روايات

رواية دحيحة الدفعة الجزء الثاني الفصل الثاني 2 بقلم يارا عبدالسلام

رواية دحيحة الدفعة الجزء الثاني الفصل الثاني 2 بقلم يارا عبدالسلام

رواية دحيحة الدفعة الجزء الثاني الجزء الثاني

رواية دحيحة الدفعة الجزء الثاني البارت الثاني

رواية دحيحة الدفعة الجزء الثاني الحلقة الثانية

كانو فرحانين جدا وبيغنوا وكانو عازمين ناس كتير اوووي …
دخلت وسط المعازيم بابتسامه وقربت من فيروز وخبطت على كتفها..
_الف مبروك
ومدت ايديها بالهديه ..
فيروز بصدمه:سما!
سما بابتسامه جميله:اه ازيك يا فيروز
فيروز بعصبية:انتى اي جابك هنا ..
مراد قرب والكل سكت لأن صوت فيروز كان عالى ومسموع للكل …
مراد بعصبية:انتى دخلتى هنا ازاي ومين سمحلك..
سما :أنا جايه اعتذر منكوا على اللي حصل منى واسفه انى اتسببت ليكوا في اي اذيه أنا فعلا كنت تعبانه ودلوقتي اتعالجت واتجوزت وخلفت كمان ومكنش ناقصني حاجه غير انى اجى لفيروز وطلب منها تسامحنى علشان مقضيش بقيت حياتى عايشه بالذنب دا ..

 

 

فيروز بصت لمراد والكل كان واقف مصدوم ومنهم الاطفال اللي مش فاهمين حاجه ..
فيروز:وانا ايش عرفنى انك راجعه علشان تعملى الشويتين دول لغرض في دماغك
سما بابتسامه:لا طبعا أنا كدا كدا مش عايشه هنا وبعد ما اخرج من الباب دا مش هتشوفو وشي تاني لأن جوزي وعيالى مش هنا وعايشين برا وانا جيت مخصوص علشانك مش عوزا يكون عليا دين لحد وانتى اخدتى حقك وزياده وربنا عاقبنى كتير اووي لحد ما اتغيرت من نفسي واتعالجت وحبيت بجد واتجوزت اللى حبيته أنا اسفه يا فيروز على اي حاجه عملتها وحقيقي بتمنى تسامحني..
بسمه قربت من سما بطفوله:سامحيها يا ماما طنط دي حلوة اووي ..
سما ابتسمت وقربت منها وباستها من خدها..
فيروز شدت بسمة من ايد سما..
سما بحزن:أنا اسفه مكنش قصدي ..
بصت لمراد:مراد أنا عارفه انك متضايق منى وحقك بس أنا جايه اطلب منكوا كلكوا تسامحونى ممكن..
مراد:بعد تلاتاشر سنه جايه نفكري نسامحك ولا لا..
سما:صدقنى كانت الحياه وخدانى ولما رجعت الاسبوع دا وعرفت اخباركوا قولت لازم اجى واخليكوا تسامحونى وانا مستعده اعمل اي حاجه علشان تسامحونى..
فيروز بسخرية:مستعده تعملى اي حاجه ها..
قربت منها وشدتها من ايديها وخرجت بيها قدام الفيلا :اللي أنا عوزاه منك لو سمحتى تبعدى عنى وعن عيلتى وكفايه اللي حصل بسببك ممكن دا طلبي واعتبريني مسامحاكى بس ارجوكى ابعدي عننا بقى..
سما بصتلها بحزن:صدقيني أنا هبعد من غير حاجه بس كنت عوزاكى تسامحني..
فيروز بدموع:مسامحاكى ممكن تمشي بقى
سما هزت راسها ولفت ومشيت …
عمر:بجحه اووي

 

 

مراد بصله بتحذير فسكت ..
فيروز غمضت عينيها ودخلت وبسمه قربت منها .
_مش انتى يا ماما دائما تقوليلي اللي يقولك أنا آسف سامحيه طب انتى لى مشيتى طنط
فيروز بصتلها بعصبية:علشان دا كلام كبار وملكيش دخل فيه ..
بسمه خافت واستخبت في مالك اخوها اللى قرب منها وحضنها بحب اخوي.
فيروز زهقت وطلعت على فوق ومراد طلع وراها ..
عمر بص لاولاده وولاد اخوه:العبوا يا عيال ملكوش دعوه بكلام الكبار دا.
وبالفعل بدأو يلعبوا ومعاذ ومليكه ومالك قعدوا في ركن
معاذ:نفسي اعرف مين الست دي ولى فيروز عملت معاها كدا..
مالك بتفكير:الظاهر أن ماما زعلانه منها اووي..
مليكه:فعلا أنا أول مره اشوف ماما متعصبة كدا..
معاذ بهدوء:اكيد غلطت في حقها كتير وانا لو منها مش هسامحها ..
مليكه ومالك بصوله:لى انت معندكش قلب..
مليكه:الست كانت حزينه اووي
مالك:يلا ملناش دعوه احنا اصلا منعرفش اي السبب ..
مليكه:فعلا ..
ومليكه قامت من جنبهم وراحت ناحية اخواتها..
فيروز كانت قاعده متعصبه..
مراد دخل وقرب منها بهدوء وقعد جنبها وشدها لحضنه وطبطب عليها وهى بدأت تترعش ..
فيروز بدموع:كلهم اذونى كلهم ظلمونى مش هنسى القبر اللي حطتنى فيه بعد كل توسولاتى ومش هنسي انها كانت السبب اللى خلت بابا يحط الس*كينه على رق*بتى وما*ت وانا مش مسامحاه كان نفسي اعيش تفاصيل غير دي لكن للاسف كلها كانت ضدي أنا مش ضد حكم ربنا لأن ربنا عوضنى بيك انت ليا كل حاجه وكل يوم بدعى أن يكون يومى قبل يومك ..
مراد اتنهد وباس راسها :أهدى أنا معاكى ومش هسيبك يا عمري انتى عارفه انى مش بقدر اشوف دموعك دي …
ومسح دموعها:شوفتى الدنيا لفت بيهم ورجعوا يتسأسفوا ليكي المفروض تكونى مبسوطه..
فيروز:أنا افتكرت كل حاجه
_احنا مش اتفقنا أن مفيش حاجه تعكر مزاجنا ولا تغير مودنا صح ..
فيروز:صح
مراد:يبقى متسمحيش لحاجه تزعلك لانك اكتر حد مؤثر هنا وكلهم بيتعلموا منك مش عاوزك تخلى غضبك يسيطر عليكي وتزهقى على حد من عيالك علشان مهما كان هم اطفال وبيحبوا يسألو
_قصدك بسمه
_اه انتى خوفتيها اووي الصراحه..

 

 

فيروز قامت من جنبه ونزلت تدور عليها لقيتها قاعده جنب ملك بتشكيلها همها..
_زي ما بقولك يا ملك اول مره ماما تزهق عليا مع انى بحبها اووي بس انا دلوقتي مخاصماها مش هصالحها الا لما تحضنى..
فيروز قربت منها وحضنها:الجميل لسه زعلان
بسمة:ايوا
_طب اعمل اي علشان اصالحه..
بسمه:خلاص يا ماما أنا اصلا مش بعرف ازعل منك زي بابا علشان بحبك اووي
_وانا كمان بحبك اووي يا عيونى..
عمر قرب منهم..
_بالمناسبه يلا سيلفى
الكل:يلا..
كلهم قربوا من بعض وخدوا صورة جماعية موثقه مليانه حب ودفا …
بعد مرور عشر سنوات…
_متبصيش لحد متكلميش حد وملكيش دعوة بحد اي ولد يوقفك صديه فاهمه..
بسمه بملل:خلاص يبنتى كلتى ودانى أنا مش صغيره على فكره انا بقيت طالبه جامعيه..
مليكه وهى بتبص في الساعه بتاعتها:مهى دي المشكله يلا علشان الحق محاضرتي وانتى خدى بالك من نفسك والا والله هقولك لماما
بسمه :خلاص يا بومه امشي يا بتاعت معاذ انتى
مليكه:ماشي يا بسمه لما اروحلك علشان مستعجله بس..
ومشيت وسابتها ..
وبسمه فضلت تلف حواليها ومش عارفه تروح فين ولا تيجي منين ..
وقفت واحده :لو سمحتى هوا مدرج سنه اولى طب منين..
البنت بصتلها:انتى سنه اولى..
بسمه بصت على نفسها:لى اصغر ولا اكبر ..
البنت بقرف:والله معرفش بصي لنفسك في المرايا وانتى تعرفي..
بسمه بعصبية:تصدقى بأيه انك بو*مه وانا غلطانه انى بسألك كتك داهيه في شكلك والواحد مش عارفلك ملامح من البهيه اللي حطاها…
وسابتها ومشيت..

 

 

ساره بغل:ماشي أنا هوريكي ..
بسمه راحت قعدت في مكان بملل..
_هوا الواحد هيفضل تايه كدا كتير..
في بنت سمعتها بس كانت جميله اووي قربت منها:انتى في سنه كام يا قمر..
بسمة:في أولى..
_اممم طيب بصي في العموم اول يوم مفيهوش حاجه غير انك بتعرفي المكان وكدا وبالمناسبة أنا غادة سنه تانيه واعتبريني صحبتك اي حاجه عوزاها قوليلي ..
بسمه بابتسامه:والنبي انتى عسل احسن من البومه اللي لسه شايفاها يلا خدت جزاءها ..
على الناحية التانيه..
_يبنى هوا انت مش بتحرم انت دلوقتي في هندسه اي دخلك كلية طب..
_هم مش قالولك أن عادى مهندس يتجوز دكتوره ولا اي يا بأف..
_يا خالد ارحمني دي تالت كلية ندخل نستكشفها أنا رجلى ورمت كانت ساعه سوده يوم ما عرفتك هتعمل اي يعنى لما تشوف طلبة سنه اولى ..
خالد عينيه راحت ناحية بسمه اللى كانت قاعده بملل وكأنها طفلله في تالته ابتدائي ملانه من حصة الالعاب..
خالد ابتسم وقرب منها ..

 

 

_تحبي اساعدك يا قمر حاسك كدا والله اعلم تايهه قوليلي وانا اساعدك أنا لسه مستكشف المكان..
بسمه بصتله بقرف وقامت من مكانها وخدت شنتطها ومشيت وبصتله وقالت:بطلو تسول بقى..
خالد مشي وراها:على فكره انا اكبر منك بسنتين بس هندسه واحب نتعرف يمكن نحتاج من بعض حاجات انتى معادله أنا مشرط كدا اي رايك..
بسمة اتعصبت وبصتله ورفعت صباعها قدامه بتحذير:انت عارف لو محلتش عن دماغى هعمل فيك اي..
خالد برفعة حاجب:هتعملى اي يعنى..
_ممكن اتسبب في رفدك يا خفيف يلا بقى..
_هه كنتي مين يعنى
_مش هقولك علشان مش ملزمه اعرفك …
ولسه هتمشي خالد مسك ايديها بعصبية..
_وانتى متعرفيش أنا مين يا حلوة وانا مش بتهدد.
_سيب ايدي بقولك..
خالد باستنكار وتلذذ:لا وورينى هتعملى اي ولا اقولك ارفديني..
فجأه لقى نفسه واقع على الأرض اثر بو*نيه…
بسمه بصت للشخص بذهول وبصت لخالد وبربشت شويه كدا ..
وبعدين شافت اختها جايه من بعيد .
بسمه رفعت ايديها باستسلام:والله ما عملتش حاجه..
الشاب بصلها باستغراب:انتى كويسه عملك حاجه الحيو*ان دا..
بسمة بهيام:اه بقيت. كويسه لما شوفتك يا سوبر هيرو..
امير بصلها باستنكار وراح لخالد وركع لمستواه:لو شوفتك هنا تانى مش عارف هيحصلك اي فاهم يلا قوم روح كليتك..
مليكه قربت من بسمه:هببتى اي..
بسمه:اصل اصل ..
امير قاطعها:مفيش يا انسه هى ملهاش ذنب هوا الشاب دا كل سنه كدا بيجي يتعرض للبنات هنا ومن سوء الحظ اختك اللي كانت في طريقه..
مليكه بصت لبسمة بأسف وبعدين بصت لامير:شكرا يا
_امير أسمى امير..طالب معاكوا هنا في الكليه وفي اتحاد الطلبه في سنه تالته ..
بسمه عيونها طلعت قلوب:حلو امير جميل امير..وفكرت يعنى اكبر مني بسنتين حلو فرق السن برضو واجب..
مليكه خبطتها في كتفها وشدتها ومشيوا وكل شويه تبص وراها لامير اللى كان باصصلها بابتسامه على جنانها..
وجاله اتصال من أمه:ايوا يا سماسيموا يا قمر انتى..
في الكليه هكون فين يعنى ..
اي راجعين النهارده ماشي هستناكوا
سلام ..

 

 

تانى يوم بسمه دخلت الكليه بعد ما مليكه وصلتها بنفسها وعرفتها كل حاجه…
لقت اللى بتقف قدامها
بسمه:انتى تاني..
_ولا تاني ولا اولانى انتى اي بينك وبين امير
بسمه:امير مين!!
_انتى هتستهبلى اللى ضر*ب خالد علشانك امبارح عارفه لو مبعدتيش عنه متلوميش الا نفسك يا حلوة ماشي .
بسمة بتحدي:وانا مش يتهدد وروحى شوفي مكان تانى ارمى بلاويكي عليه هوا مفيش غيري ولا اي .
ساره بغل:أنا عليا حذرتك وحطيها حلقه في ودانك امير لسارة وسارة لامير فاهمه…..
بسمه:وانتى جايه تقوليلي أنا الكلام دا لى يكونشي أنا ضرتك ولا حاجه ،ما تنفلقي انتى وسي امير بتاعك أنا مالى …
وبسمه جايه تمشى ساره شدتها من در*اعها ووقع*تها على الأرض بغل و..

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية دحيحة الدفعة الجزء الثاني)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى