رواية داليدا الفصل التاسع 9 بقلم حبيبة ابراهيم
رواية داليدا الجزء التاسع
رواية داليدا البارت التاسع
رواية داليدا الحلقة التاسعة
ريم بتفتح الباب
محمد: فين داليدا؟
ريم: جوه متقلقش هي كويسة
داليدا: انت ايه اللي جابك هنا؟ انا حتى مش قايلالك اني هروح لريم انهاردة انا قولتلك رايحالها بس مقولتش امتى
ريم: انا برضو معرفش هو جيه ليه وازاي اساسا عرف بيتي
محمد: انتي اتصلتي بيا وقولتيلي ان داليدا وقعت من طولها
داليدا: ايه الكلام ده يا ريم؟
ريم: ده كداب لو مش مصدقة افتحي موبايله وشوفي انا رنيت ولا لأ
داليدا: افتح موبايلك يا محمد
محمد: انتي مصدقاها يا داليدا؟
داليدا: ومصدقهاش ليه؟
محمد: وانا مش هفتح تليفوني
داليدا (بصوت عالي): يعني هي كلامها صح؟ وانت جاي تقولها كل سنة وانتي طيبة ولا إيه؟ عجبتك لما كلمتك؟
محمد: داليدا متعليش صوتك وبطلي الكلام اللي بتقوليه ده
داليدا: طبعا ما انت مش عارف تتكلم على العموم انا هكلم بابا واقوله انك خاين ومش هنكمل مع بعض
ريم: اهدوا بس
داليدا(بتضحك ضحة تريقة): نهدى؟ مش ده اللي كان نفسك فيه؟
ريم: داليدا انتي بتقولي ايه؟ انا عمري هعمل كده؟
داليدا: ريم انا عرفت كل حاجة خلاص مش لسه هتكملي تمثيل
ريم: انا عملت كده عشانك محمد اصلا مبيحبكيش
داليدا: انتي اتجننتي؟ انتي بتبرري اي تبرير وخلاص؟ وجيبتي العروسة برضو عشان محمد مبيحبنيش؟
ريم: عروسة؟ لا انا بجد مكنتش اعرف ان فيها حاجة
داليدا: بجد؟ طب استني
داليدا بتفتح الباب والبنت بتخش
ريم: اه هو انتي
ريم (ب غل): طيب بما ان كل حاجة اتعرفت اه انا اللي جيبت العروسة وانا اللي رنيت على محمد اول مرة وقولتله اي يا حبيبي مش فاكرني؟
داليدا: اازاي بس انا عارفة رقمك كويس وانتي رنيتي عليه تاني يوم يعني اكيد مكانش لحق ينسى الرقم وبعدين جبتي رقمه منين؟
ريم: لا منا جبت رقم تاني وكلمته
داليدا: وجبتي رقمه منين؟
ريم بتبص ل داليدا وبتسكت
داليدا: ردي جبتي رقمه منين؟
ريم: فتحت موبايلك لما كنت عندك وخدت رقم
داليدا: انتي ازاي كده؟
ريم: وانا برضو اللي حطيتلك حاجة في العصير عشان متروحيش الامتحان وانا اللي كلمت محمد وقولتله ييجي هنا عشان تفتكريه بيخونك
داليدا(بصدمة وصوت عالي) بتمسك ريم وبتقولها انتي بتقولي ايه؟ ردي علىَّ بتقولي ايه؟ ازاي؟ ده انتي صاحبتي من سبع سنين بحالهم هو انتي ازاي مثلتي عليَّ سبع سنين انك بتحبيني واني صاحبتك؟
ريم: انا ممثلتش انا كنت بحبك بجد وكنتي اقرب صاحبة ليا لما كنتِ لوحدك! انا فجأة لقيتك عاملة بيدچ عندك ناس شيفاكي كل يوم بتعلي بتحققي حاجات كتير وانا واقفة هنا مكاني لقيتك دخلتي الكلية اللي اتمنتيها وبقيتي في طب لقيتني واقفة مكاني هنا مبتحركش عمالة كل يوم انا خرجت انا روحت انا جيت انا عملت انا جيبت ده بابا جيه وجابلي مش عارف ايه ومحمد مش عارفة وداني فين
داليدا: انتي ازاي كده ازاي؟ ازاي طلع منك كل ده انا حقيقي مش مصدقة اكيد انا بحلم صح حد يقولي اني بحلم ده انتي اكتر انسانة انا حبيتها ده انا كل ما حد يشوفني احكيله عنك اقوله قد ايه انا بحبك وقد ايه انتي صاحبتي وان انتي اقرب صاحبة ليا ليه كده؟ انا كنت بتمنالك الخير بحاول ادورلك على كل حاجة بتفرحك كان نفسك تشتغلي جبتلك انهاردة رقم صاحب الشغل وكنت عملهالك مفاجأة كنت بتمنى انك تحققي حلمك انتي كما بس ده نصيب كنت بحاول افرحك بأي شكل ليه كده يا ريم ليه؟
ريم: ده انتي الشخص الوحيد اللي حبيته واتمنيته يكون ليا خطبك انتي!
محمد: ايه!!
داليدا: يعني ايه الكلام ده
ريم: لما كنت باجي معاكي ناكل بعد ما تخلصي محاضراتك كنت بشوفه كتير وحبيته لقيته شخص شكله محترم قولت لماما اني معجبة بيه وحبيته قالتلي يا حبيبتي اكيد مش هتقوليله كده وهو لو بيحبك زي ما بتحبيه هييجي يتقدملك استنيت وبدأت احس انه بييجي المكان ده عشانك انتي اصل مش معقول كل دي صدف
داليدا: يعني انتي كنتي بتيجي كل مرة تاكلي معايا عند الجامعة عشان محمد؟
ريم: اه وبعديها لقيتك بتصدميني انك هتتخطبي جيت الخطوبة كنت في صدمة معقول؟ محمد اللي انا حبيته؟
داليدا: اانتي عمرك ما حكيتيلي قبل كده يا ريم
ريم: واحكيلك ليه لما هو محبنيش؟
داليدا: انا مش مصدقة عيني ومش مصدقة ان دي انتي وكل ده جواكي ليا كنتي بتحاولي توقعي بينّا عشان بتحبيه وكنتي بتحاولي تأذيني عشان احس اني فاشلة ومحققش حلمي وكنتي بتجيبيلي عروسة عشان تخوفني؟ ليه كده ليه؟
انتي تعرفي انا نجحت او حققت الحاجات دي بعد قد ايه؟
انا عمري في حياتي كلها ما حكيت عن معاناتي عمري ما قولت انا تعبت قد ايه تحبي تعرفي؟
انا كنت كل يوم بعيط من كتر ما محدش بيحبني وشايفة نفسي وحاسة نفسي وحشة طول الوقت وبعد ما بقى ليا صاحبة خذلتني كنت بتمنى انها تيجي تتأسفلي وتصالحني ونرجع صحاب تاني مكانش ليا صحاب غيرها ومجاتش تصالحني
جالي اكتئاب من كتر منا حزينة اني لوحدي وبعد الكلام اللي هي قالتهولي ونفسيتي تعبت وصحتي كل يوم كان بتدمر وروحت مستشفيات وكنت باخد علاج نفسي تخيلي مثلا انا بقولك ان الجرح ده واجعني اوي تقومي جاية دايسة عليه تفتكري هتوجع ولا هقول لا لا عادي؟
هي عملت كده كانت عارفة اني مش بحبني ومحدش يعرفني راحت قالتلي انتي محدش هيحبك عشان انتي وحشة وكلام تاني
يوم ما عملت بيدچ كان بعد ما ماما واختي وبابا حاولوا يقنعوني اني افتح بيدچ وممكن تنجح منجحتش بابا وماما حاولوا يفرحوني بأي شكل واختي الوحيدة اللي كانت صاحبة ليا وكنت دخلت تالتة ثانوي اغمي عليَّ وقتها ساعدتوني وبقيتوا صحابي وبقيتي انتي اقرب صاحبة ليا شجعتيني افتح بيدچ من كتر حبك ليا وفتحت بيدچ وحكيت قصتي ونجحت
وربنا عوضني ونجحت ودخلت طب وانتي بكل بساطة بتحاولي انك تبوظيلي حياتي؟ ليه؟ ليه كده يا ريم؟ ده محمد كان بيقولي انا مش حابك بعد ما كلمتيه ومقاليش اي حاجة وانا كنت بدافع عنك واقوله ليه يعني دي صاحبتي
(ريم بدأت تعيط)
داليدا وهي مدمعة: انتي فاكرة ان الانسان لما بيكون حاسس انه وحيد بيعيش مبسوط؟ انا كنت فاكرة انك صاحبتي يا ريم
انا مش عاوزة اعرفك تاني يا ريم
ريم: استني يا داليدا
داليدا: بترمي شنطة الهدايا
داليدا: يلا يا محمد نمشي
(داليدا بتاخد محمد والبنت وبيمشوا)
داليدا(بعياط): معلش يا جماعة دوشتكوا معايا وتعبتكوا
محمد: متعيطيش يا داليدا
داليدا: هي قالتلك ايه عني؟
محمد: مش وقته يا داليدا
داليدا: قول يا محمد عشان اخد الصدمة مرة واحدة هي كده كده عمرها ما هتكون صاحبتي تاني
محمد: هي كانت طريقتها مش عجباني كانت بتقول مين هيستحمل عيوبها غيرك وكانت بتقول داليدا اوفر شوية وده عيبها من زمان بس انا قولتلها انا مش زعلان منك وكده
داليدا(بعياط): عشان كده كانت بتقولي لو مكانك افسخ خطوبتي انا ازاي كنت غبية كده ازاي
داليدا: روحني يا محمد وانتي معلش استني محمد هيبعتلك فلوس من معاه عشان متتأخريش اكتر من كده.. معلش يا محمد ابعتلها فلوس وهديهملك بعدين
محمد: حاضر
البنت: شكرًا جدًا وانا اسفة تاني
داليدا: العفو يا حبيبتي
(ام داليدا بترن)
ام داليدا(بصوت عالي): انتي فين يا هانم ده اللي اتفقننا عليه ومبترديش كمان على التليفون اتفضلي ارجعي دلوقتي حالًا لما تجيلي يا داليدا وبتقفل التليفون في وشها
“بعد ساعة ونص”
الام(بخضة): داليدا فيه ايه حصلك ايه؟
بييجي الاب وأسيل: مالك يا داليدا
الاب: حد عملك حاجة في ايه يا بنتي؟
(داليدا بتقعد وبتبتدي تحكي)
أسيل بعد ما بتخلص داليدا بتاخدها في حضنها
أسيل: متعيطيش يا داليدا انا صاحبتك واختك متزعليش وقولي الحمد للَّه ان ربنا كشفلك حقيقتها
داليدا: الحمد للَّه
الام: قومي يلا غيري هدومك نامي شوية
الاب: خليكي معاها يا اسيل
اسيل: حاضر
_____
داليدا(بدموع): عارفة يا أسيل ساعات بنتمنى حاجة بشكل مش طبيعي بنفتكر اننا مش هنقدر نعيش من غيرها بندعي كتير انها تتحقق بنشوف ان الدنيا هتقف لو الحاجة دي مشيت او محصلتش وبنزعل ونعيط ونحس ان خلاص كده بس بعد كده بنفهم ان ربنا كاتبلنا الخير وبنعرف الحكمة من ان الحاجة دي متتحققش وان الحاجة دي بيكون فيها هلاكنا يعني انا مكنتش متخيلة ان ممكن اعيش من غير صاحبتي القديمة فكراها؟
أسيل: فكراها
داليدا: فضلت اعيط واكتئبت مع انها مكنتش معايا سنين اساسا ولا حاجة بس كانت اول واحدة تكون صاحبتي كنت متخيلة اني مش هقدر اعيش من غيرها وكمان كنت بدعي كل يوم انها تصالحني
بس ربنا جعلها متصالحنيش عشان لما ريم تعمل كده متكونش اول صدمة بالنسبالي وكانت هتكون قوية اوي
عشان كده يا ريم اللي بيقع مرة بيتعلم ازاي يسند نفسه المرة اللي بعدها
انا دلوقتي بحمد ربنا ان أريچ مجاتش صالحتني عشان لما اتصدم تاني متكسر
انا اه زعلانة وبعيط وعارفة اني هقعد كتير اوي عشان استوعب ليه كل ده وليه ريم عملت كده بس مش هقف مكاني هتحرك وانا حزينة يا أسيل انا تعبت اوي عشان اوصل هنا ومش مستعدة اني اخسر كل ده تاني انتي متخيلة ان ريم طلعت عزمت كل الناس قبل ما انا اجي عشان تعمل المسلسل ده؟
أسيل: انتي اشطر داليدا في الدنيا انا صاحبتك واختك وتاليا كمان
داليدا: تاليا سافرت بره مصر وهترجع بعد سنة انا بحبها اوي هي بجد طيبة بس انا كده هرجع لوحدي تاني؟
أسيل: انتي نسيتي صحابك قد ايه؟ انتي عندك ناس بيحبوكي اوعي تنسيهم
داليدا: انتي صح
أسيل: امسحي دموعك يا داليدا واقولك على مفاجأة؟
داليدا: قولي
أسيل: بابا مش مسافر تاني
داليدا: بجد
أسيل: بجد الراجل كلمه وقاله انه هيكمل شغله هنا في الفرع اللي في مصر وانا هيديله نفس المرتب عشان هو هيشغل ناس تانية هناك وهيخلي الطاقم المصري يشتغل هنا جمب اهلهم
داليدا: الحمد للَّه بجد
أسيل بتحضن داليدا وبتقولها انتي اشطر صاحبة لنفسك يا داليدا
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية داليدا)
