رواية خربشات الفصل الأول 1 بقلم يمنى جمال

رواية خربشات الجزء الأول

رواية خربشات البارت الأول

رواية خربشات الحلقة الأولى

– اتمنى يكون ال انت بتحاول تثبته لنفسك عنى …انا اكون عرفت اثبتلك دا .
= مش فاهم تقصدى اى .
– لا فاهم كويس اوى اقصد اى …بتحاول تثبت أن انا منفعش..م استاهلش ،ان ازاى تكون انت بتهتم أو تكون بتبعت الاول تسأل الاول …اتمنى اكون عرفت اثبتلك انك صح .
= امممم وبعدين..
– مبسوطة منى اوى .. الحمد لله عرفت اثبتلك انك صح زى كل مرة .
= زى كل مرة ؟
= أيوة …انت مش عارف دا والا اى ، استنى اعرفك ، انا مفيش ولا مرة كنت صح فى نظرك …كل مرة ببقى غلط ، هل دا انت كدا براڤو لوحدك ،لا يا حبيبي انا بديلك فرصة واتنين وتلاتة وكل مرة انا الغلطانة .
= وبعدين.؟
– مفيش بعدين ..تصبح على خير..سلام .
قفلت المكالمة وانا عارفة أن عواقب كلامى أو ال كان فى نفسى وحساه واقف فى قلبى مش هتبقى كويسة …
” أحياناً يفقد الإنسان السيطرة على نفسة لكنه السبب فى ذلك …كان هذا كله خطأة من البداية ..فلم ترفق بحالك انت اولا ..هل تنتظر من غيرك أن يرفق بك ؟! ”
كتبت البوست دا على الفيس وقفلت الفون وروحت انام ، أو بمعنى أصح أجلد ذاتى شوية .
فضلنا بعد المكالمة دى أسبوع م اتكلمناش بالإضافة أن سبب المكالمة دى أن احنا م اتكلمناش بقالنا كذا يوم بردوا ..
بعدها كتبت فى أسك الفيس ..هل الاهتمام من الراجل والا من الست ..مين يبدأ الاول ..؟
لقيت إجابات كتير اوى …عجبنى رد منهم جدا حسيتة هو دا مفيش غيرة ..
” الاهتمام لازم يبدأ من ناحية الراجل وعلى أثره الست تبدأ تهتم …،لان النساء مرغوبين لا راغبين ..بمعنى أصح ، أن حتى لو الست عايزة الراجل لازم الراجل يبدأ حتى دا حفظاً لحيائها …ولما هيا تلاقى دا …هيا لواحدها هتهتم ”
خدت اسكرين للرد دا وحطيته ..وكتبت عليه * النساء مرغوبين لا راغبين*
لقيته بعدها رن …
– ألو…
= محتاج نتكلم شوية .
– اتفضل .
= عاجبك ال احنا فيه دا وال انتى وصلتينا ليه ..
ـ انا …قولتها وانا بضحك ..
= هعتبرها ضحكة استهزاء ..
– لا خالص …دى سخرية من القدر والله وضحكت تانى ..
=والله…سخرية القدر … وبعدين يا سارة وبعدين فى كل دا …انتى عارفة انى بحبك وانتى بتحبينى ليه كل دا ليه ها …
– كل دا انت ال بدأته …اشرب بقى ،انا لو بحبك وحسيت معاك بعدم التقدير ، متلزمنيش يا فارس ، اعيش طول عمرى كرامتى ما اتهانتش …وقلبى واجعنى والا انى اعيش معاك بالشكل دا …انت مفكر اى ها ..انك كدا بتثبت انك راجل ..
الرجولة عمرها ما كانت بالبعد والجفا والبرود …رجولتك فى حنانك ووجودك واحتوائك ليا ، انا فين فى يومك ..ها ..انا فين …الدبلة ال فى ايدك دى ما بتفكركش بيا..انا مقدرش استأمن نفسى معاك واحنا لسة على البر فما بالك وانا فى بيتك .
كل شئ قسمة ونصيب هبعتلك حاجتك بكرة تصبح على خير.
قفلت المكالمة …حاسة براحة رهيبة ..
” اى المشكلة لو كان اختيارك ال انت عافرت عشانه واختارته بمزاجك كان غلط ، طالما تقدر تغيره …غيره “