رواية داخل المشرحه الفصل الخامس عشر 15 بقلم زينب رشدي
رواية داخل المشرحه الجزء الخامس عشر
رواية داخل المشرحه البارت الخامس عشر
رواية داخل المشرحه الحلقة الخامسة عشر
خرحنا البيت ولينا نامت ومونى نامت وكلمت غيث
يقين:السلام عليكم
غيث: وعليكم السلام لسه كنت هكلمك اطمن على لينا احمد لسه قالى
يقين:هي الحمد الله كويسه انا كنت مكلماك اعزمك على الغدا بكره مونى عازمه احمد وإسلام وعزماك معاهم
غيث: انا شايف ان احمد بقا من العيله خلاص
يقين:بقا صديق العيله فعلا
غيث: لوحده
يقين:ما انا مكلماك زيه اهو
غيث:على العموم شكرا بس انا مش هقدر معايا شغل
يقين:شغل ايه مفيش شغل
غيث:الصراحه مبحبش اسلام ده ولا هو بيطقنى
يقين:ليه بس ده اسلام ده ….
غيث بمقاطعه:عارف اسلام ده عسل ده اخويا صاحبى صح مش كنتى هتقولى كده
يقين بضحك:ههههه الصراحه اه
غيث:حفظتك خلاص
يقين:طب مش هتيجى
غيث:انتى ايه رايك
يقين:براحتك بس انا قولت نكون كلنا مع بعض برا الشغل والروتين والكلام ده
غيث:حاضر هحاول
يقين:طب قولى بتحب ايه عشان احمد بيحب المحشي وطالبه وإسلام طالب مكرونه انت بقا تطلب ايه
غيث:اي حاجه تسلم ايدك مقدما
يقين:لا حضرتك انا فاشله جدا مونى هى اللى هتعمل
غيث:فاشله خالص يعنى مفيش امل
يقين:ولا عمر وحياتك امل دي ما”تت ووزعت على روحها قورص ايه ده انت مختش
غيث بضحك:هههه تصدقى
يقين:معلش ابقى اجبلك يلا تصبح على خير
غيث:وانتى من اهله
~~~~~~
تانى يوم صحيت خد شاور وجهزت يقين صحيت بعدى وجهزت هي كمان
يقين: لينا بقولك ايه بكلم اسلام كتير مش راضي يرد
لينا:وانا كلمته بردو مردش
يقين:اهو الباب بيخبط افتحى وانا هعمل حاجه وجايه وراكى
لينا:ايوه ي ايس…..
احمد:مننفعش احنا
لينا:لا ازاى اتفضل ازيك ي غيث
مونى:اهلا وسهلا نورتونا مكنش ليه لازمه التعب ده والله
احمد:ولا تعب ولا حاجه
مونى:ازيك ي غيث عامل ايه
غيث:ازي حضرتك
مونى:ايه ي احمد معلمتهوش النظام ولا ايه
احمد:متقلقيش شويه ويتعود ويبقى زي
مونى:فين يقين ي لينا
لينا:كانت فاكره ان اسلام هو اللى بيخبط وشكلها ناوية تعمل حاجه
يقين:بوم بوم بوم
احمد:يارب داخل بيت الأشب”اح
يقين وهى بتشيل الماسك:ايه ده متأسفه هى جات فيكم
غيث باستغراب:ايه ده
احمد:هما كده ي بنى مره تكون لينا ومره هى مفيش حد عاقل هنا خالص غير مونى
مونى:منك لله وبعدين ايه اللى انتى لابسه ده وايه الصواريخ دي جبتيه منين
يقين باحراج: من مكتب لينا انا والله كنت فاكره ان اسلام إلى جه
غيث: ههههه بس كان شكلك مسخره
مونى:كلمى اسلام ي بت شوفيه
يقين:مش بيرد
مونى:هكلمه انا….
مونى:اسلام انت فين
اسلام: معلش يا مونى عندي عمليات كتير ومش هقدر اجي سمحيني
مونى:ربنا يكون فى عونك ربنا معاك ي حبيبى
يقين:فى ايه
مونى:عنده عمليات ومش هيقدر يجي …يلا ي جماعه الاكل جاهز اتفضلوا
احمد:المحشي حقى
لينا:لا ونبى انا ضعيفه وعايزه اتغذي اكلنى معاك
احمد:بلا نيل”ه هو باين عليكى حاجه
لينا:اغلط اغلط
يقين:مبتكلش ليه ي غيث
غيث: باكل اهو والله
مونى:لينا كلى عشان مش حمل قلق عليكى تانى
احمد:متقلقيش ي مونى ده انا هخلهالك متعرفهاش من كتر الاكل
مونى:ياريت وانت ي غيث كل شكلك مكسوف ولا اكلى مش عاجبك
غيث: لا ازاى يسلم ايدك الأكل تحفه
بعد شويه كتير مونى دخلت المطبخ تحضر الحلو ولينا واحمد قعدوا فى البلكونه وانا وغيث قعدنا فى الصالون
يقين:غيث انت مضايق من حاجه
غيث:لا ابدا ليه بتقولى كده
يقين:حاسه انك مضايق وغير انك مكلتش كمان
غيث:مخنوق ي يقين انا اول مره معرفش اخلص قضيه اللواء سمعنى كلام زي الز”فت وكمان ان حد غيري ياخدها قهرانى
يقين: غيث متفكرش كده انت ملكش ذنب انا وانت عملنا اللى علينا وانا واثقه ان القضيه هترجعلنا لان باختصار القاتل عايزنا احنا نكشفه بس في الوقت اللى عايزه
غيث: معرفش بقا ربنا يسهلها
يقين: طيب برضو في حاجه تانى مضيقاك
غيث:يقين عايزه اقولك حاجه
يقين:قول
غيث:ا ا….
يقين بصراخ: آآآآآآه
غيث بيمسك مسدسه:فى ايه
يقين بخوف:غيث اضربه
لينا واحمد بخضه :فى ايه
غيث:والله معرف فى ايه ي يقين بقااا
يقين وهى بتقف على الكنبه:ف”ار فا”ر ورا الكنبه
لينا وهى بتقف جنب يقين: ينهار اسود اضربه بسرعه
احمد وغيث بضحك:نعم ي ختى خايفه من ايه
يقين: ونبى اضربه
مونى:فى ايه
احمد:تعالى ي مونى خايفين من ف”ار
مونى بضيق:طيب لما تقتلوه اشربوا العصير وكلوا البسبوسة وقولوا رايكم انا داخله جوه
غيث:وزمتك مش مكسوفه من نفسك واحده زيك شغلها كله مع الميت”ين ومش اي مي”تين بيكونوا م”يتين بابشع الطرق وخايفه من فا”ر
يقين:طب اضربه وبعدين اتكسف
احمد وهو بيضرب الفا”ر:انا عرفت نقطه ضعفك ايه خايفه من فا”ر وعامله فيها شب”ح ومبيهمكيش انتى ظابط شرطه انتى
لينا وهى بتنزل:انا اصلا مكنتش خايفه انا بس وقفت جنب يقين عشان متخفش تقف لوحدها
يقين:وانا بس خوفت يجي على الاكل
غيث:بامارت صراخك اللى وصل لآخر الشارع
قعدنا وقت كبير بنتكلم وبنهزر وفجأه جاه تلفون لغيث
غيث:ايوه
………..
غيث:ايه أمتي ده حصل
………
غيث:طيب انا جاي حالا
احمد :فى اية
غيث:يقين تعالى معايا حالا فى بيت اتح”رق بالي فيه تعالى ارفعى البصامات واعرفى بفعل فاعل ولا قداء وقدر
يقين:لا اله الا الله طب ثانيه واحده اغير هدومى
غيث: بس بسرعه
احمد:الحري”قه فين
غيث:مكان كدة بعيد جنب الصحراء
احمد:تتخيل ده حصل بفعل فاعل او نفس الق”اتل
غيث: لسه لما اشوف اعرف
يقين:انا جاهزه يلا
غيث:جاهزه ازاى يعنى
يقين:فى ايه
احمد بصوت واطى:ايهاب لمها ومتنكدش
غيث بضيق:طيب يلا
اضايقت من لبس يقين هى لابسه عادي بدله نسائيه بس البنطلون ضيق غير ان البلزر قصير انا مش عارف حبيتها امتى المهم روحنا مكان الح”ريق وكانوا خدوا الجث”ث على المستشفى
غيث:فى حد طلع عايش
…..للأسف لا م”اتوا كلهم راجل ومراته وبنته
غيث:لا اله الا الله يقين يلا إبدأ شغلى
يقين:تمام
بعد فتره شغل
غيث:ايه وصلتى لحاجه
يقين:لما اروح المعمل الاول
غيث: طيب تعالى نروح وبعدين نروح المستشفى نشوف الج”ثث
يقين:طيب يلا
روحنا المعمل وخدت بالى من حاجه غريبه جدا
غيث:فى ايه مال وشك اتغير كده ليه
يقين:غريبه
غيث:اكيد قداء وقدر
يقين:لا بفعل فاعل
غيث: نفس الق”اتل
يقين: لا مش هو مش نفس طريقته ثم هو مقتلش اطفال قبل كده بيقتل اللى عايزه والظالم بس
ودول ولا ظالم ولا حاجه بيت عادي على قد حاله
غيث:اه ه ياربى على تعب الأعصاب
يقين:بقولك هو انا هشتغل فى الجث”ث دي
غيث:اكيد
يقين:طب هتكون معايا
غيث:اكيد لحد منوصل لحاجه بس ليه
يقين:هتعرف يلا بس
دخلت عند الجث”ث وزي ما انتوا عارفين اول مره اشوف اي جث”ه بيحصل معايا ايه
غيث:طب ايه هنفضل قدام الجث”ه كتير
يقين بخوف:ايوه عايزنى اعمل ايه
غيث:اكشفى الجث”ث عشان نخلص
يقين:حاضر
كشفت الجث”ه وياريت ماكشفت ولا شوفت الجث”ه كانت محروق”ه كليا بدون مبالغه الجث”ه مدهو”ره محستش بنفسي غير وغيث بيفوقنى
~~~~~
كانت خايفه جدا واول ما شافت الجث”ه جسمها كله اترعش واغمى عليها ايوه المنظر كان مش كويس بس المفروض انها متعوده هى مش اول مره تشتغل فى حاجه زي كده شلتها وخرجت بيها وانا قلقان عليها جدا وحاولت افوقها
غيث: يقين يقين
يقين:اممم
غيث:انتى كويسه
يقين بخضه:انا فين
غيث بقلق:اهدى اهدى مفيش حاجه انا خرجت بره
يقين بتنهيده:انا اسفه ي غيث بس انا اول مره بشوف اي جث”ه بخاف كده بس او مره يغمى عليا
غيث:ممكن عشان المنظر المرادى غير
يقين:غير ايه بس انا كنت متخيله ان ده هيحصل فى الاول بس الموضوع بيزيد مش عارفه اعمل ايه
غيث:لو عايزه تتنازلي عن القضيه دي براحتك
يقين:لا لا انا هكمل طبعا يلا بس نكمل
غيث:يلا ايه بس روحي ارتاحي
يقين:لا انا هكمل هتيجى معايا ولا هتمشي
غيث:مش هقدر اسيبك طبعا يلا
دخلنا عند الجث”ه وكنت بحاول ان متعبش تانى خلصت شغل فيهم وغيث معايا مسبنيش
يقين:مفيش اي حاجه غريبه فى الجث”ث دول يدفنوا على كده
غيث:عندك حق احنا نسأل عنهم ونشوف فى أعداء بينهم وبين حد ولا لإ ونشوف مين عمل كده
ادم بتدخل: مين امركم بكده
غيث: اي الدخله دي ي ادم
ادم: انا سمعت انكم سيبتوا القضيه وانا اللى همسكها يبقى انت بتقول قرارات من نفسك لي
غيث باستغراب: بس دي قضيه جديده مش نفس القا”تل يعنى
ادم: اثبت مش هو اخر مره حر”ق
يقين: مش طريقته
ادم: مين الهانم
غيث: الدكتوره يقين
ادم: اااه سمعت عنها كتير بس سمعت كمان انك مقصره الفتره دي
يقين: انا مش مقصره خالص
ادم: تمام اتفضلوا بقا اكمل شغلى
يقين: قولتلك ده مش نفس القا”تل ولا قضيتك يبقى انت اللى وجودك ملهوش لازمه هنا ثم دي المش”رحه مكان شغلى انا مش حضرتك
ادم بعصبيه: انا اللى اقول وجودى مهم ولا لإ وقضيتى ولا لأ ي دكتوره
غيث بعصبيه: ادم انا بتكلم بكل احترام معاك بس تتعصب على الشغالين معايا مش هسمحلك واتفضل من غير مطروض الجث”ث دي هتدفن خلاص
ادم بضيق: تمام ي غيث باشا انا همشي وكلامك مع اللواء عدلى
يقين: ي ساتر اي الطريقه دي وانا اللى كنت فاكره انك متكب”ر ومغرو”ر
غيث: بغض النظر انك بتغلطى فيا بس متزعليش حقك على راسي هو ادم شغله كده متسرع دايما وعصبى
يقين: ولا يهمك بس انا خايفه عليك بيقول هيقول للواء مكنش لي لزوم تتعصب عليه عشانى
غيث بحب: مبحبش حد يضايقك ولا يتعصب عليكى ومتخفيش ي ستى انا فداكى
يقين بخجل وابتسامه: شكرا
غيث بحب: اااه انا الضحكه دي عندى بالدنيا
يقين بخجل: خلاص بقا ي غيث ثم احنا في المش”رحه ي اخى
غيث: بنسي كل حاجه وانا معاكى
يقين: لا انت غريب خالص النهارده انا ماشيه
في مكان تانى
….: انت اللى عملت كده
….: لا وانا من امتى بقت”ل حد من غير ذنب
…..: الدنيا مقلوبه سمعت ان الظابط الجديد مصمم انك انت اللى عملتها
…..: ويقين وغيث رايهم اي
…..: مصممين ان مش انت لانها مش نفس طريقتك وانك مش بتقتل اطفال حتى الوشم مش موجود بس ادم اتخانق معاهم
….. بضيق: ادم امممم وماله نثبتله ان مش انا
توقعاتكم ي قمامير وتفتكروا اي حكايه القضيه الجديده وليه ادم عايز ينسبها للقاتل المجهول واي حكايه ادم اصلا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية داخل المشرحه)
