رواية خداع وعشق الفصل الأول 1 بقلم سولييه نصار
رواية خداع وعشق الجزء الأول
رواية خداع وعشق البارت الأول
رواية خداع وعشق الحلقة الأولى
-أمير !!!
قولتها بصدمة وانا شايفة امير خطيبي في المول وهو ماسك ايدين طفل وجمبه واحدة وشغالين يتكلموا مع بعض ويضحكوا …قلبي دق بعنـ.ف وانا بحاول افهم اللي بيحصل …
-ريناد مش ده.امير …صح امير ومعاه واحدة …
بصت ريناد بصدمة …
-ايه اللي بيحصل ؟!
قولتها ودموعي كانت بتنزل …كنت حاسة ان فيه حاجة غلط …
-انا هوريه ابن ال…
قالتها ريناد وكانت ناوية تروحله بس مسكت ايديها وبعدت وطلعت بسرعة برا المول…
-ايه اللي بتعمليه ده يا نورهان انتي عبيطة !!!!كنتي سيبتبني اهزقه واسأله دي مين اللي ماشي معاها ومين الطفل اللي معاهم ده …أكيد ده متجوز …
هزيت راسي وقولت بصوت بيترعش :
-لا لا مستحيل أمير مش كده ..ومش معقول يكون بيخو.ني …أكيد دي قريبته ..أكيد فيه تفسير بس امير مستحيل يخو.نني مستحيل ..
هزت ريناد راسها بعصبية وقالت:
-ايه الغبا.ء ده يا بنتي …ده أكيد متجوزها وده.ابنهم وانا هثبتلك كمان …احنا نمشي وراهم ونشوف ايه رايك ؟!
مكنتش عايزة اواجه الحقيقة …كنت عايزة افضل في الكد.بة الجميلة اللي انا عايشاها …عايزة أفضل مصدقة ان امير بيحبني ومستحيل يخد.عني بس كان لازم تواجهه …
استنينا برا المول لحد ما خرج هو والست دي ومعاهم الطفل بعدين فتح الباب للست الجميلة اللي معاه وهو بيبتسم ليها…كنت شايفة ابتسامته من بعيد …دي الابتسامة اللي كان دايما بيبتسمها ليا …حسيت قلبي بيتعـ.صر من الأ.لم …أول ما اتحرك ريناد شدتني لعربيتها الصغيرة وبإحتراف مشيت وراه من غير ما يأخد باله حتي …
..
بعد تلت ساعة وصل لعمارة راقية ونزل وشال الطفل الصغير ومسك ايديها وطلعوا العمارة …استنت ريناد عشر دقايق بعدين سحبتني وطلعت وراحت ناحية البواب وهي بتبتسم وبتقول:
-بقولك يا عم ..
ساب البواب كوباية الشاي وقال:
-اتفضلي يا بنتي …
-هو فيه حد في العمارة دي اسمه امير حسين ؟!
-ايوة يا هانم استاذ امير حسين في الدور التالت ساكن مع مراته لانا هانم وابنهم مراد …
قلبي وقع في رجلي لما سمعت كده حسيت بنار جوايا …دورت وشي وفضلت ابكي من غير صوت …
ريناد بصتلي وعينيها مدمعة وبعدين بصت للبواب وقالت:
-هو استاذ امير متجوز ؟!
-ايوة يا ست هانم متجوز من سبع سنين …بتسألي ليه يا هانم …
قالت ريناد بصوت بيترعش:
-اصلي انا ابقي زميلته في الشغل وكنت حابة اشوفه في موضوع مهم ..عموما هبقي اتصل بيه واجي بعدين لازم امشي دلوقتي عشان انا مستعجلة …سلام
وبعدين مشينا …
طول الطريق وانا ببكي بعنـ.ف وريناد بتحاول تهديني بس فشـ.لت …مكنتش مصدقة ان امير يعمل فيا كده …وفجأة بدأت أدرك غبا.ئي …افهم أنا ازاي كنت غبـ.ية ووثقت فيه!!
عمره ما عرفني بحد من عيلته ولما سألت عن أهله فين قال إنهم ما.توا وأنه وحيد…ومن شدة حبي ليه وافقت علطول ومديتش لأمي فرصة يسأل عليه …كان بيختفي بالايام وبيقفل موبايله … …رافض اني انزل صورنا علي الفيس وكتير بيرفض نطلع سوا اماكن مشهورة …كل الحاجات دي خلتني افهم اني كنت غبـ.ية ووثقت فيه !!!
…..
روحت البيت ودخلت اوضتي علطول وسط ذهول اهلي واللي حاولوا يعرفوا مالي بس انا مرضتش اتكلم …
…….
تاني يوم …
كنت قاعدة في اوضتي برسم لما ماما خبطت عليا وقالت:
-نورهان حبيبتي خطيبك جه يالا عشان تشوفيه مستنيكي في الصالون !
هزيت راسي وقومت ودخلت الحمام اللي في اوضتي واخدت شاور سريع بعدين خرجت بنطالون اسود وبلوزة حمرا ولبستهم وعملت شعري ديل حصان … وطلعت…
…..
-وحشتيني اووي ..
قالها امير بصوته المميز وعيونه اللي بتلمع بطريقة بتقول أنه بيعشقني …ازاي قدر يز.يف ده كله. .ازاي كنت ناوية ابقي هادية …اتكلم ببرود واسيطر علي مشاعري بس لما شوفته قدامي انفـ.جرت وافتكرت كذ.به وخد.اعه وخيا.نته …قربت منه وانا بصرخ بقول :”بقلم سولييه نصار ”
-يا حقـ.ير …
وبعدين ضر.بته بالقلم جامد وصرخت ودموعي بتنزل :
-انت تخدعني أنا ؟!!طلعت متجوز وبتكدب عليا !!!متجوز ومخلف كمان.!!!!!
وشه بهت وقال:
-نورهان …نورهان بس اسمعيني …
قالها بتوتر …اتعصبت اكتر وبدأت اصرخ واضر.به علي صدره واقول:
-اسمع ايه يا خا.ين يا كد اب اسمع ايه …
بعدت وفضلت اعيط واقول:
-ليه عملت كده ؟!!ليه خد.عتني ده انا حبيتك …لييييه يا أمير …
قربت وفضلت اضر.به تاني في كل مكان في وشه وعلي صدره وفضلت ازعق بصوت أعلي واقول:
-انطق عملت فيا كده ليه؟!ده جزائي اني حبيتك !!!انطق …كان هو بيحاول يحضنني بس مش عارف فجأة حسيت أن قوتي راحت والرؤية بدأت تتشوش واغمي عليا بين ايديه…
-نورهان!!
قالها أمير بفزع !
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خداع وعشق)
