رواية داليدا الفصل السادس 6 بقلم حبيبة ابراهيم
رواية داليدا الجزء السادس
رواية داليدا البارت السادس
رواية داليدا الحلقة السادسة
تليفون داليدا بيرن
داليدا: الو
محمد: إيه يا داليدا عاملة إيه دلوقتي؟
داليدا: الحمد للَّه بخير
محمد: انا عارف انك زعلانة بس الحمد للَّه اهم حاجة انك بخير ولولا انك تعبتي التعب ده مكناش هنعرف ان في حاجة ف قلبك الحمد للَّه يا داليدا والامتحان يتعوض
داليدا: الحمد للَّه
محمد: إيه رأيك اجيلك بكرة إن شاء اللّٰه و اخدك نتفسح
داليدا: خلاص هقول لبابا وهشوف اسيل عندها حاجة ولا لأ
محمد: انا قولت لعمو وعمو قالي ماشي وسأل اسيل وراها حاجة ولا لأ قالتله لأ
داليدا: خلاص ماشي هستناكك
(اليوم التالي)
داليدا: يلا يا أسيل محمد مستنينا تحت
أسيل: ماشي يلا
_______
بعد ٢٠ دقيقة في الكافية
موبايل داليدا بيرن
داليدا: الو يا ريم
ريم: إيه يا بنتي طمنيني عليكي
داليدا: انا الحمد للَّه بخير
ريم: الدكتور قالك إيه؟
داليدا: قالي من الأكل وكده وقلبي كمان في مشكلة
ريم: معلش معرفتش اجيلك كان عندنا شوية مشاكل هنا متزعليش مني يا داليدا وانا كمان بطني وجعتني الف سلامة يا قلبي
داليدا: اللّٰه يسلمك يا حبيبتي كفاية انك اهتميتي
ريم: إنتي مش في البيت ولا إيه؟
داليدا: لأ مش في البيت
ريم: اومال فين كده
داليدا: محمد جيه خادني انا وأسيل و قاعدين في كافيه
ريم: امممم ماشي يا حبيبتي طب هقفل انا بقى
داليدا: ماشي يا قلبي لما اروح إن شاء اللّٰه هكلمك
ريم: ماشي يا حبيبتي سلام
داليدا: سلام
محمد: هقوم اخش الحمام
داليدا: ماشي
(بعد ١٠ دقايق)
محمد: ايه تشربوا إيه
داليدا: انا هشرب قهوة
أسيل: وانا عصير
محمد: انتوا ليه مختلفين اوي كده
داليدا(بضحك): مش عارفة بجد
محمد: ماشي لو سمحت
الويتر: ايه تحب تشربوا إيه يا فندم
محمد: عاوزين عصير و٢ قهوة
الويتر: اي حاجة تاني يا فندم؟
محمد: لا شكرًا
الويتر: العفو
(تليفون محمد بيرن)
محمد: إيه ده رقم غريب
داليدا: طب رد
محمد:الو؟
=إيه يا محمد معقول كده كل ده متسألش؟
محمد؛: مين معايا؟
=ايه ده خطيبتك معاك ولا إيه شكلها معاك انا عرفت انك اتخطبت ليه كده ليه بعد الحب ده كله تسيبني كده؟
داليدا: مين دي؟
محمد: معرفش
داليدا: متعرفش ازاي وجابت رقمك منين وعرفت اسمك منين
محمد:بقولك معرفش يا داليدا
داليدا: هاتها
داليدا: انتي مين؟
=اايه ده هو محمد مقالكيش انه كان بيحب قبل كده ولا إيه؟
داليدا (بصدمة): بترمي التليفون لمحمد قولي مين دي دلوقتي حالًا
محمد: يا داليدا انا معرفش مين دي وانا عمري ما حبيت قبل كده
داليدا: ما هو واضح
داليدا: يلا يا أسيل نروح
أسيل: استني بس يا داليدا نفهم
داليدا:بقولك يلا نروح
محمد: اهدي بس يا داليدا واللّٰه مش بكدب عليكِ
داليدا: انا مروحة يلا يا أسيل
(داليدا بتاخد أسيل وبيروحوا)
الأم: في ايه يا بنات داليدا مالها متضايقة كده ليه ورجعتوا بسرعة ليه كده انتوا مكملتوش ساعة
أسيل: داليدا ومحمد اتخانقوا
الام: في ايه؟
أسيل: في رقم كلم محمد وبنت بتقول حب ومش حب وكلام كده
الام: لا لا محمد محترم
أسيل: داليدا مصدقتش وقامت مشيت
الام: انا هخش اكلمها
الام: في ايه يا داليدا
داليدا: انا مش عاوزة اكمل
الام: يعني ايه من اول سوء تفاهم تقولي مش عاوزة اكمل
داليدا: انتي عاوزاني اكمل مع شخص بيحب واحدة غيري!
الام: مكنش خطبك يا داليدا ما يمكن واحدة عاوزة توقع بينكوا
داليدا: ماما مين ليها مصلحة في كده وبعدين دي عارفة عنه كل حاجة بتقوله انا عارفة انك خطبت وتلاقي خطيبتك قاعدة جمبك معنى كده انه بيكلمها ولما انا كنت معاه عمل نفسه ميعرفهاش وبعدين عرفت رقمه واسمه منين يا ماما ازاي؟ عاوزة تقنعيني انه كل ده عادي!
الام: انا هتصل بيه وافهم ومينفعش عدم الثقة اللي من البداية ده وافقتي بيه ليه لما انتي مش واثقة فيه انتي عارفة محمد محترم قد ايه
داليدا(بعياط): يا ماما مش هقدر اعيش خذلان تاني واتصدم
الام: يا حبيبتي ده اول سوء تفاهم بينكم ليه بس بتقولي كده ليه يا بنتي بتجيبي نهاية الموضوع بسرعة كده؟
داليدا: طب كلميه
االام: حاضر
_______
(اليوم التالي)
داليدا: الو يا ريم
ريم: ايه يا قلبي عاملة إيه؟
داليدا: الحمد للَّه بخير انتي عاملة إيه؟
ريم: الحمد للَّه يا قلبي
داليدا: انا اتخانقت انا ومحمد
ريم؛: ليه يا بنتي ما كنتوا كويسين امبارح
داليدا: هحكيلك
(بعد ما بتحكي)
ريم: انا ممكن لو مكانك افسخ خطوبتي في وقتها بس لا لا اوعي تعملي كده انا اوفر شوية برضو المهم يا بنتي محمد محترم جدًا وتلاقي دي واحدة عاوزة توقع بينكوا زي ما طنط قالتلك وبعدين صح ده اول سوء تفاهم بينكوا اومال لما تتخانقوا كتير هتعملي ايه؟ انتي مش بتشوفي تاليا بتتخانق قد ايه هي وخطيبها وكل شوية اصالحهم على بعض
داليدا: ايوه يا بنتي اصلا انا هديت شوية لما افتكرت ان تاليا قالتلي قبل كده ان حصل معاها هي وخطيبها حوار زي ده مرضيتش احكيلها كفاية مشاكلها هي وخطيبها
ريم: يا بنتي حصل خير متكبريش الموضوع يا ستي انا هصالحكوا على بعض
داليدا: ماما كلمته بس مقالتليش حاجة ماشي كلميه
ريم: ماشي هاتي الرقم
_______
ريم: الو
محمد: الو مين معايا؟
ريم: انا ريم صاحبة داليدا فاكرني؟
محمد: اه داليدا بتحكيلي عنك كتير وشوفتك يوم الخطوبة بس كان فيه اتنين معرفش انهي فيهم
ريم: مش مشكلة المهم بص انا كنت بكلمك عشان داليدا كانت زعلانة وكده وقولتلها انا هصالحكوا
هي اوفر شويتين ودي داليدا من زمان يعني بس برضو هي بتغير يعني وحقها معلش متزعلش منها هي بس زعلت شوية
محمد: لا انا مش زعلان منها اساسا ومقدر موقفها كويس وحتى والدتها كلمتني وانا رايح اصالحها
ريم: امممم ايوه برافو لازم تستحملوا بعض شوية اومال مين هيستحمل عيوبها؟
محمد(بضحك): لا انا بحبها بعيوبها اساسا
ريم(بضحك): ماشي كويس انك رايح تصالحها انا كده مهمتي خلصت هقفل انا بقى
محمد: طيب سلام
ريم: سلام
——–
ريم: ايه يا داليدا
داليدا: ايه قالك ايه؟
ريم: بيتكلم عنك حلو اوي وعاملك مفاجأة
داليدا: بجد؟
ريم: اه واللَّه
داليدا: الحمد للَّه اننا اتصالحنا بجد
ريم: يلا استحملوا بعض عشان تكملوا بإذن اللّٰه
داليدا: معلش يا قلبي تعبتك معايا
ريم: لا طبعاً انتي صاحبتي
داليدا: حبيبتي عاوزة حاجة؟
ريم: لا عاوزة سلامتك
داليدا: تسلمي يا قلبي سلام
ريم: سلام
“بعد ساعتين ”
(يرن جرس الباب)
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية داليدا)
