رواية داخل المشرحه الفصل السابع عشر 17 بقلم زينب رشدي
رواية داخل المشرحه الجزء السابع عشر
رواية داخل المشرحه البارت السابع عشر
رواية داخل المشرحه الحلقة السابعة عشر
لينا:بتحب مين
غيث:بحب يقين
لينا:طيب ومقولتلهاش ليه
غيث:كل ما اجي افتحه فى الموضوع يحصل حاجه وغير اسلام باشا ده اللى فى حياتها انا شاكك انه بيحبها
لينا بضحك:شاكك ي راجل قول كلام غير ده كمل كمل
غيث:بصى انا قولتلك عشان عارف انها صاحبتك وبتقولك على كل حاجه هى بتحب اسلام
لينا:على فكره يقين بجد مش بتحب اسلام يقين كل علاقتها بإسلام صحوبيه اخوات بس
يقين: وإسلام بيحبها صح
لينا:مليش دعوه بس متقلقش من اسلام هو اصلا هيسافر
غيث: يعنى….
احمد:غيث بية هنا
لينا:احمد خير جاى ليه
غيث:طيب انا استأذن
احمد:لسه زعلانه
لينا:لا موضوع وراح لحاله واتمنى ميتكررش تانى
احمد:اوعدك
لينا:اتفضل نتكلم فى الشغل
احمد:ماشي
قعدنا فتره بنتناقش فى شغل وبنتكلم وفجأه لقيت احمد ساكت ورايح مكان تانى خالص
لينا:احمد احمد ايه روحت فين
احمد: ها انا هنا كنا بنقول ايه بقا
لينا:هنا ايه بس دا انت دماغك راحت مكان تانى خالص ها راحت فين بقا احكى احكى متكسفش
احمد: ممكن اسالك سؤال
لينا: اكيد طبعاً اتفضل
احمد: لو انا بحب واحده وخايف اعترفلها
لينا: اي اليوم ده ياربى انت كمان بتحب
أحمد: انتى بتحبى
لينا: اعوز بالله لا مش بحب ي سيدي المهم انت ليك حبيبه
احمد:واى حبيبه دى واحده كده سكنت قلبى وعقلي وكل حاجه فيا مبقتش قادر افكر ولا اشتغل بسببها
لينا:والله ودى شكلها ايه بقا عشان كل ده
احمد:مفيش منها اتنين شاطره جدا فى شغلها الظاهر عليها انها مبتخفش ولا بيهمها حد بس الحقيقه هى شخص طيب جدا على نيتها تصرفاتها تصرفات طفله كلامها طلقائى دبش فى كلامها ممكن دي اكتر حاجه شدتني فيها كلها انوثه وجمال بس الظاهر انها بنت ١٠٠ راجل
لينا للحظه حاست بغيره:لدرجه دي بتحبها
احمد: تصدقيني لو قلتلك انا مش عارف حبيتها امتى ولا ازاى ولا ليه اصلا
لينا:ومقولتهاش لية
احمد:خايف ترفضني او يكون فى حد تانى فى حياتها
لينا:مبحبش الشخص اللى بيخاف يجرب اللى بيقول بخاف ولا الكلام ده الحياة تجارب اعمل اللى انت عايزه عشان متجيش بعدين وتندم مش ممكن تكون هي كمان بتحبك
احمد:تتخيلِ ممكن تكون بتحبنى ولو صحيح مقالتش ليه
لينا:فى بنات كتير مبتحبش تظهر مشاعرها لشخص لبتحبه صدقنى لو قولتلك ان فى بنات مبتعرفش انها بتحب الشخص ده غير لما يروح من قدامها
احمد:يعنى هى ممكن بتحبنى بس مش عارفه ايه الهبل ده
لينا:مش هبل فى ناس كتير كدة بجد لما يجي حد يبين لها او يلمحلها ي كدة يمتعرفش انها بتحب الشخص ده
احمد:خلاص انا هقولها
لينا:ربنا معاك
احمد:عن اذنك وشكرا خالص
لينا:العفو اتفضل
روحت البيت وانا مدايقه جدا انا ازاى زعلانه كده معقول اكون حبيته فعلا اصل مفيش معنى تانى اصل ليه قولتله كدة بس فعلا اديقت جدا لما عرفت ان بيحب معقول حبيته طب امتى وازاى وليه واشمعنا ده
~~~~
يقين: نعم
اسلام:تعالى بس نقعد فى كافيه وبعدين نتكلم
يقين:طيب
فى الكافيه
يقين:دكتور اسلام فى حاجه
اسلام:دكتور من امتى وانتى بتتكلمى معايا ب القاب
يقين:من ساعه ماقولت محدش ليه دعوه بيا اعمل اللى اعمله من ساعه مخبيت عليا من ساعه ما عايز تبعد عنى من ساعه متغيرت معايا وانت وعدتني انك هتفضل اخويا وفى ضهرى زي ما انت
اسلام:مش ممكن عملت كده عشان افضل اخوكى وفى ضهرك زي زمان
يقين:وده ازاى يعنى
اسلام:انتى مش عيزانى ابقى كويس ولا لا
يقين:اكيد
اسلام:وده مش هيحصل وانا جنبك مش هنضحك على بعض طول ما انا شايفك لحد غيرى وبتحبي غيري مش هقدر اقعد معاكى وطول ما انا جنبك مش هقدر انساكى
يقين باستغراب:انا بحب
اسلام:ايوه لتكوني فكراني حم”ار او مش فاهم انك بتحبي غيث
يقين:غيث انت بتهزر صح
اسلام:انا عارفك اكتر من نفسك الدكتوره يقين اللى كل تفكيرها انها توصل لحلمها وعمرها ما كونت صحاب ولا حبت تصادق فجأه كده تصاحبى غيث وكلامك كله عليه يقين اللى لو حد داس لها على طرف تنساه خالص ومترجعلهوش تانى ويجي غيث بكل خناقتكم دي تفضلى معاه لا وكمان بتشتغل معا حتى لو شغله مش تخصصك المهم انك تكونى جنبه
يقين:لا مستحيل انا وغيث اكيد لا انا وغيث منقدرش نقعد يوم من غير خناق
اسلام بابتسامة مكسوره: مش ده اللى نفسك فيه
يقين باستغراب:نفسي في ازاى؟
اسلام :فاكره فى الجامعه قولتى ايه
Flash Back 📸
اسلام:يقين بقولك ايه ايه رايك فيا؟
يقين:بمعنى؟
اسلام:يعني أنفع جوز ليكى؟
يقين:ي بنى انا موصفات فارس احلامى اننا نبقا على طول خناق انا وهو فى خلافات كتير بنا نكون مش بنطيق بعض كده عارف زي ما بيقوله جايين فوق روس بعض يااه ي اسلام لما اتخانق انا وهو كل شويه وانا اعمل نفسي مقموسه ومدايقه ويصالحنى اروح انا انكد عليه تانى واصالحه يجى هو ينكد عليا وهكذا كل شويه
اسلام:ايه الق”رف ده انتى عايزه واحد تتخانقى مع بس
يقين:اسلام ي حبيبى غير انك انت اخويا بس انت بطبلى متقدرش تزعلني دقيقه اي قرار باخده بتوافق عليه بدون مجادله مش عايزه كده انا ك يقين عايزة اعيش مغامره فاهمني
اسلام:اه لازم اكسلك ضلع يعنى
يقين:بالظبط كدة
Back
يقين:بس ده كان هزار
اسلام: ايه كلمه كنتى بتقوليها بسبيل الهزار كانت بيكسر”نى بس الكلام دة كان من قلبك انتى نفسك تعيشى جو المغامره
يقين:ليه بتقول كده كانى وعدتك بحاجه او قولتلك ان بحبك مثلا انا دايما كنت اقول انت زي أخويا ومستحيل حاجه تانى وانت كنت عارف كدة كويس
اسلام:عارف وعشان كده لازم اسافر عن اذنك
يقين اول مره نتكلم بنبره دي مع بعض معقول اكون كسرته من غير ما اقصده بس انا دايما كنت اقوله انه مينفعش روحت البيت لقيت لينا مستنيانى
لينا:عملتى ايه
يقين:لينا هو انا بحب غيث؟
لينا:ده سؤال ولا اجابه فى الحالتين دي حاجه انتى اللى تعرفيها
يقين:اتخانقت انا وإسلام وقالى انه عايز يسافر عشان بحب غيث عشان انا كنت بقوله إيام الجامعه……..
لينا:وانتى بتحبى غيث
يقين:معرفش معرفش والله انا مكنتش واخده بالى بس غيث بجد اثر فيا عصبيته هزاره دفاعه عنى جديته في الشغل بس مش عارفه ده حب ولا لإ
لينا:اخربيت حظوظنا
يقين:ليه انتى مالك كمان
لينا:حاسه ان بحب احمد
يقين:وده ازاى يعنى انتى بتحبيه ولا لإ
لينا:مش عارفه النهارده لما حكالى عن حبيبته وهو بيوصفها ومش عارف ازاى يقولها انه بيحبها اضيقت جدا حسيت بغيره وكره من واحده معرفهاش عارفه لما اسلام سألني بحبه ولا لإ قولت لا وكنت بقول كده لنفسي بس بعد مشوفته انهارده انو بيحب واحده تانى اضايقت جدا وحاسيت ان بحبه
يقين:يعنى ياما نقرر نعيش بدون حب ومشاعر ياما العكس انتى متعرفيش انك بتحبى غير لما يروح منك وانا معرفش اصلا
لينا:والعمل
يقين:نبعد انا عن نفسي هبعد او على الاقل احط حدود
لينا:طب ليه انتى تبعدى مش ممكن يكون غيث بيحبك
يقين:حتى لو كان انتى عارفه موقفى من الموضوع الحب والجواز ده عطله فاهمه يعنى ايه عطله وانا الصراحه ورايا حاجات كتير لسه محققتهاش
لينا:احنا ليه واخدين فكره وحشه عن الحب مش يمكن الحب هو اللى يكملك باقى احلامك
يقين:احلامى هكملها لوحدي ي لينا يلا تصبحي على خير
بعد خروج يقين كلمنى احمد وعايزنى انزله وان في مصيبه لبست باستعجال ومن غير ما اقول لحد ونزلت تحت ولقيت احمد مستنينى وغريبه شكله رايق ولابس كاجول غير البدل والروتين بتاع الشغل
لينا بقلق:فى ايه
احمد:اركبى
لينا:طيب قول فى ايه
احمد:اركبى يلا
ركبت معا وفضل ماشي وانا مش عارفه رايحين فين
لينا:ممكن اعرف رايحين فين وفى ايه
احمد:مفيش جعان وعازمك على العشا
لينا:بتهزر صح
احمد:لا والله انا لما ماكولش يبقى مصيبه
لينا بضيق:احمد رجعنى عشان انت مستفز اقسم بالله
احمد:احنا وصلنا اصلا
لينا:وصلنا فين ده شكله هنا فى فرح او حاجه
احمد:انزلى ي لينا
نزلت وكان المكان برا متزين وفي مدخل كأنه مدخل للعروسه ولما دخلنا المكان كان فاضي خالص مفيش غيرنا خوفت جدا وخصوصا الانوار كانت ضعيفه جدا
لينا:هو فى ايه
احمد:خايفه
لينا:اكيد لا
احمد بحب:مش خايفه ليه عشان معايا
لينا:لا ي خفيف عشان محدش يقدر يعمل معايا حاجه بس هو فى ايه بجد
احمد:طب تعالى نقعد ونتكلم
لينا بزهق :اهو قعدنا ارغى ارغى
احمد: اخربيت اللى ظلمك وقال انك بنت
لينا:والله طب خاف على نفسك ي ش”بح قول بقا عايز ايه
احمد:البنت اللى بحبها
لينا بضيق:اخربيت البت دي أنا كرهتها من قبل مشوفها
احمد:متغلطيش فيها
لينا:ليه ان شاء الله شكلها بنت رخمه وبارده عشان انت تحبها
احمد:متشتميش نفسك
لينا بصدمه:ا انا بشتم على حبيبتك
احمد:انتى حبيبتى
لينا:……..
احمد:لينا انا بحبك
لينا: احم ي يعنى انا البنت اللى كنت بتحكي عنها
احمد:لينا انا حبيتك انتى اللى غيرتى احمد ، احمد اللى كل تفكيره فى البنات صحبه او سهره وخلاص جيتى غيرتى حياتى مبقتش بفكر فيكى سهراتى وخرجاتى ومعارفى اتغيرت وبسببك مش هكدب عليكى ايوه انا كان ليا علقات كتير بس عمرى ما حبيت وقلبى اتعلق بحد
لينا:وعملت كده ليه
احمد: انتى راسك ناشفه لو كنت جيت وقولتلك على طول كنتى هتكابرى وانتى بنفسك معرفتيش انك بتحبينى غير لما عرفتى انا بحب حد تانى
لينا: ومين قال ان بحبك
احمد: طريقتك وشكلك لما كنت اجيب سيره البنت التانيه
لينا:انا عايزه امشي
احمد وهو بيحرك ايده لفوق عشان تشتغل موسيقه:مش قبل ما اسمع ردك
لينا: على ايه
احمد:بتحبى تستهبلى انتى صح
لينا:احمد بجد مش هعرف ارد انت فجاتنى يعنى فجأه تيجى تقول أنا بحب واحدة وبعدين تيجى تقول البنت دي أنا وبعدين افرض ردى معجبكش
احمد:لينا انتى بتحبينى
لينا:ايه الثقه الزياده دي لتكون شاروخان وانا معرفش
احمد:ياربى على مفسد الحظات الرومانسيه
لينا:رومانسية ايه ي عم انت مش شايف منظرى بسببك نازله بايه وانت مالك صحيح ما انت لابس ومتشيك
احمد:تصدقى اي حاجه لبسها بتكون حلوه عليكى
لينا بخجل:شكرا
كنت بحاول اغير الموضوع باي حاجه انا بجد مش عارفه ارد بس احمد كنت كل ما اقول حاجه كان بيرجع لنفس الموضوع
احمد:وبعدين مش انتى مجنونه ففكرت اعمل حاجه تناسب جنان
لينا:بغض النظر عن انك بتغلط بس مش تنزلنى باليل كده لي كل ده
احمد:عشان انتى حببتى وقلبى وروحى
لينا بخجل:طيب وبعدين
احمد:بقولك بحبك المفروض تقولى ايه
لينا:ايه
احمد:لينا هتعصب عليكى
لينا:لا والله اعملها كده
احمد:ي بت انتى جايه من المد”بح على هنا بقولك ب ح ب ك
لينا:مش انت مجنون انا اجن منك فا مش هرد دلوقتى ممكن تسبنى براحتى
احمد:طيب ممكن نتعشي عشان على ما اعتقد انك لسه مكلتيش ولو روحتى من غير اكل مونى هتضربنا
لينا:لا والله حفظتها خلاص
أكلنا و اتكلمنا كتير واحمد مبطلش يتغزل فيا ويكلم كلام حلو لدرجة اننا مخدناش بالنا من الوقت روحنى البيت والحمدلله كانوا ناموا مكنش ليا حمل اتكلم مع يقين ولا اتخانق مع مونى نومت على طول وصحيت متاخر غيرت هدومى ونزلت على طول لقيت يقين نزلت روحت على مكتبى على طول وبدأت اشتغل وجاه احمد
احمد:صباح الخير
لينا:لسه بدرى ي استاذ كل ده تأخير
احمد:صحيت متأخر وبعدين انا عرفت انك جيتي متأخر كمان
لينا:بس قبلك
احمد:بس متأخر
لينا:بس قبلك
احمد بضحك:عرفتى بالى حصل بزيان
لينا:لا معرفش حصل ايه
احمد:لقيوا مقتو”ل فى الزنزانة
لينا بعصبيه:ايه ازاى انا مش قولت يكون فى زنزانه لوحده
توفيق:مكنش ينفع بس المشكله انه محدش ق”تله من اللى كان فى الزنزانة هو ما”ت مسم”وم
لينا وهى بتقوم وبتخرج من المكتب: حسابه تقل معايا
احمد: لينا لينا
لينا بزعيق:افتح
ليننا وهى بتضر”ب فى راجى:انت الى عملت كده صح
راجى: عملت ايه
لينا وهى بتضر”ب:اسطعبط اسطعبط وحيات امك لأخليك تتمنى المو”ت ي ****
احمد وهو بيبعدها :لينا كفايه كفايه
راجى: حمدلله على سلامتك ي باشا
لينا وهى بترجع تض”ربه:شايف الاستفذاذ
احمد:كفايه بقا يلا يلا ….اقفل ي عسكرى ومتخليش لينا باشا تدخل خالص
احمد:راح على مكتب لينا
احمد:سمعت على جنانك بس اتاكد لما شوفت
لينا:بتحوشنى منه ليه
احمد:لا انتى مجنونه عارفه الو”اطى ده يرفع عليكى قضيه ويحولك لتحقيق بسبب الجنان ده
لينا:قت”ل زيان ق”تل جوز بنته انا وعدتها انه هيكون فى امان ي احمد انا السبب
احمد:انتى السبب ازاى بس ده قداء ربنا وبعدين راجى اتفاجاه بموته زيان كان ليه أعداء كتير
لينا:ده اتقت”ل وهو فى حمايتى
احمد: طيب ممكن تهدى
لينا:مراته اوجها ازاى دلوقتى
احمد باستغراب:توجهيها
لينا:ما هو الصراحه انا على تواصل معاها وكنت بخلى زيان يكلمها كمان
احمد:نعم ي ختى
لينا:فى ايه احمد مالك
احمد:يعنى تهربيها واقول ماشي كمان تخليها تكلم مع مسجون
لينا بعصبيه: احمد انا مهربتهاش هى مش جزء فى القضيه وبعدين فيها ايه لما تتكلم معا
احمد: فيها ايه ده محاكمه ي هانم فين اذن النيابه انتى نسيتى شغلك ولا ايه
لينا:لا انا منستش انا عملت اللى يريح ضميرى
احمد:وضميرك المهنى يروح فى داه”يه
لينا:انت بتتكلم معايه كده ليه انا مش شايفه ان غلطانة فى حاجه
احمد:انتى شايفه كده
لينا:ايوه
احمد:تمام
قطع خنقنا دخول يقين وغيث وشكلهم مش مبشر بالخير
احمد: لو في مص”يبه جديده متقلوش
غيث: للاسف فيه
لينا: مصيبه اي ما انت خلصت قضيه الحريقه
احمد: صحيح خلصت على اي
يقين: ناس عايزين يشتروا منهم البيت عشان تحت اث”ار ولما رفضوا حرقل”وهم البيت خالص
احمد: طيب حلو اي المصي” به بقا
غيث: ي مش مصي”به هي قضيه جديده
لينا: اي بقا
يقين: علم علمكم معرفش معلومات غيث جابنى هنا عميانى
غيث: اي ي جماعه ما تهدوا خلينا نشوف القضيه
بعد وقت فهم فى القضيه
لينا :يقين انتى ختى بالك من اسم صاحب الشركه
يقين بعدم اهتمام:انا مليش دعوه بالحجات دي أنا ليا بالناس اللى بتمو”ت
لينا وهي بتديله الورق:خدي كده شوفي
يقين بعدم اهتمام:هيكون مين يعني
لينا:سعد الدمنهورى
يقين بصدمه:مين
غيث:انتى تعرفيه
لينا :اقدملك يقين شاكر الدمنهورى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية داخل المشرحه)
