رواية خيانة زوجية الفصل السادس 6 بقلم عمرو راشد
رواية خيانة زوجية البارت السادس
رواية خيانة زوجية الجزء السادس
رواية خيانة زوجية الحلقة السادسة
بقولك ايه انا باخد فلوسي مقدم قبل اي حاجة
وافرضي معجبتنيش
= يبقا شكلك متعرفش سوسو كويس يا استاذ ، روح اسأل عني ، مفيش راجل متبسطش معايا ، بس المهم ااخد فلوسي مقدم وكاش اهم حاجة
= هتاخديها يا اسماء متقلقيش
” كنت واقف قدام الشباك وباصص على الشارع ، لفيت وشي ليها
ازيك يا سمسم ، بقالنا كتير متقابلناش
= يوسف!!
بقالنا كتير متقابلناش صح ولا ايه
= انت عرفت طريقي منين
اوعي تكوني فاكرة يا بت عشان غيرتي اسمك ولبستي لبس نضيف يبقا انا كدا مش هعرفك
= لا هعرفك برضو و حياتك ، من ريحة النجا*سة اللي مالية جسمك ، بس قوليلي الاول هو حسن مش مكفيكي ولا ايه
بقولك ايه يا يوسف ، انت فاكر يا اخويا جاي تعمل عليا الشويتين دول وفاكرني هخاف منك واقولك ابوس ايدك ارحمني ، فووق يا حبيبي انا مش اسماء بتاعت زمان ، يعني انا اقدر اردلك اي حاجة هتعملها أضعاف اضعافها
= عارف يا سوسو ، عارف ان بقا عندك علاقات كتير ب رجال اعمال كبار ، عارف انك رخيصة يا سمسم ومش من دلوقتي بس ، لا دا من زمان ، ولا نسيتي حسن
اسمع يا يوسف ، اخرك معايا تاخد قرشين وتخلع ومشوفش وشك دا تاني ، كفاية يا اخويا الايام السودا اللي انا عيشتها معاك
= قرشين!! ، تصدقي أنتي كدا عملتي الواجب و زيادة كمان ، طب بالنسبة ل ريهام ، دي كمان تمنها ايه
مش ذنبي يا حبيبي ، روح ل حسن خد حقك منه اما انا اياك تقربلي مرة….
” كانت بتتكلم بغرور وكأنها مش هاممها اي حد ، طريقتها خليتني خرجت عن شعوري وقاطعتها في الكلام و…
بقولك ايه يا مراااا ، سواء كنتي او حسن انتو الاتنين هتحاسبو على المشاريب ، حقي وحق ريهام مش هيروح
= انت تاعب نفسك على الفاضي والله ، ريهام ماتت يا حبيبي يعني انت مش هتستفاد حاجة لما تمو*تني انا كمان ، فكر معايا كدا براحة وهتعرف انك مش مستفيد حاجة إنما لو خدت الفلوس اللي هعرضها عليك هتستفيد وتريح نفسك وتريحنا معاك ، قولت ايه
موافق بس بشرط
= ايه هو
” قربت منها و ثواني كنت ضار*بها بالقلم ، ساعتها بصتلي وعنيها كلها غضب
دا حقي على فكرة ، انا مش مفتري
= حيث كدا يبقا مش هتطول مني ولا مليم يا يوسف ووريني هتعمل ايه
” مكنتش عايز استعمله بس اعتقد مفيش وقت احسن من كدا عشان يظهر فيه وبالفعل طلعته من جنبي ووجهته ناحيتها
طب وكدا ، هتعملي اللي هقولك عليه بالذوق ولا تعمليه برضو بس بطريقة صعبة
= هيههيهي انت فاكر انك كدا هتخوفني
انا قولت برضو انه مش هينفع معاكي
” لفيت وشي الناحية التانية و مسكت ضهر المس*دس وفي لحظة لفيت وشي ليها وضر*تها على دماغها بيه ، وقعت في الأرض والد*م سايل منها ، كنت مجهز حبل ، جبته و ربطتها في الكرسي ، بعد ساعة بالظبط فاقت ، كانت بتتألم من شدة الضر*بة
هو انا مش قولتلك وحذرتك قبل كدا ، ليه مسمعتيش كلامي ، عاجبك يعني اللي احنا فيه دلوقتي
= انت مش قد اللي انت بتعمله دا ، صدقني هتندم والله
مانا يااما ندمت ، ايه الجديد يعني
= عايز ايه مني يا يوسف
” قربت منها وحطيت المس*دس في وشها
روحك
= طب نزل البتاع دا و هعملك اللي انت عايزه
كدا انتي تعجبيني
” طلعت تليفونها من شنطتها ، فتحته بعد ما عرفت منها الباسورد بتاعه
مين يعرف مكان فلوسك
” سكتت ومردتش عليا
انطقي يإما هخلص عليكي حالا
= حسن ، حسن هو اللي يعرف
هتكلميه دلوقتي وتطلبي منه انا يجهز 8 مليون جنيه
= لا دا كتير أوي ، احنا مش معانا المبلغ دا أصلا
أنتي جاية تشتغليني يابت ولا ايه ، انا عارف اللي فيها من قبل ما تشتغلي رقاصة
= الفلوس اللي معايا متكملش المبلغ دا
ومالو اطلبي من حسن ، شوفي انتي معاكي كام وخلي حسن يزودلك ، هو ابن حلال و يستاهل برضو
” اتصلت على حسن وخليتها هي اللي تكلمه
ايوا يا حسن
= انتي فين يا سمسم ، بقالك اكتر من ساعة عند الزبون اللي معاكي دا ، انجزي الدنيا هنا واقفة
لا دا ، دا انا شكلي هبات هنا
= باين عليه تقيل
اه تقيل ، المهم انا عايزاك تجهزلي 8 مليون جنيه
= ايه! 8 مليون مرة واحدة ، عايزاهم ف ايه دول
اسمع اللي بقولك عليه ، جهزهم و هبعتلك عنوان تروح عليه عشان تسلمه الفلوس
= هو مين دا اللي هسلمه الفلوس ، وهو عايز الفلوس ف ايه اصلا
مصلحة جديدة يا حسن ، يلا بس عشان مفيش وقت ، جهزهم وانا هبعتلك العنوان حالا ، متتأخرش ، ولو الفلوس مش مكملة كملهم من عندك وانا هبقا اردهملك
= لا كدا الكلام اختلف يا سمسم
اخلص بقا يا حسن الزبون هيطير
= أنتي متأكدة يعني من المصلحة دي
متأكدة اه
= وانا هعرف الراجل اللي هياخدهم مني دا ازاي
هو هيعرفك لوحده ، يلا بس بسرعة
” قفلت المكالمة
برافو يا اسماء ، لا بجد عجبتيني ، بحبك وأنتي سامعة الكلام كدا
= فكني بقا ، انا عملتلك كل اللي انت عايزه اهو
لا افكك ايه ، خلي حسن هو اللي يفكك
= حسن ايه ، دا مكنش اتفاقنا
انا مبتفقش مع رقاصات يا اسماء
= يعني ايه
يعني أنتي هتفضلي هنا لحد ما استلم الفلوس و بعد كدا حسن هييجي يفكك
” مسكت تليفونها وبعت ل حسن العنوان
اعتقد أني لازم امشي دلوقتي
= يوسف متسبنيش لوحدي هنا
خايفة ولا ايه
= فكني وخرجني من هنا يوسف ابوس ايدك
استفدتي ايه يا اسماء ، استفدتي ايه لما عملتي كل دا ، هو دا حسن اللي أنتي خونتيني عشانه ، هو دا الراجل انتي عايزاه ، هو دا فتى احلامك ، كنتي عايشة معايا ومحافظ عليكي و بتصرفي زي ما انتي عايزة ومن غير ما حد يلمسك ولا ترقصي قدام الناس ، بيعتي نفسك بالرخيص اوي يا اسماء ، حتى حسن ، مش حسن دا يبقا اخويا ، لكنه او*طى خلق الله وهيبيعك ، لما ميلاقيش من وراكي مصلحة هيبيعك ، تقدري تقوليلي استفادتي من دا كله ، ولا اي حاجة
” مشيت وهي كانت بتصرخ وتنادي عليا ، مهتمتش بيها وكملت طريقي ، روحت على العنوان اللي هستنا فيه حسن ، شوية و ظهر ، كنت واقف بالعربية في اول الشارع وشايفه ، حطيت رجلي على البنزين وسوقت بسرعة لدرجة اني كنت هخبطه بالعربية ، بس دوست فرامل بسرعة ووقفت قدامه
ازيك يا حسن
= يوسف ، هو انت..
ايوا انا ، انا الزبون التقيل ، هات الفلوس عشان مستعجل
= اسماء فين
هات الفلوس يا حسن
= مش هتاخد حاجة غير لما تقولي اسماء فين وعملت فيها ايه
اسماء كويسة ، هات الفلوس وانا هقولك مكانها
” خدتها منه وانا بضحك في وشه ب استهزاء ، ومشيت بالعربية…. ، كان بيجري ورايا زي المجنون لإني مقولتش على مكانها ، بس بعد شوية بعتله مكانها ، كملت طريقي و روحت البيت
” كنت بنادي على اي حد يمكن حد يسمعني وييجي يفكني ، عدا ساعة والتانية وانا لسة في مكاني لدرجة اني حاسة ان دماغي بقت تقيلة جدا ، حاسة اني هيغمى عليا ، عنيا مش قادرة افتحها لحد ما حسيت باللي بيفتح الباب وبينادي
اسماء ، اسماء انتي فين
” دا كان حسن ، صرخت بأعلى صوتي
الحقني يا حسن ، انا هنا
#بقلم : #عمرو راشد
” باب الأوضة اتفتح ودخل حسن اللي اتصدم اول ما شاف شكلي ، هدومي مبهدلة والد*م نازل على وشي
يا ابن الكل* يا يوسف ، وحياه امي ما هسيبك
” بدأ يفك ايدي و يسندني عشان اقوم ، مشينا من الشقة ، نزلت على السلم بصعوبة جدا لاني مكنتش قادرة اتحرك ولا حتى قادرة اقف لحد ما وصلت العربية ، ركبت و روحنا البيت ، بدأ يطهرلي الجر*ح ، بعدها اتصل ب الدكتور
ازاي مقولتليش وانتي بتكلميني في التليفون يا اسماء ، ازاي سبتيه يعمل فيكي كدا اصلا
= معرفتش اقاوم ، و بعدين كان معاه سلا*ح يعني لو كنت قولتلك في التليفون كان هيقت*لني
ف تديله الفلوس بسهولة كدا
= انت كل اللي همك الفلوس بس ، مش همك اني كنت همو*ت
بعد الشر عليكي يا حبيبتي ، والله هاخدلك حقك والفلوس اللي هو خدها دي هترجع
= يوسف دا بقا موضوعي انا ، انا اللي هاخد حقي وبنفسي
طب هدي نفسك ، خلينا نتكلم بعد ما نطمن عليكي
” بعد شوية الدكتور وصل وربط على الجر*ح ، بعدها كنت محتاجة انام لإني كنت تعبانة جدا وفعلا نمت….
هند ، يا نودي
= ايه يا توتي ، انت جيت؟
لا لسة ، ابقي اتصلي اطمني عليا
= طب اقعد وقولي عملت ايه
كل اللي احنا عايزينه حصل
= خدت الفلوس منهم؟
طبعا ، امال أنتي فاكرة ايه
= اصل العيال دي مش سهلة وأكيد مش هتاخد منهم جنيه بسهولة كدا
لا ماهو انا مخدتش منهم جنيه ، انا خدت 8 مليون جنيه
= يالهوي ، 8 ايه
8 مليون يا حبيبتي
= يالهوي يا يوسف ، دا احنا اتفقنا على مليون ولا اتنين مش اكتر
مليون ولا اتنين دول يعملو ايه في الايام دي وبعدين بيني وبينك كدا لقيت الفلوس خسارة فيهم قولت انا أولى بيها
= طب وريني بسرعة ، عايزة اتمتع بشكلهم ، عايزة اتدفى بيهم
طب ما ادفيكي انا بدالهم
= لا عايزة حقي الاول عشان اعرف اتدفى
حق ايه
= حقي يا يوسف ، حقي الفلوس دي
ومين قالك انك هتاخدي منهم حاجة
= نعم!! ، امال انا مش هاخد ولا ايه
لا مش هتاخدي طبعا ، كنتي عملتي ايه أنتي عشان تاخدي
= انا اللي خططت لكل دا ، انا اللي وصلتك ليهم اساسا ، انت من غيري كان زمانك لسة قاعد حاطط ايدك على خدك زي النسوان
نسوان! ، اما انتي مراا بنت وس** متربتيش صحيح
” ضرب*تها بالقلم و مسكتها من شعرها
بعد كدا لما تتكلمي مع جوزك تتكلمي ب ادب يا حبيبتي ، فاهمة ولا مش فاهمة
= انت اتجننت ولا ايه ، شكلك نسيت انا مين يا يوسف ، نسيت انا ممكن اعمل فيك ايه
تصدقي نسيت ، ما توريني هتعملي ايه وانا هحمسك أكتر عشان توريني
” ضرب*تها بالبوكس بكل قوتي
بقا بتعمل معايا انا كدا يا يوسف ، ماشي انا هوريك و ابقا وريني هتعمل دكر ازاي ساعتها
= دكر غصب عنك وعن اهلك كمان ، ايه رأيك بقا
هنشوف يا دكر
” دخلت لمت هدومها ومشيت ، اول ما مشيت خدت الفلوس في حضني ونمت مكاني على الكنبة
” صحيت من النوم لقيته داخل الأوضة وجايب معاه فطار ليا
صباح الورد على الراقصة الأولى في مصر والشرق الأوسط
= راقصة ايه بقا بعد اللي حصل في وشي دا
هترجعي ، وحياتك هترجعي
= عايزاك تلغي كل الحفلات ، انا عايزة اجازة شهر لحد ما الجرح دا يخف تماما
عنيا يا سمسم ، مش هتفطري بقا؟
= هو انا هيبقا ليا نفس ااكل بعد اللي حصل امبارح
بكرا اجيبه قدامك وتحت رجليكي يتمنى رضاكي
= نفسي ، نفسي اوي وساعتها هقت*له ب ايدي
كله هيحصل يا حبيبتى ، روقي دماغك أنتي و افطري و ليكي عليا هقلب عليه الدنيا لحد ما اجيبه
” سمعت جرس الباب بيرن ، حسن قام فتح ، شوية ولقيته داخل عليا ب واحدة معرفهاش
مين دي يا حسن
= انا اللي هساعدك ترجعي فلوسك من يوسف ، وهخليكي تخلصي عليه كمان
هو مين حضرتك وتعرفي يوسف منين
= سوري نسيت اعرفك بنفسي ، انا ابقا هند مرات حسن التالتة!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية خيانة زوجية)
