتعملي اية
و هنا اتي مراد و استمع لحديثهم
مراد : في اية مالكم
فريدة : كويس انك جيت البتاعة دي مش راضية تخليني ادخل المكتب
فيروز بنرفزة : انا مش بتاعة
مراد : خلاص اهدوا انتوا الاتنين ووطوا صوتكم دا وانتي يا فيروز لما فريدة تيجي خليها تدخل علي طول
فيروز بحنق : حاضر
دلفت فريدة مع مراد وهي ترمق فيروز بنظرة انتصار و شماتة
فريدة : مش البنت دي كانت خدامة عندكم ؟
مراد : اه هي و اسمها فيروز مش بتاعة وياريت تحسني اسلوبك معاها لأنها السكرتيرة بتاعتي وشايلة الشغل بتاعي
فريدة : ايا كان اسمها مش فارقة معايا اصلا
مراد : كويس
فريدة بدلال : انت زعلت
مراد بابتسامة : لا مزعلتش تحبي نخرج انهاردة ؟
فريدة : طبعا موافقة بس دلوقتي كنت رايحة النادي و قولت اقعد معاك شوية كنت عاوزة اشوفك
مراد بضحك : لحقت اوحشك ؟
فريدة بتوتر : بس يا مراد بقي
مراد : اشطاا هعدي عليكي بليل علشان الخروج
فريدة : اوكي باي
مراد : باي يا فري
وبعد مرور حوالي ساعة من الزمن اتي شاب وسيم قوي البنية يشبه مراد الي حد ما و من نفس عمره أيضا
فيروز : اؤمر يا فندم
عبد الرحمن: مراد جوه ؟
فيروز : ايوة
عبد الرحمن: انا عبد الرحمن ابن عمته
فيروز : اهلا بحضرتك يفندم اتفضل
ابتسم لها عبد الرحمن و توجه الي المكتب وفتح الباب و دلف للداخل
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية دق قلبي لها)
