رواية خدعة حب الفصل الرابع 4 بقلم أمنية حاتم
رواية خدعة حب الجزء الرابع
رواية خدعة حب البارت الرابع
رواية خدعة حب الحلقة الرابعة
كريم بصوت عالي: حد يجي يلحقنا
ده اهمال وتسيب وكلكم هتتحاسبو وأول واحده هتتحاسب الدكتور كارما….
هدي بخضه: الحقنا. يا دكتور نصيبه….
اوضه اسيل كانت متبهدله وفي د*م علي السرير وهي مش موجوده وهدي لقت في الممر نقط د*م
كريم: امشي ورا نقط الد*م دي وانا هتصل بالدكتوره
كارما بهزار: انا هطلع احسن منك وارد علي الفون من اول رنه
كريم بزعيق: انتي بتهزري وفي نصيبه حصلت
كارما بخضه: نصيبه ايه؟ حصل ايه؟
كريم بعصبيه: فيه أن اسيل الحاله اللي انتي مسكتيها مش موجوده في الاوضه وفي نقط دم في الأرض
هي دي اخر اهمالك وعدم تحملك المسؤليه لوحدك…. انا من البدايه قولت ل مازن بلاش كارما علشان بتتدلع و….
هدي وهي بتاخد نفسها بسرعه: ليقتها يا دكتور الحمدلله
كريم: هي فين؟؟
هدي: كانت بتغسل ايدها من الد*م والالوان
من اول ما هو قالي إن اسيل مش موجوده وبدء يقلل مني وانا ساكته ومش عارفه ارد ولا أفكر و أول ما سمعت أن اسيل موجوده في المستشفى وكويسه قفلت الفون وقومت البس بسرعه
مازن بأستغراب: في إيه؟ ايه اللمه والصوت العالي ده؟!
هدي بصوت واطي: دكتور كريم افتكر إن اسيل أذت نفسها او هربت
مازن بقلق: وبعدين حصل إيه؟
هدي بنفس الصوت الواطي: اتصل بدكتوره كارما وزعقلها وانا لقيت أسيل في الحمام بتغسل ايدها من الد*م والإلوان بتاعتها الحمرا… مش عارفه جابتها منين يا كتور
مازن: طب الحمدلله انها كويسه
شكرا يا هدي
كريم كان في المكتب بيراجع الملفات واخر تتطور الحالات وطلب مازن يجيله
مازن: مساء الخير يادكتور
كريم: اتفضل يا مازن
كنت عاوز اعرف منك اخر تطورات حاله اسيل
مازن: اختلفت جدا وبقت تتكلم وبدءت ترجع ل هوايتها وتنزل الجنينه وده حصل بعد ما دكتوره كارما مسكت الحاله
كريم: طب و……..
كارما بحديه: أسيل تبعي انا يا دكتور واي تفاصيل عن حالتها معايا انا
مازن: اهدي يا دكتوره، أسيل كويسه وده كان سوء تفاهم
كارما: الحمدلله انها بخير… هروح اطمن عليها
هو كان ساكت علشان عارف نفسه غلطان وانا خرجت من المكتب وتجاهلت وجوده
كارما: ممكن تعزميني علي قهوه ولا لأ
أسيل بإبتسامة توتر: اا اه طبعا
كارما: مالك خايفه كده ليه
أسيل: علشان كان فيه زعيق وصوت عالي وانا بقلق من كده
كارما: انا معاكي متخافيش
هما كانو قلقانين عليكي بس
اسيل: انا كنت برسم والألوان وقعت ف اتوترت والكوبايه اتكسرت وفتحت ايدي
ف روحت اغسل ايدي واوقف الد*م
كارما بإبتسامة: عادي ده بيحصل دايما المهم إنك خرجتي من الاوضه وبدءتي تنزلي الجنينه
أسيل بإبتسامة: بقيت احب اشوف الشمس والهوا الحلو واسرح بخيالي وارسم
كارما: دي حاجه كويسه جدا
كارما بهزار: انا هشرب قهوه بقا بدل ما تلاقيني جايه انام جنبك علي السرير
قعدنا نهزر ونتكلم لحد ما حسيت انها رجعت طبيعيه تاني وسيبتها وخرجت
مازن: الوقت اتأخر… تعالي اوصلك
كارما بإبتسامة: لأ شكرا هركب تاكسي
مازن بهزار: اعتبريني تاكسي وابقي ادفعي الاجره
كارما: إذا كان كده ماشي
مازن: تعرفي أن اول مره اشوفك فيها متعصبه وبتتكلمي بجديه كده
كارما: كنت غريبه اوي صح؟؟
مازن بضحك: بصراحه اه
متعود اشوفك مبتسمه وبتهزري مع كل الموجدين حتي المرضي
كارما: اومال انت عاوزني افضل مكشره ومتعصبه ويجلي الضغط والسكرانا صغيره كده
مازن بضحك: لأ طبعا، بعد الشر
بس مين قال أن الناس إللي مش بتضحك بتتعب ويجلها الضغط!!!
كارما: مش هما بيقولو أن الضحك بيطول العمر ويقوي عضله القلب
مازن: اه فعلاً
كارما: يبقا الناس إللي مكشره وواخده كل حاجه علي قلبها كده هتتعب وهي صغيره
سهله اهي
مازن: تصدقي اقنعتيني
كارما: انت اقتنعت وانا وصلت
ها هتاخد مني كام بقا
مازن: بصي ابقي اعزميني علي حاجه بحق الاجره دي
كارما: خلاص اتفقنا
تصبح على خير
كنت متوقعه أن كريم هيجي يصالحني او حتي يتصل يعتذر بس ده محصلش… فكره انه سابني مضايقه ومجبرش بخاطري ضايقتني زياده
الصبح قومت بدري وصليت ولبست بسرعه
صفاء: إيه النشاط ده كله
كارما: إيه رأيك فيا… قومت بسرعه ومنغير زعيق
صفاء: هي حاجه غريبه، بس حلوه
هحضر الفطار
كارما: لأ يا حبيبتي انا هفطر هناك
انتي بس ادعيلي
صفاء: ربنا يوفقك ويريح قلبك وبالك
كارما: احلي دعوه والله… سلام يا قمر
تعمدت اني انزل بدري عشان ميحصلش اي تتاتش بينا
كريم: احم صباح الخير
رديت وانا باصه في الورق: صباح النور
كريم: استغربت إنك نزلتي قبلي ومرنتيش
بصيتله بعدم اهتمام: لا عادي محبتش ازعجك
كريم: انا بعتذر اني زعقت إمبارح و….
قطعت كلامه: حصل خير يا دكتور، وطبعا حقك تراجع ورايا، بس ملكش الحق تقول اني عديمه المسؤليه وده مش صح
كان مستغرب من جديه الكلام… بس هو كان طلب مني كذا مره ان في المستشفى التعامل يكون في حدود الشغل وبس وانا قررت اعمل كده
كريم بهدوء: انا بس كنت متعصب وقلقان،متزعليش
كارما: تمام…. هروح اشوف باقي الحالات
الاعتذار عن الغلط بعد مرور الوقت كأنك بتقدملي قهوه بارده وبتقولي عملتها علشانك… ف بيكون ملهاش طعم ولا ريحه والاعتذر لما بيجي متأخر قيمته بتكون قليله علي القلب
مازن: صباح الخير علي الناس إللي بتضحك
كارما بإبتسامة: صباح النور
مازن: إيه رأيك نتغدا مع بعض انهارده
كارما: لو خصلت بدري هنتغدا مع بعض
مازن: ولو مخلصتيش بدري هستناكي ونتغدا مع بعض برضو
كارما بضحك: حلو و…….
قطع كلامي صوت كريم وهو بيقول: دكتور مازن عاوز منك تقارير الشهر لو سمحت
مازن: تمام يا دكتور هحضرهم وابعتهم علي المكتب…. بعد اذنك
كريم: ااا إيه رأيك نتغدا مع بعض انهارده واحكيلك علي كام حاجه
كارما بشبه ابتسامة: لا مش هينفع انهارده
عندي كذا حاجه
اليوم خلص بسرعه ومتكلمتش مع كريم خالص وهو مستغرب من ده
مازن: خلصتي صح؟؟
كارما: انت جوعت؟
مازن: لا عادي
كارما: طب انا خلصت
مازن بهزار: طب يلا بسرعه وانبي علشان انا مش جعان خااااالص
كارما بضحك: اه طبعاً طبعاً واضح
كريم: ايه بتضحكو علي إيه
كارما: عادي كُنا بنتكلم
رضوي: يلا يا كريم علشان نلحق نتغدا
عامله ايه يا كارما
كارما بإبتسامة: الحمدلله
كريم: إيه رأيك تيجي تتغدي معانا
كارما: لأ اتغدو انتو مع بعض
وانا هروح مع مازن
كريم بنرفزه: ده من امتي إن شاء الله
رضوي: عادي يا كريم هما زمايل
وبعدين احنا عاوزين نروح نشوف فستان الخطوبه
عقبالك يا كارما….وعقبال ما تلاقي بنت الحلال انت كمان يا مازن
مازن بهزار: هتقوليلي مبروك قريب باذن الله
كريم و رضوي في نفس الوقت:ليه؟؟
ضحكتنا كلنا ومازن قال: علشان هخطب
رضوي: مين بقا
مازن:………….
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية خدعة حب)
