رواية خادمة الصقر الجزء الثاني الفصل الخامس والخمسون 55 بقلم يوستينا سامى
رواية خادمة الصقر الجزء الثاني الجزء الخامس والخمسون
رواية خادمة الصقر الجزء الثاني البارت الخامس والخمسون
رواية خادمة الصقر الجزء الثاني الحلقة الخامسة والخمسون
قبل العملية بيوم 👀
نسمة نايمة في حضن فهد و متوترة جدا / انا خايفة اوي يا فهد .. تفتكر عيالنا هيجوا بالسلامة
فهد باس راسها / ايه الكلام الغلس ده . اه طبعا هيجوا بالسلامة البنت هنسميها اي قررتي
نسمة ابتسمت بتعب / اه الولد خالد و البنت خديجة لو حصلي حاجة سميهم كدة يا فهد وحياتي عندك
فهد خاف جدا علي نسمة و ضمها اكتر لحضنه / اوعي تقولي كدة ..والله انا واثق انك هتبقي كويسة اوي بس ممكن ترتاحي بقي شوية
نسمة بخوف مسكت في هدوم فهد / خليك جمبي يا فهد وحياتي متسبنيش ..
و مسكت نسمة فيه و هو اخدها في حضنه و ناموا هما الاتنين ..
_______________________________________________
في فيلا عساف او بالاصح فيلا عساف و عاصي
عاصي قاعد في الجنينة بيشتغل علي اللاب توب و لارا قربت قعدت جمبه
عاصي ببرود/ ايه اللي مصحيكي لحد دلوقتي
لارا بزعل / مش هاين عليا انك تفضل زعلان مني يا عاصي
عاصي ببرود/ وازعل ليه اساسا .. هو انتي عملتي حاجة تزعل ده انتي مش عايزة تخلفي مني بس ولا كاني متجوزك غصب يعني حاجة بسيطة اوي
متخديش في بالك
لارا بدموع/ بالله عليك ما تقول كدة .. انا بحبك اوي
عاصي / ايوة ما انا واخد بالي اووي.. بقولك ايه انا مش عايز اتكلم في الموضوع ده تاني و اعملي اللي انتي عايزاه
لارا حطت ايديها علي كتفه و زادت في العياط وحضنت كتفه / لا بلاش نتكلم انا محتاجة احضنك اوي وحياتي عندك
عاصي غمض عينه بوجع و قالها/ ليه تحضني الراجل اللي انتي رافضة تعيشي معاه
لارا / انا يا عاصي رافضة اعيش معاك …انا ..ده انا عملت المستحيل علشانك والنبي ما تقول كدة بقي والله مهستحمل
عاصي اتاثر اوي بدموعها و سحب ايديها و دخلها في حضنه وقاله/ بلاش عيااط .. ايه لازمته يعني دلوقتي
لارا بعياط/ ما انت زعلان مني. . انا هعمل ايه يعني
عاصي/ اه زعلان .. و موجوع كمان بس برضو متعيطيش انا بتغاظ لما بشوف دموعك دي
و قرب باس راسها / انا هكسر راسك يا لارا بسبب اللي انتي قولتيه النهاردة الصبح.. كدة يا لارا بقي انا بعد الايام اني اخلف ابن منك و تيجي انتي تقوليلي ناجل و اخد حبوب
منع الحمل
لارا بصتله بكسره/ قولت كدة علشان انت بتسافر كتير اوي
و عايز تحقق احلامك و انا كمان بدرس و بتعلم اكتر فكان اقتراح يا عاصي اننا ناجل الخلفة مش اكتر
عاصي ضغط علي كتفها بغل / يولع شغلك و شغلي في يوم واحد .. انا مفهمش في الكلام ده انا كل اللي اعرفه اني بموت فيكي و عايز عيال منك ..اي رايك بقي
لارا قربت منه بجرائه و حطت ايدها في رقبته و باسته بحب و عاصي مقدرش يقاومها و بادلها حبها و في الوقت ده سمعه صوت عساف
عساف / يا ولاد الكلب انتوا الاتنين .. انتوا بتعملوا ايه
عاصي / بسم الله الرحمن الرحيم.. في ايه يا عساف هو ده وقت خضة يعني
عساف / انت بتتحرش ببنتي و عايزني اسكت يلا
عاصي رفع حاجبه/ اتحرش ايه يا عمي دي مراتي و بعدين دي هي اللي باستني مش انا … اعمل ايه بتحبني اوي و مش يتعرف تقاوم حلاوتي
عساف بغيره / انت بتغيظني مش كدة يا ام الظريفة
طيب .. تعالي يا قلب ابوكي هتنامي معايا النهاردة
و شد عساف لارا من ايديها و لسه هيمشي بيه عاصي جري وراهم وقال / اقسم بالله ما هيحصل مراتي مش هتنام برا حضني الا لما اموت
لارا / اي ده … بعد الشر و بعدين يا عساف هو مخاصمني
و انا كنت بصالحه ما هو جوزي بقي
عساف / مخاصمك.. وانتي بتصلحيه بنتي انااا بنت عساف تصالح حد ليه بقي
عاصي / استغفر الله العظيم يارب…هي بتصالح حد غريب
ده انا جوزها حلالها. ما تخليك محضر خير يا حج
عساف / لا انا بقي محضر شر .. و بعدين كله الا لارا اوعي تزعلها دي روحها فيك سامع
عاصي ابتسم للارا / و انا مش بقدر ازعلها والله
و فاجأه تليفونه رن و استاذن يرد علي تامر و اول ما بعد عاصي لارا جريت علي عساف و حضنته بفرحة / اخيرا اتصالحنا يا بابا .. هو كان زعلان اوي
عساف / قولتلك اللي عملتيه غلط و مافيش واحدة بتحب جوزها و بنت اصول تعمل كدة بس خلاص اهو حصل خير .. بس عللا تفكري في كدة تاني سامعة
لارا ببتسامة/ حاضر يا روح قلبي… خد بوسة
عساف باسها بحب / اخد بوسة ما اخدش ليه يعني انا هدخل ارتاح شوية خليكي انتي مع جوزك
و دخل عساف و لقه همس واقفة على باب الفيلا مبتسمة
و فرحانا
عساف / ايه الابتسامة اللي مش مبررة دي … و بعدين واقفة كدة ليه
همس/ علشان فخورة بيك .. اه بتحب لارا اوي و متعلق بيها بس مش عايز تخرب بيتها او يحصل مشاكل بينها و بين جوزها …جدع يا عسوفتي
عساف / الواد غلبان بس مستفز .. بس بحبه برضوو
همس حضنته ببتسامة/ انت قلبك كبير اوي يا حبيبي بس قولي ليه عملت نفسك مش عارف الموضوع .ما لارا حاكيالنا
عساف بجدية/ لا طبعا ..ولو حاكية مينفعش انا اقول
مش من حق حد فينا يدخل في حياتهم يا همس و شوية بشوية انا هعودها انها متقولش اسرار بيتها و يلا بقي نطلع نرتاح شوية بكره ولادة نسمة و هنتبهدل
و طلعوا يرتاحوا هما الاتنين و عدي اليوم
________________________________________________
تاني يوم
يوم الولادة 🥳👀👀🥳
قدام العمليات فهد كان واقف قلقان جدا ويزن واقف جنبه
يزن بستغراب / اجمد يا فهد مش كده هو انت اللي بتولد
ولا هي يا ابني
فهد / والمصحف لو ما بعدت عني يا يزن لخبطك بظهر ايدي في وشك ابعد عني انا مش ناقص ..
عز / ايه ده انت ضحك بس و بعدين اجمد كده ما ينفعش عيب ده انت فهد الحديدي برده
كريم زق يزن و عز بعيد عن فهد وقالهم / مالكوش دعوة بيه ماتبقوش سخفا كدة
وانت يا سي يزن اهي ميرا في الشهر الثالث لما تولد هنعرف احساسك هيبقي عامل ازاي وقتها
يزن بص لكريم و مرديش يرد عليه بسبب خناقتهم مع بعض الاخيره و بص لميرا اللي واقفه وحاضنه ياسمين وكانت قلقانه وقال / ليه يعني انا مش هخاف طبعا دي ولاده يعني حاجه عاديه جدا
خالد بص لابنه برخامه وقاله/هو انت ليه ما دخلتش معاها العمليات مش هي قالتلك تعالى معايا
فهد / لا ما هو انا بخاف اه والله بخاف و مش هستحمل
يا خالد .
عاصي بتريقة / اصم الله عليك يا حبيبي
فهد اتغاظ منه و بص للارا / خلي جوزك يتلم علشان بترجعي بعد كدة تزعلي مني انا. .وانتي عارفة ان زعلك غالي عليا
عاصي بصدمة / وحياه امك .. مين دي اللي غالية يلاا متخلنيش ادخلك الاوضة مع مراتك جثة اظبط كدة
فهد قرب منه/ وريني حلاوتك يا جامد
معاذ / اشششس بقي .. انتوا في ايه ولا في ايه يا جدعان
و بعدين احترموا اللي واقفين انتوا مش عيال
صقر بحده / فهد ارجع اقف مكانك جمب كريم و كفاية كدة
و بص صقر لعاصي و ساله عن ادهم و خصوصا انهم اصبحوا اصدقاء جدا و ادهم حب الشغل مع عاصي و عساف في شركة السيوفي و بقوا شركاء / فين ادهم يا عاصي .. اتاخر اوي هو و جميلة
عاصي / اه هو قالي ان جميلة تعبت الصبح شوية و هيروحوا يكشفوا و يجوا ..
قمر بقلق / طيب يا صقر انا هطلع اكلمها اطمن عليها ..
نغم / استني هاجي معاكي ..
و فضلوا علي الوضع المقلق ده لحد ما خرجت الممرضة و معاها التؤام بحمدلله 👶👶
و اطمنوا عليهم لحد ما قامت نسمة و اتنقلت اوضة تانية ..
في الاوضة ❤️🤷
والد نسمة و اخوها واقفين بيلعبوا مع الاطفال ..
والد نسمة / بسم الله مشاء الله .. زي القمر حبايب جدهم
فهد بابتسامة / شبهي يا عمي مش كدة برضو
والد نسمة ابتسم و حط ايده علي كتف فهد / اه يا حبيبي يتربوا في عزك ..و يطلعوا صالحين يارب
فهد بفرحة قرب و حضنه/ ربنا يخليك ليا يا عمي
اخو نسمة / البت شبهي بالضبط علفكره يا ابو نسب مش كدة برضو يا نسمة
نسمة ابتسمت بتعب و هي في حضن نغم
صقر / ها يا ولاد قررتوا تسموهم ايه هتفضلوا مخبين كدة كتير
فهد / لا طبعا هنقول بقي ما خلاص ولدت بالسلامة
هنسمي خالد و خديجة
خالد اتصدم من كلام ابنه و بصله بفرحة و قاله / انت بتتكلم جد .. هتسميه خالد
فهد بفرحة / اه طبعا .. هو انا عندي اغلي منك يا بابا
علشان اسمي ابني علي اسمه واه البنت علي اسم والدة نسمة الله يرحمها
خالد بص لصقر بفرحة و هو بادلة الابتسامة وكانه بيقوله انا عرفت اخلي ابني يحبني بجد يا صقر و عرفت احقق اللي ابويا فشل انه يحققه ..
برا الاوضة 👀.
يزن كان واقف بيتكلم مع عز
عز باستغراب / انا مش فاهم يا اخي بقى حسن يمسك ماموريه زي دي لوحده هيبوظها هيبوظها
يزن بعصبيه /هو انا سكت يعني ما طلبت ان معتز يطلع معاه بس نعمل ايه بقى . انا مش في ايدي اي حاجه غير ادعي للماموريه دي تعدي على خير
وهم بيتكلموا مع بعض ومشدودين خرج كريم وقال /معلش
يا عز عايز اتكلم مع يزن شويه لوحدنا
عز كان فاهم السبب وابتسم وقال/ اه طبعا يا عمو بعد اذنكم
يزن كان باصص في التليفون ومش مدي اي اهتمام لكريم اما هو واقف جنبه وقاله/ انا عارف انك زعلان مني وحقك ومقدر قمستك ديت بس انا كان لازم اعمل كده
يزن بحده/ والله يعني تخبي عليا ان امي تعبانه و تسفرها بره مصر بحجه ان انتم رايحين تغيروا جو وتعمل عمليه وتشيل الرحم وانا ما اعرفش .. ليه
عايز تحرمها مني ولا لسه عايز تاخد كل الاهتمام انت لوحدك
كريم اتصدم من كلامه ا بس كان عارف ان هو بيقول اي كلام من ورا قلبه وقاله/ لا انا ما عملتش كل ده ولا كنت بفكر في التفكير اللي انت بتقوله يا يزن ياسمين هي اللي كانت رافضه انك تعرف علشان ماتخافش عليها ولعلمك بقى انا خبيت عن كل الناس مش انت بس
يزن بعصبيه/ تولع كل الناس انا لااا.. انا اللي ابنها ازاي تدي لنفسك الحق ان انت بس اللي تعرف و انا ما اعرفش ليه الأنانية دي
كريم/ لا ما تولعش كل الناس لاني عشت طول عمري وحيد انا وياسمين ومالناش اهل غير صقر وخالد وعساف وامراتهم ولما بتعب بلجالهم هم لانهم من سني وهيفهموني ويحسوا بيا و مع ذلك ماقولتش
يزن/ طيب كويس يعني مش انا بس اللي ليا الحق اني ازعل واضايق منك هما كمان …. لعلمك لو امي كان حصلها حاجه وانا مش معاها عمري ما كنت هسامحك
وفي الوقت دوت خرج صقر من الاوضه على صوت زعقهم واتكلم بحده وقال/ انا عارف انك زعلان وليك حق تزعل وتعاتب بس مش بالاسلوب ده ولا بالطريقه دي
يزن / يا صقر انت مش عارف
صقر بحده /ولا عايزه اعرف سبق وقلتلك العتاب ليه اصول ولو عديت الاصول دي يبقى ما اسمهوش عتاب .. امشي
يا يزن لان لولا ان احنا في مكان عام
انك راجل وملوي هدومك كان زماني علمتك الادب
يزن بص لصقر بغضب ومشي من المستشفى وعز خرج وراه لانه طبعا كان سامع اغلب الحوار بسبب صوتهم العالي وعاصي كمان راح معاهم
________________________________________________
برا المستشفى 🤬
عاصي/ يا ابني انا حاسس بيك والله العظيم ومقدر جدا احساسك بس برده طريقه الكلام دي ما كانتش كويسه
عز/ لا و دي تيجي يزن عمره ما هيتغير ولا هيغير اسلوبه
انا مش فاهم يا اخي انت ليه عنيف كده
عاصي / ما خلاص بقى عز بطل رخامه وانت يا يزن تعالى نشرب اي حاجه في اي حته واهدى
وفجاه و هما بيتكلموا ادهم قرب عليهم وهو وجميله اللي كان واضح على شكلها التعب والارهاق
ادهم باستغراب/ ايه ده ايه اللي وقفكم برت المستشفى كده هو في حاجة حصلت ولا ايه …الواد وش احمر ليه
عز / لا عادي ده يزن يعني انتم ايه اخباركم ..
ادهم بص ناحيه جميله اللي شكلها تعبان وقال / ابدا مافيش حاجه هي بس بقالها كام يوم تعبانة فروحنا عملنا حبة تحاليل و هتبقي تمام .. صح يا لولو
جميلة شاورت براسها بتعب و مسك في دراعه
يزن/ صح ايه بس يا ابني شكلها تعبانه قوي و انتي ايه اللي جابك يا جميله ما كنتي روحت يا بنتي ارتاحتي
ادهم/ والله غلوبت معاها وقلت هطمنها وصورلها العيال وبرده ما وافقتش وصممت تيجي بنفسها
انتوا بقي مالكم
عاصي/ لا يا عم ما فيش حاجه ده بس يزن اللي متخانق شويه مع كريم المهم خذ مراتك و ادخلوا شكلها تعبانة اوي … الف سلامة يا دكتورة يا جميلة
جميلة ابتسمت و بصوت ضعيف / الله يسلمك ..
و فعلا ادهم اخدها ودخل جوه يطمن عليهم وكلهم فعلا كانوا قلقانين جدا على جميله ونغم قالت اني اكيد جميله حامل بس كانوا مستنين التحاليل
وبعد فتره قليله كان كريم وصقر وخالد قاعدين في الكافيه بتاع المستشفى وفجاه يزن جه ومعاه ادهم وعاصي علشان يعتذر لكريم
يزن باحراج/ انا عارف انك زعلان مني وليك حق وانا كمان ليا حق ازعل اصل دي امي يعني وخايف عليها بذمتك انا لو كنت مكانك وعملت كده كان هيبقى رد فعلك
كريم ابتسم وقرب واخده في حضنه وقاله / ليك حق تزعل وكنت هعمل زيك واكتر كمان بس انا ماكانش ينفع ازعلها وهي تعبانه وكمان كنت خايف عليك انت كنت بتحاول ترجع اسمك في الشغل تاني وبتثبت نفسك ..كنت خايف اي حاجه تذبذب
يزن بحده خفيفه قاله/ انا اولع لكن امي لا ولو حصل اي حاجه ثانيه لازم تبلغني سامع
خالد ضحك/ متعلق هو قوي بامه ماشي يا عم
والحمد لله الاثنين اتصالحوا وقعدوا مع بعض في الكافيه وبعدها كل واحد فيهم اخذ مراته وانسحب وسابوا فهد مع نسمه اللي صمم ان هو بس اللي يقعد معاها
_______________________________________________
في الاوضة 🤧
نسمة نايمة علي السرير تعبانة و فهد قاعد علي الكرسي جمبها
نسمة بتعب / مش مصدقة انهم جوم بالسلامه يا فهد بجد
فهد باس ايديها بحب / اه الحمدلله و نايمين كمان
نسمة البت خديجة مزة شكلها هتطلع عينيها لما تكبر
اللي عملته في الناس هيطلع عليا
نسمة ضحكت بتعب / حرام عليك ..انا في ايه ولا ايه يا فهد حرام عليك ..و بعدين انت ليه مش واخد بالك من خالد كدة خالص .. ايه لسه واخد موقف
فهد / موقف ايه انتي عبيطة .. ده انا اول ما بصت في عينيه قلبي اتحرك و اتخليته و هو واقف جمبي طولي بيتخانق معايا زي ما انا بعمل مع خالد
نسمة بتعب / ربنا يخليك ليهم .. فهد تعالي نام جمبي علي السرير نفسي اناام متعودة انام في حضنك
فهد غمز بعينيه / للدرجة دي وحشتك .. يا بت ده احنا في المستشفى
نسمة ابتسمت بتعب/ عمرك ما هتتغير هتفضل سافل
بس بحبك اعمل ايه يعني
فهد بدا ينام جمبها براحة و هو بيضحك / استسلمي لفهد حبيبك.. خش في حضن اخوك يا فواز
و اخدها في حضنه و كان هو اللي معاها و هي في المستشفى و بيعملها ادق التفاصيل و كان بيغير جدا جدا
من فكره ان حد يساعدها غيره
و الحمدلله خرجت نسمة و نغم جات جمبها و سندها
و بعد فتره عملوا العقيقة و معاذ و سيلين اتجوزوا بعدها بفتره قليلة ..
تيجوااااا نروح بالزمن 🙈
بعد مرور حوالي سنتين 🤷
في شركة عاصي كان بيحتفل بنجاح صفقة العمر
هو و كل الموظفين
تامر بفرحة / الف مبروك يا عاصي .. حلمت و ادي حلمك بيتحقق
عاصي ابتسم / مش مصدق ان احلامي اللي كنت بحلمها انا و انت بقت حقيقة قدام عيني بس البركة في عساف هو اللي ساعدني اوصل لده
تامر/ بجد يا بختك بيه هو طيب اوي و بيحبك اوي
عاصي ببتسامة / وانا كمان .. ابويا التاني
و فاجأه و هما بيتكلموا دخلت لارا او بمعني اصح المهندسة لارا صاحبة اكبر معرض عربيات و اللي عاصي دخل شريك معاها فيه علشان يشجعها تكمل حلمها و خصوصا بعد ولادة ادم عاصي السيوفي
لارا و هي شايلة ادم / الف مبروك يا عاصي .. ادم قول لبابا مبروووك
عاصي بفرحة قرب حضنها و شال ادم منها / الله يبارك فيكي يا روحي .. انا مش مصدق يا لارا انا حلمي بيتحقق قدام عينيا
لارا ببتسامة / ايوااا .. علشان انت قد اي حاجة صعبة و علشان ربنا بيحبك بجد
عاصي قرب و باسها من راسها / ايوة صح .. ربنا بيحبني اوي علشان رزقني بيكي انتي و الباشا ده
و رفع ادم بهزار/ وحشتني اوووي .. جاي تطمن علي ابوك مش كدة .. تعالي بقي يا ادم باشا اقعد علي مكتب ابوك
ادم مسك في بدلة عاصي و قال بصريخ/ نوووووو
لارا ضحكت / ابني يا ناس خريج مدارس انترناشونال مش واخد بالك انت
عاصي/ يسلام.. يعني هو انت خريج مدارس زراعية يعني ولا ايه
لارا ضحكت جامد / خلاص يا غلس .. بقولك يلا علشان عساف مستنيك عازمك في مطعم خالد
عاصي / اه علشان ميدفعشي .. ناصح برضو
يلا بينا يا ستي
و قبل ما عاصي يمشي راح لتامر اللي كان واقف مع الموظفين و قاله / تامر متنساش اللي قولتلك عليه
تامر بحزن/ انت لسه مصمم يا عاصي ما تسيبك بقي الكلام ده
عاصي / تامر ارجوك اسمع الكلام صدقني انا هرتاح كدة
و خرج عاصي و راحوا يقضوا اليوم مع عساف و همس..
و فعلا عاصي وصل للي في دماغه و اخد تصريح بزيارة مختار و راحله بعدها باسبوع علشان يشوفه.
_______________________________________________
في السجن 🤦🤦🤦
مختار اول ما شاف عاصي اتصدم ووقف بزهول / ايه ده انت اللي جايلي نفسك يا ابن اخويا..طب والله فيك الخير .. بس ازاي وانت السبب في رميتي دي اتفوو عليك عيل سوو
عاصي بصوت واطي لكنه بغل قاله / لو كنت اطول اجيبلك اكتر من 15 سنة يا مختار كنت عملت كدة
كان نفسي اشنقك .. اه والله كان نفسي اشوفك بنتعذب كل يوم قدام عيني او مشلول علي كرسي بعجل
مختار بغل / وانت بقي جاي علشان تشمت فيا …
و قعد يضحك مختار بستفزاز / لو فاكر انك خلاص هترتاح مني تبقي غبي لاني زي القطط بسبع ارواح و عمرك ماهتخلص مني و هطلع يا عاصي و حياتك عندي لاطلع
عاصي ضحك / ده انت بتحلم يا مختار .. اه والله
يتحلم تلاقيك بس وانت نايم هنا يا حرام مش بيدوك بطانية فبتستهوي .. لكن الحقيقة انك هتموت في السجن ده و هتعفن فيه لاني عمري ما هاجي استلم جثتك … يا رخيص ياللي بعت اختك …. اتفوو عليك
و قام عاصي من مكانه و اتمشي بعيد و ابتسم بخبث و لف وشه لمختار و قاله./ واه علفكره انا اتجوزت لارا بنت عساف و بصراحة الفضل يرجعلك لاني عرفتها عن طريقك و خلفت منها احلي ابن .. واه الشركة بقت من اكبر الشركات و باسمي اناااا عاصي السيوفي و شريكي الجديد عساف حمايا
مختار معالم الغضب و الكره كانت مرسومة علي وش مختار و مقدرش انه يخفيها و عاصي ابتسم علي شكله
و قاله / اهو انا جيت هنا علشان اشوف شكلك وانت كدة .. بدعي كل يوم في الفجر زي ما ابويا معودني اني اسمع خبرك بسرعة قبل ما انا اللي اقتلك
و سابه عاصي و مشي ..
في الفيلا ✨👀
لارا بخوف كانت ماسكة التليفون و عمالة ترن علي عاصي بخوف/ لسه بس يا تامر سبته يروح لمختار ده لوحده
وعد. / اهدي بس يا لارا .. ده مسجون يعني عمره ما هياذيه
لارا/ انا خايفة علي عاصي .. جوزي موجوع ده بينام يحلم بانه انتقم منه و خلص عليه علشان كدة مكنش ينفع تسيبوه
همس/ طب ما يمكن المشوار ده بجد يهون عليه جدا يا لارا .. استني لما يرجع و اعرفي منه ..و خير والله
و فاجاه و هما بيتكلموا الباب اتفتح و دخل عاصي و لارا جريت عليه حضنته
عاصي ببتسامة/ اهدي يا حبيبتي مالك بس . هو انا راجع من السفر يا لارا
لارا بخوف / ليه روحتله ..ليه يا عاصي حرام عليك انا قلبي كان هيقف من الخوف
عاصي باس راسها / طيب ممكن تهدي و كفاية الخوف ده بقي و بعدين ده كلب ولا يسوي اننا نخاف منه
لارا / بس برضووو مافيش سبب انك تروح يا عاصي
عاصي /في يا لارا كان لازم اخد حقي ولا كنت عايزاني افضل بعد العمر ده كله ساكت .. اخيرا قدرت اقف و احط عيني في عينه واقوله اني اخذت حق ابويا واخذت حقي اللي عشت طول عمري بدور عليه كان لازم اعمل كده
تامر قرب منهم / خلاص بقى يا جماعه الكلام ده ملوش اي لازمه الحمد لله ان هو رجع بالسلامه وشكله مرتاح يبقى خلاص الموضوع اتقفل
لارا ابتسمت وقالت / عندك حق المهم دلوقتي ان هو ارتاح وخرج كل اللي في قلبه ..
وطلعت لارا هي وعاصي يرتاحوا وعساف لما عرف ان هو عمل كده فرح لان هو قدر يخرج كل شحنه الغضب اللي في قلبه
_______________________________________________
وبعد مرور خمس سنوات تاني ..
تيجوا اعرفكم على احفاد عيله الحديدي 🙈
ادهم وجميله خلفوا وبنت اسمها جميله وولد اسمه جاسر🌸
وعاصي ولارا اللي كانوا مخلفين ادم وروحهم متعلقه فيه وخلفوا كمان بنت وسموها هنا
ويزن وميرا خلفوا ولد اسمه ليث ولسه حامل وما يعرفوش بنت ولا ولد بس يزن رافض فكره البنت🤦
ومعاذ وسيلين خلفه بنت وسموها تالين🌼
وطبعا فهد ونسمه مخلفين التوام خديجه وخالد وبنوته كمان بس مظلومه جدا وسطهم اسمها فرح
ودي عشق نغم 🎊
واخيرا كارمن وعز اللي خلفه ولدين واخدين شقاوه امهم بطريقه مجنونه واحد اسمه سيف والثاني اسمه اياد وسيف يعتبر صديق ليث المقرب ومعروفين بالتوام المصايب 🤷
في بيت كريم ..
يزن كان خارج من الاوضة و هو متعصب اوي و قافل الباب وراه جامد
كريم بخضة / يا ابني اكسره احسن بدل ما انت كل خمس دقايق ترزعه
يزن قعد علي الكرسي/ والنبي يا حج سيبني في اللي انا فيه …انا علي اخري
كريم/ في ايه.. حصل ايه لكل العصبية دي
يزن / الهانم لبسها زي الزفت .. علي اخر الزمن مراه يزن تبقي كدة ما تنزل بمايوه احسن ما ده اللي ناقص
كريم ابتسم / يخربيت غيرتك دي .. ياض اتلم متفضلش تزعق كدة كل شوية قدام ابنك بقي يلقط منك
يزن / ايه المشكلة لما يلقط .. علي الاقل يبقي راجل ملوي هدومه كدة زي ابوه
كريم ابتسم و فاجاه لقوا ليث ابن يزن واقف قدامهم اللي كان عنده لدغة في اغلب الحروف واقف و هو متعصب اوي
ليث بعصبية / هو انت ليه وحث كدة .. مامي بتعيط بسببك
يزن رفع حاجبه / انت بتعلي صوتك علي مين يا ابو لسان و نص انت و بعدين اي مامي دي ..اسمها ماما
ليث رفع حاجبه زي يزن و بدا يتكلم بنفس أسلوبه/ انا اعلي صوتي براحتي .. كله الا ميرا سامع ولا لاء
وانا اللي هقفلك .. ماسي ولا مس ماسي
يزن بصدمة/ نععععم
كريم فضل يضحك جامد/ ايوا كدا يا ليث اديله
انا عايزك تربيه علشان هو بيستهبل اوي و سايق فيها
يزن بدهشة / ايه يا حج .. انت عاجبك اللي هو بيعمله ده
كريم يشماتة/ اووووي 😂🤷
يزن مسك ليث من التيشرت و قاله / ولا انا ابوك مش واحد صاحبك اوعي تتكلم معايا كدة تاني احسن ارنك علقة تظبطك
ليث و هو متعلق من قفاه / مس هتقدر تعملي حاجة
جدو هيحميني انا عايف .. و بعدين انا مش مرتاح فوق وانا متعلق ..نزلني
يزن بزهول / ما ترد عليه يا جدو هقدر اعمله ولا لاء
كريم و هو عمال يضحك/ الصراحة يا يزن متقدرش
الواد ده هيطلع قوي و مفتري بجد
يزن/ انا حاسس بكدة برضوو .. .
يزن نزل ابنه علي الارض و قاله / روح لامك خليها تلبسك علشان نلحق نروح عيد ميلاد جميلة الصغيره
ليث بفرحة/ ايوة نروح انا بحب جميلة اوي عيونها خضراا .. انا هروح لماما تلبسني بسرعة
و جري ليث علي الاوضة بسرعة و يزن كان قاعد بيضرب كف علي كف
كريم و هو بيضحك/ ابنك بيعلق بنت ادهم و جميلة انت متخيل يا يزن
يزن بحسره/ متخيل يا حج .. بس بصراحة عنده حق البنت جميلة تتاكل اكل كدة .. ولا لما بتضحك قلبي بيطلع من مكانه
كريم / الله يبقي انت بتحب البنات اهووو ليه مش حابب تخلف بنت
يزن / لااا .. احبهم من بعيد لبعيد انا اصلا مش بعرف اتعامل معاهم
كريم/ وانت عارف تتعامل مع ليث اوي يا شيخ اتلهي
و بعدين حرام عليك بطل تنكد علي ميرا دي حامل
يزن / يعني تلبسلي بلوزة مفصلة جسمها و اسيبها ولا ايه مش فاهم ..والنبي يا حج خليك في حالك
كريم/ ماشي انا هبقي اكلم ليث قلب جده ياخدني حقي من عينيك .. جاتك الهم انا قايم البس
ولسه كريم هيقوم من مكانه لقه ليث خارج تاني من غير البنطلون وقال/ على فكره بقى انا مش هكمل لبسي غير لما تيجي تصالح ميرا وتقولها انا اسف ومش هعمل كده تاني
كريم قعد يضحك على شكل ليث وهو بيتكلم بجديه وهو قالع البنطلون اصلا
يزن بصوت عالي وعصبيه / ولا ما تدخلش في اللي مالكش فيه واجري كمل هدومك يلا واما والله يا ليث هضربك
ليث بصله بعصبيه وغيظ / وانا مش رايح في حته ولا انا ولا ميرا روح بقى لوحدك انا هكلم جدو صقر يجيلك
وسابهم ودخل تاني يقعد مع ميرا في الاوضه وكريم بص لابنه بضحك وقاله / ابنك هيربيك والله العظيم عيل بيفهم ..
________________________________________________
في فيلا الحديدي
في الجنينه فهد كان واقف هو وخالد الصغير بيعلقوا الزينه في الجنينه
خالد / على فكره بقى غلط اللي انت بتعمله ده كده انت هتوقع انزل وانا هطلع مكانك
فهد بضحك / اموت واعرف جايب الجراءه دي كلها منين ده وانا في سنك واكبر كمان كنت بطلع اي حد على السلم عشان خايف
خالد بضحك / لا بصراحه هو انا كمان خايف بس طول ما انت على السلم انا عندي فضول اوقعك من علي السلم … مش عارف ليه كده
فهد قعد يضحك بعلو صوته وقاله/ كده انت ابني بجد انا فخور بيك يا خالد والله اوعى تقول الكلام ده قدام اي حد جدك او جدتك عشان هيولعوا فيها انا وانت
وبعد ما اخلص فهد تعليق كل الزين نزل من على السلم واخذ ابنه في حضنه وقعدوا على الارض / خالد بقولك ايه انت وعدتني انك تركبني النهارده خيل نفذ بقى وعدك كارمن ركبت امبارح خديجة
فهد / اه ما انتوا هتعملوا عليا حفله انت وسيف واياد وكمان ابن يزن لما يجي انا ناقص اصلي .. عموما انا قلت لعاصي وهو بيركب حلو قوي خيل وهيركبكم عليه ويدلعكم كمان
خالد بزعل / لا اوعى تقول ان انت مش بتحب الخيل وخايف والله يا فهد ازعل منك
فهد باحراج / هو من ناحيه اللي انا خايف فانا بخاف منهم
يا حبيبي والله … انا مش عارف طالع بتحب الخيل زي جدك ليه كدة .. صحيح اسم علي مسمي
وفجاه وهما بيتكلموا جريت خديجه وجميله وتالين
على فهد علشان يلعبوا معاه ومعاذ كان لسه في الجامعه علشان كان عنده محاضرات او اقصد الدكتور معاذ والدكتوره سيلين ..
________________________________________________
الحلقة الاخيره الجزء التاني 🌹
في شقه كريم
يزن قرر يدخل للاوضه عند ميرا وليث واتفاجئ اني ميرا عماله تعيط وليث قاعد جنبها بيقول / خلاص بقى ماتزعليش نفسك انا وقفتله ثقي فيا بس المهم لما يرجع يصالحك اوعي تتكلمي معاه وخلي عندك كرامه
ميرا بعياط/ لا انا مش هكلمه تاني خالص كفاية اللي هو بيعمله فيا و مش مقدر اني تعبانة
ليث/ ما انتي كل مره بتقولي كدة يا اختي و اول ما يقولك متزعليش تقومي تحضنيه .. ما انا بشوف كل حاجة
يزن بغيظ / ده انت سوسه .. يخربيت خبثك و بعدين بتقويها عليا يلاااااا ده انا ابوك
ليث / اه امي غلبانة انت اللي بتغلس عليها
يزن/ عجبك كدة يا ميرا .. ردي عليه و قوليله اني حبيبك
و انه ميدخلش بينا تاني
ميرا بصت ليزن بزعل و دموعها علي خدها و يزن قرب منها و باس راسها و قعد قدامها/ طب ليه الدموع دي كلها انا مش فاهم .. كل ده علشان شخطة و عصبية يا ميرا .. ما انتي عارفة عارفة اني غبي شوية
ميرا بعياط / لا يا يزن..انت بتعاملني وحش اوي وانا مش عارفة ليه كدة .. أنا عملت ايه لكل ده
يزن شدها لحضنه / يا حبيبتي حقك عليا .. كفاية عياط بقي يا ميرا و بعدين ما انتي عارفة اني بغير عليكي و انتي بتستهبلي و لابسة بلوزة قصيره جدا
ميرا/ ما انا مافيش حاجة جاية مقاسي علشان الحمل هو انا ذنبي يعني يا يزن … ما كله من ابنك
يزن ضحك و باسها من خدها/ ياه للدرجة دي انا وحش اوي كدة .. خلاص يا قلب يزن حقك عليا بقي
ليث بصدمة / شوفتي بتضعفي ازاي .. يا ستي خدي موقف بقي انا تعبتلك
يزن بحده/ امشي يا كلب اطلع برااا روح لجدك يلا يا سوسة
ليث / ماشي ..هخرج علشان تستفرد بيها براحتك
و خرج ليث و يزن قرب من ميرا و باسها بحب/ عجبك ابنك ده .. حاسه ضرتي والله
ميرا ضحكت/ بياخد حقي ما انا مش عارفة اخد معاك لاحق ولا باطل
يزن / خلاص بقي يا ميرا حقك عليا …. انا هاخدك دلوقتي و ننزل نروح اي مكان تجيبي منه هدوم حلووة و مريحة.. اي رايك
ميرا / ماشي بس بسرعة بس علشان منتاخرش علي جميلة
و فعلا راحوا هما الاتنين جابوا هدوم و راحوا حفلة العيد ميلاد و معاهم القرد ليث و كريم و ياسمين كانوا سابقوهم
________________________________________________
في الفيلا✨✨
كارمن كانت بتلبس عيالها الاتنين سيف و اياد
كارمن بتعب / يا ابني انت و هو انا تعبت ..اقفوا بقي خليني اعرف البسكم
سيف و هو بيتنطط علي السرير / لاء لاء .. انا عايز اروح لليث زمانه وصل بقي
كارمن / طب البس هدومك و أنزله
و في الوقت ده اياد اللي اصغر منه كان عايز يجري من علي السرير بس كارمن قافشته من بنطلونه / حتي انت يا قزم عايز تهرب مني .. اقف يلا انت و هو بدل ما ازعلكوا
عز دخل الاوضة و هو بيضحك / نفس المعاناه بتاعة اي خروجة .. في ايه اللي حصل يا كارمن
كارمن / كويس انك جيت . حلق انت علي سيف و انا هحلق علي اياد
عز بضحك/ ايه يا اما جو عسكر و حرامية ده .. سيبيهم خلاص انا هلبسهم
سيف / انا مش عايز البس انا مرتاح كدة ..محدش ليه دعوة بيا انا حر
عز بحده/ ولاااا … البس البنطلون ولا انت حابب تقلد ليث ابن يزن و خلاص .. يلااا
سيف بخبث/ اي ده طب انت بتتعصب ليه عليا ..حاضر هلبس دلوقتي اهووو
كارمن بصدمه / اه يا واد يا سهن .. عيالك دول كدابين كدب يا عز شبهك
عز بصدمة/ نعععععم
كارمن / اه و المصحف .. يلا لبسهم بقي عقبال ما انا كمان اجهز
وقعد عز مع عياله لحد ما جهزوا كلهم ونزلوا الجنينه وكانوا كلهم اتجمعوا علشان عيد ميلاد جميله ..
في الجنينة 🌹
ادهم كان شايل بنته جميلة و جاسر في حضن جميلة الكبيره
قمر / يلا بقي نغنيلها .. قلب جدتها دي يا ناس
نغم/ ايوة .. ايه العيد ميلاد السكيتي ده .. يلا بقي يا ولاد غنوا
ليث/ ايوة ادولي فرصتي انا بقي .. انا بحب جميلة محدش هيغنيلها غيري انا
معاذ قرب منه و حط ايده علي بوقه / لا والنبي بلاش انت .. اصل ده عيد ميلاد والله
ادهم بغيره رفه حاجبه و قال/ بتحب مين يلا انت .. ما تلم ابنك يا يزن بدل ما المهولك اناا
يزن / لا انا مش قادر عليه يا حبيبي .. اعمل اللي انت عايزه
ادم ابن عاصي بغيره / لا انا اللي بحب جميلة يا ادهم ..
ما تقوليلهم يا جميلة
عاصي / يا صلاه النبي احسن .. جميلة مدوباهم اتنين
معاذ / ايه ده .. انتوا للدرجة دي معرفتوش تربيوا يا جماعه
فهد / بس والنبي انت خالص .. ده اياد ابن كارمن معلق بنتك ورا الشجره و بقاله نص ساعة بيقنعها انه ياخد بوسة و مش هيقول لحد
معاذ / نعععععم تالين بنتي انااا .. طبعا ما ابنها خبره
بتتت يا تالين
خالدقعد يضحك و كان شايل فرح بنت فهد علي رجله و قالها / عجبك اللي بيحصل ده يا ست فرح
فرح ضحكت و استخبت في حضنه
خالد باس راسها و قال / خلاص يا جماعة بس و يلا نطفي الشمع و بعد كدة كل واحد يشوف فين عياله
نغم / ايوا بقي .. يلاااا
و بدوا يحتفلوا و العيال كانت مبسوطة اوي انهم متجمعين مع بعض
صقر بص لخالد بفرحة و كانه بياكدله انه فاهم احساسه
صقر رفع عينيه للسما و قال في سره / ياااه خلاص كدة العيال اللي كنت بكبرهم حواليا بقوا طولي .. بقول رجالة فاتحين بيوت و عندهم عيال
حكمتك يارب
قرب عساف جمبه و ابتسم/ عارف احساسك يا صقر ربنا يخليك ليهم .. البيت ده اتبني بيك انت
صقر دمع و قال / كان ناقص جاسر .. عارف يا عساف خايف كلنا نتجمع و ناخد صورة و ادور عليه و مالقهوش فيها
عساف / لا ماتقولش كدة… السنة دي جاسر حفيده معانا و اسمه جاسر برضو يعمي معانا معانا صح ولا ايه و بعدين بص انا لقيت ايه امبارح في ورقي القديم
صقر اخذ منه الورقه ولقى الصوره اللي كانوا كلهم متصورينها من اكثر من 25 سنه و مكتوب عليها جزء من خواطره كان كاتبها .
و كانت بتقول …..
حياتي كانت مثل النيرا*ن
و الحب كان بالنسبه لي آخر شي .. عملي كان الاهم
ولكن الآن ادركت معني الحب بوجود عائلتي بجانبي و اصداقائي ، أصبحت ابتسامتي علي وجهي أكثر بوجودهم جانبي نعم ..الفلوس ليست كل شي أحيانا الفلوس الذي تكون معانا تهلك حياتنا وتجعلها الم ووجع قلب
ولكن حب العائلة هو الدفئ الذي كنت ابحث عنه من يوم نشاتي .
صقر ابتسم اول ما شاف الصوره والكلام المكتوب عليها وقال / العيله كبرت قوي يا عساف مين يصدق اني شايف احفادي قدام عينيا
خالد و كريم قربوا منهم
خالد حط ايده على كتفه وقاله/ بس شايفهم اهم قدامك .. الحمد لله على النعمه دي ..عارفين كنت فاكر اني فشلت اكون اب كويس بس كل ما اشوف فهد و كارمن و عيالهم بحس اني مفشلتش
صقر بحب بصلهم وقال / احنا غلطنا كتير لاننا بشر بس ربنا عشان حنين علينا طلع عيالنا رجاله بجد
بص يا صقر ناحية يزن / راجل وملوي هدومه ويعتمد عليه بجد ..عصبي شويه بس قلبه ابيض
وبص ناحيه فهد وقال / اغلب واحد فيهم عمره
ما ازعل حد نسخه نغم تانيه بس علي راجل .. قادر يحتوي مراته و عياله اوي
و بص ناحية كارمن و جميلة/ كارمن اخذت منك يا خالد كتير ومني انا كمان عارفه تكون ام بجد وزوجه يا بخت عز بيها ويا بختها بعز ابن اصول بجد
جميلة فعلا اسم علي مسمي … ما كنتش متخيلها مع راجل تاني غير ادهم هتقدر تستحمله هو محتاج حد زيها …زي قمر يقدر يغير بجد
حنيتها تقدر تخليها تسيطر على كل حاجه حواليهت متغير حتي ما تطلب .
صقر بص ناحيه معاذ متاثر قوي وقال/ ده بقى نسختي انا وخالفتي وده اللي اقدر اقول عليه كبير عيله الحديدي اللي هيقدر يشيل مسؤوليه اخواته لو حصلنا حاجه انا وانت يا خالد
اخذ عقلي واجتهادي في شغلي واخذ حنيتك و طيبتك يا خالد بتمنى انه يقدر يجمع العيله فعلا من بعدنا ..
وفاجاه قرب منهم عاصي وهو مبتسم وقال / هو القعده الحلوه دي بقى مالها في ايه قاعدين لوحدكم ليه انشاء الله…ما تقربوا معاذ عمال يقول ناخد صورة مع بعض
صقر بص لعساف ضحك/ قلتلك هيجي ميعاد الصوره يلا نروح نتصور يا سيدي
وفعلا قربوا علشان ياخد الصوره مع بعض وخالد ضحك بصوت عالي وقال / كل شوية الصوره بتكبر واشخاص جديده تظهر .. ويا عالم السنه الجايه مين هينقص منها
نغم خبطته في بطنه قالتله/ كفايه بقى الكلام ده اتفائل يا ابني … يلا يا معاذ خذ الصوره قبل ما اتجلط
معاذ / طيب اضحكوا بقي خلينا نخلص ..و انت يا صقر تعالي اقف جمبي
صقر / لا انا مكاني هنااا وسطهم جمب خالد و قمر و نغم .. يلا صور يا ابني
وفعلا اخذ الصوره اللي بتجمع عيله الحديدي من اول جيل وهو صقر و قمر وخالد و نغم وعساف و همس وكريم و ياسمين
لتاني جيل وهو معاذ وسيلين وادهم وجميله وفهد ونسمه ويزن وميرا وكارمن وعز وعاصي ولارا
و تالت جيل الاحفاد خديجه وخالد وفرح وتالين وهنا وادم و سيف و اياد و ليث و جميلة
صمم صقر كمان ان حد متخصص في الرسم يرسم جاسر وقمر جنبهم في الرسمه واحتفظ بالصوره دي في الفيلا
و بكدة تكوووون خادمة الصقر انتهت للابد الحمدلله 🤧
ممكن اقول كلمه انا بقى انا كيوستينا سامي✍️ انا حبيت الرواية دي اوي و بجد انا واثقة اني عمري ما هحب قصة كدة .. و مش مصدقة انها خلصت ابدا
و بجد شكرا اوي اوي انكم في حياتي انا بحبكم اوي
انتوا كنز و نعمة كبيره اوي محدش هيحس قيمتها بجد الا اللي كان محتاجها زي .. شكرا 🙈💋❤️🌷
خلصت الحكاية🎊
لقراءة الرواية كاملة اضغط على : (رواية خادمة الصقر الجزء الثاني)
