رواية خداع العشق الفصل الثالث 3 بقلم عائشة الكيلاني
رواية خداع العشق الجزء الثالث
رواية خداع العشق البارت الثالث
رواية خداع العشق الحلقة الثالثة
هنادي لفت وشها له و بصتله و بصت لى ايديه الى مسكها بصت في عيونه و ضربته كف سمع كل الواقفين من قوته سحبت ايديها بغضب
هنادي بغضب و عصبية:ـ مييين انت حتي تتجرأ و تتكلم معايا بالطريقة دى باي حق هاا ميين انت علشان تستجوبني عااايز اي هاا لاخر مرة هقولها اطلع بره حياتي بادب علشان معملش حاجة كلنا نندم عليها اولهم انت
هنادي خرجت بره الفيلا بغضب مصطفى مشي بغضب هو كمان بعد الى عملته مكنش يتوقع رد فعلها هيكون كدا
هنادي كانت بتجري كانت هتقع :ـ وقتك انتي كمان
هنادي بصت حواليها قل.عت الجزمة و مشيت مسافة صغيرة لحد العربية ركبت و رايحة تقفل الباب مصطفى مسكه
هنادي بغضب:ـ انت احقر واحد شوفته في حياتي ابعد عن طريقي احسن ليك
مصطفى حط ايده على العربية و حصرها:ـ همشي بس مش قبل ما اعرف مين الطفل الى معاكي و من غير كدب
هنادي بقوة:ـ لو على الكدب و الغدر ف انت اخر واحد تتكلم لانك غدار مخادع
مصطفى بعصبية:ـ هنادي
هنادي اتنهدت بهدوء و قعد حزن مصطنع:ـ بعد ما سبتني لوحدي في الفندق انا مشيت فعلا روحت لى بابا و عشت عادي بعديها بيومين اكتشفت انى حامل في ابنك
مصطفى بفرح ممزوج بحزن:ـ يعني حازم ابني
هنادي هزت راسها بنفي:ـ حازم انا اتبنته بعد ما.. بعد ما ولدت و ابني نزل ميت
تكمل بدموع تمثيل:ـ متعرفش كنت موجوعة اد اي كان نفسي تكون معايا بس النصيب ربنا يصبرنا على فراقه ابنك مات يا حبيبي للاسف دى الحقيقة المرة الى مخبيها عنك علشان متتوجعش ارتحت دلوقتي ممكن امشي بقا
مصطفى بعدا بصدمة و حزن و دموع في عيونه هنادي قفلت الباب العربية و اتحركت بعد ما بعدت شوية بالعربية شغلت الاغاني و بترقص و بتسقف و تغني و تزغرط بفرح
بعد وقت وصلت الفيلا
ماجدة:ـ يعني متاخرتيش
هنادي رمت شنطتها بغضب:ـ عاملين ليا كمين ولاد**
الاب:ـ و عملت اي
هنادي بهدوء:ـ لا تقلق كله تحت السيطرة حازم نام
ماجدة:ـ اه اتعشا و نام
هنادي:ـ طب عن اذنكم انا كمان هروح انام
هنادي طالعت قفلت الباب اتجهت لى حازم قبلت خده و جبينه و قالت بدموع:ـ انت ابني انا ابني انا و بس و محدش هيخدك ولا ليه حق فيك غيري انت عوضي عن الذل الى شوفته من ابوك سامحني يا حبيبي سامحني يا حازم حضنته و نامت و هى مسكه في بقوة و خوف
تاني يوم هنادى لسه هتركب العربية
مصطفي:ـ على فين يا هانم
هنادي بملل:ـ هو انت فاضي لدرجة أنك تقرف فيا افندم
مصطفى:ـ عايز ازور ابني حقي برضو اعرف قبره فين
هنادي لنفسها:ـ اه يا ابن** يا ابن الكل.ب
هنادي فاقت من شرودها:ـ اوى اوى العنوان**** تقدر تروحه ولا اقولك انا جاية معاك وحشني اوى
مصطفى مسك ايديها و ركبوا عربيته بعد وقت طويل وصلوا و نزلوا من العربية
مصطفى بص ليها برجاء:ـ قولي انكي بتكدبي عليا قولي انك بتعقبيني
هنادي رفعت راسها و قالت بوجع و هدوء:ـ كان نفسي بس دى الحقيقة لازم نتقبلها فعلا الطفل مت انا لازم امشي عن اذنك
مصطفى بص لتراب قعد على الارض و مسكه و قال ببكاء:ـ انا مقدرش اقولك اسف ولا اقولها بس انت كان اخر املي انى اكمل في الدنيا دى انا عارف انى مستاهلش انك تكون ابني ولا استاهل حبها بس كان غصب عني الظروف كانت أقوى مني
كان بيتكلم و صوت بكاه عالي كانت سامعة غمضت عيونها بألم رجعت ضهرها لوراء:ـ حلو الوجع صح انت بس علشان عرفت ان ابنك مات عملت كدا انت حرقت قلبي زمان و دلوقتي لازم تدوق نفس الوجع و الحرق مش مسامحك يا مصطفى مش مسامحك و دلوقتي هخد ابني و همشي من البلد دي انت خطر علينا صدقني مش هسامحك حتي لو موت قدامي
اتحركت بعربيتها و مشيت تانى يوم في المدرسة
حازم :ـ انت
المديرة:ـ حبيبي اونكل عايز يروح معاك مشوار اصلا الحصة التانية لسه بدري عليها
حازم:ـ بص انا مينفعش اروح مع حد مش اعرفه و ماما ممكن تزعل مني
مصطفى مسك ايده بهدوء:ـ انا مش غريب يا حازم دى اول حاجة تانى حاجة احنا خلاص بقينا اصحاب و متخفش مش هنتاخر و ماما مش هتعرف اى حاجة
المديرة:ـ انا هتصرف بس ارجوك متتاخرش هنادي هانم ممكن تجي في اى لحظة
مصطفى بهدوء:ـ مش هنتاخر اطمني
مصطفى خد حازم ركبوا عربيته و مشي بعد ساعة رجعوا المدرسة
تاني يوم في الفيلا
هنادي بغضب:ـ يادي النيلة نعم افندم يا مصطفى عايز اي
مصطفى دخل و قعد ببرود:ـ تصدقي يا هنادي حلمت بى ابني كان زى القمر شبه حازم بالظبط
هنادي بغضب:ـ اخلص لاني مش فايقة ليك اتفضل امشي من بيتي اطلع بره يا اجيبلك الامن يطلعك بس و انت ميت باذن الله و وعد عليا انى
مصطفى بص ليها و ضحك بسخرية:ـ ابنك ههه مش لم يكون ميت اصلا
فتح ورقة التحليل و رفعها قدام عيونها:ـ مش عيب لم تكدبي عليا في حاجة زى كدا فكرني مش هعرف حقيقي انتي طيبة اوى حازم ابني دا مش كلامي دا كلام الشبه و التحليل و مليون اثبات يقولوا ان حازم ابني…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية خداع العشق)
