رواية دبدوبتي الجائعه الفصل الثاني 2 بقلم نور محمد

رواية دبدوبتي الجائعه الجزء الثاني

رواية دبدوبتي الجائعه البارت الثاني

رواية دبدوبتي الجائعه الحلقة الثانية

خرجت مريم بسرعه ونزلت على السلم جري بس فجأه لقت حد مسك ايدها بقوه وجرها وراه وقال
حد عاقل يعمل كده يابت
سحبت ايدها منه بقوه وقالت.. وفيه رجل اعمال محترم يقول بت دي
انتي فاكره انتي من جردن ستي ياختي دنا اصلي من حاره شعبيه وعربجي اوي
طب ابعد كده انا جعانه حروح اجيب سندوتشات بسرعه
وقف قدام الباب وقال.. مفيش خروج من هنا ايه بلاعه اكل اهدي وصلي على النبي كده نتكلم الاول وبعدين امشي براحتك
على الصلاه والسلام بس انا مش بركز وانا جعانه ابعد بقى عن طريقي احسن اكلك انت
رجع مصعب بخوف من شكلها وقال.. اتفضل ياباشا وجبيلي معاكي شاورما اوك
من عنيا اهو انا احبك كده باي
خرجت زي الهبله ومصعب بيضحك عليها
مجنونه ومفجوعه اوي بس مزه وعجبتني
رجعت مريم بعد فتره في ايدها الاكل وبيبسي كمان ودخلت
انا جيت نورت المكان صح ومعايا الاكل وبيبسي علشان نهضم اصل سوسو عامله صنيه مكرونه ومحشي فلازم استعد ليهم بقى
تستعدي لاكل تاني ده ربنا في عونه والدك والله 😂
ابو صلاح ده حبيبي وقلبي وحياتي يامصعب والله
مصعب حاف كده ومين ابو صلاح الي حبيبك وقلبك وحياتك ده يابت
في ايه ياميمو ده والدي الغزيز بس تصدق امي بتغير اوي لما اعاكسه قدامها اصله مز اوي بابا ده 😂
مررريم كلي وانتي ساكته احسلك
انا باكل اصلا اهو
وبعد وقت قامت مريم بعد ماخلصت اكل وشبعت او نقول بتستعد تجوع تاني اصل البت دي مش بتشبع 😂
اه الحمد لله كفايه كده علشان الحق اكمل في البيت كمان انا اتشرفت بحضرتك اوي يامصعب بيه هات بقى السي في بتاعي ده علشان امشي
نعم سي في ايه انتي مش هنا علشان الشغل وانا قلبت اشغلك
لا انت فهمت غلط انا اجيت اتفسح بس هنا اصل ماما بتزن عليا في موضوع الشغل وانا اخري اقعد في البيت واكل يعني مش وش شغل ابدا هات بقى علشان اتأخرت
نعم ياروح امك جايه تتفسحي هنا
في ايه ياميمو روق كده ياجدع اعتبرني مجتش خالص
مرريم انتي بتقولي ايه هو سلق بيض ياحلوه
تصدق جوعتني تاني هات بقى علشان الحق صنيه المكرونه احسن ابو صلاح يخلصها
مفيش سي في حيرجع وانا قلبت تتوظفي هنا وخلصنا
انت متعصب عليا ليه والا علشان اسمك مصعب تتعصب عليا اكمني غلبانه وجعانه مسكينه
مريم اخرجي بره النهاردا اول يوم شغل ياله
طب والله لمشي من الشركه كلها وسي في بتاعي اشبع بيه ابو صلاح حياجي ياخده منك ياغلس
سابته مريم وهي متعصبه اوي ومصعب قعد تاني بيضحك على شكلها ده
مجنونه بس عجبتني اوي حنتقابل تاني يامريم حنتقابل تاني
رجعت مريم البيت وهي مضايقه ولما بتتدايق طبعا بتجوع وهي في كل حالتها بتجوع 😂
ماما الاكل فين انا جعانه اوي
الصنيه في الفرن ليسا وبعدين ايه رجعك بدري كده ياهبله
المدير طفس ياماما اخد سندوتشاتي كلها يرضيكي كده
يرضيني طبعا المهم اتقبلتي مش كده
لا طردت نفسي علشان ده طمع في سندوتشاتي وانا الي ياجي على اكلي ياجي عليا انا كمان
الصبر من عندك يارب انا عملت ايه في حياتي علشان يبقى عندي بنت هبله ومفجوعه زيك
لو سمحتي ياماما مفجوعه ماشي بس هبله لا دنا اعقل واحده في العماره دي
اه باماره ان ولا عريس اتقدملك بسبب طفاستك دي قولتلك خسي شويه علشان حد يبصلك يابنتي
ماما انا بحب نفسي كده ولو مش عاجبه حد بس عاجبه نفسي والحمد لله والي عاوزني كده ماشي مش عاجبه في سنين داهيه
يعني حتفضلي كده العمر كله يامريم ياحبيبتي انا خايفه عليكي بس
صدقيني ياماما انا ربنا كاتب ليا نصيب واكيد حيعجبه شكلي كده كمان طب تجي تتحديني لو عريس اتقدم تعمليلي صنيه بطاطس بالحمه ولو لا انا حاكل تلات مرات في اليوم بس ها ايه رأيك
ويعني كده حتخسي اوي ياختي ماشي ربنا يكرمك يابت بطني يارب
ماما ايه الريحه دي استني كده يالهووي صنيه المكرونه بتاعتي
في الليل عند مريم في غرفتها قاعده بتلعب في الفون فجأه اجت ليها رساله
مساء الورد يادبدوبتي عامله ايه
دبدوبتي هو بيمدح او بيتريق عليا دلوقتي ومين ده اصلا
اجت رساله تاني على الفون
ايه يامريومه مش بتردي عليا ليه ياقلبي
الله ده يعرفني بقى وكتبت.. انت مين ياعم الحبيب
انا من ساخطفك فوق حصاني الي بيتي وفي احضاني يادبدوبتي
ههههههه ده قال حصان 🐎 طب قول فيل علشان يكفي حتي وبعدين انا بقول ايه بس ياربي مين الرومانسي ده انا عمري ماحد كلمني اصلا
كتبت في الرساله..حتنطق مين ياض بازوق احسن اشلفط خلقت امك هي مش ناقصه مرقعه ياحيلتها
رد عليها..برضو في بنت حساسه زيك تقول كده بس على العموم اشوفك بكره يادبدوبتي
ده بيقول حساسه ده انا الي جاتني الحساسيه من كلامه ده وبعدين قصده ايه اشوفك بكره
بعتت بسرعه لنفس الرقم..قصدك ايه بحشوفك.. بس مااجاش رد فسابت الفون وهي بتفكر في كلامه
وفي الصبح صحيت مريم واخد شور وطلعت
ماما هو ابو صلاح فين
في الصالون ومعاه ضيف ياحبيبتي
ضيف شغل والا ايه؟!
معرفش هو ضيف وخلاص
تمام هاتي القهوه دي انا حقدمها بنفسي علشان اشوف مين
دخلت مريم الصالون وفي ايدها القهوه وحطتها قدامهم
اتفضل يابابا القهو..انت؟!!
فجأه خرجت وصرخت بصوت عالي
ياماما عريس اعملي صنيه البطاطس بالحمه على الغدا بقى