رواية خادمة قلبي الجزء الثالث الفصل الحادي عشر 11 بقلم زهرة عصام

رواية خادمة قلبي الجزء الثالث الفصل الحادي عشر 11 بقلم زهرة عصام

رواية خادمة قلبي الجزء الثالث الجزء الحادي عشر

رواية خادمة قلبي الجزء الثالث البارت الحادي عشر

رواية خادمة قلبي الجزء الثالث الحلقة الحادية عشر

الفصل الأخير
– كانوا قاعدين منتظرنهم و السكوت هو سيد الموقف ، منال كل شوية تبص في الساعة و تبصلهم لحد ما رهف قالت مرة واحدة:-
وحدوووه في اية قاعدين زي المطلقين كدا لية ؟
ملك بصتلها و قالت بضحك:-
و زي لية يا حبيبتي ما أنا مطلقة فعلاً
رهف بصتها بغيظ و قالت:-
مهو كله من غباء أمك لامؤاخدة يا منال
منال بسخرية:-
لامؤاخذتك معاكي يختي
رهف بصوا بقي نتفق اتفقاق الجاتو اللي هيجي بتاعي جاي على اسمي يبقي حجي أنا قولتم ايية
ملك كانت هتتكلم لكن قاطعتها ملوك اللي قالت:-
لا بتاعي أنا حازم هيجيبه ليا أنا وانتي مش هتاكلي منه حاجة
رهف بغيظ :-
إنتي طالعة ببطن لمين يا بت أمك و ابوكي مش كدا

ملك بسخرية:-
خالتها رهف كدا
رهف بابتسامة:-
اذا كان كدا ماشي هنقسمة أنا وانتي و مش هنديهم اتفقنا
ملوك فكرت ثواني و قالت:-
اتفقنا
منال بصت ليهم و قالت:-
اسمعي يا رهف الكلمتين دول و اسمعوا إنتوا كمان يمكن تنفعوا ، جوزك و بيتك هم أولوياتك مينفعش تبدي حاجة عليهم ، الراجل لو بص بره بيته يبقي تأثير من الست
قالت كلامها و هي بتبص لـ منه وكملت ، تشوفي اية اللي ناقص فيكي و تكمله عشان جوزك ميبصش لغيك ، بصت لـ ملك و قالت:-
لو جوزك جه في يوم زقهان و زهق عليكي من غير سبب حتي لو انتي مش غلطانة تسكتي و تعدي الموقف متقفيش كلمة بكلمة قصاده كدا هتكبري المشكلة ، احتوي الموقف و قصري لسانك مش هتقف لبعض على الواحدة ،
بصت ليهم التلاتة و كملت زي ما هما غلطوا و الغلط راكبهم من ساسهم لـ رأسهم إنتوا كمان غلطوا ومعرفتوش تحافظوا على بيوتكم ، سر بيتك بيتك إنتي و جوزك في اوضيتكم تتخانقوا تتصالحوا فيها محدش يسمع بيكم ، اللي حصل دا كله لية مش عشان مالك اتخانق معاكي قدمنا ؟ إزاي يزعقلك قدام اخواته ؟ دي عدم تفكير منه كان المفروض اخدك اوضيتكم و اتكلمتوا مع بعض بدل العرض المسرحي اللي طول دا

و إنتي يا ست حلويات جوزك بص لواحده و عاكسها اقفشي عليه اغريه و نايميه على كنبه ، مش كل حاجه ألم هدومي و أخرج بره البيت ؟ حتي لو أنا قولتلك كدا ،
خلاصة الكلام كل واحدة هترجع مع جوزها النهاردة تتصافوا ما بينكم و مدخلوش حد تاني بينكم حتي لو كنت أنا
رهف بغباء:-
وأنا يا منال هروح مع حازم زومي النهاردة برضوا ولا دا لعيالك اللي مش فالحين غير في النكد بس
– لا يا حبيبه منال إنتي هتاخدي بالشبشب لحد ما تشبعي قال عاوزة تروح مع حازم قال يختي اتقلي طلعي عينه شوية في الخطوبة
– اتقل اية يا منال دا أنا لو أطول أروح معاه دلوقتي هروح مشفتيش الواد موز ازي يخربيت جماله
– منال قلعت شبشبها و حدفتها بيه و قالت:-
شيلوا الزفتة دي من قدامي والله المرارة مش ناقصة
– آه يا منال بوظتيلي المكياج اقابل إزاي الواد كدا طب مش هتاكلي جاتو
منال لسة هترد عليها لقت الجرس بيرن بصت لـ ملك و قالت:-
قومي افتحي الباب
ملك قامت تفتح و قالت قبل ما تمشي:-
ماشي يا منال ماشيييي
ملك فتحت الباب و ضحكت بتصنع و قالت:-
أهلا وسهلا اتفضلوا
حازم دخل و قال:-

يزيد فضلك يا أم العيال
وليد دخل بعده من غير كلام و مالك و قف قصادها و الباب بينهم بقي بيصلها بإشتياق و قال بصوت حاني ضعيف غلب العليه الشوق:-
ازيك يا ملك عاملة اية
ملك بصت ليه و عنيها ملت دموع وقالت:-
كويسة
مستنش يقول اي حاجة تاني و دخلت بعد ما دموعها خلاص كانت هتنزل
مالك نفخ بضيق و دخل جوه لقي منال قاعدة و على يمينها البنات و على شمالها الشباب
بصلها بخجل و انضم للشباب
حازم كان قاعد في النص فنغز وليد و قال في سره:-
اتكلم يا وليد
وليد بصله و همس :-
أتكلم اية هما أصلا مش طايقيني إنت مش شايف بيبصولي إزاي ؟ خلي مالك يتكلم أهو هو الكبير
حازم نغز مالك و قال:-
اتكلم يا مالك شكلنا وحش خالص دا منال شوية و هتنام يا جدع
مالك همس لية و قال:-
إنت متأكد إنك عاوزني أنا أتكلم لو عاوز الجوازة تبوظ سبني اتكلم
حازم بص لـ وليد و بعدين بص لـ مالك و قال:-
كتكم نيلة أشكال تعر هتكلم أنا

بص لـ منال و قال:-
طبعا يا طنط منال إنتي
ملحقش يكمل كلامة و ملوك ضحكت و قالت:–
بيقول لـ منال يا تنت
اللي قاعد كله ضحك و حازم بصلهم بغيظ و قال :-
طبعاً يا منال إنتي عارفة إني مليش دعوة بـ اللي قاعدين جنبي دول تمام
أنا جاي النهاردة اطلب ايد رهف ليا
مالك قال في سره اه يا ندل و بص لـ منال وقال:-
و ملك ليا
وليد بصلهم الاتنين و قال:-
لو مش هتشفوني وقح يعني أوي شوفوا عادي و منه ليا
البنات بصت ليهم بصدمة و مالك طلع خاتم و رقع قدام ملك و قال:-
أنا جاي النهاردة عشان أطلب منك ننسي كل اللي فات أنا رديتك من تاني يوم ادي فرصة تانية لحياتنا مع بعض إنتي غلطي وأنا غلط خلينا ننسي اللي فات و نبدأ مع بعض صفحه جديده صفحة مفيهاش غير كل السعادة إن شاء الله ، سامحيني يا ملك سامحيني و ارجعيلي نربي عيالنا مع بعض عشان خاطرهم قبل خاطري ، أنا ندمان جدا علفكرة ندمان على كل لحظة ضاعت من عمرنا في مشاكل عشان اكتشفت إنها مش مستاهلة ، ارجعيلي يا ملك ارجوكي
رهف وقفت و سقفت و بقت تقول بتشجيع:-
وافقي وافقي انضمت ليها منه و و حازم و وليد وقف بابتسامة و قال:-
معلم عليا النعمه

ملك بصت اية و هزت راسها بايجاب و ضحكت جامد ، مالك لبسها الخاتم و قام وقف حضنها قدام الكل
وليد بص لـ منه و راح نحيتها مسكها من اديها و سحبها لنص الصالون و قال:-
أنا بحبك و عمري ما حبيت حد قدك ، أقسم بالله ما في واحدة تملي عيني غيرك ، سامحيني و ارجعيلي و أوعدك هتغير مش بس عشانك و عشان ابننا لكن عشاني أنا الأول ، أنا عارف إني أخدت ذنوب كتير أوي لما بصيت عليها و ذنوب اكتر لما كنت قبل ما أعرفك بمشي معاهم ، سامحيني و ساعديني اتغير والله العظيم ما في في قلبي غيرك ولا هيبقي فيه يا منه أوعدك لو عملت كدا تاني أنا اللي هسيبك لأن كدا مش هبقي مستاهلك
و كالمعتاد رهف واقفة تسقف و تشجع و تقول:-
وافقي وافقي وافقي الكل انضم ليها
منه بصت لية و من غير كلام حضنته و وليد شالها و لف بيها
منال قاعدة توزن الكلام في دماغها و بعدين وصلت لـ قرار مهم
مالك راح لمنال و نزل بمستواها و مسك ايديها و باسها و قال:-
أنا آسف يا أمي حقك عليا ، غلطة و مش مقصودة ، إنتي دايما تقولي إني إبنك ابنك غلط مش هتسامحية
منال بصتله و قالت:-
اسامحة لما أكون زعلانة منه بس أنا مش زعلانة منك يا مالك
مالك حضانها و بأس على رأسها و منال قالت اقعدوا عشان في كلمتين هقولهم
الكل قعد و منال قالت:-

أنا عارفة أنكم مش هتزعلوهم تاني و مش هتيجو عليهم بس أنا مش هعيش ليهم العمر كله أنا عوزاكم تكتبوا الفيلا باسم البنات التلاتة
مالك فهم أنها عاوزة تضمن حقهم و مش عاوزة اللي حصل يحصل تاني فقال:-
اللي تقولي عليه كله يا منال عنينا حاضر الفيلا من بكرة هتتنقل باسمهم و اسمك قبلهم
منال باعتراض حاد:-
لا أنا لا هما البنات بس مفهوم
مالك هز رأسه بايجاب و قال مفهوم
حازم :-
ها يا منال قولتي اية موافقة
– رهف بصت لـ منال و قالت:-
لحظة يا منال
و بصت لـ حازم و قالت:-
فين الجاتو يا حازم
– أنا مجبتش جاتو إنتي بتحبي النسكافيه جبتلك علبه
– عوضي عليك عوض الصابرين يا رب الغي الجوازة يا منال
– تلغي اية لو عاوزة المحل كله اجبهولك

كانت لسة هتتكلم بس لقت اللي بيدها من باب الشقة جري و بيقول بصوت عالي:- بابييي
مالك شالها و قعدها على رجله و قعدت يبوس فيها و يتكلم معاها
منال قالت:-
على خيرت الله الفرح الأسبوع الجاي مش عاوزين فترة خطوبة ملهاش لازم أصلا ما انتوا عارفين بعض كويس
حازم قام مرة واحدة و باس منال و مسك ايد رهف و وقف بيها على جنب
مالك اللي أخد ملك و بعدوا شوية و وقفوا قصاد بعض و ماسك اديها و بيبوسها
وليد اللي شايل ابنه بايد و بالأيد التانية حاضن منه و مبتسم إن عيلته الصغيرة رجعت ليه تاني
منال اللي بصت ليهم و ابتسمت و قالت:-
أنا كدا أقدر أمو.ت مرتاحة و مسكت ملوك و قعدت تزغزغ فيها و تلعب معاها
” الحياه ما مواقف بعضها الجيد و بعضها السئ ، لكل منا حظة من الإثنين ، فليست سعيده دائماً و ليست حزينة دائما ، و لكي تسير الحياة جيداً يجب منا تقديم بعض التنازلات ”
تمت بحمد الله
النـــهـــايـــة

لقراءة الرواية كاملة اضغط على : (رواية خادمة قلبي الجزء الثالث)