رواية داليدا الفصل الرابع 4 بقلم حبيبة ابراهيم
رواية داليدا الجزء الرابع
رواية داليدا البارت الرابع
رواية داليدا الحلقة الرابعة
داليدا: إبدأ انت
محمد: ماشي انا كنت طول الوقت مركز ازاي اكون ناجح كانوا كل الناس بيقولوا اني فاشل كنت بحس اني مش فاشل بس من كتر كلامهم حسيت اني بجد فاشل وقولت بما اني فاشل مش مهم اتحرك فضلت واقف مكاني سنين فضلت طول الوقت بفشل اكتر المشكلة اني اهتميت لكلام الناس بس اهلي كانوا بيحاولوا يقولولي قد ايه انا ناجح بس طبعًا انا كانت دماغي استستمت اني فاشل لغاية ما كنت مع بابا في الجامع وكنت بصلِّي بعد الصلاة بابا مشي و كان في واحد قاعد جمبنا كنت بقرأ في المصحف
لقيت الشخص ده بيقولي بارك اللّٰه فيك على طول بتيجي الجامع؟
قولتله اه الحمد للَّه
قالي حافظ حاجة من القرآن؟
قولتله اه الحمد للَّه حافظ تلت اجزاء
قالي مفيش شباب منك كتير دلوقتي
قولتله اكيد فيه واحسن مني كمان بس احنا مش بناخد بالنا منهم زي ما محدش بياخد باله مننا ولا حد بياخد باله قد ايه ممكن نفسيتنا تتعب من مجرد كلمة
قالي احكيلي شكلك متضايق يمكن اساعدك
قولتله لا لأ ليه اوجع دماغك بمشاكلي؟
قالي اسمك إيه؟
قولتله محمد
قالي بص يا محمد احنا هنا في الدنيا زوّار وكان اللّٰه في عون العبد ما دام العبد في عون اخيه
لما اساعدك ربنا هيساعدني في وقت انا محتاج فيه المساعدة
حتى لو مساعدتكش على الاقل هتكون بتفضفض
قولتله انا طول عمري شاطر وبجيب درجات عالية و بحس اني عملت اللي عليَّ حتى لو منجحتش
لغاية ما في مرة جيبت ملحق كنت وقتها تعبان اوي كنت بتحرك بالعافية او مكنتش بتحرك بمعنى اصح كنت باكل وبشرب بالعافية كنت في مستشفيات اهلي وقفوا جمبي وقدروا موقفي بس المشكلة كانت في الناس ويمكن بمعنى اوضح صحابي مشوفتش خذلان كده في حياتي لقيت صحابي كلهم بيقولولي بطرق غير مباشرة ومباشرة اني بقيت فاشل ومش هنجح في حياتي عشان ملحق عشان كانوا شايفيني مش بذاكر ميعرفوش انا مريت ب إيه انا فاكر مرة صاحبي قالي انا كنت متأكد اني هكون احسن منك في يوم عشان انت شايف نفسك مفيش منك اتنين طول الوقت وبتحسسني اني فاشل مع اني عمري ما قولتله اي حاجة غير انه يقدر يكون ناجح وانه شاطر حتى لو مبيذاكرش ساعتها مكنتش مصدق اللي هو قاله طب ازاي؟ طب ليه؟ ساعات الناس بتشوف ان الولاد مبيهتموش بالكلام ده بس انا طول الوقت بهتم بنجاحي اوي واني افرح اهلي بس انا اهتميت بكلام صاحبي لانه كان صاحبي اوي
بس بعدها حسيت اني فاشل بجد اني بنجح في دراستي بس
بعديها مهتمتش بدراستي تاني بس كده
الراجل قالي بص يابني معرفش يمكن ناس متأثرش فيهم القصة دي مع انها اثرت فيك انت صح؟
قولتله اه
قالي عشان كده لو اهتمينا بكلام الناس عمرنا ما هنتحرك او هنكون بنتحرك ومش واخدين بالنا ان احنا بنتقدم لمجرد ان الناس اوهمونا ان مهما اتحركنا هنفضل في نفس المكان
قالي محدش بيفهم إلا لما يعيش فاهم؟
قولتله لأ
قالي عمر ما حد هيحس بوجعك إلا لو عاشه
محدش هيحس قد إبه انت عانيت
قالي يمكن ربنا بعتني ليك عشان تتحرك تاني مع انك اساسا بتتحرك اهو
قولتله ازاي؟
قالي انت بتصلِّي وبتقرأ قرآن وحافظ اجزاء كمان من القرآن ما شاء اللّٰه تبارك الرحمٰن وده النجاح لأن اللي بينجح بجد هو اللي بيجهز نفسه لآخرته قبل ما ينجح في دنيته
كمل حفظ قرآن يبني وهستناك تيجي تقولي انا حفظت القرآن كله
خليك مع ربنا وكلام ربنا وملكش دعوة بكلام الناس
بعدين قالي انت في سنة كام؟
قولتله انا في تالتة ثانوي ونفسي اكون دكتور
قالي طب يا دكتور بتذاكر؟
قولتله لأ
قالي بس انت في نص السنة
قولتله عارف
قالي لسه قدامك وقت قوم ذاكر اتحرك انت بإذن اللّٰه تقدر تنجح صلِّي قيام الليل وادعي
قولتله حاضر
وساعتها روحت البيت حسيت ان الدنيا بتضحكلي بدأت اركز انا ليه صدقت اني فاشل مع اني مش كده ومكنتش بصلِّي قيام الليل وانتظمت عليه
بدأت اذاكر واعافر واصلِّي قيام الليل وادعي
لقيتني وصلت بقيت دكتور وفي نفس الوقت حفظت القرآن كله ومهتمتش بكلام الناس لقيت اهلي فرحانين وفخورين بيا لقيت كل شخص قالي اني فاشل جم قالولي ازاي نجحت؟ ازاي؟
وقتها كان اجابتي تحقيق حلمي الحمد للَّه
روحت الجامع وقابلت الراجل قولتله انا بقيت دكتور وحفظت القرآن كله الحمد للَّه قالي انا كنت بدعيلك كل يوم ولما ساعدتك بنتي كانت في عملية وقتها الدكتور قالي ان العملية دي احتمال كبير تفشل صلِّيت العشاء ودعيت ان بنتي تطلع سليمة ولما ساعدتك ربنا ساعدني زي ما قولتلك
قالي مبارك يا محمد انت تستاهل كل خير
وبس كده من ساعتها وانا حياتي كلها بتضحكلي
الراجل ده بعد شهرين عرفت انه مات وهو بيصلِّي كان راجل طيب اوي
احكيلي انتي بقى عن حياتك
داليدا: هقولك انا طول عمري مش بفهمني ومحدش بيفهمني بحاول افهمهم اي حاجة عني بس محدش بيفهمني ولا حتى انا مبكونش عارفة انا عاوزة ايه بجد بقعد افكر كتير بلاقيني غريبة بقف كل مرة عند نفس النقطة وهي ان دماغي بتقف وبوصل ل ان مفيش اجابة بس اللي اعرفه ان انا كنت طول عمري وحيدة محدش كان بيحبني كنت بشوف نفسي وحشة اوي وكنت بشوف اني عمري ما هتحب كنت مش واثقة في نفسي تمامًا حتى محدش كان بيحبني في مدرستي
بس كنت بحلم اني اتحب
دخلت تانية ثانوي صاحبت واحدة خذلتني وقتها اتأثرت اوي لان كانت اول واحدة اصاحبها واحبها اوي كده اتخانقنا خناقة بسيطة قالتلي انتي محدش بيحبك عشان انتي وحشة اساسًا
روحت البيت معيطة وماما كانت بتقولي انتي احلى واحدة في الدنيا
وقتها قررت اني مش هصاحب تاني
ولما دخلت تالتة ثانوي حطيت هدف قدامي وقولت إن شاء اللّٰه هحققه
ذاكرت كتير اوي وحالتي النفسية مكانتش بخير مريت بحاجات كتير مش هعرف احكيها دلوقتي
و قررت اعمل بيدچ على الفيسبوك محدش كان متابعني بعد محاولات كتير لقيت محدش عارفني اساسا ف قررت اقفلها نزلت بوست كتبت كان كل املي اتحب انا محدش يعرفني انا قررت اقفل البيدچ دي
و و انا في درس الفيزياء اغمي علىَّ وقتها بنتين حاولوا يفوقوني بالعافية ولما فوقت قالوا انهم صحابي ووصلوني لغاية البيت وهما ميعرفونيش اساسًا
اتصاحبنا حالتي اتحسنت ونجحت ودخلت كلية طب كنت فرحانة اوي ان ليا صاحبتين بحبهم وبيحبوني هما مدخلوش طب اه بس برضو الحمد للَّه دخلوا كليّات حلوة تاليا بقى ليها صحاب تانيين هي كده كده كان ليها صحاب تانيين لكن ريم هي اقرب صاحبة ليا حقيقي معايا في كل حاجة بحبها اوي بحسها كده اختي بجد بحب انها طفلة مهما كبرت تخيل جابتلي عروسة في عيد ميلادي من حبها في العرايس وحاجات الاطفال بس بجد بحسها بتحبني اوي وبس وبعدين بقى بعدها روحت خدت بريك بعد ثانوي كده وقولت انا هحاول انجح تاني وبإذن اللّٰه امنيتي تتحقق و رجعت فتحت القناة تاني ونجحت برضو وبقى عندي ناس كتير يعرفوني لما حكيتلهم عن قصة حياتي
عرفت وقتها ان لما بيكون عندنا هدف بنسعى عشان نحققه وبنحاول نتخيل اننا حققناه بنحققه بإذن اللّٰه
لكن لما بنتوقع دايمًا ان عمرنا ما هنحقق حاجة مش بنحققها بجد لمجرد اننا اقنعنا نفسنا ان صعب اوي تتحقق
ولما شوفتك في الجامعة حبيتك قعدت ادعي كتير اوي انك لو خير ليّا تتقدملي و قعدت مستنية وواثقة قي ربنا ان دعوتي هتتحقق ولو بعد سنين لقيتك في يوم جاي تقولي انا بحبك
وقتها كنت في صدمة مكنتش عارفة اقول ايه لقيتني بقولك انا مش بكلم ولاد ولو بتحبني بجد اتقدملي
قولتلي هتقدملك ولو مش مصدقة هاتي رقم مامتك وهكلمها انهاردة
انت حبيتني ليه يا محمد؟
محمد: معرفش بس حبيتك حسيتك مختلفة غريبة كده غير كل الناس كنت بحبك وعارف ان مش هينفع اكلمك حسيتك هتزعقي في وشي ومكنتش اعرف انك بتحبيني استخرت ربنا وحسيت اني ارتاحت وتاني يوم قولتلك انا بحبك متوقعتش انك بتحبيني لانك مكنتيش بتبيني
داليدا: اكيد مش هبين
محمد: الحمد للَّه اني قابلتك بجد
داليدا: وانا مبسوطة انك خطيبي
أسيل: يا شباب الساعة بقت ٩ يا دوب نلحق نروح
محمد: يلا عشان اوصلكوا
داليدا: يلا
_________
(بعد اسبوعين)
داليدا: ماما انا عازمة ريم وتاليا انهاردة
ام أسيل: ماشي يا حبيبتي هعملكوا حاجة تاكلوها
داليدا: لا يا حبيبتي متتعبيش نفسك روحي انتي وبابا اتفسحوا شوية انل واسيل اتفسحنا انا هعمل اكله خفيفة كده
ام اسيل: ماشي يا حبيبتي على مهلك
(بعد ساعتين)
(صوت جرس الباب)
داليدا: إيه يا ريم كل التأخير ده؟
ريم: يبنتي انتي ليه بتحسسيني انك مش عارفة بيتي بعيد قد إيه؟
داليدا: يوهه يستي ماشي خشي
ريم: اومال تاليا مجاتش؟
داليدا: لأ لسه قالتلي انها كانت في مشوار هترجع البيت وبعدين تيجي على هنا
ريم: اممم اوكي
داليدا: استني هقوم احطلك عصير ولا اقولك لما ناكل
ريم: ايه ده طنط عاملالنا اكل اومال فين طنط صح؟
داليدا: نزلت هي وبابا وخدت قمر قولتلها تتفسح شوية انا وأسيل محمد فسحنا وبعدين انا كنت هعمل اكل بس قولت اعزمكوا من المحل اللي فتح جديد ده
ريم: ايه ده اتفسحتوا؟
داليدا: اه من اسبوعين كده
ريم: ايه ده محكيتيليش يعني
داليدا: نسيت بجد وكل يوم اقول هحكيلك بنسى يبنتي انا الاسبوعين دول واخداهم مذاكرة انتي مش عارفة المادة صعبة قد ايه ودي آخر مادة أخيرًا
ريم: احكيلي بقى روحتوا فين؟
(أسيل بتفتح الباب)
أسيل: تاليا جات يعيال
داليدا: اخيرًا يستي كنا هناكل من غيرك
تاليا: ايه الخيانة دي
داليدا(بضحك): يستي بهزر ريم لسه جايه اساسا
داليدا: ابقى احكيلك بعدين يا ريم
تاليا: كنتوا بتحكوا في إيه
داليدا: بقولها محمد فسحنا ف كنا بنحكي عن التفاصيل
تاليا(بضحك): اممم ماشي هتحكيلنا كلنا اساسا
داليدا(بضحك): يا ستي ماشي يلا بس ناكل
(بعد الأكل)
داليدا: إيه رأيكوا يا بنات؟
ريم وتاليا:طعمه غريب بس اشطاط يعني
داليدا: دي حقيقة بس احنا كلنا الاكل كله ف عادي بقى
داليدا: هقوم بقى اعملكوا شوية عصير
ريم: لا لأ انا هقوم اعمل العصير وانتي يا داليدا شوفلنا أي لعبة نلعبها
داليدا: خلاص اشطا
أسيل: وانا هنزل اجبلنا شوية حاجات نتسلى فيها وهاخد تاليا معايا
داليدا: ماشي بس ترجعوا بسرعة
(بعد عشر دقايق)
ريم: هما اتأخروا ليه كده؟
داليدا: زمان أسيل مترددة تحيب إيه ولا إيه
ريم: طب انا هقوم احطلنا احنا العصير عشان شكلهم هيطولوا
داليدا: ماشي
(بعد ما شربوا العصير)
داليدا بتفتح الباب: إيه يا أسيل كل ده قولتلكوا ارجعوا بسرعة
أسيل: كنا محتارين نجيب إيه وبعدين مانتوا شربتوا العصير ولحستوا الكوبايات اهو
داليدا: ايوه اشربوا انتوا ويلا عشان ناكل ونلعب
تاليا: تيجوا نلعب صراحة
داليدا: ماشي يلا
(تلف الازازرة على ريم وتاليا)
تاليا: مين اكتر صاحبة بتحبيها يا ريم
ريم: داليدا
(أسيل و تاليا)
أسيل: نفس السؤال يا تاليا
تاليا: بحب صاحبتي مريم اوي
داليدا: لأ انا مش حاسة اللعبة دي يلا نشوف لعبة غيرها
(اليوم بيخلص وريم وتاليا يروحوا والاب والام رجعوا)
“الساعة الثانية مساءًا”
داليدا(بصويت): آه يا ماما الحقيني
أسيل بتقوم مفزوعة: في إيه في إيه
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية داليدا)
