روايات

رواية خادمة قلبي الجزء الثاني الفصل العشرون 20 بقلم زهرة عصام

رواية خادمة قلبي الجزء الثاني الفصل العشرون 20 بقلم زهرة عصام

رواية خادمة قلبي الجزء الثاني الجزء العشرون

رواية خادمة قلبي الجزء الثاني البارت العشرون

رواية خادمة قلبي الجزء الثاني
رواية خادمة قلبي الجزء الثاني

رواية خادمة قلبي الجزء الثاني الحلقة العشرون

وليد اللي خرج بره المستشفى و أخدت تاكسي و راح لـ منه و مالك الصغير بيت منال و هو بيقول:-

ورحمت أمي لروح أشوفها هو أنا هقعد أحط أيدي على خدي و اغني يحزنون و أنا أصلا مش مدي خوانه

وصل لحد البيت و طلع خبط على الباب و هو مبتسم أوي ، رهف فتحتله الباب و هي بتتاوب و قالت:-

إيش هذا إنت بتعمل اية هنا ؟

وليد بص ليها و قال بجدية:-

جاي أشوف مراتي و ابني

رهف بسخرية:-

و قولت لـ منال وإلا هطلع عين اللي خلفو.نا

إبتسم وليد بإستفزاز و قال:-

أكيد طبعاً هيطلع عين اللي خلفو.كي

بصلها جامد و قال بصرامة:-

خُدي جنب افضلك

رهف رفعت ايديها لفوق و رجعت لورا و وليد دخل بلهفة على أوضة منه

فتح الباب و دخل و قفلة وراه يصلها لقاها نايمة بعمق و مالك الصغير نايم جنبها بهدوء

قرب منها و قعد جنبها على السرير و ميل باس على رأسه

منه حست بيه و فتحت عنيها و بصتله جامد قامد مرة واحدة وقالت:-

ااه

وليد حط ايده على كتفها و قال:-

ترتاحي إنتي لسة تعبانة من الولادة

منه رجعت بظهرها على السرير و قالت:-

إنت اية اللى جابك هنا يا وليد ؟

وليد بص ليها و قال :-

جاي أقعد مع مراتي و إبني وإلا إنتي عندك مانع ؟

منه بصت ليه بحب و قالت:-

لا معنديش بس منال

وليد قطع كلامها و هو بيقول :-

ششششش

لف من الناحية التانية و نام و فرد دراعة على المخدة أخد مالك الصغير و منه في حضنه

منه بصت ليه و ابتسمت و هو قال ليها:-

نامي طيب

منه غمضت عنيها و نامت و وليد ابتسم على منظرهم و نام بعمق جنب عائلتة

❈-❈-❈

تاني يوم الصبح مالك صحي على النور اللي دخل ليه من العربية و بدأ يفوق و يدرك أنه في الشارع

بص حوليه و إفتكر أنه جه هنا عشان يشوف اية الموضوع

إستني في العربية لحد ما الحضانة فتحت و خرج والعربية دخل الحضانة بهدوء و منها على أوضة المديرة

المديرة أول ما شافته وقفت و قالت بقلق:-

إتفضل يا مالك بيه

مالك قعد بكبرياء و قال بهدوء مصطنع:-

عاوزة أعرف اية اللي حصل بالظبط

المديرة بلعت ريقها بصعوبة و هزت رأسها و قالت:-

حاضر أنا هقولك على كل حاجه

المديرة حكت ليه عن قلة زوق صفاء و تعديها لحدودها ، و قالتله كمان إن ملك كانت سيباها لحد ما غلطت فيه و إن دي كانت الشـر.ارة اللي و.لعت الدُنيا

المديرة:- و بعدها جت أكتر من شكوي منها على سوء معاملتها للأطفال و اتعمل ليها محضر و حالياً بيتحقق معاها

مالك كان مزهول من اللي بيسمعة و قالت:-

في الآخر و بعد دا كله خسرت بيتي عشان خاطر مريضة نفسياً

المديرة:-

الحقيقة مدام ملك كانت منتهي الاحترام معايا إلا إن لما دخلت صفاء عاملة ملوك معاملة و.حشة أوي محدش يقدر يستحملها و دا اللي دايق مدام ملك

مالك هز رأسه بتفهم و قام وقف و قال:-

أشكرك و آسف إن كنت ضيعت وقتك

المديرة بلطف:-

لا يا فندم أنا تحت أمرك في أي وقت

مالك خرج من المدرسة و قعد في عربيته رجع راسة لورا و قال:-

بس دا ميمنعش أنها علطانة في طريقة تعاملها ، هصل اللي أنا عملتة إزاي دلوقتي ؟

شغل العربية و طلع على المستشفى و دخل و هو ناوي يتكلم معاها و يحاول يستسمحها

❈-❈-❈

ملك كانت بتتكلم مع مامتها و الباب موارب و مش اخدين بالهم

ملك بصت لـ منال و قالت:-

إفرضي مالك عرف إن البيبي ليه منزلش أنا خايفة أوي يا منال

منال بحدة:-

لا جمدي قلبك اية عجبك منظرك و إن فعلاً الولد كان هيـ ـموت كدا ؟

ملك باعتراض:-

بس يا منال هو مش مات و غير كدا مالك أكيد كان زعلان من حاجة أينعم جرحني جامد و دي حاجة مستحيل اسامحة عليها بس مش لدرجة نخبي عليه ابنه

مالك سمع كلامهم و أخد نفس طويل و خرجه و دخل الأوضة

ملك أول ما شافته قلبها دق و إتمنت أنه يجي يحضنا و يطايب بخاطرها

مالك بصلها و نطلق بهدوء كلمتين خلت قلب ملك إنكسر و يقع في الأرض

مالك بصلها جامد و قال:-

إنتي طالق

و إدها ظهره و خرج من الأوضة بهدوء

ملك الدموع إتجمعت في عنيها و بصت لـ منال بحزن و قالت:-

اللي أنا سمعته دا مش صح يا ماما صح

منال جريت عليها و حضنتها جامد و قالت:-

شششش اهدي يا ملك ، اهدي عشان خاطري ، دا اللي كان لازم يحصل من وقت ما عايرك

ملك بقت تهز راسها بعنف و تقول:-

مالك . مالك طلقني ، يعني خلاص معتش في مالك تاني

منال لأول مرة مش عارفه تتكلم ولا تواسي بنتها فقالت ليها بتصميم:-

والله هيرجعلك تاني و بكرة تقولي منال قالت و ساعتها هيلف السبع دوخات عشان ترضي ترجعي ليه

ملك بصت ليها و إبتسمت بسخرية و قالت:-

أنا عاوزة أمشي من هنا

منال بعدت عنها و ملك قامت و جهزت و جهزت هدومها في شنطة

الباب خبط و حازم دخل لقي ملك بتظبط حاجتها عقد حواجبه و قال:-

اي دا إنتي بتعملي إية ؟ و لي بتعيطي كدا ؟

قرب منها و قال بجدية:-

ملك في اية ؟

ملك بصت لية و قالت بابتسامة:-

مفيش حاجة يا حازم أنا بس تعبت من المستشفى فقولت أخد بنتي و أمشي من هنا ، و افوق ليها كدا عشان ترجع تتكلم و تلعب زي الأول

حازم بصلها بحزن و قال:-

طب إنتي مالك بتعيطي ليه لو على البيبي اللي راح فـ أكيد ربنا هيعوضك عنه خير يا ملك

ملك ضحك بمجاملة و قالت:-

البيبي لسة موجود يا حازم ، أنا اللي خبيت عشان احسس اخوك باللي كان هيحصل بسبب تهوره

حازم بصدمة قال:-

اية لسة موجود طب و ومالك عرف ؟

ملك بسخرية:-

عرف و طلقني و دلوقتي هاخد بنتي و إبني و هنخرج من حياته نهائي

حازم بمحايلة:-

استهدي بالله بس يا ملك و متعمليش كدا بصي كل حاجه هتتحل وأنا هفضل ورا مالك لحد ما يرجعلك بس

ملك قاطعت كلامه و قالت بحزم :-

لا يا حازم ، لا مش هتتلكم معاه حتي في الموضوع ، هو باع وأنا اشتريت وخلصت على كدا

حازم بجهل:-.

باع اية وانتي اشتريتي اية هو خضار هنفاصل فيه

ملك بص قدامها و قالت:-

هو باعني وأنا اشتريت نفسي ، باعني من وقت ما هانني و قال إنه مكنش ينفع يتجوز خدامة زي ، بس ورحمه أبويا لهخليه يشوف الخدامة دي هتعمل اية

قفلت شنطتها و مسكت إيد ملوك و قالت:-

يلا يا بنتي على بيت أمك ، البيت اللي غلطت لما سبته زمان و الغلطة مش هتتكرر تاني

حازم كان لسة هيتكلم بس ملك مديتش ليه فرصة و أخدت ملوك و خرجت من الباب

بص على أثرها و قال:-

ربنا يعدي الأيام الجاية على خير عشان أنا مش متفائل و ملك هتعند مع مالك اللي مش عارف إية إللي جرالة أصلا

❈-❈-❈

مالك خرج من المستشفى و فضل يلف بالعربيه و الغضب عامي عينه فجأة وقف و بص قدامة و قال:-

أنا عمري ما كنت عصبي كدا اية اللى جرالي بص على يافتة موجودة على جنب مكتوب عليها

سامر سمير أخصائي الطب النفسي

بص قدامة و إتنهد هو محتاج بتكلم مع حد ميقاطعوش ركن عربية و طلع العيادة

السكرتيرة قابلتة و قالت:-

إتفضل يا فندم

مالك بصلها و قال بجدية:-

عاوز أدخل لدكتور سامر

السكرتيرة بصتله و طلبت منه حق الكشف و مالك عطاها أكتر من ما طلبت و دخلته

مالك قعد قدام الدكتور و مش عارف يعمل اية

سامر بص لية و فهمه طلب منه ينام على الشزلونج و شغل موسيقى هادية و قال له :-

ابدأ احكي اللي مضايقك من مكان ما تحب أنا هنا عشان أسمعلك و اوضحلك الأمور

مالك أخد نفس و قال:-

طول عمري إنسان هادي صعب جداً إني اتعصب ، كنت عايش ليا و لأخواتي قرار الجواز دا مكنش في دماغي ما قابلتها

الدكتور:-

حاببتك ؟

مالك رد بسرعة و قال:-

مراتي ، أقصد اللي كانت مراتي دلوقتي هي طالقتي

سامر دون حاجة في ورقة و قاله :-

لسة بتحبها ؟

مالك اتنهد و قال:-

بعشق التُراب اللي بتمشي عليه

سامر عقد حواجبه و قال:-

طب طلقتها لية ؟

مالك أخد نفس عميق و قال:-

مش عارف ، هتصدقني لو قولتلك إني مش لاقي سبب ، أنا كنت متقبل ملك كدا زي ما هي ، عفويتها و طريقتها و مشاكلها اللي مش بتخلص كانت على قلبي زي العسل

سامر عقد حواجبه و قال:-

طب ما مفيش مشكلة أهو اية اللى حصل يوصلكم للطلاق

مالك بص قدامه و كأنه كان محتاج حد فعلاً يسأله السؤال دا ؟ اية اللى حصل يوصلكم للطلاق ؟ رد وقال بشرودد:-

أنا و ملك مكنش ينفع ننفصل ، مش عارف بس اللي أنا متأكد منه إنها بتحبني زي ما أنا بحبها ، بس دلوقتي في فجوة كبيرة أوي بينا ، مستحيل تدويها الأيام

سامر:-

طلما في حب يبقي لازم يتنصر في النهاية ، مش لازم تسمحوا لأي حاجة تقف في وشكم

مالك سرح في كلامة و في فترة جوازة من ملك علطول كان في بينهم مشاكل ، طب ما ملك دا طبعها و إنت عارفة من قبل ما تتجوزها اية اللى اتغير دلوقتي ؟ يمكن عشان قررت تتغير و إنت مشفتش التغير دي ؟

بص للدكتور و قال:-

وعدتني أنها تغير من نفسها و من بنتنا و اخلفت الوعد دا

سامر إبتسم و قال:-

طب و اللي هيغير طبع سنين هيغيره في يوم و ليلة ؟ التغير بيجي بالتدريج

أول حاجة بتكون النية و بعدين تبدأ واحدة واحدة تتغير إحنا مش ملايكة يا مالك إحنا بشر و الإنسان بطبعة خطآء ، بيغلط و يتوب ، عشان تتغير أو تصلح من نفسك لازمها وقت مش كُن فيكون

مالك سرح في كلامة و قال بتنهيدة:-

عارف الكلام دا و الخطأ كان من عندي ، إني اتعصبت و قولت كلام مينفعش يتقال ، مقدرتش اسيطر على نفسي كأني كنت مغيب

بص للدكتور و قال بعد ما أدرك كل شيء جواه:-

ملك هترضي ترجعلي تاني ؟

سامر بسرحان :-

طلما بتحبك هترجعلك يا مالك بس إنت دلوقتي محتاج هدنة

مالك عقد حواجبه و قال:-

هدنة ؟ هدنة اية و ازي

سامر بتوضيح:-

هدنة من كل حاجة ، لازم تبعد شوية عن الكل ، ادي نفسك فرصة شوف فعلاً إنت حبيتها و إلا إتعودت عليها في حياتك

مالك سرح في كلامة و قال:-

معقول مكنش فعلاً حبيت ملك و أكون إتعودت عليها في حياتي ، لا بس أنا مقدرش أعيش من غيرها

بص للدكتور و هز رأسه و سابة و مشي و هو بيفكر في كلامه بجدية

❈-❈-❈

ملك روحت البيت هي و منال و هي مقررة أنها مش هتستني أكتر من كدا و هعرف مالك أنها تقدر تعيش من غيره

منال فتحت الباب و دخلت إستغربت الهدوء و قالت في نفسها:-

أي دا هي البت رهف ما.تت وإلا اية مش سامعه صوت في البيت ليه

دخلت اوضيتها لقت رهف نايمة على الأرض و رجل على السرير و الرجل التانة جنب الكميدينو

بصت عليها بتركيز لقتها فاتحة بوقها و شعرها على وشها لدرجة دخل بوقها و هي مش حاسة

منال في نفسها:-

أعوذ بالله من الشيطان الرجيم بطريق نايم دا ، الحمد لله مش متجوزة كان جابك من الصبحية على المنظر دا

مشيت للسرير و زقت رجليها على الأرض و قالت:-

قومي يا زفته اية المناظر اللي على الصبح دي

رهف ضمت رجليها و نامت تاني و هي بتبرطم

منال ضربت كف على كف و راحت لمنه و هي بتقول:-

أشوف التانية بتعمل ايه هي كمان

دخلت أوضة منه و إتفاجئت بـ وليد نايم جنب مالك الصغير و منه نايمة الجهه التانية

منال بصوت عالي:-

الله الله اية المنظر دا بقي ؟

راحت عند وليد و هزته و هي بتقول:-

هو يخويا قوم يا بيه إنت اية اللى جايبك هنا ، أنا مش قولت ملكش دعوة بيهم

وليد صحي مخضوض و هو باصص لـ منال و بيقول:-

اي في اي يا منال ، دي طريقة حد يصحي بيها حد ؟

منال بسخرية:-

و إنت لسة شفت طريقة ؟ مستغل غيابي و جاي تتغر.غر في بينتي ؟

وليد بص لـ منه اللي صحيت و باصة ليهم بزهول و قال بصدمة:-

اتغر.غر بمين يا منال دي مراتي و اللي نايم في النص دا ابني منها

منه بلعت ريقها بصعوبة و قالت:-

يا ماما إسمعي بس

منال بصت لـ منه و قالت بحزم :-

إنتي تخرسي خالص أنا مش عارفه إزاي تعملي كدا و تخوني ثقتي فيكي ؟ مش قولتلك متشفهوش بتقابلية من ورايا ؟

منه بخوف:-

والله العظيم يا منال ما حصل دا هو اللي جه بليل و قولت ليه يمشي بس مرضيش

و بصت لـ وليد و قالت:-

ينفع كدا جايب لينا الكلام علطول ؟

وليد بصلها بصدمة و قال بسخرية:-

إنتي هبلة يا بت إنتي مراتي هو أنا شاقطك ؟

و بص لـ منال و قال:-

في اية يا منال محسساني إنك جيبانا من شقة مفر.وشة اهدي كدا

منال بصت ليه و قالت بسخرية:-

إية اهدي دي البيه شايفوي بشد في شعري شايفني مجنونة؟

ملك دخلت عليهم تتفرج و رهف صحيت على الصوت فقامت مره واحده و هي بتقول:-

اية في اية حد مات

إفتكرت إن وليد بايت مع منه برقت و قالت:-

يا سنه سوخة يولاد دا انا هيتعمل مني بطاطس محمره

بص للسرير و ضحك بغلب و قالت:-

حامي الغلابة اللي زي حلاتي ربنا يديمك لينا و نزلت تحته

ملك شافت منال بتزعق و كانها بتخرج غُلبها في وليد فقالت كلمة خلت الصدمة تبان على وش الكُل و وليد قال بصدمة:-

إنتي قولتي اية ؟

تمت بحمد الله

لقراءة الرواية كاملة اضغط على : (رواية خادمة قلبي الجزء الثاني)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى