رواية خادمة الفهد الفصل الرابع عشر 14 بقلم صفاء حسني
رواية خادمة الفهد الجزء الرابع عشر
رواية خادمة الفهد البارت الرابع عشر
رواية خادمة الفهد الحلقة الرابعة عشر
سال ابراهيم ابنته على ما حدث
ايه اللي حصل وفين فهد بيه وفارس وانتى ازاى تقعدى تاكلي بالبرود ده وفيه حريق في البيت
دخل محمود ورد وقال
شوفتهم يا عم محمود وهما بينقلوا ملك علي المستشفى وبتنزف
واتجه الى اسماء واعطاها الدبلة وقال
انتى طلبتي منى اقفل الباب وفى حريق عشان البنت يحصل معها مصيبة والبسها انا روحي يا شيخه منك لله اقسم بالله العظيم ل اقول لفهد بيه
وخرج
ضحكت اسماء وقالت
احسن انا اصلا ماكنتش ضايقاه
نظر الاب لها وهو يصفق كف على كف
يلعن اليوم اللي جيبتك هنا فيه قلبتي البيت كله فجأة الست المحترمة، ابنها يشك فيها ويطردها، وتسافر هى واخته الصغيره، وحياته تتغير ويشتغل الشغل ده، ودلوقتي البت المسكينة ينقولها المستشفى وتستغلي حب، خطيبك عشان لو في كاميرات يظهّر انه هو السبب وتخرجي منها، انا خلاص تعبت منك ولما يرجع البيه هااخليه يطردك طرد الكلاب انتى عمرك ما ها تتغيرى وتكوني انسانه كويسه
ضحكت اسماء بدون مبالاه وكملت الاكل
كلمة منى انا يا والدى العزيز اخيله يطردك كل عيش يا ولدى ونادى على محمود يشيل الاكل ويرجع الخاتم مفهوم
وتركتهم وذهبت تعمل اتصال في الحديقه الخلفية
انا حاولت اتخلص من البنت زى ما طلبتوا لكن نقلها المستشفى وشاكه انه يكون حاطط كاميرات ويشوف اللي عملته
ضحك الشخص وطمنها وقال
ماتخافيش انا متابع كل حاجه المهم تعملي اللي قولت عليه هاتدخلى بحساب وهمى وتنزلي صورة ملك على الفيس جروب المفقودين واول ما يظهّر حد من اهلها ياخدوها ونخلص عشان تكمل خطتك لازم تتجوزى فهد ب اي طريقه مفهوم
ابتسمت أسماء وكانت منتظرة هذا اليوم وقالت
ده يوم المنى لكن بعد كل اللي حصل ده وانا خادمه مش ها يقبل
ضحك الشخص وقال
متقلقيش كله ها يكون تمام لكن اسمعي الكلام
هزت رأسها اسماء وقالت تمام يا فندم
اغلق الهاتف
منتظر اليوم اللى امسك ليك غلطة يا فهد انا عارفه ان الزبالة اتهببت ولعبت لعبتها وفضحتني انا وامك وخليت سيرتى على كل لسان لكن انت صدقتها وطردت امك واشتكيت فى الادارة، واخدت مكانى لكن قربت اخد حقي ،يوم ما تتجوز خادمه، عشان شرطين فى اللقاء اللى في الوزاره،انك تحضر مع زوجة، وعرفت انك كنت بدور على واحده ملهاش سوابق وتكون تحت ايدك تتحكم فيها تحضر الاجتماع وبعد كده تقولها مع السلامه، لكن ضحكت عليك اعتماد وجبتلك طفله، مش هتنفع،حتى لو نفعت انا عايز افضحك انك اتجوزت خادمة واكسرها قدام الناس
لكن انت مش متقبل اسماء رغم سلمت ودنك ليها ومش ها ارتاح الا لما تتجوزها ويوم الاجتماع اقول للكل ان انت اتفقت مع خادمتك عشان تزيحنى من مكانى
لو مخليتش سيرتك على كل لسان مبقاش انا
…
ابتسمت اسماء
اخيرا حلمى يتحقق هو اتاخر لكن قرب انا عارفه بالشرط وكمان بالمؤتمر وعشان كده انت جيبت البت دي هنا لكن على مين لازم متلاقيش غيري واكون ست البيت ومرات الباشا
…
فى المستشفى
وصل فهد وفارس كان فارس اتصل بالمستشفى يجهزو غرفه العمليات
بالفعل جات نقاله واخدتها على الغرفة
دخل فارس يجهز نفسه لغرفة العمليات
وقام الفريق بوضعها على جهاز التنفس وتظبيط ضربات القلب وتم تطهير الجرح وبعد كده بعد ما تم تنظيم التنفس ثم تنظيف الجرح وبدا عمل اشاعة لمعرفة عمق الجرح وبعد كده
دخل فارس وشاف التقرير وبدا فى العملية
كان فهد فى الخارج متوتر يلعن اسماء وما فعلت ب امه كيف استمع لها كيف لم يكشفها لحد الان كيف طرد امه وبهدل صديق ابوه وقلب على الكل
عقلي كان فين ودلوقتي كانت عايزة تقتل ملك يعني فارس كان عنده حق وان اسماء مش سهله، يا بنت لما ملك تفوّق بس وهاأطلع عليكي القديم والجديد
فتح الالب توب اللى كان ماسكه فى ايديه وقت ما انفزع على ملك وبدا يتابع
وجدها خرجت على الحديقة الخلفيه وجلست تتحدث
فتح فهد فايل الي الحديقه الخلفية ووضع السماعة واستمع لحديثه
وابتسم هى دى خطتك عيوني هنفذها ليك
بعد قليل
خرج فارس من غرفه العمليات
جري يسال عن ملك وقال
هى بخير طمنى
اتنهد فارس وبعد كده رد
ان شاء الله خير، هى وقعت فوق ماسورة المياه وعملت كادمة، تم تنظيفها لكن خايف ليكون عمل ليها ارتجاج فى المخ
ساله فهد مستفسرا
وليه خايف من الارتجاج مش انت بتقول طهرت الجرح ومكنش عميق
اتنهد فارس
أحيانا بسبب الانصدام يحدث ارتجاج ويسبب فقدان ذاكرة
شهق فهد وسالها
فقدان ذاكرة، ليه بس المكان مكنش مرتفع يعتبر دور ثاني، حتى لو ماسورة المايه
قطع حديثه فارس
احيانا لما بيكون الانسان متعرض لخوف شديد او صدمات نفسيه مع اقل ارتجاج فى المخ يعطى إشارة للمخ عدم العمل فى جزء ولازم نستنى لما تفوق ونعرف ان كان الاصتدام اتسبب في حاجه او هاتكون بخير
اتنهد فهد باذن الله هتكون كويسة ملك بنت قوية
…
نفذت اسماء المطلوب وفتحت صفحه وهمية ونشرت صورة ل ملك مع المفقودين وموجودة فى مستشفى فى القاهرة
وصل الخبر للبلد وخصوصا ليلي
اتنهدت
اخيرا ظهرتي ظهروا عليكي عفاريت انا تبلغي عليا اني قتلت اهلك عشان اخد ورثك لو مفرجتش عليكي النااس مابقاش انا ليلي وفين الموكوس فهمى. غطسان فين هو كمان . وازاى خفاها في مكان مشبوه ودلوقتي موجوده في مستشفى خاصة اخر حاجه
استمعت الى كلامها مع نفسها هبه
قررت انها تنقذ ملك لانها حميتها من حاجات كتيره
رمتها في بيت مشبوه..! ومين فهمى اللى ساعد امها.؟! دخلت على امها
انا سمعت ان ملك بخير انا هروح ابلغ بابا ها ينبسط اوى
صرخت ليلي وقامت ل هبه
انتى يا بت يا مجنونة رايحه فين اوعى تبلغي ابوكي حاجه قبل ما اروح واخليها تتنازل عن كل حاجه
لم تستمع لها هبه واصرت انها تبلغ باباها
صرخت فيها ليلي
هى مش ناقصه شغل الاطفال والهبل بتاعك انا هروح وانتى متتزفتيش تتحركى من هنا
وهى ماشيه
صدمتها هبه وقالت
لو مروحتش معاكي هابلغ بابا انك السبب انها تروح بيت مشبوه وانك بعتيها مع واحد اسمه فهمى
انصدمت ليلي لما سمعت كلامها ورجعت ليها
انتى عاوزه تتطمنى على ملك عيوني اخدك معايا يلا البسي
وفعلا لبست وهى فرحانه
واجرت ليلي عربيه الى المستشفى.
…
بتقلب هدير على اللاب توب رات صورة ملك وهى فى مكان للمفقودين وهى فى مستشفى
شهقت هدير وجريت على الشباب
يا مهاب، يا مروان، يا معتز، يا ورده، يا فرح
الكل كان امامها وبصوت موحد
خير يا بنتي
ووضعت صورة ملك امامهم والخبر
انفعال مهاب وقال
كنت عارف انه مش حريص عليها وانها مش هتمشي على رغبته وهاتهرب
لازم نروح ل نغم احنا نعتبر كلنا اخواتها
ردت هدير
عندك حق يلا بينا وبدوا يستعدوا للذهب
…
فاقت ملك بعد وقت وبدا فارس يتابع حالتها
ودخل عليها وهو مبتسم وسالها
اخبار ملوكه المشاغبة دلوقتي
نظرت له ملك سألت
انت مين
بدا يقلق فارس وقالها
انتى نسيتينى بالسرعة دى انا فارس انا الدكتور بتاعك
على دخول فهد بيسال
سمعت ان ملك فاقت هى بخير
نظرت لهم ملك وهي محتارة وبتسالهم
هى فين ملك الا انتم بتتكلموا عنها
سالها فارس
انتى اسمك ايه وعندك كام سنه
نظرت له بحيرة وهى تحاول تتذكر ولكن لم تتذكر
على وصول ليلي وهبه لم تنتظر وجريت على غرفه ملك وفتحت الباب بدون دق الباب ودخلت بدون سلام وجريت على ملك بحب
ملك حبيبتي
نظرت لها وهى بيتسالها
انتى مين
كانت ملك مستغربه هبه ومش قادرة تتعرف عليها
دخلت مرات عمها وهى كل عيونها شر لكن عندما سمعت سؤالها استغربت
انتظرت تستمع الاخر عشان تفهم
طلب فارس دكتور مخ واعصاب
وجيه بدأ يسأل ملك
انتى فاكرة اسمك ايه
هزت راسها ملك وقالت
لا
سألها الدكتور
طيب انتى عارفه احنا فى سنه كام
نظرت ملك على نتيجة وقالت
٢٠١٨صح
لاحظة نظرت عينها الا متجها على النتيجة.
ضحك وقال صح
طيب ممكن يا جماعه تسيبوا المريضة شويه اخدها نعمل اشاعة على المخ ونطمن عليها
بالفعل خرج فارس وفهد وملك ومرات عمها كانت منتظرة فى الخارج تستمع الحديث
اقترب فارس من هبه وسألها
انتى مين وتقرب ل ملك ايه
ابتسمت هبه ببراة
انا أسمى هبه وباكون بنت عمها سمعت ماما حد بيقولها أنه شاف صورة ملك على النت فى جروب المفقودين هى مختفيه من سنه وشهرين وكنت هاتجنن عليها أنا وبابا
متصورتش لما اشوفها تكون بالحالة ده هى مالها وانتم مين
كان فهد يراقب الكلام من الخارج وينظر عند ملك من الداخل وتوقف عند سؤال هبه وهى بتساله
انتم مين وتعرفوا ملك من فين
تدخل مرات العم وقالت .
مش قلت ليكم بت ضايعة و مقضياها هى طلعت عايشة مع شباب وياعالم كانت بتعمل ايه
صرخت هبه فى وش امها وده كانت أول مرة وقالت .
حرام عليكي يا شيخة انتى عارفه أن ملك شريفة وعمرها ما تعمل كدة ابدا مش كفايه سوأتى سمعتها لحد ما خافت وهربت من البلد عايزه ايه منها اوعى تتخيلي عشان سكت زمان يبقي مش هاأتكلم دلوقتي
أنا عارفة كل حاجه عنك وعارفه أن ملك بريئة
صرخت ليلي فى وش هبه قالت.
انتى لسانك طويل وعايز قاطعه هو إللي يقول الحق يبقي كافر
قطع حديثهم دخول العم يبحث عن ملك بعد أن اخبرته هبه ب رساله أنها عرفت ملك فين وهاتروح مع ليلي لحد ما تيجي
ذهب نحو ليلي إلا كانت ماسكة في هبه
وضربها بالقلم وقال
انتى طالق فاهمة يعني ايه طالق وب٣
وقعت كلمته عليها بصدمة
وبعد كده ردت ببجاحة وقالت .
يعني خرجتنى من الجنة يا خى العيشة معاك تقصف العمر، تطلقنى عشان بنت فلتانه زى ملك طيب اسالهم قولهم ملك تقرب ليك وكانت عايشة معهم بصفة ايه كل المدة دى وممكن يكذب عليك ويقولك كانت خادمة في بنت شريفة تعيش مع شباب لو حدها وبدون ما حد يقرب منها
فى نفس اللحظة كان فريق بيت اعتماد جيه وسمع تلقيح الكلام على ملك
والكل كان نفسه يقتل ليلي دى
فى هذا الوقت خاف على ملك تتلخبط ما بين الدائرة دى وخصوصا لما الشباب والبنات قالو
نغم اشرف من الشرف واللي يتكلم كلمة على نغم تكون أيامه سواد
اتكلمت هدير وقالت
وقبل ما تتكلمى على البت بالباطل روحى شوفي نفسك وانتى بتتنقلي من حضن عيل ل عيل انتى فاكرة ان احنا مش عارفين انك
وقبل ما ينطقوا صرخ فهد فى الكل .
مش عايز اسمع نفس واللا اقسم بالله العظيم اوديكم كلكم فى داهية دى حاجه قرف
ووجه كلامه ل ليلي
انتى لسه قضيتك شغاله وكل تاريخك الوسخ تحت ايدي فبلاش تمثلى الشرف والعفة وتغلطى
سالته ببجاحة ليلي
وانت مين بقي إن شاء الله اللي بتهددنى تكونش أنت إلا ملك كانت عايشة عندك بصفة خادمة وهى مقضيها في فرشتك
اقترب فهد وضربها بالقلم وقال لها
انتى اتعديتي حدودك ووقعتي في المكان الغلط وكل اللي عملتيه زمان كوم ودلوقتي كوم لانك غلطى فى مرات النقيب فهد عزيز الخولي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمة الفهد)
