رواية خادمة الفهد الجزء الثاني الفصل الثامن 8 بقلم صفاء حسني
رواية خادمة الفهد الجزء الثاني الجزء الثامن
رواية خادمة الفهد الجزء الثاني البارت الثامن
رواية خادمة الفهد الجزء الثاني الحلقة الثامنة
مسك فارس ايد هبه وقال
اوعى تخلي كلامها تأثر فين هى نفسها تفرق ما بين وتبعدنى عن بعض انتى احساسك ايه انى بحبك والا اتجوزتك شفقا
نظرت لها هبة واترمت فى حضنه وهى بتبكى
مش عارفه ومش فارق معايا وانا مش زعلانه من بابا الله يرحمه عشان اختارى ونيس يكمل الطريق معايا ومع الوقت الحب يتولد ومفيش حد بينجبر على الحب او على الاقل انا مجبرتكش انك تتجوزنى زى ما عملت اسماء مع فهد والا كان في حلمي يوم انك تحبنى لكن انا دلوقتي مش عاوزه اخسرك زى ما خسرت طنط عفاف وعموا حسين وملك وبابا كل النااس الطيبة خسروا فى المعركة ده والا انتصار، النااس الا معا اسماء وماما بالله عليك خلينا نسيبهم فى شرهم اسماء مش هترتاح الا لم تكره فهد فيك وتبعدك عنه زى ما نجحت وفرقته عن امه وهو اكيد بيحبها حتى لو فقد الذاكرة القلب بيدل الواحد على الا مايل ليه وهو كان بيحب اسماء وامه زمان فرقتهم ودلوقتى ليهم فرصة يعيشو مش ممكن تتغير لم تحس بالامان ومتحسش بالخوف ممكن هى خايفة نكشفها اقدم فهد وعاوزة فرصه ارجوك تعالي نبعد عنها وعن شرها وصدقنى النار لم مش بتلاقى حاجه تاكلها بتاكل نفسها خليهم ياكلوا هما فى نفسهم بدل ما احنا الا نتحرق بنارهم
تنهد فارس ومسح على راسها وقال
خايف ل يجي يوم يتهمنى فهد انى خبيت عليه وهربت وسبته ل اسماء والناس الا معه يلعب بيهم
كانت هبة محتارة ومش عارفه تقول ايه وردت
انا قلبي مش مطمن يا فارس ويفرق ايه لو قولت ليه، ان هو انقذ ملك وإن ملك ماتت بسبب اسماء، مش ياخد الا وجع القلب ويكره اسماء ويكره ابنه، النتيجة هتكون انك بدمرحياة الطفل ده، سيب فهد يعيش حياته وممكن مع الوقت قلبه يخلي يفهم الحقيقه.
نظر لها فارس وهو فى حيرة
انتى شايفه كده تمام يا هبة انا اوفق على البعثة واعملك تحويل ورق على كلية هناك تكمل تعليمك هناك وانا اشتغل واعمل كيان لي ونوصي هدير تحط عيونها على المستشفى وشركة الادويه هى واضح عليها شاطره جدا وغير كده مكنش فهد وثق فيها وكتب اسهم ب اسمها
هزت رأسها هبه وقالت
فعلا
تنهد فارس وقال
انا احاول محاولة أخيرة انى اوصل لفهد أن فاقد الذاكرة و نتفرج على فيلم فيه الاحداث اللي حصلت
اتاثر وبدا يفتكر يبقي كده انا دليته على الطريق الصح
ابتسمت هبة وقالت
فكره انا اعمل فشار وانت جاهز الفيلم ونادى عليه يتفرج معانا لو نجحت وتذكر تمام لو منجحتش يبقى نسافر،
❈-❈-❈
بالفعل خرج فارس وقلب على النت يبحث عن فيلم يكون في البطل ينقذ حبيبته
لكن هو مش خبير في الدراما وكان محتار
ابتسمت هبة وقالت
طيب انا اجيب ليك مشاهد من مسلسلات هندى
وابتسمت عشان على طول البطل والبطلة يتعرض
ل ازمة او يحصل حريق يارب القي قصة قريبة
اخ افتكرت فى مسلسل كانت صحبتى هاجر بتتفرج عليه احادثه قريبة جدا من الا حصل مع فهد وملك
ايه ده مش مسلسل واحد ده كتير
ضحك فارس
مسلسل انتى عارفه الهندي كام حلقه يا بنتى يتوارثه الأجيال
ضحكت هبة وقالت
فعلا والله هو اهم حاجه نوصله فكرة المسلسل أن البطل فقد الذاكرة و ممكن نحكي ليه قصة المسلسل
ابتسم من اقتراحها وقال
تمام ظبط الدنيا
اتصل ب صحبتك ده، واسالها
ابتسمت هبة وقالت
اسمها هاجر ايام الثانويه كانت متابعة الأحداث وكانت مهوس بالبطل اتصل بيها واسالها ونتفرج عليه
ابتسم فارس وقال
على اخر الزمن الدكتور فارس يسيب المستشفى ويقعد يتفرج على هندى
نظرت له هبة بغضب وقالت:
انت ناسي ان احنا اتجوزنا وواخد اجازة
ابتسم فارس وقال
مكسوفة تقول واخد اجازة شهر عسل، ولا واخد اجازة شهر عسل يقضيها مسلسلات هندى
ضحكت هبة وقالت
ممكن تتعلم منهم الرومانسية شوية
نظر لها بغيظ وقال
بقى كده طيب استني عندك
جري خلف هبه ودخلو غرفتهم
شافتهم اسماء وهى تشعر بالغيرة
هما ليه مش اختصموا ازاى قدر يصلحها ويخطط له ايه انا لازم اخطط له حاجه تخليهم ينجبر يسافرو لكن مش ينفع الفقي ليه تهمة هو دلوقتي في اجازه وكمان هتفهم ان حط قصده طيب اعمل ايه فكرة
اتهمهم أنهم سقوطنا
لكن فهد مش بيقرب منى وخصوص بعد كتب كتابهم مش عارفه ليه من وقت ما رجع وهو شارد ومش على بعضه خايفة ليكون بيبد يفتكر وهو رافض ياخد العلاج ومش عارفه احطه فى عصير عشان جوزين العصفير الا قاعدين في البيت دول وعيونهم عليا لازم اخليه يقرب منى وافكره بحبني البس ليه وهظبط نفسي عشان ينبهر بي ويقرب منى لم يرجع
❈-❈-❈
اتصلت هبة بصديقتها هاجر
اذيك يا حبيبتى اخبارك ايه يا قلبي
ابتسمت هاجر وقالت
ازيك يا هبة وحشتيني اوى يا قلبي قدمت فين سمعت انك نزلت القاهره
هزت رأسها هبه وقالت
انا فعلا استقريت فى القاهرة واتجوزت احتمال اسافر اكمل تعليمى برا
المهم كنت عايزه اسالك عن حاجه
ابتسمت هاجر وقالت
اسألي يا قلبي
ابتسمت هبة وقالت
كنت ايام الثانويه بتحكيلي عن مسلسل هندى وكنت بتقول ان البطل فقط الذاكرة، وأحداث تانى كتير وانه انقذ حبيبته كذا مره
ضحكت هاجر وقالت
من امتى بقيت تحب الهندى هقولك يا قلبي اسم المسلسل لكنه لي هو جزين وفعلا البطل كل الأحداث ينقذ حبيبته او هو بيضحي عشانها او هى تضحي علشانه
شهقت هبة وقالت
جزين كتيرة اوى طيب ايه الحل
استغربت هاجر وسألتها
في مشكله لو مش عاوزه تتفرج علي النت هو بيتعدى على قناة تانى ابعتلك التردد
انصدمت هبة وقالت
اوعى تكونى بتعيده تانى
ضحكت هاجر
لا توبة انا اصلا كنت مخلصة أحداثه على النت كلها
مش عندي استعداد ارجع يتحرق دمى
هزت رأسها هبه وقالت
شكرا يا قلبي ابعت التردد
نظر لها فارس وقال
ايه الاخبار
ابتسمت هبة وقالت
هى قالت بيتعاد على قناة ومن حظنا ان ابن عمك شغله بليل واحنا قدمين شهرين على ما نجهز فى كل يوم افتح التلفزيون
وانت تتخانق معايا وهو يسمعك ويسألك
وتحكيله أن بتفرج علي مسلسل ونحكيله قصته
انبهر فارس من تفكيرها وقال
برافو عليكي
وصلت الرساله ل هبة
وفتحت التلفزيون وبحثت عن التردد وبدأت تعرف مواعيده
❈-❈-❈
فى نفس اليوم كانت اسماء مجهز نفسها ولبس لبس جميل
عشان تقضّى لحظات مع فهد
وكان فهد راجع من شغله ولاقي نفسه بيروح لنفس المكان عشان يشوف نفس البنت المريضة مش عارف ليه كان حاسس انه مشدود وفعلا كان كل يوم يخرج من شغله الساعه ١٢ الظهر يمر على المكان
وفي يوم قرارت ملك انها تدور على اي حاجه تعرفيه هى مين، عشان محدش عارف وتذكرت المكان وقالت
انا مش عارفه ليه حاسه انى عايزة اروح للمكان ده تانى
حاسه حاجه بتعجبنى فيه والحمد الله انه قريب من بيت المأوى اروح اتنفس هواء هناك ممكن افتكر حاجه
وبالفعل خرجت وذهبت الى الحديقة الا امام نهر النيل، وقعدت وصل فهد وكان سعيد جدا انه شافها فضل متابعها من بعيد
وهى تنظر الى نهر النيل ولكن لم تتحدث
استمر يتابعها وهو يشعر ان وجهها مالوف له
هى التفتت شافته وهو ينظر لها جالها فضول تساله
لكن قطع فضوله وصول هدير وهى مفزوعة عليها ومسكت وشها
انتى كنت فين يا حياة انا قلبي وقع، لم ملقتكيش
اقترب مهاب منها ومسك ايديها
ملوك انت بخير
نظرت له ملك وقالت
انت مين وليه بتنادى ب اسم غير الا بتناديني بيه الانسة
و ليه انا عايشة فى الدار وليه مليش حد يسأل عليا، فين اهلي
ومادام مش تعرفينى ليه خايفه عليا بالعكس غايبي يوفر، عليكم غرفة نزيل
كان متابع فهد من بعيد لكن محبش يدخل او يسال عشان يفهم
تنهدت هدير وقالت
مش قولت ليكى انك فقد الذاكرة وانتى تحت اشراف طبى عشان كدة موجود فى المكان ده
نزلت دموع ملك وشعر فهد انها نزلت جوى قلبه أكملت ملك:
طيب انا ليه بحس بالراحة فى المكان ده وفى حاجه بتعجبنى فيه بتشدنى ليه
ابتسمت هدير وقالت:
خلاص يا قلبي مادم بتحس براحه، نجيبك كل يوم هنا لكن مش لوحدك تمام
هزت رأسها ملك بالموافقة وقالت
تمام
وقامت تخرج معهم لمحت فهد وهو ينظر لها ويبتسم ف ابتسمت ليه هى كمان
❈-❈-❈
رجع فهد البيت وهو سعيد وكأنه طفل صغير، مش بيفكر غير فى ضحكته ومستغرب نفسه ليه بيفرح لم يشوفها وهو متجوز وبيحب مراته
وهو داخل البيت سمع صوت صراخ هبة وفارس بيتخانقوا اول ما حسوا بيه
صرخ فارس
ده عيشة تقصر العمر هو انا ليه اتجوزت طفلة، كل همها التلفزيون يا بنتى انتى ابوكى مكملش اربعين على موته وتقولي متابعا المسلسل.
استغربت اسماء حديثهم عن تليفزيون وقالت:
تليفزيون ايه من يوم ما جات عمرى ما شوفت هبة بتتفرج ي بتصلي يا بتذاكر او بتقلب على النت
كشرت هبة وردت وقالت:
الحزن فى القلب على فكره وده ابوي انا مش ابوك انت وقصة المسلسل فظيعة ، كنت متابعة أحداثه على النت وصدقت اتعرض على التليفزيون
دخل فهد وهو يضحك عليهم وتحدث مع فارس’:
يبنى واحد الله هى فى اجازة وكويس انها خرجت من حالة الحزن الا فيها
نظر له فارس وقال
انت فاكر خرجت من الحزن انت فاهم غلط ده شغال عيط على الابطال اكثر من ابوها
ضحك فهد ومكنش قادر يمسك نفسه وسأل هبه:
هى المشاهد فيها ان الاب مات في افتكرت ابوكى
هزت رأسها هبه بطفولة وقالت:
لا انا بعيط على البطل والبطلة
البطل راح يجيب فستان لحبيبته فعمل حداثة ورجع فاقد الذاكرة ومش فاكرها وهى حامل منه وفى واحده تانى ضحكت على الكل وقالت انها مراته
ضرب فارس على صدره وقال:
هو انتى هتحكي ل فهد المسلسل كمان، مش كفايه بتحكي لي الاحداث قبل النوم، وفين المشكله العظيم انه نسيها يا بنتى الفكرة قديم جد على فكرة،اتكررت فى مسلسلات كثيرة كان البطل الا بينسي البطلة الا حبها بعد حادثة شديد وينسى كل المواقف الا عاشوها مع بعض، حتى لو شافها اقدمه بيسموه عندنا في الطب ذاكرة نصفي بينسي فترة من حياته بتكون سنه او اتنين يفتكر كل اهله وأحداث قبل الحادثة
لكن بعد الحادثة عقله يقف
اقتربت هبة من فهد الا ركز في كلمة الذاكرة وحديثهم وافتكر لم سمع النااس اللي مع ملك بيتكلموا
أكملت هبة شرح وقالت:
ماشى انا مقولتش ان فكرة جديد ، لكن انت مش عارف القصة البطل ساعد البطلة كتيرة كان في واحد ضحك عليها وكان عايز يتجوزها وابتزها ياخد بيت اهلها وكان غرضه يبيعها ل بيت دعارة، ولم اكتشف البطل حاول ينقذ البطلة .
انصدمت اسماء وهما بيحكوا وفهمت اللعبة بيجيبوا الا حصل مع ملك عن طريق دراما فدخلت وقالت:
انتى دلوقتى بقيت ست متجوزه يا هبة ولازم تهتم بـ جوزك مش تقعدى تتفرج على مسلسل وكمان مش لاقي الا الهندي الا بيعبدوا النار ويحرق جثثهم
نظرت لها هبة بحرقة دم:
شفوت ازى يا اختى بيحرقوا جثثهم وهما ميتين، مش يحرقهم وهما عايشين وويلوع نار فى المكان عشان يتخلصوا منهم
نظرت لها اسماء بغضب وقالت:
تقصدى ايه
ابتسمت هبة وقالت:
البطلة الشرير الا عايزة البطل يحبها هى وبس حرقت بيت البطلة وهما فيه هى وأهلها وقعدوا يجرؤ
وفتحت التلفزيون يشوفوا المشهد من خلال خاصية فى التليفون تشغيل الأحداث على الإنترنت وتظهر على التلفزيون،
لكن اول ما شاف فهد نار شعر بوجع فى رأسه
وشعر بدور واغمى عليه
الكل انصدم وجروا عليه وحملوا وطبعا اسماء اتصلت بالدكتور الا تابعها وجيه
والكل كان مرعوب والدكتور حكى
ألا متفق يقوله مع اسماء
❈-❈-❈
وابتسمت أسماء ما بين نفسها وقالت:
مش عارفه اشكرك ازاى يا اختى الهبلة حتى لما فكرت كانت لصالحي، أنا لم سمعتك تتكلم مع واحدة صحبتك بتسألها عن مسلسل استغربت وبحثت عن اسم المسلسل وفضلت اقلب فى أحداثه وابتسمت اسماء
يعنى مش انا لوحدى لأ ممكن اقتل واعمل اي حاجة عشان شخص بحبه، انا لازم اوهمكم انه لم حاول يفتكر اغمى عليه
وأول ما دخل فهد من الباب كان عطشان وانا كنت حط كوبية عصير مشبرة اقدمه وفيه منوم نسبة خفيف وشرب الكوبية ودخل عندكم وانا اخد الكوبية ودخلتها المطبخ وجيت اتفرج على تمثيلكم وفى الاخر انتم الا خسرتم
استمعت للدكتور وهو يتكلم
ا أن الضغط على شخص فاقد الذاكرة يسبب ليه تعب وممكن ينسي كل حاجه مش فترة واحده وممكن يموت
وهو دلوقتى فى غيبوبة لكن بسيطة بسبب الضغط وأنا نعطيه حقنة تفوقه
شعر فارس بالندم والتسرع وهو عارف المعلومات ده لكن كان فاكر الضغط بسيط على المخ
استمر فهد نايم يومين
وقفت ليهم اسماء وهى ترسم الحزن وقالت
ارتاحت يا دكتور فارس فهد باله يومين فى غيبوبة ويعالم يفوق والا لا، اختار بقي يا فارس تموت ابن عمك ولا يعيش معايا، انت ليه مصمم يفتكر سنه ونص وجع فى حياته وهو لو عايز يفتكرنا انا وحبنا وبس وعلى فكرة حتى لو فى حاجه جواها كان بعد بالنا مع بعض داخلين على سنه وابنى عنده ٤ شهور
حملت ابنها وقالت
عايز الطفل ده يتربي يتيم هترتاح كدة
شعر فارس بالندم واعتذر وقال
انا اصلا بجهز اجرات السفر ومسافر اطمنى عليه انه فاق
واختفى من حياتكم
شعرت بالنصر اسماء
وبالفعل فاق فهد وبعد أيام ودعه فارس وهبة
وأصبح البيت فاضيه مفهوش غير اسماء وليلي وفهد
❈-❈-❈
عند ملك كانت كل يوم تروح نفس المكان لكن مكنتش بتشوف فهد كانت تنظر الى النيل وترجع الى دار المأوى
رجعت هدير من عملها هى ووردة وعنبر أصبحوا يتابعون كل الشؤون أكانت وردة، ومهاب مسؤولين عن الاهتمام عن دار الأيتام والعجزة ام عنبر و مروان مسؤولين عن مصنع الادويه مع متابعة مع سهير الا فرحت جدا ان ابنها قبل ما يفقد الذكرى عمل حسابه وكلف ناس عاوزة تشتغل بجد وتثق فيهم وعيونهم يكون على اسماء عشان لو حصل تلاعب
وبقي الشباب والبنات الا معهم أم المستشفى كانت متابعة هدير مع شريف قدرو يطهرو نفسهم ويعيشو صح، من غير ما يحتاجوا رقيب عليهم عشان هما كانوا عايزين يتغيروا من جواها لكن ملك كانت دايما وحيدة
رجعوا من العمل كانت ملك تجلس فى الحديقة وحيدة
نظر مهاب الى هدير وقال
احنا ازاي بقينا انانى كدا ازاى تسبنى ملك للوحيدة والنسيان يأكلوا فيها فين وعودك انها تدرس وتكمل تعليمها، انتى نسيت هى ليه الفضل فى الا احنا فيه وفى الاخر
احنا عشنا حياتنا وهى بقيت وحيدة
الجميع تأثروا وقالت
فعلا لازم تقول ليه هى مين وهى تختار، عاوزة ايه
تنهدت هدير وما بين نفسها انتم مش فاهمين حاجه الشخص الا سبب موتها بقي مدير فهد واكيد متابعه ولو عرف ان ملك عايشه مش يسيبها تتذكر ويموتها بجد
اتجهت هدير عند ملك وهى قاعده ساكته وسألتها
❈-❈-❈
فى حاجه مزعلك مش عجبك المكان
نظرت لها ملك بشرود وتوهان وحيرة:
دون أن تنطق
جلست بجوار منها هدير ومسكت ايديها وقالت
انتى من يوم ما خرجت من المستشفى مش بتتكلم يا حياة طمنيني عليكي
نظرت لها ملك وهى مش عارفه تقول ايه:
اتكلم فى ايه او اقول ايه وانا مش عارفه انا مين ولا ايه المكان ده والا لي اهل او لا
رجعت هدير راسها على الكرسي وقالت
يا قلبي المكان ده اسمه مأوى يحتو كل شخص ملوش مكان يقعد فيه
نظرت لها بحزن وهزت راسها
تمام
أكملت هدير وقالت
مش عايزه تعرف جيت هنا ازاى
نظرت لها ملك بحزن
الا تشوفي حضرتك
كانت هدير بتتقطع عشانها لكن خايفة عليها الخطر مش فقط اسماء وامها الخطر ممدوح لعب بحياتها هي وعيلته عشان مش يخسر مناسبة وحاول يقتلها
طيب اقولها انتى مين نفسي تخرج من الحالة دي عشان تكمل تعليمها ثم تنهد ومدت ايديها واعطتها ملف
مدت ايديها ملك وهي مستغربة وسألتها
ايه ده
ردت هدير:
ده كل حاجه تخصك لقينها بعد الحادثة بفترة
شوف الا حصل خطأ من المستشفى عندنا كان في حديثنا حصلوا مع بعض وجات ضاحيتين انتى وبنت اسمها حياة وحصل لخبطه فى تسجيل البيانات انتى انكتبت ب اسم حياة وتم عمل ليك تعمل تجميل بسيط عشان الجرح الا كانت في وشك ام حياة ماتت وسلمتها ل عايلتك وتم دفنها ولكن بعد الجرد اكتشفت الغلط ولم بحثت عن حياة وحياتك لاقيتها شبيه جدا هى بنت متفوقة فى الثانوي العامة كانت البنت راجعة من مراجعة وحصلت مشاغبات وحريق وللاسف هى كانت قريبة في اتحرقت البنت دي يتيمة وكانت عايشى مع جدتها الست الطيبة الا هناك ده وعرفت انك انتى اهلك ماتوا وملكيش حد غير بنت عمك اتجوزت وسافرت والاختيار ليكي
لتكمل ب اسم ملك او حياة صاحب المستشفى أوصى أن نتكلف بكل مصاريفك وكل حاجه تخص تعليمك الخيار ليكي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمة الفهد الجزء الثاني)
