رواية خطوبه الندامه الفصل الثاني 2 بقلم إيمان شلبي
رواية خطوبه الندامه البارت الثاني
رواية خطوبه الندامه الجزء الثاني
رواية خطوبه الندامه الحلقة الثانية
-يابنتي بقولك اول ما الفون بتاعه رن اتوتر وكأنه عامل عمله
شربت بوق ميه وهي بتبصلي بتوتر :
-عامل ايه يعني ؟!
اتنهدت بحيره وانا ببص قدامي :
-مش عارفه
بصيتلها مره تانيه وانا بسألها بتوتر :
-تفتكري بيخوني ؟
ردت بلهفه :
-لا طبعا
قفلت عيني نص قفله باستغراب :
-ومالك بتقوليها بثقه اوي كده
بلعت ريقها وهي بتفرك أيدها بتوتر :
-لا م مش حكايه ثقه ،كل الحكايه أن خالد كان زميلي يعني ومش من طبعه الخيانه
وانا عارفه أنه بيحبك وبيموت فيكي
رديت بحزن :
-كان بيحبني
-يعني ايه
-يعني انا حاسه ان في واحده تانيه في حياته
-ولو فعلا في حد في حياته هتعملي ايه ؟
رفعت حاجب ونزلت التاني وانا ببصلها بذهول :
-انتي بتسأليني !
-ايوه معرفش رد فعلك وقتها هيكون ايه
ابتسمت ابتسامه كلها ثقه وكبرياء :
-هسيبه
-بس
من غير اي مشاكل ؟؟
ابتسمت مره تانيه وانا ببصلها بشر وبهز راسي بنفي:
-بعد ما الناس كلها تتفرج عليه وعلي السنيوره اللي لفت عليه وهي عارفه أنه خاطب
وشها شحب وهزت راسها بابتسامه مهزوزه :
-جدعه
بصيت قدامي وانا بهمس بصوت مسموع :
-اتأكد بس من احساسي
وقتها عليا وعلي أعدائي
الفون بتاعي رن في اللحظه ديه وكان هو
اخدت نفس عميق وانا برد عليه ببرود
-الو
-انتي فين
-هكون فين يعني في الكليه اكيد!
-مع مين
رديت بضيق :
-مع هايدي صاحبتي
زعق بعصبيه:
-هو انا مش قولتلك ميه مره بلاش تقعدي مع البت ديه
وطيت صوت الفون وانا ببص لهايدي بتوتر وقومت من مكاني روحت بعيد شويه
-وطي صوتك صوت الفون عالي ،وبعدين مالها يعني هايدي عملتلك ايه هي مش دي برضو كانت صاحبتك !
رد بتوتر :
-ا ايوه كانت فعل ماضي انما حالياً مليش علاقه بيها بعد ما عرفت انها واحده شمال
اتعصبت وزعقتله :
-ماتحترم نفسك بقي بلاش تخوض في أعراض الناس حرام يا اخي
رد بسخريه:
-ومالك محموقه عليها اوي كده ليه
-عشان هي صاحبتي وانا بحبها ومتأكده انها مش زي ما بتقول عليها
رد بغموض :
-صحيح الطيبه في الزمن ده متنفعش
-قصدك ايه ؟
-ولا حاجه انا هقفل هتخلصي أمتي
رديت بضيق :
-معرفش لسه
-طيب لما تخلصي كلميني
-طيب
-سلام
قفلت معاه الفون ووقفت شويه في مكاني وانا بفكر في كلامه وأفعاله اللي مبقتش تطاق بالمعني الحرفي
-تاليا
لفيت لمصدر الصوت وانا مكشره :
-ايه ياهايدي
-مالك انتي كويسه
هزيت راسي :
-اه يلا
قفلت عينيها نص قفله بشك :
-متأكده
ابتسمت ابتسامه باهته :
-متقلقيش
-مقلقش ازاي مش انتي اختي
ابتسمت بحزن وانا بحضنها :
-ربنا يخليكي ليا يارب
حضنتني جامد وردت بحب :
-ويخليكي ليا ياروحي
دخلنا المحاضره وخلصت وكان في بريك في النص ما بينها وبين الثانيه
وفجأه شوفته داخل المدرج!!!
قرب مني وانا علي وشي علامات الاستغراب والذهول وهايدي قاعده جنبي متوتره توتر غريب في الحقيقه يمكن اكتر مني
وصل قدامي
قومت وقفت وانا بسأله باستغراب:
-انت ايه اللي جابك هنا
بصلي وبص لهايدي ورد بهيام :
-وحشتيني اوي قولت اجي اشوفك
كان بيقول كلامه وهو باصص في عيونها ..
-والله!!
بصلي بابتسامه بارده :
-ايه معجبتكيش المفاجأة ولا ايه ؟
-لا عجبتني بس مكانش في داعي تيجي المدرج ،كان ممكن تستني برا لحد ما اخلص
-لا مانا قررت احضر معاكي المحاضره اصلك وحشتيني اوي أوي اوووي
والمره دي كمان كان بيبص في عيونها وانا واقفه كأني قرطاس لب مش بني ادمه بتحس وليها مشاعر !
اتعصبت ورديت بأنفعال وصوت عالي :
-هو في ايه ؟
-مالك ياحبيبتي
-مالي ايه وزفت ايه انت مش شايف انت بتهبب ايه
-بهبب!!
-ايوه مالك عمال تبص لصاحبتي كده وكأني قرطاس لب
بتقولي وحشتيني وعمال تبص في عيونها بكل بحاجه
-انتي اتجننتي ايه العبط اللي بتقوليه ده
اتعصبت والدموع بتلمع في عيني وانا بقلع الدبله :
-انا ابقي مجنونه فعلا لو كملت مع واحد زيك
قولت كلامي ورميت الدبله في وشه واخدت شنطتي وطلعت اجري من المدرج اللي كل اللي موجودين فيه كانوا بيتفرجوا عليا
-تاليا تاليا استني
وقفت لمصدر الصوت لقيت واحده صاحبتي بتجري نحيتي
رديت بدموع :
-نعم
بصتلي بتوتر وهي بتفرك ايديها :
-تاليا كان في موضوع مهم عايزه احكيلك عنه
حطيت ايدي علي بوقي وانا بحاول احبس دموعي :
-م ممكن نأجله لوقت تاني ياخلود انا تعبانه دلوقتي
-للاسف الموضوع مينفعش يتأجل
-موضوع ايه ؟
-هايدي
-مالها هايدي
– هايدي صاحبتك بتخونك
رديت بصدمه :
-بتخوني!
ايوه ياتاليا بتخونك مع خطيبك
اومال انتي فاكره أنه بيبصلها معجب بيها مثلا وهي ملاك برئ
رديت بصدمه وذهول :
-يعني ايه الكلام ده
ي يعني ي يعني البنت للي انا شاكه انها بتكلم خطيبي تطلع هايدي صاحبتي
ردت بعصبيه وقرف:
-متقوليش صاحبتك ديه حيه متلونه علي هيئه بني ادمه
هزيت راسي بنفي وانا بحط ايدي علي بوقي وبعيط :
-انا مش قادره اصدق
-لا صدقي ،ياما ياتاليا حذرتك منها بس انتي اللي مبتسمعيش كلامي
-ا انتي ا انتي متأكده من الكلام ده
-زي مانا متأكده اني شيفاكي دلوقتي
-ط طب عرفتي منين ؟
ضحكت بسخرية:
-بغبائها في مره كانت بعتاله فويس نوت بعتتهولي انا بالغلط حاولت تمسحه بس مقدرتش لاني عندي الواتساب اللي مش بيمسح
رديت بتوتر :
-ك كانت بتقوله ايه ؟
-لحظه واحده هسمعهولك
فتحت الفون بتاعها وفتحت الفويس اللي كانت بتقوله فيه
” وحشتني ياخلودي أمتي بقي تسبب الزفته اللي اسمها تاليا ديه وتيجي تخطبني ،ياااااه ياخالد ياما بحلم باليوم ده ،اليوم اللي هشوفها فيه مكسوره وقلبها محروق ،انا بكرهها اوي مكرهتش في حياتي قدددها ”
كنت بسمع كل كلمه في الفويس بصدمه وقلب محروق بالفعل
كنت حاسه اني في حلم
لا لا كابوس مرعب
نفسي الكابوس ينتهي ،هو اكيد هينتهي وهيطلع كل اللي بيحصل ده مش حقيقه
حاولت اتنفس وانا ببص لخلود بتوهان وببلع ريقي بصعوبه :
-ه هو ه هو اللي بيحصل ده ح حقيقه ولا ده مقلب ولا أنتي بتخرفي ولا ايه بالظبط
قوليلي ياخلود ع عشان خاطري قوليلي الحقيقه ده مقلب صح ا انا انا …..
مسكت دراعي وهي بتبصلي وبتقولي بقسوه وإصرار :
-لا حقيقه ياتاليا
انتي لازم تواجهيهم ،لازم تفضحيهم هما الاتنين
نبره صوتي اتخنقت بالدموع وانا بهز راسي بهستريه :
-ليه ليه ليه يحصل كده ل ليه انا عملت فيهم ايه أ انا
قاطعتني بأصرار اكبر :
-تاليا مفيش وقت انتي لازم تدخلي دلوقتي تفضحيهم قدام المدرج كله
ارجوكي بسرعه انا وصيت شويه شباب زمايلنا يقفلوا الباب عشان محدش يخرج منهم
بسرعه ياتاليا ،اعملي كده دلوقتي وانهاري بعدين
هزيت راسي اكتر من مره بدموع وانا بترعش
-اعمل ايه ا اعمل ايه
-انا هقولك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية خطوبه الندامه)
