رواية خماري عفتي وليس عائق الفصل الأول 1 بقلم لطف
رواية خماري عفتي وليس عائق الجزء الأول
رواية خماري عفتي وليس عائق البارت الأول
رواية خماري عفتي وليس عائق الحلقة الأولى
الام:هتفضلي لحد امتي متمسكه بالخمار واللبس ده يابنتي انتي بقالك اكتر من سنه متخرجه ومفيش ولا شركه واحده قبلت تدربك بسبب لبسك الخمار مستشيخه فيه قوي مش كدا يابنتي
آيه: ياماما قولتلك الخمار مش هخلعه هو عجبني مش هخلعه وبعدين لسه في شركه كبيره بتدرب المتخرجين الجداد ادعيلي أنهم يقبلوني إن شاءالله يلا بقا هنزل سلاموز
ونزلت اشوف الشركه دي اخر امل ليا لأنها شركه كبيره وبتمني أنهم يقبلوني لاني هكتسب خبره كبيره منها مع اني تقدير ممتاز بس احنا في بلد مش بتهتم غير بالوسطات والمظهر يالا مش مهم علي أساس أنه هخلعه يعني بس والله بعينهم أغضب ربنا يعني عشان أتوظف 😏
آيه: السلام عليكم ورحمة الله وبركاته
موظف الاستقبال:وعليكم السلام ورحمة الله وبركاته
آيه:انا سمعت أنه في تدريب في الشركه للمهندسين المتخرجين
موظف الاستقبال: اه حضرتك جايه تقدمي لبنتك ؟
آيه: لا جايه اقدم لنفسي
موظف الاستقبال:ودا ازاي يعني
آيه: هو اي الازاي انا مهندسه لسه متخرجه جايه اقدم عشان التدريب البتعمله الشركه كل سنه وبتاخد منهم الطلاب المتميزين
الموظف :بس احنا مش بنقبل ال بيلبسوا الحاجات دي روحي دوري علي شغل في حته تانيه
آيه: طب ممكن أقابل المدير
الموظف؛ المدير مش بيقابل حد
آيه: لا ما هو انا لازم أقابله عايزه اعرف المشكله عندي ولا عندكم هو انتوا هتشغلوني انا ولا لبسي
الموظف: تمام ثانيه
الو ايوه يافندم في واحده من الطلاب المتخرجين جايه تقدم
زين:طب واي المشكله العدد اكتمل؟
الموظف: لا يافندم بس دي مستشيخه فيه ولبسه لبس مهلهل وحضرتك قولت متقبلوش أي حد بالمنظر ده وهي عاوزه تقابل حضرتك
زين:تمام ابعتها
الموظف:اتفضلي معايا
آيه: روحت معاه وانا جوايا هموت من الخوف مش عارفه ليه انا اصلا عمري ما اتكلمت مع أحد كان لازم اعمل فيها شجاعه اوي ربنا يستر
خبط عالباب ودخلني وكان هيقفل الباب بس قولتله سيبه مفتوح
دخلت وكان في دماغي أنه واحد كبير وعجوز بقا بس لقيته واحد صغير يعني مش كبير اوي فأنا أتوترت وغضيت بصري بسرعه اول ما سمعته بينادي
زين: يا آنسه ممكن حضرتك تقولي عاوزه اي بلغوني أنه مش راضيه تمشي غير لما تقابليني
آيه: ممكن اعرف حضرتك انتوا مش بتقبلوا تشغلوا ال بيلبسوا خمار ولبس واسع ليه
زين ببرود:دي حاجه متخصكيش
آيه :لا تخصني لما ما تقبلونيش لمجرد اني لابسه خمارتبقي تخصني لما اكون من أوائل دفعتي والمفروض انكم بتقبلوا المتفوقين عشان تدربوهم في الشركه وترفضوني لمجرد اني لابسه خمارعشان ارضي ربنا يبقي يخصني انا جيت هنا بس عشان اي افهم اي العيب اني اكون لابسه الخمار جربتوا شغلي وشوفتوا اني مش قده
زين :كل واحده لابسه الخمار والبس المهلهل ده هتقولي الكلمتين دول وهما بيداروا مصايبهم ورا الخمار والله أعلم بيعملوا إي في السر
آيه :حضرتك اتعاملت معايا شوفت مني حاجه وحشه تخليك تقول كدا ولا بتتاعامل معايا علي حسب تجربتك مع حد تاني
معرفش ليه حسيت بتوتره وهو بيجاوب ببرود ويقول :تمام قدامك شهر هتتدربي مع المتدربين في الشركه لو حصل غلط واحد من ناحيتك انا هخليكي تقعدي بشهادتك في البيت
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية خماري عفتي وليس عائق)
